საჯარო სამართლის იურიდიული პირის – ახმეტის №5 საჯარო სკოლის რეორგანიზაციის, საჯარო სამართლის იურიდიული პირის – ახმეტის დღის სკოლისგარეშე სააღმზრდელო დაწესებულების დაფუძნებისა და მისი წესდების დამტკიცების შესახებ

საჯარო სამართლის იურიდიული პირის – ახმეტის №5 საჯარო სკოლის რეორგანიზაციის, საჯარო სამართლის იურიდიული პირის – ახმეტის დღის სკოლისგარეშე სააღმზრდელო დაწესებულების დაფუძნებისა და მისი წესდების დამტკიცების შესახებ /* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:SPLiteraturuly;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:12.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:12.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin:0in; margin-bottom:.0001pt; font-size:10.0pt; font-family:"Courier New";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:14.2pt; font-size:11.0pt; font-family:SPLiteraturuly;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin:0in; margin-bottom:.0001pt; text-indent:14.15pt; font-size:11.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:-42.5pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:10.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:6.0pt; margin-left:0in; text-indent:14.15pt; font-size:12.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin-top:1.0pt; margin-right:0in; margin-bottom:1.0pt; margin-left:0in; font-size:9.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.kodixml, li.kodixml, div.kodixml {mso-style-name:kodi_xml; margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; font-family:"Sylfaen","serif";} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} /* Page Definitions */ @page Section1 {size:8.5in 11.0in; margin:45.0pt .75in .5in .75in;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} სახელმწიფო  სარეგისტრაციო კოდი 040.030.000.22.022.010.738 საქართველოს განათლებისა და მეცნიერების მინისტრის ბრძანება №615 2007 წლის 8 აგვისტო ქ. თბილისი საჯარო სამართლის იურიდიული პირის – ახმეტის №5 საჯარო სკოლის რეორგანიზაციის, საჯარო სამართლის იურიდიული პირის – ახმეტის დღის სკოლისგარეშე სააღმზრდელო დაწესებულების დაფუძნებისა და მისი წესდების დამტკიცების შესახებ ,,ზოგადი განათლების შესახებ“ საქართველოს კანონის 26-ე მუხლის პირველი პუნქტის ,,ნ“ ქვეპუნქტის, 34-ე მუხლის, 55-ე მუხლის პირველი და მე-2 პუნქტე­ბის, ,,საქართველოს მთავრობის სტრუქტურის, უფლე­ბა­მოსილებისა და საქმისწარმოების წესის შესახებ“ საქარ­თველოს კანონის მე-20 მუხლის პირველი პუნ­ქტისა და 21-ე