საქართველოს კონტროლის პალატის ერთიანი რეგლამენტის დამტკიცების შესახებ

საქართველოს კონტროლის პალატის ერთიანი რეგლამენტის დამტკიცების შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:Tahoma; panose-1:2 11 6 4 3 5 4 4 2 4;} @font-face {font-family:SPLiteraturuly;} @font-face {font-family:LitNusx;} @font-face {font-family:Geo_Times;} @font-face {font-family:GeoDumba;} @font-face {font-family:Geneva;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; font-family:"Times New Roman","serif";} h1 {margin:0in; margin-bottom:.0001pt; text-align:center; page-break-after:avoid; font-size:14.0pt; font-family:"Geo_Times","serif"; font-weight:bold;} h2 {margin:0in; margin-bottom:.0001pt; text-align:center; page-break-after:avoid; font-size:16.0pt; font-family:"LitNusx","sans-serif"; font-weight:bold;} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:12.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; font-family:"Times New Roman","serif";} p.MsoList2, li.MsoList2, div.MsoList2 {margin-top:0in; margin-right:0in; margin-bottom:0in; margin-left:.5in; margin-bottom:.0001pt; text-align:justify; text-indent:-.25in; line-height:150%; font-size:12.0pt; font-family:"LitNusx","sans-serif";} p.MsoList3, li.MsoList3, div.MsoList3 {margin-top:0in; margin-right:0in; margin-bottom:0in; margin-left:.75in; margin-bottom:.0001pt; text-align:justify; text-indent:-.25in; line-height:150%; font-size:12.0pt; font-family:"LitNusx","sans-serif";} p.MsoList4, li.MsoList4, div.MsoList4 {margin-top:0in; margin-right:0in; margin-bottom:0in; margin-left:1.0in; margin-bottom:.0001pt; text-align:justify; text-indent:-.25in; line-height:150%; font-size:12.0pt; font-family:"LitNusx","sans-serif";} p.MsoList5, li.MsoList5, div.MsoList5 {margin-top:0in; margin-right:0in; margin-bottom:0in; margin-left:1.25in; margin-bottom:.0001pt; text-align:justify; text-indent:-.25in; line-height:150%; font-size:12.0pt; font-family:"LitNusx","sans-serif";} p.MsoListBullet3, li.MsoListBullet3, div.MsoListBullet3 {margin-top:0in; margin-right:0in; margin-bottom:0in; margin-left:.75in; margin-bottom:.0001pt; text-align:justify; text-indent:-.25in; line-height:150%; font-size:12.0pt; font-family:"LitNusx","sans-serif";} p.MsoBodyText, li.MsoBodyText, div.MsoBodyText {margin-top:0in; margin-right:0in; margin-bottom:6.0pt; margin-left:0in; text-align:justify; text-indent:34.0pt; line-height:150%; font-size:12.0pt; font-family:"LitNusx","sans-serif";} p.MsoBodyTextIndent, li.MsoBodyTextIndent, div.MsoBodyTextIndent {margin-top:0in; margin-right:0in; margin-bottom:6.0pt; margin-left:.25in; text-align:justify; text-indent:34.0pt; line-height:150%; font-size:12.0pt; font-family:"LitNusx","sans-serif";} p.MsoListContinue2, li.MsoListContinue2, div.MsoListContinue2 {margin-top:0in; margin-right:0in; margin-bottom:6.0pt; margin-left:.5in; text-align:justify; text-indent:34.0pt; line-height:150%; font-size:12.0pt; font-family:"LitNusx","sans-serif";} p.MsoListContinue3, li.MsoListContinue3, div.MsoListContinue3 {margin-top:0in; margin-right:0in; margin-bottom:6.0pt; margin-left:.75in; text-align:justify; text-indent:34.0pt; line-height:150%; font-size:12.0pt; font-family:"LitNusx","sans-serif";} p.MsoListContinue4, li.MsoListContinue4, div.MsoListContinue4 {margin-top:0in; margin-right:0in; margin-bottom:6.0pt; margin-left:1.0in; text-align:justify; text-indent:34.0pt; line-height:150%; font-size:12.0pt; font-family:"LitNusx","sans-serif";} p.MsoListContinue5, li.MsoListContinue5, div.MsoListContinue5 {margin-top:0in; margin-right:0in; margin-bottom:6.0pt; margin-left:1.25in; text-align:justify; text-indent:34.0pt; line-height:150%; font-size:12.0pt; font-family:"LitNusx","sans-serif";} p.MsoBodyText2, li.MsoBodyText2, div.MsoBodyText2 {margin-top:0in; margin-right:0in; margin-bottom:6.0pt; margin-left:0in; line-height:200%; font-size:10.0pt; font-family:"Times New Roman","serif";} p.MsoBodyText3, li.MsoBodyText3, div.MsoBodyText3 {margin-top:0in; margin-right:0in; margin-bottom:6.0pt; margin-left:.25in; text-align:justify; text-indent:34.0pt; line-height:150%; font-size:12.0pt; font-family:"LitNusx","sans-serif";} p.MsoBodyTextIndent2, li.MsoBodyTextIndent2, div.MsoBodyTextIndent2 {margin-top:0in; margin-right:0in; margin-bottom:0in; margin-left:4.0in; margin-bottom:.0001pt; text-align:justify; font-size:14.0pt; font-family:"LitNusx","sans-serif";} p.MsoBodyTextIndent3, li.MsoBodyTextIndent3, div.MsoBodyTextIndent3 {margin-top:0in; margin-right:0in; margin-bottom:3.0pt; margin-left:0in; text-align:justify; text-indent:28.35pt; line-height:18.0pt; font-size:14.0pt; font-family:GeoDumba;} p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; font-family:"Courier New";} p {margin-right:0in; margin-left:0in; font-size:12.0pt; font-family:"Times New Roman","serif";} p.MsoAcetate, li.MsoAcetate, div.MsoAcetate {margin:0in; margin-bottom:.0001pt; font-size:8.0pt; font-family:"Tahoma","sans-serif";} p.Normal, li.Normal, div.Normal {mso-style-name:"\[Normal\]"; margin:0in; margin-bottom:.0001pt; font-size:12.0pt; font-family:"Arial","sans-serif";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:SPLiteraturuly;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin:0in; margin-bottom:.0001pt; text-indent:14.15pt; font-size:11.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:12.