„სოციალური რეაბილიტაციისა და ბავშვზე ზრუნვის 2011 წლის სახელმწიფო პროგრამის დამტკიცების შესახებ“ საქართველოს მთავრობის 2011 წლის 23 თებერვლის №101 დადგენილებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მთავრობის დადგენილება (1)
დოკუმენტის ტექსტი
საქართველოს მთავრობის
დადგენილება №431
2011 წლის 18 ნოემბერი
ქ. თბილისი
„სოციალური რეაბილიტაციისა და ბავშვზე ზრუნვის 2011 წლის სახელმწიფო პროგრამის დამტკიცების შესახებ“ საქართველოს მთავრობის 2011 წლის 23 თებერვლის №101 დადგენილებაში ცვლილების შეტანის თაობაზე
მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „სოციალური რეაბილიტაციისა და ბავშვზე ზრუნვის 2011 წლის სახელმწიფო პროგრამის დამტკიცების შესახებ“ საქართველოს მთავრობის 2011 წლის 23 თებერვლის №101 დადგენილებაში (სსმ, 28.02.2011 წ.) შეტანილ იქნეს ცვლილება და დადგენილებით დამტკიცებული:
1. №1 დანართის (სოციალური რეაბილიტაციისა და ბავშვზე ზრუნვის 2011 წლის სახელმწიფო პროგრამა) მე‑3 მუხლის პირველი პუნქტი ჩამოყალიბდეს შემდეგი რედაქციით:
„1. პროგრამისა და მისი ქვეპროგრამების (კომპონენტების) ბიუჯეტი განისაზღვრება შემდეგი ცხრილის შესაბამისად:
| „№ | სოციალური რეაბილიტაციისა და ბავშვზე ზრუნვის 2011 წლის სახელმწიფო პროგრამის ქვეპროგრამები (კომპონენტები) | ბიუჯეტი (ლარობით) |
| 1 | მეურვეობისა და მზრუნველობის ორგანოს კანონმდებლობით განსაზღვრული ფუნქციების შესასრულებლად ფინანსური უზრუნველყოფის ქვეპროგრამა |
1,650,000 |
| 2 | მიტოვების რისკის ქვეშ მყოფი ბავშვების კვებით უზრუნველყოფის ქვეპროგრამა | 250,000 |
| 3 | დღის ცენტრების ქვეპროგრამა | 2,050,824 |
| 4 | მზრუნველობამოკლებულ ბავშვთა საოჯახო ტიპის მომსახურებებით უზრუნველყოფის ქვეპროგრამა | 3,542,365 |
| 5 | მიუსაფარ ბავშვთა თავშესაფრით უზრუნველყოფის ქვეპროგრამა | 99,000 |
| 6 | ბავშვთა სააღმზრდელო დაწესებულებების ხელშეწყობის ქვეპროგრამა | 109,220 |
| 7 | ფსიქიკური დარღვევების მქონე პირთა ინსტიტუციური პატრონაჟის ქვეპროგრამა | 540,000 |
| 8 | შშმ პირთა სათემო ორგანიზაციების ქვეპროგრამა | 261,105 |
| 9 | დასვენება-გაჯანსაღებისა და საკურორტო რეაბილიტაციის ქვეპროგრამა | 94,476 |
| 10 | ბავშვთა ფსიქოსომატური აბილიტაციის (რეაბილიტაციის) ქვეპროგრამა | 656,700 |
| 10.1 | დადგენილების №1.10 დანართის (ბავშვთა ფსიქოსომატური აბილიტაციის (რეაბილიტაციის) ქვეპროგრამა) მე-2 მუხლის პირველი პუნქტით გათვალისწინებული ღონისძიებებისათვის | 626,700 |
| 10.2 | დადგენილების №1.10 დანართის (ბავშვთა ფსიქოსომატური აბილიტაციის (რეაბილიტაციის) ქვეპროგრამა) მე-2 მუხლის მე-2 პუნქტით გათვალისწინებული ღონისძიებებისათვის | 30,000 |
| 11 | მეორე მსოფლიო ომის ვეტერანთა რეაბილიტაციის ხელშეწყობის ქვეპროგრამა | 40,000 |
| 12 | გონებრივი და ფიზიკური განვითარების შეფერხების მქონე ბავშვთა ადრეული განვითარების ქვეპროგრამა | 86,400 |
| 13 | ბავშვთა ასაკის განვითარების დარღვევების პრევენციისა და ადრეული დიაგნოსტიკის ქვეპროგრამა | 108,000 |
| 14 | დამხმარე საშუალებებით უზრუნველყოფის ქვეპროგრამა | 2,728,600 |
| 14.1 | სავარძელ-ეტლებით უზრუნველყოფისა და შშმ პირთა დასაქმების ხელშეწყობის კომპონენტი | 196,000 |
| 14.2 | საპროთეზო-ორთოპედიული საშუალებებით უზრუნველყოფის კომპონენტი | 363,400
|
| 14.3 | სმენის აპარატებით უზრუნველყოფის კომპონენტი | 487,700 |
| 14.4 | კოხლეარული იმპლანტით უზრუნველყოფის კომპონენტი | 1,681,500 |