მუხლის პირველი პუნქტის, ,,საქართვე­ლოს განათლებისა და მეცნიერების სამინისტროს დე­ბუ­ლების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის ,,ა“ და ,,მ“ ქვეპუნქტების შესაბამისად, ვბრძანებ: 1. საჯარო სამართლის იურიდიული პირის – ახ­მე­ტის №5 საჯარო სკოლა, რომელიც სწავლებას ახორ­­ციელებს დაწყებით-საბაზო საფეხურზე, რეორ­განიზებულ იქნეს საჯარო სამართლის იურიდიულ პირად – ახმეტის დღის სკოლისგარეშე სააღმზრდელო დაწე­სებულებად. 2. დამტკიცდეს საჯარო სამართლის იურიდიული პირის – ახმეტის დღის სკოლისგარეშე სააღმზრდელო დაწესებულების თანდართული წესდება. 3. ბრძანება ძალაში შევიდეს გამოქვეყნებისთანავე. ა. ლომაია საჯარო სამართლის იურიდიული პირის – ახმეტის დღის სკოლისგარეშე სააღმზრდელო დაწესებულების წესდება     მუხლი 1🔗. ზოგადი დებულებანი 1. საჯარო სამართლის იურიდიული პირი – ახმეტის დღის სკოლისგარეშე სააღმზრდელო დაწესებულება (შემდგომში – დაწესებულება) ახორციელებს იმ ბავშვთა სააღმზრდელო მომსახურებას, რომელთა ოჯახებიც ვერ უზრუნველყოფენ ბავშვის სრულყოფილ ზედამხედ­ველობას დღის განმავლობაში და ემსახურება ოჯახის მხარდამჭერი მომსახურების ჩამოყალიბებასა და განვითარებას. 2. დაწესებულების სახელმწიფო კონტროლს ახორ­ციელებს საქართველოს განათლებისა და მეცნიერების სამინისტრო (შემდგომში – სამინისტრო). 3. დაწესებულება დამოუკიდებელია თავის საქმიანო­ბაში. იგი ხელმძღვანელობს საქართველოს კონსტი­ტუციით, საქართველოს საერთაშორისო ხელშეკრუ­ლებებითა და შეთანხმებებით, ,,განათლების შესახებ“, ,,ზოგადი განათლების შესახებ“, ,,საჯარო სამართლის იურიდიული პირის შესახებ“ საქართველოს კანონებით, სხვა ნორმატიული აქტებითა და ამ წესდებით. 4. დაწესებულებას აქვს დამოუკიდებელი ბალანსი, საბანკო ანგარიში, ემბლემა, ბეჭედი მცირე სახელმწიფო გერბის გამოსახულებით და იურიდიული პირის სხვა რეკვი­ზიტები. 5. დაწესებულების მისამართია: ახმეტა, ჭავჭავაძის ქ. №15.     მუხლი 2🔗. ცენტრის საქმიანობის ძირითადი პრინციპები 1. დაწესებულების საქმიანობის მიზანს წარმოადგენს ბავშვის კეთილდღეობა. დაწესებულება ხელმძღვანე­ლობს „ადამიანის უფლებათა და ძირითად თავისუფლე­ბათა ევროპული კონვენციისა“ და „ბავშვთა უფლებათა კონვენციის“ მიერ აღიარებული პრინციპებით. 2. დაწესებულება აღიარებს თითოეული ბავშვისადმი ინდივიდუალური მიდგომის აუცილებლობას. 3. დაწესებულება მომსახურების დაგეგმვისა და მიწო­დე­ბის პროცესში აღიარებს ოჯახისა და ბავშვის თანამონაწილეობას, მათი ინტერესების სრული გათვა­ლისწინებით, თუ კი ეს ინტერესები მიმართულია ბავ­შვის კეთილდღეობისაკენ. 