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin-top:1.0pt; margin-right:0in; margin-bottom:1.0pt; margin-left:0in; font-size:9.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.kodixml, li.kodixml, div.kodixml {mso-style-name:kodi_xml; margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; font-family:"Sylfaen","serif";} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-family:"Sylfaen","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} /* Page Definitions */ @page Section1 {size:595.35pt 842.0pt; margin:45.0pt 46.35pt .5in 45.0pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} სახელმწიფო სარეგისტრაციო კოდი 010.320.000.20.013.010.484 საქართველოს კონტროლის პალატის თავმჯდომარის ბრძანება №75-ორგ 2007 წლის 20 ივნისი ქ. თბილისი საქართველოს კონტროლის პალატის ერთიანი რეგლამენტის დამტკიცების შესახებ „საქართველოს კონტროლის პალატის შესახებ“ საქართველოს კანონის 41-ე მუხლისა და „ნორმატიული აქტების შესახებ“ საქართველოს კანონის შესაბამისად, ვბრძანებ: 1. დამტკიცდეს „საქართველოს კონტროლის პალატის ერთიანი რეგლამენტი“. 2. ბრძანება გაეცნოს კონტროლის პალატის მოხელეებს. 3. ძალადაკარგულად ჩაითვალოს საქართველოს კონტროლის პალატის თავმჯდომარის 2002 წლის 20 მაისის №38 ბრძანება (სსმ III, 2002 წ., №50, მუხ. 471) „საქართველოს კონტროლის პალატის რეგლამენტის დამტკიცების შესახებ“. 4. ბრძანება ძალაშია 2007 წლის 2 ივლისიდან. ლ. ჭოლაძე საქართველოს კონტროლის პალატის ერთიანი რეგლამენტი თავი I სისტემა და ხელმძღვანელობა     მუხლი 1🔗. ზოგადი დებულებები 1. რეგლამენტი მიღებულია საქართველოს კონსტიტუციის, საერთაშორისო ხელშეკრულებების, საქართველოს კანონების „საქართველოს კონტროლის პალატის შესახებ“, „ნორმატიული აქტების შესახებ“ და სხვა საკანონმდებლო აქტების საფუძველზე. 2. რეგლამენტი განსაზღვრავს კონტროლის პალატის უფლებამოსილებათა განხორციელების წესებს, პროცედურას, კონტროლის პალატის სტრუქტურას, რევიზია-შემოწმების მომზადებისა და ჩატარების ფორმებს.     მუხლი 2🔗. კონტროლის პალატის სისტემა 1. კონტროლის პალატა არის ერთიანი, ცენტრალიზებული სისტემა, რომელშიც შედიან კონტროლის პალატის ცენტრალური აპარატი, კონტროლის პალატები აფხაზეთისა და აჭარის ავტონომიურ რესპუბლიკებში და კონტროლის პალატის ბიუროები საქართველოს სხვადასხვა ტერიტორიულ ერთეულებში. 2. გადაწყვეტილებას კონტროლის პალატის ბიუროების შექმნის ან გაუქმების შესახებ კონტროლის პალატის თავმჯდომარის წარდგინებით იღებს კონტროლის პალატის პრეზიდიუმი. 3. კონტროლის პალატას აქვს ბეჭედი საქართველოს სახელმწიფო გერბის გამოსახულებითა და თავისი სახელწოდებით, შესაბამისი ბეჭდები და შტამპები, დამოუკიდებელი ბალანსი, ანგარიშები საქართველოს ხაზინაში, ემბლემა და სატიტულო ფურცელი თავისი დასახელებითა და საქართველოს სახელმწიფო გერბის გამოსახულებით. 4. კონტროლის პალატის იურიდიული მისამართია: ქ. თბილისი, 0144, ქეთევან წამებულის გამზირი №96.     მუხლი 3🔗. კონტროლის პალატის ხელმძღვანელობა 1. კონტროლის პალატას საერთო ხელმძღვანელობას უწევს კონტროლის პალატის თავმჯდომარე. 2. კონტროლის პალატის თავმჯდომარე: ა) წარმართავს პალატის მუშაობას საქართველოს კონსტიტუციის, „საქართველოს კონტროლის პალატის შესახებ“ საქართველოს კანონის, სხვა საკანონმდებლო აქტებისა და ამ რეგლამენტის შესაბამისად; ბ) წყვეტს კონტროლის პალატის საქმიანობის, კონტროლისა და რევიზია-შემოწმების ორგანიზაციის საკითხებს; გ) თავმჯდომარეობს კონტროლის პალატის პრეზიდიუმის სხდომას; დ) წარუდგენს საქართველოს პარლამენტს შესაბამისი თანამდებობის პირების კანდიდატურებს; ე) ამტკიცებს საქართველოს კონტროლის პალატის ცენტრალური აპარატის სტრუქტურული ერთეულების დებულებებს; ვ) ნიშნავს და თანამდებობიდან ათავისუფლებს კონტროლის პალატის სისტემის პასუხისმგებელ მუშაკებს. აფხაზეთისა და აჭარის ავტონომიური რესპუბლიკების კონტროლის პალატის თავმჯდომარეებს ნიშნავს და ათავისუფლებს აფხაზეთისა და აჭარის ავტონომიური რესპუბლიკების უმაღლეს საბჭოსთან შეთანხმებით; ზ) ამტკიცებს კონტროლის პალატის საშტატო განრიგს კონტროლის პალატისათვის დადგენილი მუშაკთა ზღვრული რაოდენობისა და შრომის ანაზღაურების ფონდის ფარგლებში; თ) წელიწადში ორჯერ, ბიუჯეტის შესრულების წინასწარი და სრული ანგარიშის წარდგენის დროს, პარლამენტს წარუდგენს მოხსენებას მთავრობის ანგარიშთან დაკავშირებით; ი) წელიწადში ერთხელ საქართველოს პარლამენტს წარუდგენს კონტროლის პალატის ანგარიშს პალატის საქმიანობის შესახებ; კ) წარმოადგენს კონტროლის პალატას სხვა ორგანიზაციებთან ურთიერთობასა და საერთაშორისო ორგანიზაციებში; ლ) მასზე დაკისრებული მოვალეობის განხორციელების მიზნით გამოსცემს ბრძანებას, რომელიც უმაღლესი ნორმატიული აქტია საქართველოს კონტროლის პალატის სისტემაში; მ) განსაზღვრავს საქართველოს კონტროლის პალატის თავმჯდომარის პირველი მოადგილისა და მოადგილეების ფუნქციებს; ნ) კანონმდებლობით დადგენილი წესით, სამსახურებრივ ზედამხედველობას უწევს კონტროლის პალატის სისტემის ერთეულების საქმიანობას; ო) იღებს გადაწყვეტილებებს და პასუხისმგებელია საბიუჯეტო სახსრების მიზნობრივი გამოყენებისათვის; იძლევა მითითებებს საბიუჯეტო სახსრების გამოყენების შესახებ; პ) დადგენილი წესით განკარგავს ფულად სახსრებსა და მატერიალურ ფასეულობებს; ჟ) საქართველოს კანონმდებლობის შესაბამისად წაახალისებს და დისციპლინურ პასუხისმგებლობას აკისრებს საქართველოს კონტროლის პალატის მოხელეებს, აჯილდოებს უწყებრივი ჯილდოებით, სიგელებით, ფულით, ფასიანი საჩუქრებით; საქართველოს პრეზიდენტთან შეაქვს წარდგინებები საქართველოს კონტროლის პალატის თანამშრომლების დაჯილდოების თაობაზე; რ) განსაზღვრავს ფულადი ჯილდოს (პრემია), აგრეთვე, განსაკუთრებულ შემთხვევებში, ერთჯერადი დახმარების ოდენობას. 2. კონტროლის პალატის თავმჯდომარეს ჰყავს სამი მოადგილე, მათ შორის, ერთი პირველი მოადგილე. 3. კონტროლის პალატის თავმჯდომარის არყოფნის ან მის მიერ უფლებამოსილებათა განხორციელების შეუძლებლობის შემთხვევაში მის ფუნქციებს ასრულებს თავმჯდომარის პირველი მოადგილე.  