საქართველოს შრომის კანონთა კოდექსში ცვლილებებისა და დამატების შეტანის შესახებ

საქართველოს კანონი

საქართველოს შრომის კანონთა კოდექსში ცვლილებისა და დამატების შეტანის შესახებ

მუხლი 1. საქართველოს შრომის კანონთა კოდექსში (საქართველოს სსრ უმაღლესი საბჭოს უწყებები, 1973 წ., №6, მუხ. 118) შეტანილ იქნეს შემდეგი  ცვლილება და დამატება:

1. 30-ე მუხლის პირველი ნაწილის „გ“ ქვეპუნქტი ჩამოყალიბდეს შემდეგი რედაქციით:

„გ) სამხედრო სამსახურში შესვლა, გარდა 110¹ მუხლით გათვალისწინებული შემთხვევისა;“.

2. კოდექსს დაემატოს შემდეგი შინაარსის 110¹ მუხლი:

     „მუხლი 110¹. სამხედრო ვალდებულთა შრომითი გარანტია

სამხედრო სავალდებულო სამსახურში გაწვეულ მუშებსა და მოსამსახურეებს ენახებათ სამუშაო ადგილი (თანამდებობა) ხელფასის შეუნარჩუნებლად.“.

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი ე. შევარდნაძე

თბილისი,

2002 წლის 21 ივნისი.

№1535 –  IIს