სახაზინო (საბიუჯეტო) დაწესებულებებში ელექტრონული მმართველობის დანერგვის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
სახაზინო (საბიუჯეტო) დაწესებულებებში ელექტრონული მმართველობის დანერგვის შესახებ
საქართველოს პრეზიდენტის
ბრძანებულება №698
2011 წლის 7 ნოემბერი
ქ. თბილისი
სახაზინო (საბიუჯეტო) დაწესებულებებში ელექტრონული მმართველობის დანერგვის შესახებ
„ნორმატიული აქტების შესახებ“ საქართველოს კანონის მე-11 მუხლის მე-2 პუნქტის შესაბამისად, საქართველოში ელექტრონული მმართველობის დანერგვისა და განვითარების მიზნით:
1. შეიქმნას და სახაზინო (საბიუჯეტო) დაწესებულებებში დაინერგოს ადამიანური რესურსის მართვისა და საქმისწარმოების ავტომატიზებული სისტემის სტანდარტები.
2. საჯარო სამართლის იურიდიულმა პირმა – საჯარო სამსახურის ბიურომ უზრუნველყოს ამ ბრძანებულების პირველ პუნქტში აღნიშნული სტანდარტების შემუშავება და საქართველოს მთავრობისათვის დასამტკიცებლად წარდგენა არა უგვიანეს 2011 წლის 11 ნოემბრისა.
3. ეს ბრძანებულება ამოქმედდეს გამოქვეყნებისთანავე.
მ. სააკაშვილი