4. საქართველოს კონტროლის პალატის თავმჯდომარის პირველი მოადგილე და მოადგილეები ხელმძღვანელობენ კონტროლის პალატის საქმიანობის განსაზღვრულ მიმართულებებს. 5. თავმჯდომარის ერთ-ერთი მოადგილე თავმჯდომარის დავალებით ახორციელებს საპარლამენტო მდივნის ფუნქციას.     მუხლი 4🔗. კონტროლის პალატის სამართლებრივი აქტების მომზადების, გამოცემის, გამოქვეყნებისა და მოქმედების წესი 1. კონტროლის პალატის ნორმატიული აქტების მომზადების, გამოქვეყნებისა და მოქმედების წესი რეგულირდება „ნორმატიული აქტების შესახებ“ საქართველოს კანონის შესაბამისად. 2. იმ საკითხებთან დაკავშირებით, რომლებზეც უნდა გამოიცეს კონტროლის პალატის სამართლებრივი აქტი, შესაბამისი წინადადება შემოაქვთ სტრუქტურულ ერთეულებს. 3. კონტროლის პალატის ადმინისტრაციულ-სამართლებრივი აქტის პროექტი ვიზირებული უნდა იყოს თავმჯდომარის მოადგილის, პროექტის შემომტანი სტრუქტურული ერთეულის ხელმძღვანელის, იურიდიული და დაგეგმვისა და ანალიზის დეპარტამენტების მიერ.     მუხლი 5🔗. კონტროლის პალატის მოხსენება მთავრობის ანგარიშთან დაკავშირებით 1. საქართველოს კონსტიტუციის და „საქართველოს კონტროლის პალატის შესახებ“ საქართველოს კანონის შესაბამისად, კონტროლის პალატა წელიწადში ორჯერ, ბიუჯეტის შესრულების წინასწარი და სრული ანგარიშის წარდგენის დროს, საქართველოს პარლამენტს წარუდგენს მოხსენებას მთავრობის ანგარიშთან დაკავშირებით. 2. კონტროლის პალატის მოხსენება წარმოადგენს საანგარიშო წლისა და ექვსი თვის ანალიზს ბიუჯეტის შესრულების შესახებ, რომელშიც ასახულია ძირითადი მონაცემები მთავრობის ანგარიშის სისრულისა და სიზუსტის შესახებ, ბიუჯეტის კუთვნილი თანხების მობილიზების მდგომარეობის, სახელმწიფო სახსრების ხარჯვის მიზნობრიობის და კანონიერების თაობაზე. 3. კონტროლის პალატის სტრუქტურული ერთეულები და კონტროლის პალატები აფხაზეთისა და აჭარის ავტონომიურ რესპუბლიკებში ბიუჯეტის წლის შესრულების შესახებ ინფორმაციას დაგეგმვისა და ანალიზის დეპარტამენტს წარუდგენენ არა უგვიანეს მომდევნო წლის 5 აპრილამდე, ხოლო ექვსი თვის შესრულების შესახებ – მიმდინარე წლის 5 ოქტომბრამდე. 4. კონტროლის პალატის სტრუქტურულმა ერთეულებმა ინფორმაცია უნდა წარადგინონ საქართველოს კონტროლის პალატის თავმჯდომარის სახელზე.     მუხლი 6🔗. კონტროლის პალატის საქმიანობის ანგარიში 1. „საქართველოს კონტროლის პალატის შესახებ“ საქართველოს კანონის შესაბამისად, კონტროლის პალატა წელიწადში ერთხელ, არა უგვიანეს საანგარიშგებო წლის მომდევნო წლის 1 ივნისისა, პარლამენტს წარუდგენს თავისი საქმიანობის შესახებ ანგარიშს. 2. კონტროლის პალატის ანგარიში წარმოადგენს საანგარიშო წლის საქმიანობის ანალიზს, რომელშიც ასახულია ყველა სტატისტიკური ინფორმაცია, განზოგადებულია მნიშვნელოვან შემოწმებათა მასალები, დარღვევა-ნაკლოვანებები, ტენდენციები, გატარებული ღონისძიებები და სხვა მნიშვნელოვანი საკითხები. 3. კონტროლის პალატის სტრუქტურული ერთეულები, კონტროლის პალატები აფხაზეთისა და აჭარის ავტონომიურ რესპუბლიკებში განვლილი წლის საქმიანობის ანგარიშს წარმოადგენენ არა უგვიანეს მომდევნო წლის 1 აპრილამდე. 4. კონტროლის პალატის სტრუქტურულმა ერთეულებმა საქმიანობის ანგარიშები უნდა წარმოადგინონ საქართველოს კონტროლის პალატის თავმჯდომარის სახელზე.     მუხლი 7🔗. მოხსენებებისა და ანგარიშის მომზადება 1. სახელმწიფო ბიუჯეტის შესრულებაზე მთავრობის ანგარიშთან დაკავშირებით მოხსენებებს და კონტროლის პალატის საქმიანობის შესახებ ანგარიშს ამზადებს საქართველოს კონტროლის პალატის დაგეგმვისა და ანალიზის დეპარტამენტი. 2. დაგეგმვისა და ანალიზის დეპარტამენტი, არა უგვიანეს მომდევნო წლის 20 აპრილისა, კონტროლის პალატის თავმჯდომარეს წარუდგენს საანგარიშო წლის ბიუჯეტის შესრულების შესახებ, ხოლო არა უგვიანეს მიმდინარე წლის 20 ოქტომბრისა, ბიუჯეტის ექვსი თვის შესრულების შესახებ მოხსენების პროექტს. 3. დაგეგმვისა და ანალიზის დეპარტამენტი არა უგვიანეს 1 მაისისა კონტროლის პალატის თავმჯდომარეს წარუდგენს კონტროლის პალატის საქმიანობის შესახებ საერთო ანგარიშის პროექტს. 4. მთავრობის ანგარიშთან დაკავშირებით კონტროლის პალატის მოხსენებები და კონტროლის პალატის საქმიანობის შესახებ ანგარიში განიხილება და მტკიცდება საქართველოს კონტროლის პალატის პრეზიდიუმის მიერ. თავი II საქართველოს კონტროლის პალატის ცენტრალური აპარატის სტრუქტურა     მუხლი 8🔗. კონტროლის პალატის ცენტრალური აპარატის სტრუქტურა კონტროლის პალატის ცენტრალური აპარატის სტრუქტურული ერთეულებია: ა) დაგეგმვისა და ანალიზის დეპარტამენტი; ბ) I სარევიზიო დეპარტამენტი; გ) II სარევიზიო დეპარტამენტი; დ) III სარევიზიო დეპარტამენტი; ე) IV სარევიზიო დეპარტამენტი; ვ) სპეციალური სარევიზიო დეპარტამენტი; ზ) იურიდიული დეპარტამენტი; თ) ადმინისტრაციული დეპარტამენტი; ი) გენერალური ინსპექცია.     მუხლი 9🔗. კონტროლის პალატის სტრუქტურული ერთეულის ხელმძღვანელი 1. სტრუქტურული ერთეულის ხელმძღვანელი უშუალოდ ექვემდებარება თავმჯდომარეს, თავმჯდომარის პირველ მოადგილეს ან თავმჯდომარის მოადგილეს. 2. სტრუქტურული ერთეულის ხელმძღვანელი: ა) ანაწილებს მოვალეობებს მისდამი დაქვემდებარებულ მოხელეებს შორის, აძლევს მითითებებსა და განკარგულებებს; ბ) თვალყურს ადევნებს სტრუქტურული ერთეულის მოხელეების მიერ სამსახურებრივი მოვალეობების შესრულებას; გ) ხელს აწერს ან ვიზირებას უკეთებს სტრუქტურულ ერთეულში მომზადებულ დოკუმენტებს; დ) წარადგენს სტრუქტურული ერთეულის ანგარიშს გაწეული მუშაობის შესახებ; ე) წარმოადგენს სტრუქტურულ ერთეულს საკუთარი მოვალეობის შესრულებისას და სტრუქტურული ერთეულის სახელით, წარადგენს დასკვნებს და წინადადებებს; ვ) წარუდგენს კონტროლის პალატის ხელმძღვანელობას წინადადებებს სტრუქტურის შტატების, მუშაობის ორგანიზაციის, სტრუქტურული ერთეულის, მოხელეების პრემირების, წახალისების ან დისციპლინური პასუხისმგებლობის დაკისრების შესახებ; ზ) შუამდგომლობს იმ სახსრების გამოყოფის თაობაზე, რომლებიც საჭიროა სტრუქტურული ერთეულების ამოცანების შესასრულებლად; თ) შუამდგომლობს სტრუქტურული ერთეულების მოხელეთა კვალიფიკაციის ამაღლების შესახებ; ი) ასრულებს ამ რეგლამენტითა და სტრუქტურული ერთეულების დებულებით, თავმჯდომარის ან უშუალო ხელმძღვანელის მიერ განსაზღვრულ ამოცანებს. 