საქართველოს პრეზიდენტის 1996 წლის 14 ივნისის N389 ბრძანებულებაში ცვლილების შეტანის შესახებ

✨ ჰკითხე AI-ს ამ კანონის შესახებ
მოქმედი მშენებლობა
გამოქვეყნების წყარო
matsne.gov.ge

დოკუმენტის ტექსტი

საქართველოს პრეზიდენტის

ბრძანებულება

N 438     1996 წლის 7 ივლისი     ქ.თბილისი

 

საქართველოს პრეზიდენტის 1996 წლის 14 ივნისის N 389 ბრძანებულებაში ცვლილების შეტანის შესახებ

 

     დაკმაყოფილდეს საქართველოს თეატრის მოღვაწეთა კავშირის თხოვნა და საქართველოს პრეზიდენტის 1996 წლის 14 ივნისის N 389 ბრძანებულების მე-2 და მე-4 პუნქტები ჩამოყალიბდეს შემდეგი რედაქციით:

     "2. საქართველოს ფინანსთა სამინისტრომ (დ.იაკობიძე) მშენებლობის გასაგრძელებლად თეატრის დირექციის მშენებლობის სპეციალურ ანგარიშზე 1996 წლის ივლისის დასაწყისიდან წლის ბოლომდე ყოველთვიურად სახელმწიფო ქონების პრივატიზების შედეგად მიღებული თანხებიდან ჩარიცხოს სესხად 50-70 ათასი ლარი. კრედიტის სარგებლობისათვის წლიური საპროცენტო განაკვეთი განისაზღვროს 25 პროცენტით. თეატრმა აღნიშნული სესხისა და სარგებლის დაფარვა უზრუნველყოს 1999 წლის პირველ აგვისტომდე."

     "4. ასოციაცია "თბილმშენმა" თეატრის მშენებლობის ერთ ჭერქვეშ მოქცევის მიზნით 1996 წლის ბოლომდე შეასრულოს თეატრის ფოიეს კონსტრუქციული ნაწილის მშენებლობის სამუშაოები."

 

                                                                                     ე. შევარდნაძე