4. დაწესებულებაში მომსახურების მიღება არის მომხმარებლის თავისუფალი არჩევანი და არა იძულე­ბითი ღონისძიება, ისევე როგორც მომსახურების შეწყვე­ტა. 5. დაწესებულების საქმიანობა არის აგებული გამ­ჭვირვა­ლობისა და ღიაობის პრინციპზე, თითოეული მომ­ხმარებ­ლის ინფორმაციის კონფიდენციალურობის პრინციპის დაცვით. 7. დაწესებულება ითვალისწინებს ბავშვისა და მისი ოჯახის ინტერესებს მომსახურების დაგეგმვისა და მიწოდების პროცესში. 8. დაწესებულება უზრუნველყოფს დღის განმავლო­ბაში ბავშვთა მოვლასა და აღზრდას, რაც გულისხმობს: ა) კვებას; ბ) ფსიქოლოგიურ მომსახურებას; გ) ფორმალური განათლების ხელშეწყობას: როგო­რიცაა გაკვეთილების მომზადებაში დახმარება, დამატე­ბითი მომზადება უცხო ენაში, კომპიუტერში და სხვა; დ) არაფორმალური განათლების ხელშეწყობას, ინ­ტე­რაქ­ტიული თამაშების, დისკუსიების, ლიტერატუ­რული კითხვის, როლური თამაშებისა და სხვა მეთო­დებით; ე) შემოქმედებითი უნარების განვითარებას, რო­გორიცაა: თიხასა და ხეზე მუშაობა, ხატვა, ძერწვა, სიმღერა და სხვა; ვ) ჯანსაღი ცხოვრების წესის სწავლებასა და პრაქ­ტი­კული საყოფაცხოვრებო უნარების განვითარებას; ზ) კულტურულ-სპორტულ ღონისძიებებში აღსაზ­რდელ­თა ჩართვას.     მუხლი 3🔗. აღზრდის პროცესის ორგანიზება 1. დაწესებულებაში აღზრდის პროცესის ორგანიზება ხორციელდება კანონმდებლობით დადგენილი წესით დამ­ტკიცებული სტანდარტების შესაბამისად. 2. დაწესებულებაში ინახება ბავშვის პირადი საქმე, რომელიც მოიცავს: ა) ბავშვის სახელს და გვარს, ოჯახის საკონტაქტო ინფორმაციას, სქესს, დაბადების თარიღსა და ადგილს; ბ) დაწესებულებაში ბავშვის მიღების დამადასტუ­რებელ დოკუმენტაციას, მათ შორის სოციალური მუშაკის რეკომენდაციას ბავშვის დაწესებულებაში მიღე­ბის აუცილებლობის ან მიზანშეწონილობის შესახებ; გ) ინფორმაციას ბავშვის ჯანმრთელობის მდგომა­რეობის, გადატანილი დაავადებებისა და ჩატარებული პროფილაქტიკური აცრების შესახებ; დ) სხვა დოკუმენტაციას, რომელიც წარმოადგინა ბავშვის მეურვემ, მზრუნველმა ან მშობელმა.     მუხლი 4🔗. დაწესებულებაში აღსაზრდელთა მიღების წესი 1. დაწესებულებაში მიიღებიან 6-დან 18 წლამდე ასაკის ის აღსაზრდელები, რომელთა ოჯახებიც ვერ უზ­­რუნ­­ველ­ყოფენ ბავშვის სრულყოფილ ზედამხედ­ველობას დღის განმავლობაში. 2. დაწესებულების მომსახურების შეწყვეტა არის ნებაყოფლობითი, გარდა იმ შემთხვევისა, რომელიც გან­საზ­ღვრულია წესდებით. დაწესებულებაში ბავშვები მიიღებიან სოციალური მუშაკის რეკომენდაციის საფუძ­ელზე, მეურვეობისა და მზრუნველობის ადგი­ლობ­რივ ორგანოსთან შეთანხმებით.     