3. სტრუქტურული ერთეულების ხელმძღვანელებს შეიძლება ჰყავდეთ მოადგილეები. სტრუქტურული ერთეულები შეიძლება დაიყოს სამმართველოებად, განყოფილებებად.     მუხლი 10🔗. კონტროლის პალატის სტრუქტურული ერთეულების ფუნქციები 1. დაგეგმვისა და ანალიზის დეპარტამენტი: ახორციელებს კონტროლის პალატის საკონტროლო-სარევიზიო საქმიანობის დაგეგმვას, კოორდინაციას და მონიტორინგს, საბიუჯეტო პროცესის მიმდინარე ანალიზს, საინფორმაციო მომსახურებას, კონტროლის პალატის საკონტროლო-სარევიზიო საქმიანობის პერსპექტიული და მიმდინარე გეგმების პროექტებისა და მათში შესატანი ცვლილებების, აგრეთვე, არაგეგმური რევიზია-შემოწმებების ჩატარების თაობაზე პროექტების შედგენას და პრეზიდიუმის სხდომაზე განსახილველად მათ წარდგენას, სახელმწიფო ბიუჯეტის შესრულების და მიმდინარეობის შესახებ მთავრობის ანგარიშთან დაკავშირებით კონტროლის პალატის მოხსენებების მომზადებას, საქართველოს პარლამენტში წარსადგენად კონტროლის პალატის წლიური ანგარიშის მომზადებას, საქართველოს კონტროლის პალატასა და აფხაზეთისა და აჭარის ავტონომიური რესპუბლიკების კონტროლის პალატებს შორის ინფორმაციული უზრუნველყოფის საკითხების მოგვარებას. 2. სარევიზიო დეპარტამენტები (მე-8 მუხლის „ბ“, „გ“, „დ“ და „ე“ ქვეპუნქტებში მოცემული დეპარტამენტები): კონტროლის პალატის თავმჯდომარის ბრძანებით ახორციელებენ რევიზია-შემოწმებებს მათთვის განსაზღვრული დარგებისა და ტერიტორიული ნიშნის მიხედვით, ადგენენ დეპარტამენტის სამუშაო გეგმების პროექტებს და უზრუნველყოფენ გეგმის შესრულებასა და კონტროლს, საკურატორო დარგის ორგანიზაციათა საქმიანობის შედეგების მიხედვით აანალიზებენ დარგში მიმდინარე პროცესებს, შეიმუშავებენ წინადადებებსა და რეკომენდაციებს გასატარებელ ღონისძიებათა შესახებ, რევიზია-შემოწმების პროცესში თანამშრომლობენ კონტროლის პალატის სხვა სტრუქტურულ ერთეულებთან და საკონტროლო სფეროს დაწესებულებებთან, ასრულებენ თავმჯდომარის კურატორი მოადგილისა და პრეზიდიუმის დავალებებს. 3. სპეციალური სარევიზიო დეპარტამენტი: თავმჯდომარის დავალებით ატარებს განსაკუთრებული მნიშვნელობის რევიზია-შემოწმებებს, თავმჯდომარის დავალებით ატარებს სარევიზიო ჯგუფის მიერ ჩატარებული რევიზიის შემოწმებას. შეიმუშავებს წინადადებებსა და რეკომენდაციებს გასატარებელ ღონისძიებათა შესახებ, რევიზია-შემოწმების პროცესში თანამშრომლობს კონტროლის პალატის სხვა სტრუქტურულ ერთეულებთან და საკონტროლო სფეროს დაწესებულებებთან. 4. იურიდიული დეპარტამენტი:  ახორციელებს პრეზიდიუმზე განსახილველი მასალების, მთავრობის ანგარიშთან დაკავშირებული კონტროლის პალატის მოხსენების, კონტროლის პალატის ანგარიშის, თავმჯდომარის ბრძანებების, პრეზიდიუმის დადგენილებების, საქართველოს პრეზიდენტთან და საქართველოს პარლამენტში წარსადგენი ინფორმაციების და მასალების, ,,საქართველოს კონტროლის პალატის შესახებ“ საქართველოს კანონით გათვალისწინებული მიწერილობისა და წარდგინების, თავმჯდომარის დავალებით საკონტროლო-სარევიზიო საქმიანობის, სამართალდამცავ ორგანოებში გადასაგზავნი მასალების სამართლებრივ ექსპერტიზას; უზრუნველყოფს სამართალდამცავ ორგანოებში გადაგზავნილი მასალების რეალიზაციის პროცესის კონტროლს და თითოეულ საქმესთან დაკავშირებით პერიოდულად ანგარიშის წარმოდგენას; სასამართლო ორგანოებში კონტროლის პალატის წარმომადგენლობითი უფლებამოსილების განხორციელებას; საკანონმდებლო და კანონქვემდებარე ნორმატიული აქტების პროექტებისა და მათზე დასკვნების მომზადებას, სამართლებრივ საკითხებთან დაკავშირებით თავმჯდომარის დავალებების შესრულებას. 5. ადმინისტრაციული დეპარტამენტი: ადმინისტრაციული დეპარტამენტის ძირითადი ფუნქციაა კონტროლის პალატის ორგანიზაციული და ადმინისტრაციული საქმიანობის უზრუნველყოფა, ერთიანი საქმისწარმოების განხორციელება; სახელმწიფო საიდუმლოების დაცვის კონტროლი; თავმჯდომარის თათბირებისა და სხდომების ორგანიზება; საკონტროლო დავალებათა შესრულებაზე კონტროლი; თავმჯდომარის სამუშაო გრაფიკის შედგენა და შესრულების ორგანიზაციული უზრუნველყოფა; პრეზიდიუმის სხდომების მომზადება, ოქმების წარმოება და ბრძანებების მომზადება, პრეზიდიუმის გადაწყვეტილებების და დავალებების შესრულების მონიტორინგი, სისტემის ადამიანური რესურსების ოპტიმიზაციის შესახებ წინადადებათა შემუშავება; მოსამსახურეთა დადგენილი წესის შესაბამისად დანიშვნის, სამსახურებრივი გადაადგილების (გადაყვანის), გათავისუფლების, დისციპლინური წესით დასჯისა და წახალისების, შვებულებისა და მივლინების შესახებ ბრძანების პროექტის მომზადება; კადრების მომზადებისა და კვალიფიკაციის ამაღლების ერთიანი სისტემის შექმნა; მოსამსახურეთა და რეზერვში მყოფ პირთა პირადი საქმეების შედგენა-წარმოება; კონტროლის პალატის სისტემის მოხელეთა კონკურსებისა და ატესტაციის გამართვის უზრუნველყოფა, მოხელეთა რეზერვის ფორმირება; საქართველოს კონტროლის პალატის სისტემაში ინსტიტუციონალური განვითარების პროგრამის განხორციელების უზრუნველყოფა; საზღვარგარეთის ქვეყნებთან და მათ წარმომადგენლობებთან, ასევე საფინანსო კონტროლის უმაღლეს ორგანოებთან და მათ საერთაშორისო გაერთიანებებთან თანამშრომლობა, ახორციელებს ამ მიმართულებით კონტროლის პალატის შესაბამისი აქტების პროექტების მომზადებას და მათ შესრულებაზე კონტროლს; პროტოკოლით გათვალისწინებული ღონისძიებების განხორციელება; პრესასთან და მასობრივი ინფორმაციის სხვა საშუალებებთან ურთიერთობა; კონტროლის პალატის სისტემის ბიუჯეტის დაგეგმვა და ფორმირება, ბუღალტრული აღრიცხვისა და ანგარიშგების წარმოება; „სახელმწიფო შესყიდვების შესახებ“ საქართველოს კანონის შესაბამისად კონტროლის პალატის საჭიროებისათვის საქონლის, მომსახურებისა და სამუშაოთა შესყიდვის დაგეგმვა და განხორციელება; კონტროლის პალატის სამუშაო პირობების მატერიალურ-ტექნიკური უზრუნველყოფა, უძრავი და მოძრავი ქონების აღრიცხვა; დაპროექტების, მშენებლობის, მიმდინარე კაპიტალური შეკეთებისა და სარეკონსტრუქციო სამუშაოთა ორგანიზება და მათი ზედამხედველობა. 