,,ქ. თბილისის თვითმმართველი ერთეულის ქონების აუქციონის ფორმით პრივატიზების წესის დამტკიცების შესახებ“ ქ. თბილისის საკრებულოს 2010 წლის 27 აგვისტოს N9-63 გადაწყვეტილებაში ცვლილების შეტანის შესახებ

,,ქ. თბილისის თვითმმართველი ერთეულის ქონების აუქციონის ფორმით პრივატიზების წესის დამტკიცების შესახებ“ ქ. თბილისის საკრებულოს 2010 წლის 27 აგვისტოს N9-63 გადაწყვეტილებაში ცვლილების შეტანის შესახებ

ქალაქ თბილისის საკრებულოს

გადაწყვეტილება №11-47

2011 წლის 28 ოქტომბერ
ი
ქ. თბილისი
,,ქ. თბილისის თვითმმართველი ერთეულის ქონების  აუქციონის ფორმით პრივატიზების წესის დამტკიცების შესახებ“ ქ. თბილისის საკრებულოს 2010 წლის 27 აგვისტოს №9-63 გადაწყვეტილებაში ცვლილების შეტანის შესახებ
,,ნორმატიული აქტების შესახებ“ საქართველოს კანონის მე-20 მუხლის შესაბამისად, ქ. თბილისის საკრებულომ გადაწყვიტა:
1. ,,ქ. თბილისის თვითმმართველი ერთეულის ქონების აუქციონის ფორმით პრივატიზების წესის დამტკიცების შესახებ“ ქ. თბილისის საკრებულოს 2010 წლის 27 აგვისტოს №9-63 გადაწყვეტილებით დამტკიცებულ წესში შეტანილ იქნე
ს შემდეგი ცვლილება:
ა) მე-2 მუხლის ,,ნ” პუნქტი ჩამოყალიბდეს შემდეგი რედაქციით:
„ნ) აუქციონში გამარჯვების დამადასტურებელი ოქმი (შემდგომში ოქმი) აუქციონატორის მიერ გაცემული ადმინისტრაციული დაპირება, რაც წარმოადგენს სრული/საბოლოო თანხის გადახდისა ან/და აუქციონის სხვა პირობების შესრულების შემდეგ საკუთრების დამადასტურებელი მოწმობის გაცემის საფუძველს, ოქმში აღინიშნება ლოტის პრივატიზაციის პირობები, სრული/საბოლოო თანხის გადახდის ვადები და ქონების შეძენის სხვა პირობები“.
ბ) მე-10 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:
„ბ) ქონების შემძენი არ შეასრულებს აუქციონის პირობებს, თუ პირობის შესრულება სავალდებულო იყო საკუთრების დამადასტურებელი მოწმობის გაცემამდე განსაზღვრულ ვადაში. აღნიშნული პუნქტი არ ვრცელდება მე-15 მუხლის მე-5 და მე-6 პუნქტებით გათვალისწინებული შემთხვევებისას წარმოსადგენ დოკუმენტაციაზე.“.

გ) მე-10 მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:
„გ) ქონების შემძენი არ ეთანხმება აუქციონში გამარჯვების დამადასტურებელ ოქმს/ოქმის პირობებს ან აუქციონის შედეგებს;
დ) მე-10 მუხლის მე-5 პუნქტი ჩამოყალიბდეს შემდეგი რედაქციით:
„5. ახალი მესაკუთრე ვალდებულია ქონების გასხვისების შესახებ აცნობოს აუქციონატორს იმ შემთხვევაში,თუ ქონება აუქციონატორის მიერ გაყიდულია გარკვეული საპრივატიზებო პირობებით.
ე) მე-10 მუხლს დაემატოს შემდეგი შინაარსის 51 პუნქტი:
„51. შეძენილი ქონების სააუქციონო პირობებთან მიმართებაში ყოველი ახალი მესაკუთრე წარმოადგენს ქონების შემძენის უფლებამონაცვლეს.
ვ) მე-10 მუხლის მე-7 პუნქტს დაემატოს შემდეგი შინაარსის „გ“ ქვეპუნქტი:
“გ) მე-15 მუხლის მე-5 და მე-6 პუნქტებით გათვალისწინებული შემთხვევებისას წარმოსადგენი დოკუმენტაციის წარმოდგენის ვალდებულების დათქმულ ვადაში შეუსრულებლობის ან არაჯეროვნად შესრულების შემთხვევაში, პირგასამტეხლოს ოდენობა განისაზღვრება ლოტის საბოლოო/სრული საპრივატიზებო ღირებულების 0,05%-ის ოდენობით. განმეორებით შემთხვევისას აუქციონატორი უფლებამოსილია გააუქმოს აუქციონის შედეგები, რა შემთხვევაშიც ქონების შემძენს გადახდილი ბე არ დაუბრუნდება ან დაკარგავს საბანკო გარანტიას.
ზ) მე-10 მუხლის მე-11 პუნქტი ჩამოყალიბდეს შემდეგი რედაქციით:
„11. თუ გამარჯვებული აუქციონის ჩატარებიდან 30 კალენდარული დღის ვადაში წერილობით არ შეატყობინებს აუქციონატორს, ჩაითვლება რომ იგი ეთანხმება ოქმს/ოქმის პირობებს (აუქციონის შედეგებს) და აუქციონის შედეგები არ ექვემდებარება ამ მუხლის პირველი პუნქტის „გ“ ქვეპუნქტის საფუძვლით ავტომატურ გაუქმებას.
თ) მე-13 მუხლის მე-3 პუნქტი ჩამოყალიბდეს შემდეგი რედაქციით:

„3. ოქმი ან/და ოქმის პირობები უნდა შეიცავდეს ამ დებულების მე-10 მუხლით გათვალისწინებულ პასუხისმგებლობას, იმ შემთხვევაში, თუ აუქციონი გამოცხადებული იყო პირობებით, ოქმი ან/და ოქმის პირობები ასევე უნდა შეიცავდეს გამყიდველის მიერ დადგენილ საპრივატიზებო პირობებსა და თანხის გადახდის ვადებს.“
ი) მე-15 მუხლის მე-2 პუნქტი ჩამოყალიბდეს შემდეგი რედაქციით:
„2. ელექტრონული აუქციონი ტარდება აუქციონატორის ინტერნეტსაიტის - www.iauction.ge მეშვეობით, რომელშიც რეგისტრირდება აუქციონში მონაწილეობის მსურველი პირი.“
კ) მე-15 მუხლის მე-6 პუნქტი ჩამოყალიბდეს შემდეგი რედაქციით:
„6. აუქციონატორი უფლებამოსილია, საჭიროების შემთხვევაში  აუქციონში გამარჯვებულ  პირს   აუქციონატორის მიერ განსაზღვრულ ვადაში მოსთხოვოს აუქციონატორისთვის საჭირო ინფორმაციული ხასიათის ნებისმიერი სათანადო წესით დამოწმებული დოკუმენტის წარმოდგენა.“.
2. გადაწყვეტილება ძალაშია გამოქვეყნებისთანავე.
საკრებულოს თავმჯდომარე                                                           ზ. სამადაშვილი