საქართველოს განათლებისა და მეცნიერების სამინისტროს ტერიტორიული ორგანოს რეორგანიზაციის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
დადგენილება №380
2011 წლის 8 ოქტომბერი
ქ. თბილისი
საქართველოს განათლებისა და მეცნიერების სამინისტროს ტერიტორიული ორგანოს რეორგანიზაციის თაობაზე
მუხლი1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“საქართველოს კანონის მე-19მუხლის პირველი პუნქტის შესაბამისად:
1. განხორციელდეს საქართველოს განათლებისა და მეცნიერების სამინისტროს ტერიტორიული ორგანოს – ქ. ახალგორის საგანმანათლებლო რესურსცენტრის რეორგანიზაცია ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციულ-ტერიტორიული ერთეულის ადმინისტრაციასთან მიერთების გზით, 2011 წლის 20 ოქტომბრამდე.
2. საქართველოს განათლებისა და მეცნიერების სამინისტრომ და ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციულ-ტერიტორიული ერთეულის ადმინისტრაციამ უზრუნველყონ საქართველოს განათლებისა და მეცნიერების სამინისტროს ტერიტორიული ორგანოს – ქ. ახალგორის საგანმანათლებლო რესურსცენტრის რეორგანიზაციასთან დაკავშირებული, კანონმდებლობით გათვალისწინებული ღონისძიებების განხორციელება.
მუხლი 2. დადგენილება ამოქმედდეს გამოქვეყნებისთანავე.
პრემიერ-მინისტრი ნ. გილაური
ხშირად დასმული კითხვები
- მოქმედებს თუ არა „საქართველოს განათლებისა და მეცნიერების სამინისტროს ტერიტორიული ორგანოს რეორგანიზაციის თაობაზე“?
- დიახ, საქართველოს მთავრობის დადგენილება „საქართველოს განათლებისა და მეცნიერების სამინისტროს ტერიტორიული ორგანოს რეორგანიზაციის თაობაზე“ ამჟამად ძალაშია. ბოლო კონსოლიდირებული რედაქცია — 08.10.2011.
- როდის იქნა მიღებული „საქართველოს განათლებისა და მეცნიერების სამინისტროს ტერიტორიული ორგანოს რეორგანიზაციის თაობაზე“?
- „საქართველოს განათლებისა და მეცნიერების სამინისტროს ტერიტორიული ორგანოს რეორგანიზაციის თაობაზე“ მიღებულია 08.10.2011. მიმღები ორგანო — საქართველოს მთავრობა. დოკუმენტის ნომერი — №380. სარეგისტრაციო კოდი — 040030000.10.003.016541.
- სად არის „საქართველოს განათლებისა და მეცნიერების სამინისტროს ტერიტორიული ორგანოს რეორგანიზაციის თაობაზე“-ის ოფიციალური ტექსტი?
- ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 08.10.2011 მდგომარეობით.
როგორ დავიმოწმოთ
საქართველოს მთავრობის დადგენილება „საქართველოს განათლებისა და მეცნიერების სამინისტროს ტერიტორიული ორგანოს რეორგანიზაციის თაობაზე“, №380, 08.10.2011, სარეგისტრაციო კოდი 040030000.10.003.016541 (კონსოლიდირებული რედაქცია 08.10.2011). ხელმისაწვდომია: https://legali.ge/law/1489376/