6. გენერალური ინსპექცია: ახორციელებს კონტროლის პალატის მოხელეთა მიერ დისციპლინისა და კანონიერების დაცვის სამსახურებრივ კონტროლს, სამსახურებრივი პასუხისმგებლობისა და დისციპლინური გადაცდომის ფაქტების გამოვლენას, თავიდან აცილებასა და პრევენციას; თავმჯდომარის დავალებით ატარებს ცალკეულ სამსახურებრივ შემოწმებებს, განიხილავს სამსახურებრივი გადაცდომის ფაქტებთან დაკავშირებით შემოსულ განცხადებებსა და საჩივრებს და ამზადებს შესაბამის დასკვნებს. თავი III საქართველოს კონტროლის პალატის პრეზიდიუმის ფორმირების, უფლებამოსილების, სხდომების ორგანიზებისა და ჩატარების წესი     მუხლი 11🔗. კონტროლის პალატის პრეზიდიუმის სხდომის ორგანიზებისა და გამართვის წესი 1. კონტროლის პალატაში იქმნება უმაღლესი კოლეგიალური ორგანო – კონტროლის პალატის პრეზიდიუმი. 2. კონტროლის პალატის პრეზიდიუმის შემადგენლობაში თანამდებობრივად შედიან კონტროლის პალატის თავმჯდომარე და თავმჯდომარის მოადგილეები. პრეზიდიუმის დანარჩენ წევრებს ამტკიცებს კონტროლის პალატის თავმჯდომარე დანიშვნიდან არა უგვიანეს ერთი თვისა. 3. კონტროლის პალატის უმაღლესი კოლეგიური ორგანოს – კონტროლის პალატის პრეზიდიუმის სხდომები ტარდება არანაკლებ თვეში ერთხელ. სხდომის ჩატარების ადგილის, დროისა და დღის წესრიგის შესახებ ადმინისტრაციული დეპარტამენტი ვალდებულია საჯაროდ გამოაცხადოს სხდომის გამართვამდე ერთი კვირით ადრე. 4. გადაუდებელი აუცილებლობის მოტივით პრეზიდიუმის რიგგარეშე სხდომა მოიწვევა კონტროლის პალატის თავმჯდომარის ან პრეზიდიუმის წევრთა უმრავლესობის მოთხოვნის საფუძველზე. ასეთ შემთხვევაში პრეზიდიუმი უფლებამოსილია გამართოს სხდომა პირველ პუნქტში მითითებული წესის დაუცველად (სხდომის შესახებ 1 კვირით ადრე საჯაროდ გამოცხადება). ამასთანავე, ადმინისტრაციული დეპარტამენტი ვალდებულია დაუყოვნებლივ გამოაცხადოს სხდომის ჩატარების ადგილის, დროისა და დღის წესრიგის თაობაზე, ხოლო კანონმდებლობით დადგენილი საფუძვლების არსებობისას – აგრეთვე მისი დახურვის შესახებ. 5. გადაუდებელი აუცილებლობის მოტივით სხდომის გამართვის ან სხდომის დახურვის შემთხვევაში პრეზიდიუმი ვალდებულია გადაწყვეტილების მიღებიდან არა უგვიანეს 3 დღის ვადაში განმარტოს სხდომაზე მიღებული გადაწყვეტილების გასაჩივრების წესი. 6. პრეზიდიუმზე განსახილველ საკითხს სხდომაზე წარმოადგენს კონტროლის პალატის შესაბამისი სტრუქტურული ერთეული. 7. პრეზიდიუმის წევრებს სხდომის დღის წესრიგის პროექტი და მასზე თანდართული დოკუმენტები მიეწოდებათ სხდომამდე არანაკლებ 3 კალენდარული დღით ადრე. 8. პრეზიდიუმის სხდომის დღის წესრიგის პროექტს ამზადებს ადმინისტრაციული დეპარტამენტი და მტკიცდება პრეზიდიუმის სხდომაზე. 9. პრეზიდიუმის სხდომას, პრეზიდიუმის წევრების გარდა, ესწრებიან ის პირები, ვის დასწრებასაც განსაზღვრავს სხდომის თავმჯდომარე. რევიზია-შემოწმების შედეგების განხილვისას სხდომას სავალდებულო წესით ესწრება შესაბამისი სარევიზიო ჯგუფი. 10. პრეზიდიუმის სხდომები ღიაა, გარდა კანონით გათვალისწინებული შემთხვევებისა. დახურულ სხდომას ესწრებიან პრეზიდიუმის წევრები და ის პირები, რომელთა დასწრებას განსაზღვრავს პრეზიდიუმი. მოწვეულ პირებს უნდა ჰქონდეთ საიდუმლო ინფორმაციასთან დაშვების შესაბამისი ხარისხის (კატეგორიის) უფლებამოსილება. 11. პრეზიდიუმზე დამსწრე პირთა მოწვევას უზრუნველყოფს საკითხის წარმომდგენი სტრუქტურული ერთეული. მოწვეულ პირთა რეგისტრაცია ხორციელდება ადმინისტრაციული დეპარტამენტის მიერ. 12. პრეზიდიუმი უფლებამოსილია გამართოს სხდომა, თუ მას ესწრება პრეზიდიუმის წევრთა ნახევარზე მეტი. გადაწყვეტილება მიღებულად ჩაითვლება, თუ მას მხარს დაუჭერს სხდომაზე დამსწრე წევრთა ნახევარზე მეტი. ხმების თანაბრად გაყოფის შემთხვევაში სხდომის თავმჯდომარეს აქვს გადამწყვეტი ხმის უფლება. 13. პრეზიდიუმის სხდომის ოქმს აწარმოებს ადმინისტრაციული დეპარტამენტი. 14. პრეზიდიუმის სხდომაზე საკითხის განხილვის შედეგებიდან გამომდინარე, საკითხის წარმომდგენი სტრუქტურული ერთეული, ადმინისტრაციულ დეპარტამენტთან ერთობლივად, სხდომის გამართვიდან არა უმეტეს 15 დღის ვადაში ამზადებს დადგენილებას, რომლის ვიზირება ხორციელდება პრეზიდიუმის წევრების მიერ. აღნიშნული პროცედურის შესრულებას უზრუნველყოფს ადმინისტრაციული დეპარტამენტი. 15. პრეზიდიუმის დადგენილებას პრეზიდიუმის წევრების ვიზირების შემდეგ ხელს აწერს თავმჯდომარე და ეგზავნება შესაბამის ადრესატებს, რასაც უზრუნველყოფს ადმინისტრაციული დეპარტამენტი. 16. პრეზიდიუმის დადგენილების რეალიზება ხდება კონტროლის პალატის თავმჯდომარის ბრძანებით. 17. პრეზიდიუმის დადგენილების კონტროლიდან მოხსნა ხდება პრეზიდიუმის დადგენილებით.     მუხლი 12🔗. პრეზიდიუმის დადგენილების პროექტის მომზადება 1. პრეზიდიუმის დადგენილების პროექტს ამზადებს საკითხის წარმომდგენი სტრუქტურული ერთეული ადმინისტრაციულ დეპარტამენტთან ერთობლივად. დადგენილების პროექტი ვიზირებული უნდა იყოს სტრუქტურული ერთეულის ხელმძღვანელის, სტრუქტურული ერთეულის კურატორი მოადგილის, იურიდიული დეპარტამენტის, ხოლო რევიზიის შედეგების განხილვის შემთხვევაში, აგრეთვე სარევიზიო ჯგუფის მიერ. 2. პრეზიდიუმის დადგენილების პროექტში უნდა აღინიშნოს განსახილველი საკითხის შინაარსი, რევიზიით გამოვლენილი ძირითადი დარღვევა-ნაკლოვანებები, შემოწმებული ობიექტის მიერ სარევიზიო პერიოდში გაწეული საქმიანობის შეფასებები, გასატარებელი ღონისძიებები, შესრულებაზე პასუხისმგებელი პირები და შესრულების ვადები. 3. პრეზიდიუმის სხდომაზე საკითხის განხილვამდე დადგენილების პროექტი შეიძლება განხილულ იქნეს წინასწარ თათბირზე შესაბამის კონტროლის პალატის თავმჯდომარის მოადგილესთან და სტრუქტურული ერთეულის ხელმძღვანელთან, სარევიზიო ჯგუფთან ერთობლივად. საჭიროების შემთხვევაში განხილვას ესწრებიან შემოწმებული ობიექტის პასუხისმგებელი თანამდებობის პირები.     