მუხლი 5🔗. აღსაზრდელთა უფლებები და ვალდებულებები 1. დაწესებულების აღსაზრდელს უფლება აქვს: ა) ფლობდეს ინფორმაციას თავისი უფლებებისა და თავისუფლებების შესახებ; ბ) თავისი უფლებებისა და თავისუფლებების დასა­ცავად გაასაჩივროს აღმზრდელის, დირექტორის ან დაწესებულების სხვა თანამშრომლის უკანონო და არამართლზომიერი ქმედებები იმავე დაწესებულებაში ან ზემდგომ ორგანოში; გ) გამოთქვას საკუთარი აზრი და მოითხოვოს მისი პატივისცემა; დ) დაცული იყოს ყველა ფორმის ფიზიკური და ფსი­ქო­ლოგიური ძალადობისაგან; ე) განავითაროს თავისი შემოქმედებითი უნარ-ჩვევები; ვ) ჩაერთოს მისთვის ინდივიდუალური გეგმის შედ­გენის პროცესში; ზ) მშობლის ან კანონიერი წარმომადგენლის თან­ხმო­ბით უარი თქვას დაწესებულების მომსახურებაზე. 2. აღსაზრდელი ვალდებულია შეასრულოს დაწესე­ბუ­ლების შინაგანაწესი, გაუფრთხილდეს დაწესებულების ქონებას, პატივი სცეს სხვა აღსაზრდელთა და თანამ­შრომელთა უფლებებს.     მუხლი 6🔗. დაწესებულების ექიმი და ფსიქოლოგი 1. დაწესებულების აღსაზრდელთა სამედიცინო მომსახურებას უზრუნველყოფს ექიმი-სპეციალისტი, რომელაც მოპოვებული აქვს სახელმწიფო სერტიფიკატი შემდეგ სპეციალობებში: ,,საოჯახო მედიცინა“, ,,პე­დიატრია“ და ,,შინაგანი მედიცინა“. 2. ექიმი დაწესებულებაში: ა) ახორციელებს აღსაზრდელთა პირველად და გა­დაუ­დებელ სამედიცინო დახმარებას; ბ) ახორციელებს სანიტარიულ-ჰიგიენურ და ეპიდ­რეჟიმზე უზრუნველყოფას; გ) უზრუნველყოფს კვების პროფუქტების უსაფრ­თხოებას და კვების რაციონის შესაბამისობას დადგენილ ფიზიოლოგიური მოთხოვნილების ნორმებთან; დ) გადამდები დაავადებების გავრცელებისაგან აღსაზ­რდელთა დაცვის მიზნით ახორციელებს დაწესებულების თანამშრომელთა ჯანმრთელობის მდგომარეობის მეთ­ვალ­ყურეობას. 3. ა­ღსაზრდელთა ჰარმონიული ფსიქოსოციალური განვითარების მიზნით, დაწესებულებაში საკონსულტაციო და პროფილაქტიკურ სამუშაოებს ახორციელებს ფსიქო­ლოგი, რომელიც ბავშვებთან და მათი ოჯახის სხვა წევ­რებთან ახორციელებს ინდივიდუალურ და ჯგუფურ მუშაობას.     მუხლი 7🔗. დაწესებულების აღმზრდელები: აღმზრდელი ვალდებულია: ა) შეასრულოს ხელშეკრულებით ნაკისრი ვალდებუ­ლებები; ბ) პატივი სცეს აღსაზრდელთა და თანამშრომელთა უფლებებს; გ) აღსაზრდელებთან მუშაობა წარმართოს მათი ინდივიდუალური თვისებების, უნარისა და მიდრეკილე­ბების გათვალისწინებით; დ) აირჩიოს აღსაზრდელთან მიდგომის ისეთი მეთო­დები, სწავლების ფორმა და საშუალებები, რომლე­ბიც უზრუნველყოფენ აღსაზრდელთა საუკეთესო ინტე­რესების დაცვას და განხორციელებას; ე) შრომითი ხელშეკრულებით გათვალისწინებული წესით წარუდგინოს დაწესებულებას ინფორმაცია საკუ­თა­რი ჯანმრთელობის მდგომარეობის შესახებ.     მუხლი 8🔗. დაწესებულების მართვა: დაწესებულების მართვას ახორციელებს: ა) დირექცია; ბ) სამეთვალყურეო საბჭო.     მუხლი 9🔗. დირექცია 1. დაწესებულების დირექცია შედგება დირექტორის, დირექტორის მოადგილისა და ბუღალტრისაგან. 