,,საგარეჯოს მუნიციპალიტეტის გამგეობის ინფრასტრუქტურის და არქიტექტურის სამსახურის დებულების დამტკიცების შესახებ“ საგარეჯოს მუნიცპალიტეტის საკრებულოს 2010 წლის 26 ნოემბრის №27 დადგენილებაში ცვლილებების შეტანის თაობაზე

საგარეჯოს მუნიციპალიტეტის საკრებულოს

დადგენილება №11                             

2011 წლის 29 ივლისი

ქ. საგარეჯო

,,საგარეჯოს მუნიციპალიტეტის გამგეობის ინფრასტრუქტურის და არქიტექტურის სამსახურის დებულების დამტკიცების შესახებ“ საგარეჯოს მუნიცპალიტეტის საკრებულოს 2010 წლის 26 ნოემბრის №27დადგენილებაში ცვლილებების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის თანახმად, საგარეჯოს მუნიციპალიტეტის საკრებულო ა დ გ ე ნ ს:

1. შეტანილ იქნეს ცვლილება ,,საგარეჯოს მუნიციპალიტეტის გამგეობის ინფრასტრუქტურის და არქიტექტურის სამსახურის დებულების დამტკიცების შესახებ“ საგარეჯოს მუნიცპალიტეტის საკრებულოს 2010 წლის 26 ნოემბრის №27 დადგენილებაში.

სამსახურის დებულების მე-2 მუხლის 1-ლი პუნქტი  ჩამოყალიბდეს  შემდეგი რედაქციით:

„1. სამსახური შედგება სამსახურის უფროსის, სამსახურის მოხელეებისაგან და ერთი განყოფილებისაგან – მშენებლობის განყოფილება.“.

დებულების მე-3 მუხლის 1 პუნქტი ჩამოყალიბდეს შემდეგი რედაქციით:

„1 სამსახური დადგენილი წესით უზრუნველყოფს:

ა) წინადადებების მომზადებას მუნიციპალური საზოგადოებრივი ტრანსპორტის შექმნის, რეაბილიტაციისა და განვითარების თაობაზე;

ბ) სასაფლაოების მოვლა-პარტონობას, შესაბამისი საზოგადოებრივი მომსახურების ორგანიზებას;

გ) წინადადებების და რეკომენდაციების შემუშავებას მუნიციპალური ინფრასტრუქტურის ობიექტების შექმნის, განვითარების და მათი ექსპლოატაციის საკითხებზე;

დ) წინადადებების და რეკომენდაციების მომზადებას მუნიციპალური ტრანსპორტის ორგანიზების საკითხებზე, შესაბამისი მუნიციპალური პროგრამების შემუშავებასა და მათი განხორციელების მონიტორინგს;

ე) მშენებლობის ნებართვების გასაცემად საჭირო პირობების, საპროექტო და სხვა დოკუმენტაციების კანონმდებლობითა და მუნიციპალიტეტის სამართლებრივი აქტებით განსაზღვრულ მოთხოვნებთან შესაბამისობის თაობაზე წინადადებების შემუშავებას;

ვ) წინადადებების მომზადებას მუნიციპალიტეტის გამგებლობაში შემავალი საზოგადოებრივი მომსახურების ტარიფების განსაზღვრის, აგრეთვე ამ მომსახურეობის მიმწოდებლებსა და მომხმარებლებს სორის ხელშეკრულების მომზადების საკითხებზე;

ზ) მუნიციპალიტეტის სივრცითი მოწყობისა და ქალაქმშენებლობის საინფორმაციო-საკომუნიკაციო სისტემის შექმნასა და განვითარებაზე წინადადებების მომზადებას;

თ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“.

დებულების მე-3 მუხლს დაემატოს მე-2 პუნქტი შემდეგი რედაქციით:

„2. მშენებლობის განყოფილება უზრუნველყოფს:

  ა) მუნიციპალური ინფრასტრქტურის – ადგილობრივი მნიშვნელობის გზების, ხიდების, განათების, სანიაღვრე მეურნეობის, მუნიციპალიტეტის გამგეობაში არსებული კომუნიკაციების შექმნის, რეაბილიტაციისა და განვითარების დაგეგმას, შესაბამისი პროგრამებისა და პროექტების მომზადებას, მათი განხორციელების კოორდინაციას;

ბ) მუნიციპალური ინფრასტრუქტურის ობიექტების შენახვასა და მოვლა–პატრონობას;

გ) მუნიციპალიტეტის დასახელებათა ტერიტორიების კეთილმოწყობის დაგეგმვის, შესაბამისი პროგრამებისა და პროექტების მომზადების, განხორციელებისათვის წინადადებების მომზადება;

დ) დასახლებათა განაშენიანების რეგულირების გეგმების შემუშავებაზე წინადადებების მომზადებას;

ე) დასახლებული ტერიტორიის გამოყენებისა და განაშენიანების რეგულირებისათვის წინადადებების შემუშავებას;

ვ) გეგმარებითი დავალებების მომზადებას;

ზ) მუნიციპალიტეტის დაკვეთით განხორციელებული ობიექტების დაპროექტებისა და მშენებლობის კოორდინაციას;

თ) მუნიციპალიტეტის სივრცითი მოწყობისა და ქალაქმშენებლობის საინფორმაციო-საკომუნიკაციო სისტემის შექმნასა და განვითარებას;

ი) მუნიციპალიტეტის ინფრასტრუქტურის ობიექტების მოვლას;

კ) ტერიტორიის კეთილმოწყობის მუნიციპალური პროგრამებისა და პროექტების მომზადებას და მათ განსახორციელებლად რეკომენდაციებისა და წინადადებების შემუშავებას;

ლ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“.

2. დადგენილება ძალაშია გამოქვეყნებისთანავე

საკრებულოს  თავმჯდომარე                             ი. ჭიაურელი