მუხლი 13🔗. კონტროლის პალატების პრეზიდიუმები აფხაზეთისა და აჭარის ავტონომიურ რესპუბლიკებში 1. აფხაზეთისა და აჭარის ავტონომიურ რესპუბლიკებში კონტროლის პალატების პრეზიდიუმების შემადგენლობას ამტკიცებს საქართველოს კონტროლის პალატის პრეზიდიუმი, შესაბამისი კონტროლის პალატის თავმჯდომარის წარდგინების საფუძველზე. 2. აფხაზეთისა და აჭარის ავტონომიურ რესპუბლიკებში კონტროლის პალატების რევიზია-შემოწმების ბრძანებების, მოხსენებითი ბარათების, პრეზიდიუმზე განსახილველი და საქმიანობასთან დაკავშირებულ სხვა საკითხების მომზადება და განხილვა ხორციელდება საქართველოს კონტროლის პალატის ერთიანი რეგლამენტის შესაბამისად, მათი შიდა სტრუქტურისა და საშტატო თანამდებობათა გათვალისწინებით, რისთვისაც გამოიცემა შესაბამისი კონტროლის პალატის პრეზიდიუმის დადგენილება. 3. საქართველოს კონტროლის პალატის პრეზიდიუმი, კანონმდებლობით დადგენილი საფუძვლების არსებობისას უფლებამოსილია გააუქმოს, შეაჩეროს ან შეცვალოს აფხაზეთისა და აჭარის ავტონომიურ რესპუბლიკებში კონტროლის პალატების პრეზიდიუმების დადგენილებები. თავი IV რევიზია-შემოწმების ორგანიზების, ჩატარებისა და შედეგების რეალიზაციის წესი     მუხლი 14🔗. რევიზია-შემოწმების გეგმები 1. საქართველოს კონტროლის პალატის საქმიანობა რევიზია-შემოწმების კუთხით წარიმართება პრეზიდიუმის მიერ დამტკიცებული წლიური პერსპექტიული და კვარტალური რევიზია-შემოწმების გეგმებით. 2. კონტროლის პალატის რევიზია-შემოწმების წლიური პერსპექტიული გეგმის მომზადებისას შეიტანება საქართველოს პრეზიდენტის და საქართველოს პარლამენტის წინადადებები.     მუხლი 15🔗. რევიზია-შემოწმების გეგმის მომზადების წესი 1. კონტროლის პალატის რევიზია-შემოწმების წლიური და კვარტალური გეგმების პროექტები მზადდება კონტროლის პალატის დაგეგმვისა და ანალიზის დეპარტამენტის მიერ, შესაბამისი სტრუქტურული ერთეულების გეგმების პროექტების გათვალისწინებით. 2. დაგეგმვისა და ანალიზის დეპარტამენტი, აფხაზეთისა და აჭარის ავტონომიურ რესპუბლიკებში კონტროლის პალატების მომდევნო წლისა და პირველი კვარტალის რევიზია-შემოწმების გეგმების პროექტებს 15 ოქტომბრამდე უგზავნის სარევიზიო დეპარტამენტებს, რომლებიც ვალდებულნი არიან 15 ნოემბრამდე წარუდგინონ თავისი გეგმის პროექტები დაგეგმვისა და ანალიზის დეპარტამენტს. 3. კონტროლის პალატები აფხაზეთისა და აჭარის ავტონომიურ რესპუბლიკებში და კონტროლის პალატის სტრუქტურული ერთეულები წარადგენენ დაგეგმვისა და ანალიზის დეპარტამენტში მეორე კვარტალის რევიზია-შემოწმების გეგმის პროექტებს შესაბამისად 15 თებერვალს, მესამე კვარტლისას – 15 მაისს, მეოთხე კვარტლისას – 15 აგვისტოს. 4. დაგეგმვისა და ანალიზის დეპარტამენტის ხელმძღვანელი კონტროლის პალატის რევიზია-შემოწმების გეგმების საბოლოო პროექტებს ათანხმებს აფხაზეთისა და აჭარის ავტონომიურ რესპუბლიკებში კონტროლის პალატებისა და სარევიზიო დეპარტამენტების ხელმძღვანელებთან, რის შესახებაც მოახსენებს საქართველოს კონტროლის პალატის პრეზიდიუმს გეგმის პროექტების განხილვის დროს.     მუხლი 16🔗. რევიზია-შემოწმების გეგმის განხილვა პრეზიდიუმის მიერ 1. საქართველოს კონტროლის პალატის რევიზია-შემოწმების წლიურ და კვარტალურ გეგმებს ამტკიცებს პრეზიდიუმი შესაბამისი საანგარიშო პერიოდის დადგომამდე 15 დღით ადრე. 2. კონტროლის პალატის რევიზია-შემოწმების გეგმის კორექტირება (საკითხის ამოღება, გადატანა, ფორმულირების შეცვლა ან დამატება) დასაშვებია მხოლოდ კონტროლის პალატის პრეზიდიუმის მიერ, აფხაზეთისა და აჭარის ავტონომიურ რესპუბლიკებში კონტროლის პალატებისა და შესაბამისი სტრუქტურული ერთეულების არგუმენტირებული წინადადებების საფუძველზე.     მუხლი 17🔗. არაგეგმური რევიზია-შემოწმება 1. არაგეგმური რევიზია-შემოწმება, მათ შორის, შემოწმებული ობიექტის განმეორებითი შემოწმება ან გადამოწმება, კანონმდებლობით დადგენილი წესით, შეიძლება ჩატარდეს მხოლოდ საქართველოს პრეზიდენტის, საქართველოს პარლამენტისა და საქართველოს პარლამენტის დროებითი საგამოძიებო კომისიების მომართვის, აგრეთვე თავისი კომპეტენციის ფარგლებში საქართველოს კონტროლის პალატის პრეზიდიუმის, აფხაზეთისა და აჭარის ავტონომიურ რესპუბლიკებში კონტროლის პალატების პრეზიდიუმების ინიციატივით. არაგეგმური რევიზია-შემოწმების ჩატარებაზე ან უარის თქმაზე გადაწყვეტილება ყველა შემთხვევაში ფორმდება შესაბამისი პრეზიდიუმის დადგენილებით. 2. აფხაზეთისა და აჭარის ავტონომიურ რესპუბლიკებში კონტროლის პალატების პრეზიდიუმების მიერ მიღებული გადაწყვეტილება არაგეგმური რევიზია-შემოწმების ჩატარების ან ჩატარებაზე უარის თქმის შესახებ დაუყოვნებლივ მიეწოდება საქართველოს კონტროლის პალატის დაგეგმვისა და ანალიზის დეპარტამენტს.     მუხლი 18🔗. რევიზია-შემოწმების გეგმის შესრულებაზე პასუხისმგებლობა და მონიტორინგი 1. კონტროლის პალატის რევიზია-შემოწმების გეგმის შესრულებაზე პასუხისმგებლობა ეკისრებათ საქართველოს კონტროლის პალატის თავმჯდომარის მოადგილეებს, აფხაზეთისა და აჭარის ავტონომიურ რესპუბლიკებში კონტროლის პალატებისა და სარევიზიო დეპარტამენტების ხელმძღვანელებს. 2. საქართველოს კონტროლის პალატის რევიზია-შემოწმების გეგმის შესრულების მონიტორინგს ახორციელებს დაგეგმვისა და ანალიზის დეპარტამენტი. 3. საქართველოს კონტროლის პალატის სტრუქტურული ერთეულები, კონტროლის პალატები აფხაზეთისა და აჭარის ავტონომიურ რესპუბლიკებში ვალდებულნი არიან საანგარიშო კვარტალის დასრულებიდან 15 დღის, ხოლო საანგარიშო წლის დასრულებიდან 30 დღის ვადაში დაგეგმვისა და ანალიზის დეპარტამენტში წარადგინონ ინფორმაცია რევიზია-შემოწმების გეგმის შესრულებისა და ჩატარებული არაგეგმური რევიზია-შემოწმების შესახებ.     მუხლი 19🔗. რევიზია-შემოწმების შედეგად ბიუჯეტის სასარგებლოდ გამოვლენილი თანხები და მონიტორინგი დარღვევა-ნაკლოვანებათა აღმოსაფხვრელად 1. კონტროლის პალატის მიერ რევიზია-შემოწმების შედეგად საქართველოს სახელმწიფო ბიუჯეტის, ავტონომიური რესპუბლიკების რესპუბლიკური და საქართველოს სხვა ტერიტორიული ერთეულების ბიუჯეტების სასარგებლოდ გამოვლენილ თანხებს ამოიღებს ფინანსთა სამინისტროს შემოსავლების სამსახური. 