2. დაწესებულებას მართავს დირექტორი, რომელიც ინიშნება 4 წლის ვადით საქართველოს განათლებისა და მეცნიერების სამინისტროს მიერ ამ წესდებითა და სა­ქარ­თვე­ლოს კანონმდებლობით დადგენილი წესის შესაბამისად. დირექტორად პირი შეიძლება დანიშნულ იქნეს ზედიზედ მხოლოდ ორჯერ. 3. დირექტორის დანიშვნა ხორციელდება სამინის­ტროს მიერ ჩატარებული შესარჩევი კონკურსის შედეგად გამოვლენილი დირექტორობის კანდიდატების დაწესებუ­ლების სამეთვალყურეო საბჭოსთან შეთანხმების საფუძ­ველზე. 4. დირექტორის კონკურსის ჩატარების წესსა და საკვალიფიკაციო მოთხოვნებს ადგენს საქართველოს განათ­ლებისა და მეცნიერების მინისტრი. 5. დირექტორობის შერჩეული კანდიდატურები წარედ­გინება დაწესებულების სამეთვალყურეო საბჭოს, რომელიც სიითი შემადგენლობის უმრავლესობით ირ­ჩევს დირექტორობის სასურველ კანდიდატს. 6. სამეთვალყურეო საბჭო სამინისტროს წარუდგენს შერჩეულ კანდიდატს, რომელსაც საქართველოს განათ­ლებისა და მეცნიერების მინისტრის ინდივიდუა­ლური ადმი­ნისტრაციულ-სამართლებრივი აქტით ნიშნავს დაწესებულების დირექტორად. 7. დაწესებულების დირექტორს თანამდებობიდან ათავისუფლებს საქართველოს განათლებისა და მეც­ნიერების მინისტრი, საქართველოს კანონმდებ­ლობით დადგენილი წესით. 8. დირექტორის მოადგილეს/მოადგილეებს ნიშნავს დაწესებულების დირექტორი. დირექტორის მიერ თავისი უფლებამოსილების განხორციელების შეუძლებ­ლობის შემთხვევაში, მის მოვალეობას ასრულებს დი­რექ­ტორის მოადგილე, ხოლო რამდენიმე მოადგილის არ­სე­ბო­ბის შემთხვევაში – დირექტორის ერთ-ერთი მოადგილე დირექტორის ინდივიდუალური ადმინის­ტრა­ციულ-სამართლებრივი აქტის შესაბამისად. 9. დაწესებულების დირექცია ამზადებს დირექტორის გადაწყვეტილებათა პროექტებს, უზრუნველყოფს დაწესე­ბულების საქმისწარმოებას, ზედამხედველობს დაწესებუ­ლების წესდების, შინაგანაწესისა და დირექტორის გადაწ­ყვე­ტილებათა შესრულებას.     მუხლი 10🔗. დირექტორის უფლება-მოვალეობები 1. დაწესებულების დირექტორი: ა) წარმართავს დაწესებულების საქმიანობას, ახდენს დირექციისა და სამეთვალყურეო საბჭოს საქმიანობის კოორდინაციას; ბ) ზედამხედველობს დაწესებულების აღმზრდელო­ბით, საფინანსო-სამეურნეო საქმიანობას და პასუხის­მგებელია ამ პროცესების ორგანიზაციაზე; გ) კანონმდებლობით დადგენილი წესით დებს გარი­გებებს დაწესებულების სახელით; დ) უზრუნველყოფს თანამშრომლებთან შრომის ხელშეკრულებების დადებასა და შესრულებას. ე) უფლებამოსილია თანამშრომლებს ვადამდე შეუწ­ყვიტოს შრომის ხელშეკრულება საქართველოს კანონ­მდებ­ლობით დადგენილი მოთხოვნებისა და წესის გათვალის­წინებით; ვ) საქართველოს ზოგადი ადმინისტრაციული კოდექ­სით დადგენილი წესით განიხილავს საჩივრებს; ზ) საქართველოს განათლებისა და მეცნიერების სამინისტროსთან შეთანხმებით ამტკიცებს საშტატო განრიგს; თ) დაწესებულების სამეთვალყურეო საბჭოს დასამ­ტკიცებლად წარუდგენს დაწესებულების ბიუჯეტს; ი) უფლებამოსილია განახორციელოს საქართველოს კანონმდებლობითა და წესდებით გათვალისწინებული სხვა საქმიანობა. 