"საჯარო სამართლის იურიდიული პირის - სამოქალაქო რეესტრის სააგენტოს დებულების დამტკიცების შესახებ" საქართველოს იუსტიციის მინისტრის 2006 წლის 30 იანვრის №209 ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
საქართველოს იუსტიციის მინისტრი ს
ბრძანება №76
2011 წლის 29 ივნისი
ქ. თბილისი
„საჯარო სამართლის იურიდიული პირის – სამოქალაქო რეესტრის სააგენტოს დებულების დამტკიცების შესახებ“ საქართველოს იუსტიციის მინისტრის 2006 წლის 30 იანვრის №209 ბრძანებაში ცვლილების შეტანის თაობაზე
„ნორმატიული აქტების შესახებ“საქართველოს კანონის მე -20 მუხლის მე-4 პუნქტის შესაბამისად, ვბრძანებ:
მუხლი 1. „საჯარო სამართლის იურიდიული პირის – სამოქალაქო რეესტრის სააგენტოს დებულების დამტკიცების შესახებ“საქართველოს იუსტიციის მინისტრის 2006 წლის 30 იანვრის № 209 ბრძანებით (სსმ III, 2006წ., N12, მუხ. 138) დამტკიცებულ ი დებულებ ის მე-8 მუხლს დაემატოს შ ემდეგი შინაარსის მე-4 და მე-5 პუნქტები:
„4. სამმართველოს/სამსახურის უფროსის მოადგილე:
ა) ხელს აწერს ან/და ვიზას ადებს სამმართველოში/სამსახურში მომზადებულ დოკუმენტებს;
ბ)ანაწილებს მოვალეობებს სამმართველოს/სამსახურის მოსამსახურეთა შორის, აძლევს მათ სათანადო დავალებებსა და მითითებებს, აკონტროლებს მათ მიერ სამსახურებრივი მოვალეობების შესრულებას;
გ) ასრულებს სააგენტოს თავმჯდომარის, მისი ერთ-ერთი მოადგილის ან/და სამმართველოს/სამსახურის უფროსის სხვა დავალებებს.
5. სამმართველოს/სამსახურის უფროსის მოადგილის საქმიანობის სფერო განისაზღვრება სააგენტოს თავმჯდომარის ინდივიდუალურ ი ადმინისტრაციულ-სამართლებრივი აქტ ით .“.
მუხლი 2. ეს ბრძანება ამოქმედდეს გამოქვეყნებისთანავე.
ზ. ადეიშვილი