2. რევიზია-შემოწმების შედეგად შემოწმებულ ობიექტებში გამოვლენილ დარღვევა-ნაკლოვანებათა აღმოფხვრის მიმართულებით გასატარებელ ღონისძიებათა შესრულების მიმდინარეობაზე მონიტორინგს ახორციელებენ საქართველოს კონტროლის პალატის შესაბამისი სტრუქტურული ერთეულებისა და აფხაზეთისა და აჭარის ავტონომიურ რესპუბლიკებში კონტროლის პალატების ხელმძღვანელები და მათი კურატორი მოადგილეები.     მუხლი 20🔗. რევიზია-შემოწმების ორგანიზება და ვადები 1. კონტროლის პალატა საკონტროლო-სარევიზიო საქმიანობას ახორციელებს სტრუქტურული ერთეულების მეშვეობით. 2. კონტროლის პალატის საკონტროლო-სარევიზიო საქმიანობით დაკავებული მოხელეები არიან: სარევიზიო დეპარტამენტების უფროსების მოადგილეები, აფხაზეთისა და აჭარის ავტონომიურ რესპუბლიკებში კონტროლის პალატების თავმჯდომარეების მოადგილეები, მთავარი კონტროლიორები, უფროსი კონტროლიორები, კონტროლიორები, რომელთაც უნდა ჰქონდეთ უმაღლესი განათლება, სპეციალობით მუშაობის არანაკლებ ორი წლის სტაჟი და გავლილი ჰქონდეთ საკვალიფიკაციო ტესტირება. 3. რევიზია-შემოწმების მოცულობას, ვადას და ადგილს ქვეყნის მთელ ტერიტორიაზე ადგენს საქართველოს კონტროლის პალატის თავმჯდომარე, აფხაზეთისა და აჭარის ავტონომიურ რესპუბლიკებში – შესაბამისი კონტროლის პალატის თავმჯდომარეები. 4. რევიზია-შემოწმება შეიძლება იყოს გასვლითი და კამერალური. 5. კამერალური შემოწმება, შესამოწმებელ ობიექტზე გაუსვლელად, ტარდება კონტროლის პალატაში შესამოწმებელი ობიექტის მიერ წარდგენილი ფინანსური ანგარიშგების, ცნობების, დასკვნების, გაანგარიშებების, სხვა დოკუმენტებისა და მონაცემების ანალიზის საფუძველზე. 6. რევიზია-შემოწმების ხანგრძლივობა, როგორც წესი, არ უნდა აღემატებოდეს 60 კალენდარულ დღეს. აფხაზეთისა და აჭარის ავტონომიურ რესპუბლიკებში კონტროლის პალატებისა და საქართველოს კონტროლის პალატის სტრუქტურული ერთეულების ხელმძღვანელთა მოხსენებითი ბარათების საფუძველზე, სარევიზიო პერიოდის ხანგრძლივობისა და ობიექტის სირთულის გათვალისწინებით, რევიზია-შემოწმების ვადას 30 კალენდარული დღით აგრძელებს საქართველოს კონტროლის პალატის თავმჯდომარე. განსაკუთრებული აუცილებლობის შემთხვევაში, რევიზია-შემოწმების ვადის კიდევ 30 კალენდარული დღით გაგრძელების შესახებ თანხმობის გაცემის თხოვნით, აფხაზეთისა და აჭარის ავტონომიურ რესპუბლიკებში კონტროლის პალატებისა და საქართველოს კონტროლის პალატის სარევიზიო სტრუქტურული ერთეულების ხელმძღვანელები მოტივირებული მოხსენებითი ბარათით მიმართავენ საქართველოს კონტროლის პალატის პრეზიდიუმს რევიზიის მიმდინარე ვადის ამოწურვამდე არანაკლებ 10 კალენდარული დღით ადრე. საქართველოს კონტროლის პალატის თავმჯდომარე, პრეზიდიუმის დადგენილების საფუძველზე, გამოსცემს ბრძანებას რევიზია-შემოწმების ვადის კიდევ 30 კალენდარული დღით გაგრძელების თაობაზე. რევიზიის ვადის შემდგომი გაგრძელება დაუშვებელია. თუ ვადის უკანასკნელი დღე ემთხვევა უქმე და დასვენების დღეს, ვადის დამთავრების დღედ ჩაითვლება მისი მომდევნო პირველი სამუშაო დღე.     მუხლი 21🔗. ბრძანება რევიზია-შემოწმების ჩატარების შესახებ და პროგრამა 1. რევიზია-შემოწმება ტარდება დამტკიცებული პროგრამის ფარგლებში, საქართველოს კონტროლის პალატის თავმჯდომარისა და აფხაზეთისა და აჭარის ავტონომიურ რესპუბლიკებში კონტროლის პალატების თავმჯდომარეების მიერ გამოცემული ბრძანების საფუძველზე. 2. ბრძანებაში აღინიშნება სარევიზიო ჯგუფი და ჯგუფის ხელმძღვანელი, სარევიზიო ობიექტის დასახელება, რევიზიის ფორმა (თემატური შემოწმების შემთხვევაში – საკითხის ან საკითხების დასახელება), სარევიზიო პერიოდი, რევიზიის ვადა და საფუძველი. 3. ბრძანება რევიზია-შემოწმების შესახებ ვიზირებული უნდა იყოს სტრუქტურული ერთეულის კურატორი მოადგილის, სტრუქტურული ერთეულის ხელმძღვანელის, დაგეგმვისა და ანალიზის დეპარტამენტისა და იურიდიული დეპარტამენტის ხელმძღვანელების მიერ. 4. რევიზია-შემოწმების პროგრამა დგება სტრუქტურული ერთეულის ხელმძღვანელობის მიერ სარევიზიო ჯგუფთან ერთად. პროგრამას ამტკიცებს (ვიზირებულს იურიდიული დეპარტამენტის მიერ) სტრუქტურული ერთეულის ხელმძღვანელი კურატორ მოადგელესთან შეთანხმებით, რომლის ერთი ეგზემპლარიც წარედგინება შემოწმების ობიექტს, ხოლო მეორე გადაეცემა ადმინისტრაციულ დეპარტამენტს. 5. რევიზია-შემოწმების პროგრამაში ან სარევიზიო ჯგუფის შემადგენლობაში ცვლილებების შეტანა, აგრეთვე რევიზია-შემოწმების შეჩერება, შეწყვეტა, ვადის გაგრძელება დასაშვებია მხოლოდ შესაბამისი კონტროლის პალატის თავმჯდომარის ბრძანებით. 6. ბრძანების პროექტი ვიზირებისთვის დაგეგმვისა და ანალიზის დეპარტამენტს უნდა წარედგინოს რევიზია-შემოწმების დაწყებამდე, ან მიმდინარე რევიზია-შემოწმების ვადის ამოწურვამდე, როგორც წესი, არანაკლებ 4 დღით ადრე, იურიდიულ დეპარტამენტს – 3 დღით ადრე, თავმჯდომარეს ხელმოსაწერად – 2 დღით ადრე. 7. რევიზია-შემოწმების დაწყებამდე ჯგუფის ხელმძღვანელი ვალდებულია სარევიზიო ობიექტის ხელმძღვანელს წარუდგინოს ბრძანება, პროგრამა და რევიზიის პროცესში მხარეების უფლება-მოვალეობათა ჩამონათვალი. 8. სარევიზიო ობიექტს მოსალოდნელი შემოწმების შესახებ, როგორც წესი, უნდა ეცნობოს ერთი თვით ადრე. კონტროლის პალატის თავმჯდომარის გადაწყვეტილებით შემოწმება შეიძლება დაიწყოს წინასწარი შეტყობინების გარეშეც.     მუხლი 22🔗. შემხვედრი წესით ჩასატარებელი შემოწმება შემხვედრი შემოწმება ტარდება პრეზიდიუმის დადგენილების საფუძველზე, ძირითადი შემოწმებიდან გამომდინარე და მხოლოდ ძირითადი შემოწმების დროს დასმული საკითხების ფარგლებში, ბრძანებისა და დამტკიცებული პროგრამის საფუძველზე.     მუხლი 23🔗. რევიზია-შემოწმების აქტი (ცნობა) 1. კონტროლის პალატის მიერ ჩატარებული კომპლექსური რევიზიის დროს დგება „კომპლექსური რევიზიის აქტი“, ხოლო თემატური შემოწმების, ან კომპლექსური რევიზიის დროს ცალკეულ საკითხთა რევიზიის შედეგების სხვა ორგანოებში გადაგზავნის შემთხვევაში – „თემატური შემოწმების აქტი“. 2. რევიზია-შემოწმება ტარდება პირველადი დოკუმენტების (დედნების) ან/და სათანადო წესით დამოწმებული ასლების საფუძველზე. რევიზია-შემოწმების აქტს (ცნობას) ერთვის შესაბამისი დოკუმენტების ობიექტის მიერ დამოწმებული ასლები. 