2. დირექტორი ვალდებულია: ა) კეთილსინდისიერად შეასრულოს ნაკისრი ვალდე­ბულებები; ბ) დაიცვას პროფესიული ეთიკის ნორმები, პატივი სცეს აღსაზრდელთა და თანამშრომელთა უფლებებს; გ) გაუფრთხილდეს სახელმწიფო და დაწესებულების ქონებას და მიზანშეწონილად განკარგოს ბიუჯეტით გათვალისწინებული სახსრები; დ) უზრუნველყოს სააღმზრდელო პროცესის განხორ­ციელებაზე კონტროლი; ე) მიაწოდოს ინფორმაცია სამეთვალყურეო საბჭოს დაწესებულების სააღმზრდელო და საფინანსო საქმიანო­ბის შესახებ. 3. დირექტორის მიერ საქართველოს კანონმდებ­ლო­ბის დარღვევის ან მის მიერ სააღმზრდელო საქმია­ნობისათვის შეუფერებელი საქმიანობის განხორ­ციე­ლებისას, სამეთვალყურეო საბჭო უფლებამოსილია განიხილოს დაწესებულების დირექტორის სამსახურიდან გათავი­სუფლების საკითხი და მიმართოს საქართველოს განათლებისა და მეცნიერების სამინისტროს შესაბამისი გადაწყვეტილების მიღების მიზნით.     მუხლი 11🔗. სამეთვალყურეო საბჭო 1. დაწესებულებაში იქმნება სამეთვალყურეო საბჭო, რომლის შემადგენლობას ამტკიცებს საქართველოს განათლებისა და მეცნიერების სამინისტრო. 2. სამეთვალყურეო საბჭოს წევრთა რაოდენობა შეიძლება იყოს არანაკლებ 4 და არა უმეტეს 6 წევრისა. 3. სამეთვალყურეო საბჭოს წევრები ინიშნებიან ოთხი წლის ვადით. სამეთვალყურეო საბჭოს წევრი შეიძლება დანიშნულ იქნეს ზედიზედ მხოლოდ ორჯერ. 4. სამეთვალყურეო საბჭოს შემადგენლობაში აუცი­ლებ­ლად შედიან: ა) 1 წევრი – სოციალური მუშაკი; ბ)1 წევრი – აღმზრდელთა საბჭოს წარმომადგენელი; გ) სამინისტროს მიერ დანიშნული 1 სხვა წევრი; დ) სამინისტროს მიერ დანიშნული 1 წევრი, რომე­ლიც წარმოადგენს საზოგადოების ან მეწარმეთა წარმომადგენელს. 5. სამეთვალყურეო საბჭოს ხელმძღვანელობს საბ­ჭოს თავმჯდომარე, რომელიც სამეთვალყურეო საბჭოს წევრთა მიერ აირჩევა სიითი შემადგენლობის უბრალო უმრავლესობით. იგი უფლებამოსილია მოიწვიოს და წარმართოს საბჭოს სხდომები. სამეთვალყურეო საბჭოს სხდომაზე განსახილველი საკითხის გადაწყვეტისას ხმათა თანაბარი განაწილების შემთხვევაში გადამწყვეტია სამეთვალყურეო საბჭოს თავმჯდომარის ხმა. 6. სამეთვალყურეო საბჭოს სხდომა მოიწვევა საჭიროე­ბისამებრ, მაგრამ არანაკლებ ყოველ სამ თვეში ერთხელ, საბჭოს თავმჯდომარის მიერ. სამეთვალყურეო საბჭოს რიგგარეშე სხდომის მოწვევის უფლება აქვს საბჭოს წევრთა მესამედს და დაწესებულების დირექ­ტორს, სხდომის მოწვევის მიზნის მითითებით. 