,,ელექტროენერგეტიკის, ბუნებრივი გაზისა და წყალმომარაგების სექტორში რეგულირების საფასურის გაანგარიშების და გადახდის წესების დამტკიცების შესახებ” საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 18 სექტემბრის №24 დადგენილებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს ენერგეტიკის მარეგულირებელი ეროვნული კომისია (1)
დოკუმენტის ტექსტი
საქართველოს ენერგეტიკისა და წყალმომარაგების მარეგულირებელი ეროვნული კომისიის
დადგენილება №17
2011 წლის 19 ოქტომბერი
ქ. ქუთაისი
,,ელექტროენერგეტიკის, ბუნებრივი გაზისა და წყალმომარაგების სექტორში რეგულირების საფასურის გაანგარიშების და გადახდის წესების დამტკიცების შესახებ” საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 18 სექტემბრის №24 დადგენილებაში ცვლილების შეტანის თაობაზე
,,ნორმატიული აქტების შესახებ” საქართველოს კანონის მე-20 მუხლის მე-4 პუნქტისა და „ელექტროენერგეტიკისა და ბუნებრივი გაზის შესახებ” საქართველოს კანონის მე-5 მუხლის პირველი პუნქტის საფუძველზე, ვადგენთ:
მუხლი 1. „ელექტროენერგეტიკის, ბუნებრივი გაზისა და წყალმომარაგების სექტორში რეგულირების საფასურის გაანგარიშების და გადახდის წესების დამტკიცების შესახებ“ საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 18 სექტემბრის №24 დადგენილებაში (სსმ III, 22.09.2008, №140, მუხ. 1384) შეტანილ იქნეს შემდეგი ცვლილება:
1. დადგენილების მე-2 პუნქტი ჩამოყალიბდეს შემდეგი რედაქციით:
,,2. დამტკიცდეს ლიცენზიანტების, მიმწოდებლების, იმპორტიორების, ექსპორტიორების, მცირე სიმძლავრის ელექტროსადგურებისა და ელექტროენერგეტიკული სისტემის კომერციული ოპერატორის რეგულირების საფასურის კოეფიციენტები (დანართი №1)”.
2. დადგენილებით დამტკიცებული წესის მე-6 მუხლის მე-2 პუნქტი ჩამოყალიბდეს შემდეგი რედაქციით:
,,2. რეგულირების საფასურის ოდენობა და ლიცენზიანტების, მიმწოდებლების, იმპორტიორების, ექსპორტიორების, მცირე სიმძლავრის ელექტროსადგურებისა და ელექტროენერგეტიკული სისტემის კომერციული ოპერატორისათვის რეგულირების საფასურის კოეფიციენტი განისაზღვრება ამ წესების დანართ №1-ში მოცემული მაჩვენებლების შესაბამისად.”.
3. დადგენილების დანართი №1 ჩამოყალიბდეს შემდეგი რედაქციით:
დანართი №1
„ლიცენზიანტების მიმწოდებლების, იმპორტიორების, ექსპორტიორების, მცირე სიმძლავრის ელექტროსადგურებისა და ელექტროენერგეტიკული სისტემის კომერციული ოპერატორის რეგულირების საფასურის კოეფიციენტები
1. ელექტროენერგეტიკის, ბუნებრივი გაზის და წყალმომარაგების სექტორის ლიცენზიანტების, მიმწოდებლების, იმპორტიორების, მცირე სიმძლავრის ელექტროსადგურებისა და ელექტროენერგეტიკული სისტემის კომერციული ოპერატორის (ესკოს) მიერ გადასახდელი რეგულირების საფასურის კოეფიციენტები:
| ელექტროენერგეტიკული სექტორი: | |
| წარმოების ლიცენზიანტი | 0.005 |
| გადაცემის ლიცენზიანტი
| 0.005
|
| დისპეტჩერიზაციის ლიცენზიანტი | 0.005
|
| განაწილების ლიცენზიანტი | 0.004 |
| იმპორტიორი
| 0.005 |
| ექსპორტიორი
| 0.005 |
| ელექტროენერგეტიკული სისტემის კომერციული ოპერატორი | 0.005 |
| მცირე სიმძლავრის ელექტროსადგური
| 0.005 |
| ბუნებრივი გაზის სექტორი:
| |
| მიმწოდებელი | 0.005
|
| ტრანსპორტირების ლიცენზიანტი | 0.005
|
| განაწილების ლიცენზიანტი |
0.005
|
|
წყალმომარაგების სექტორი:
| |
| მიმწოდებელი | 0.005
|
2. ელექტროენერგეტიკული სისტემის კომერციული ოპერატორის რეგულირების საფასურის განსაზღვრისას მის შემოსავალში არ გაითვალისწინება იმ საქმიანობიდან მიღებული შემოსავალი, რომლიდანაც საქართველოს კანონმდებლობის თანახმად არ უნდა რჩებოდეს მოგება, მოცემულ შემოსავალში არ იგულისხმება ელექტროენერგეტიკული სისტემის კომერციული ოპერატორის მომსახურების საფასურით მიღებული შემოსავალი.”.
მუხლი 2. ეს დადგენილება ამოქმედდეს გამოქვეყნებისთანავე.
თავმჯდომარე გ. ჩალაგაშვილი