3. კომპლექსური რევიზიის და თემატური შემოწმების აქტში უნდა აისახოს რევიზია-შემოწმების შედეგები პროგრამაში ჩამოთვლილ საკითხთა მიხედვით, უნდა დაფიქსირდეს ყველა დარღვევა შესაბამისი საკანონმდებლო ან კანონქვემდებარე ნორმატიული აქტის დასახელების, დარღვეული მუხლის, მუხლის ნაწილის თუ პუნქტის მითითებით. აქტის ბოლოს, უფლებამოსილ პირთა ხელმოწერამდე, განმარტებული უნდა იყოს აქტის გასაჩივრების ორგანო, ვადა და წესი. 4. რევიზია-შემოწმების აქტის, როგორც ადმინისტრაციული აქტის თავფურცელი, შესრულებული უნდა იყოს კონტროლის პალატის გერბიან ბლანკზე, უნდა ჰქონდეს კონტროლის პალატის სარეგისტრაციო ნომერი, შედგენის თარიღი და ადგილი. აქტის მოცულობა, როგორც წესი, არ უნდა აღემატებოდეს კომპიუტერის არანაკლებ 14 შრიფტით და 1,5 ინტერვალით ნაბეჭდ 100 გვერდს. 5. რევიზია-შემოწმების აქტს ხელს აწერს სარევიზიო ჯგუფის ხელმძღვანელი და ჯგუფის წევრები, რომლებიც პერსონალურად აგებენ პასუხს რევიზიის შედეგების უტყუარობაზე. რევიზია-შემოწმების აქტში არ შეიძლება შეფასება მიეცეს ფაქტებს, რომელიც სათანადოდ არ იქნა გამოკვლეული და შესწავლილი რევიზია-შემოწმების პროცესში. 6. შემოწმებულ ობიექტს რევიზია-შემოწმების აქტი გასაცნობად წარედგინება სარევიზიო ჯგუფის მიერ ხელმოწერის შემდეგ, რევიზიის ვადის ამოწურვამდე. აქტის ჩაბარება დასტურდება ობიექტის პასუხისმგებელი პირის ხელმოწერით და ობიექტის მარეგისტრირებელი დანაყოფის აღნიშვნით. ობიექტის ხელმძღვანელობა აქტს ეცნობა და ხელს აწერს ჩაბარებიდან 10 კალენდარული დღის ვადაში. აქტში დაფიქსირებულ ფაქტებზე სრულად ან ნაწილობრივ არდათანხმების შემთხვევაში, ობიექტის ხელმძღვანელობა აქტზე აკეთებს შესაბამის მინაწერს და სარევიზიო ჯგუფს წარუდგენს წერილობით განმარტებას, რომელიც თან უნდა დაერთოს რევიზიის მასალებს. რევიზიის შედეგებზე შემოწმებული ობიექტის შენიშვნებს იხილავს შესაბამისი სტრუქტურული ერთეულის ხელმძღვანელობა. განხილვის შედეგებზე ობიექტს ეცნობება წერილობით და აისახება რევიზია-შემოწმების შესახებ მოხსენებით ბარათში. რევიზია-შემოწმების თაობაზე წარმოდგენილი ადმინისტრაციული საჩივრის გადაწყვეტაში დაუშვებელია მონაწილეობა მიიღონ აქტის შემდგენი სარევიზიო ჯგუფის წევრებმა, მათ ეცნობებათ ადმინისტრაციული წარმოების დაწყების შესახებ და უფლება აქვთ მონაწილეობა მიიღონ ადმინისტრაციულ წარმოებაში. 7. რევიზია-შემოწმების პროცესში გამოვლენილ დარღვევებსა და შედეგებზე, შემოწმებული ობიექტის გარდა, უნდა ეცნობოს ყველა იმ იურიდიულ თუ ფიზიკურ პირს, რომლის სამართლებრივი მდგომარეობაც შეიძლება გაუარესდეს რევიზია-შემოწმების შედეგებიდან გამომდინარე და რომლებიც წარმოადგენენ საქართველოს ზოგადი ადმინისტრაციული კოდექსით განსაზღვრულ დაინტერესებულ მხარეს. სარევიზიო ჯგუფმა მითითებულ პირებს უნდა მისცეს შესაძლებლობა წარმოადგინონ მათ მიმართ დაფიქსირებულ დარღვევებთან დაკავშირებით წერილობითი განმარტებები და დოკუმენტური მტკიცებულებები. 8. იმ შემთხვევაში, თუ შემოწმებული ობიექტი ან სხვა დაინტერესებული მხარე უარს აცხადებს აქტის მიღებაზე, მასზე ხელმოწერაზე ან შესაბამისი განმარტებების წარმოდგენაზე, სარევიზიო ჯგუფის მიერ დგება სათანადო ცნობა. ცნობა დგება აგრეთვე იმ შემთხვევაში, თუ შეუძლებელია რევიზიის ჩატარება ან დაწყებული რევიზიის დასრულება. 9. დანაშაულის ნიშნების შემცველი რევიზია-შემოწმების მასალები სამართალდამცავ ორგანოებს ეგზავნება კონტროლის პალატის იურიდიული დეპარტამენტის ვიზირების შემდეგ.     მუხლი 24🔗. მოხსენებითი ბარათი 1. რევიზია-შემოწმების აქტის ობიექტის ხელმძღვანელობის მიერ გაცნობისა და ხელმოწერისთვის განკუთვნილი ვადის ამოწურვიდან ან ამ რეგლამენტის 23-ე მუხლის მე-6 პუნქტით გათვალისწინებული ცნობის გაფორმებიდან არა უმეტეს 20 დღის ვადაში სტრუქტურული ერთეული ამზადებს მოხსენებით ბარათს შესაბამისი კონტროლის პალატის თავმჯდომარის სახელზე. 2. მოხსენებით ბარათში მოკლედ უნდა იყოს გაანალიზებული რევიზია-შემოწმების შედეგად გამოვლენილი დარღვევა-ნაკლოვანებები სათანადო შეფასებებითა და დასკვნებით; წარმოდგენილი უნდა იყოს წინადადებები დარღვევა-ნაკლოვანებათა აღმოფხვრისა და რეაგირების შესახებ. 3. მოხსენებით ბარათს ხელს აწერს სტრუქტურული ერთეულის ხელმძღვანელი და შემოწმებული ობიექტის ახსნა-განმარტებასთან ერთად (ასეთის არსებობის შემთხვევაში) წარუდგენს კონტროლის პალატის თავმჯდომარეს. რევიზია-შემოწმების მოხსენებითი ბარათი ვიზირებული უნდა იყოს სტრუქტურული ერთეულის ხელმძღვანელის, მისი მოადგილის, სტრუქტურული ერთეულის კურატორი თავმჯდომარის მოადგილის და იურიდიული დეპარტამენტის მიერ. მოხსენებითი ბარათი სამართლებრივი უზრუნველყოფისათვის და მოთხოვნის შემთხვევაში რევიზია-შემოწმების აქტი იურიდიულ დეპარტამენტს წარედგინება ამ მუხლის პირველ პუნქტში მითითებული ვადის ამოწურვამდე არანაკლებ 5 დღით ადრე.     მუხლი 25🔗. საზედამხედველო წარმოება 1. რევიზია-შემოწმებასთან დაკავშირებით სარევიზიო ჯგუფის ხელმძღვანელი აწარმოებს საზედამხედველო წარმოებას, სადაც იკრიბება რევიზია-შემოწმების დასრულების შემდეგ აქტის (ცნობის) რეალიზაციის დოკუმენტაცია, მათ შორის, ამ რეგლამენტის მე-12, 21-ე, 24-ე და 38-ე მუხლებით გათვალისწინებული დოკუმენტების ასლები, აგრეთვე სამართალდამცავი ორგანოებისათვის შემოწმების მასალის გადაცემის შემთხვევაში – წერილი მასალის გადაცემის თაობაზე, სამართალდამცავი ორგანოს ინფორმაცია სისხლისსამართლებრივი რეაგირების შესახებ. 2. მიწერილობაზე, დადგენილებასა და წარდგინებაზე შემოწმებული ობიექტის ან შემოწმებული ობიექტის ზემდგომი ორგანოს რეაგირებასთან დაკავშირებით – ინფორმაცია, ორგანიზაციის ბრძანებები, განკარგულებები, წერილები, განმარტებითი ბარათები, და დადგენილება (ცნობა) კონტროლიდან მოხსნის შესახებ. 3. საზედამხედველო წარმოებაზე კონტროლს ახორციელებს სტრუქტურული ერთეულის უფროსის მოადგილე.     მუხლი 26🔗. შემოწმებული ობიექტის განმეორებითი შემოწმება კანონიერი საფუძვლის არსებობის შემთხვევაში შემოწმებული ობიექტის განმეორებითი შემოწმების თაობაზე გადაწყვეტილებას იღებს საქართველოს კონტროლის პალატის პრეზიდიუმი.