7. სამეთვალყურეო საბჭო, როგორც წესი, გადაწყვე­ტილებას იღებს ღია კენჭისყრით. დამსწრეთა უმრავლესობის გადაწყვეტილებით სამეთვალყურეო საბ­ჭოზე ცალკეული საკითხები შესაძლოა მიღებულ იქნეს ფარული კენჭისყრით.     მუხლი 12🔗. სამეთვალყურეო საბჭოს ფუნქციები სამეთვალყურეო საბჭო: ა) მოიზიდავს შემოსავლებს; ბ) აკონტროლებს დაწესებულების შემოსავლების რაციონალურად განკარგვას; გ) ამტკიცებს დირექტორის მიერ წარდგენილ ბიუჯეტს; დ) ამტკიცებს დაწესებულების სამოქმედო გეგმას; ე) ირჩევს დირექტორობის კანდიდატურებიდან სასურ­ველ კანდიდატურას და დაწესებულების დირექ­ტორის თანამდებობაზე დასანიშნად წარუდგენს სამი­ნისტროს; ვ) დირექტორის წარდგინებით ამტკიცებს შინაგა­ნაწესს; ზ) ამტკიცებს დაწესებულების საქმიანობასა და ფი­ნან­­სურ ანგარიშს; თ) დაწესებულების თანამშრომელთა შერჩევის მიზ­ნით, დირექტორის წარდგინებით ამტკიცებს თანამ­შრომელთა შესარჩევი კონკურსის წესს, ხოლო კონკუ­რსის შედეგების მიხედვით დანიშნული თანამშრომ­ლების შემდგომში შეფასების მიზნით – თანამშრომელთა შეფასების კრიტერიუმებსა და წესს.     მუხლი 13🔗. აღმზრდელთა საბჭო 1. დაწესებულების აღმზრდელებს აქვთ გაერთიანე­ბის უფლება. აღმზრდელები შეიმუშავებენ წინადა­დებებს დაწესებულების დირექციისა და სამეთვალ­ყურეო საბჭოსადმი დაწესებულების მართვასთან და საქმიანობასთან დაკავშირებით. 2. დაწესებულების აღმზრდელები, იმ აღმზრდელთა შემადგენლობიდან, რომლებიც დაწესებულებაში ახორ­ციელებენ ბავშვის მოვლას და აღზრდას, დამსწრეთა უბრალო უმრავლესობით 2 წლის ვადით ირჩევს აღ­მზრდელთა გაერთიანების თავმჯდომარეს და თავიანთ წარმომადგენელს სამეთვალყურეო საბჭოში.     მუხლი 14🔗. დაწესებულების ქონება 1. დასახული მიზნებისა და დაკისრებული ამოცანე­ბის განსახორციელებლად დაწესებულებას საქართვე­ლოს ეკონომიკური განვითარების სამინისტროს მიერ გადაეცემა შესაბამისი ქონება, საქართველოს კანონმდებ­ლობით დადგენილი წესით. 2. დაწესებულება ვალდებულია, საქართველოს კა­ნონ­­მდებ­­ლო­ბით დადგენილი წესით, აწარმოოს საფი­ნანსო-ეკონომიკური საქმიანობის აღრიცხვა-ანგა­რიშგება, შეადგინოს ბალანსი და დასამტკიცებლად წარუდგინოს საქართველოს განათლებისა და მეცნიე­რების სამინის­ტროს. 3. დაწესებულების წლიურ ბალანსს ამოწმებს სამი­ნის­ტროს მიერ დანიშნული დამოუკიდებელი აუდი­ტორი.     მუხლი 15🔗. დაწესებულების დაფინანსება 1. დაწესებულების საფინანსო სახსრების წყაროებია: ა) შესაბამისი ბიუჯეტიდან გამოყოფილი მიზნობრივი სახსრები; ბ) სახელმწიფო შეკვეთის შესრულებიდან მიღებული შემოსავალი; გ) ხელშეკრულების საფუძველზე შესრულებული სამუშაოდან მიღებული შემოსავალი; დ) საქართველოს კანონმდებლობით ნებადართული სხვა შემოსავლები. 2. დაწესებულების სახსრებისა და შემოსავლების განკარგვა ხდება კანონმდებლობით დადგენილი წესით და მთლიანად ხმარდება დაწესებულების მიზნებისა და ფუნქციების შესრულებას. დაწესებულების სახსრების სხვა მიზნებისათვის გამოყენება აკრძალულია.     მუხლი 16🔗. სახელმწიფო კონტროლი დაწესებულების საქმიანობაზე 1. დაწესებულების სახელმწიფო კონტროლს ახორ­ციელებს სამინისტრო, რაც გულისხმობს დაწესებუ­ლების მიერ განხორციელებული საქმიანობის კანონიე­რების, მიზანშეწონილობის, ეფექტიანობისა და საფინან­სო-ეკონომიკური საქმიანობის ზედამხედველობას. 2. სამინისტროს თანხმობას საჭიროებს დაწესე­ბულების მიერ შემდეგი ქმედებების განხორციელება: ა) უძრავი ქონების შეძენა, გასხვისება და დატვირთვა; ბ) სესხის აღება; გ) თავდებობა; დ) საშტატო განრიგისა და ხელფასის ფონდის გან­საზ­ღვრა; ე) სხვა გადაწყვეტილებები დაწესებულების ქონებას­თან დაკავშირებით, თუ ისინი სცილდება ჩვეულებრივი საქმიანობის ფარგლებს. 3. ამ მუხლის მე-2 პუნქტის „ბ“ და „გ“ ქვეპუნქტებით გათვალისწინებულ ქმედებათა განსახორციელებლად აუცილებელია საქართველოს ფინანსთა სამინისტროს თან­ხმობა. 4. დაწესებულებას უფლება არა აქვს მისთვის გადა­ცემული სახელმწიფო საკუთრებაში არსებული ქონება სარგებლობის უფლებით გადასცეს (მათ შორის გააქირაოს, იჯარის, თხოვების ფორმით გადასცეს), დააგი­რაოს, იპოთეკით ან სხვაგვარად დატვირთოს საქარ­­თველოს ეკონომიკური განვითარების სამინის­ტროსთან ან მის ტერიტორიულ ორგანოსთან (მესაკუთ­რესთან) შეუთანხმებლად. 5. სამინისტრო უფლებამოსილია შეაჩეროს ან გააუ­ქმოს დაწესებულების დირექტორის არამართ­ლზომიერი გადაწყვეტილება.     მუხლი 17🔗. წესდებაში ცვლილებებისა და დამატებების შეტანის წესი წესდებაში ცვლილებებისა და დამატებების შეტანა ხდება საქართველოს განათლებისა და მეცნიერების მინისტრის ბრძანებით, საქართველოს კანონმდებლობით დადგენილი წესით.     მუხლი 18🔗. დაწესებულების რეორგანიზაცია და ლიკვიდაცია 1. დაწესებულების რეორგანიზაცია და ლიკვიდაცია ხორ­ციელდება საქართველოს კანონმდებლობით დადგე­ნი­ლი წესით. 2. დაწესებულების ლიკვიდაციას ახორციელებენ ლიკვიდატორები, რომლებსაც ნიშნავს სამინისტრო. ლიკვიდატორი შეიძლება იყოს დაწესებულების ხელ­მძღვანელი. 3. ლიკვიდატორები თავიანთ საქმიანობას ახორციე­ლებენ საქართველოს კანონმდებლობის შესაბამისად. ლიკვიდატორების საქმიანობა შეზღუდულია ლიკვიდა­ციის მიზნით. 4. ლიკვიდაციის შემდეგ დარჩენილი ქონება გადადის სახელმწიფოს საკუთრებაში.     მუხლი 19🔗. გარდამავალი დებულებანი საჯარო სამართლის იურიდიული პირის – ახმეტის დღის სკოლისგარეშე სააღმზრდელო დაწესებულება წარ­მოადგენს ახმეტის №5 საჯარო სკოლის უფლება­მონაცვლეს.