| 15 | პროგრამის მონიტორინგის ქვეპროგრამა | 39,000 |
| 16 | ყრუ-მუნჯების კომუნიკაციის ხელშეწყობის ქვეპროგრამა | 16,000.“. |
2. №1.4 დანართის (მზრუნველობამოკლებულ ბავშვთა საოჯახო ტიპის მომსახურებებით უზრუნველყოფის ქვეპროგრამა):
ა) მე‑4 მუხლის მე‑3 პუნქტი ჩამოყალიბდეს შემდეგი რედაქციით:
„3. მცირე საოჯახო ტიპის სახლის მომსახურების დაფინანსების წესი განისაზღვრება „სპეციალიზებულ დაწესებულებაში პირის მოთავსების დაფინანსების (თანადაფინანსების) წესისა და პირობების დამტკიცების შესახებ“ საქართველოს მთავრობის 2010 წლის 27 იანვრის №22 დადგენილების მოთხოვნათა გათვალისწინებით. ამასთან, ამავე დადგენილების მე‑3 მუხლის მე‑3 პუნქტის „ბ“ ქვეპუნქტით გათვალისწინებული პირობა არ ვრცელდება ბავშვზე ზრუნვის სისტემის რეფორმის ფარგლებში 2011 წლის განმავლობაში ამოქმედებული ახალი მცირე საოჯახო ტიპის სახლების მიმართ, რომელთა მიერ მომსახურების მიწოდება იწყება თვის 10 რიცხვის შემდგომ. ასეთ შემთხვევაში მომსახურების მიმწოდებლისათვის ბენეფიციარისათვის განკუთვნილი ვაუჩერის შესაბამისი თვის ტალონის გაცემას სააგენტო უზრუნველყოფს მომსახურების დაწყებისთანავე.“;
ბ) მე‑4 მუხლის მე‑5 პუნქტი ჩამოყალიბდეს შემდეგი რედაქციით:
„5. ქვეპროგრამით განსაზღვრული მცირე საოჯახო ტიპის სახლის მომსახურების ღირებულების ასანაზღაურებლად გამოიყენება მომსახურების მიმწოდებლის მიერ სააგენტოსათვის არა უგვიანეს მომსახურების მიწოდების თვის 15 რიცხვამდე წარდგენილი ვაუჩერის შესაბამისი თვის ტალონი, რომელიც ექვემდებარება ანაზღაურებას მომსახურების მიწოდების თვის ამოწურვამდე. ამასთან, მომსახურების მიმწოდებლის მიერ ამ ვადის დარღვევით წარდგენილი ვაუჩერის ტალონი დაფინანსებას არ ექვემდებარება. აღნიშნული პირობა არ ვრცელდება ბავშვზე ზრუნვის სისტემის რეფორმის ფარგლებში 2011 წლის განმავლობაში ამოქმედებული ახალი მცირე საოჯახო ტიპის სახლების მიმართ, რომელთა მიერ მომსახურების მიწოდება იწყება თვის 10 რიცხვის შემდგომ. ასეთ შემთხვევაში ვაუჩერის ტალონი ანაზღაურებას ექვემდებარება მომსახურების დაწყების მომდევნო თვის 5 რიცხვამდე წარდგენის შემთხვევაში, რომელიც ანაზღაურდება მომსახურების დაწყების მომდევნო თვის ბოლომდე.“;
გ) მე‑4 მუხლის მე‑7 პუნქტი ჩამოყალიბდეს შემდეგი რედაქციით:
„7. მცირე საოჯახო ტიპის სახლში მომსახურების ანაზღაურებისათვის განკუთვნილი ვაუჩერის ტალონზე დღიური დაფინანსების ოდენობა შეადგენს 2011 წლის 1 მარტამდე – 12,5 ლარს, ხოლო 2011 წლის 1 მარტიდან – 15 ლარს. თვეში ასანაზღაურებელი თანხა ერთ ტალონზე გაიანგარიშება დღიური დაფინანსების ოდენობის ნამრავლით მომსახურების მიღების თვის კალენდარულ დღეთა რაოდენობაზე. ამასთან, ბავშვზე ზრუნვის სისტემის რეფორმის ფარგლებში 2011 წლის განმავლობაში ამოქმედებული ახალი მცირე საოჯახო ტიპის სახლების შემთხვევაში მომსახურების მიწოდების დაწყების თვეში ასანაზღაურებელი თანხა ერთ ტალონზე გაიანგარიშება დღიური დაფინანსების ოდენობის ნამრავლით ამ თვეში მომსახურების დღეთა რაოდენობაზე.“.
3. №1.11 დანართის (მეორე მსოფლიო ომის ვეტერანთა რეაბილიტაციის ხელშეწყობის ქვეპროგრამა) მე‑3 მუხლი ჩამოყალიბდეს შემდეგი რედაქციით:
„მუხლი 3. ქვეპროგრამის სამიზნე ჯგუფი
ქვეპროგრამის სამიზნე ჯგუფებს მიეკუთვნება მეორე მსოფლიო ომის არა უმეტეს 160 ვეტერანი, რომლებიც რეგისტრირებულნი არიან საქართველოს თავდაცვის სამინისტროს მმართველობის სფეროში შემავალი სახელმწიფო საქვეუწყებო დაწესებულების – ვეტერანთა საქმეების დეპარტამენტის (შემდგომში – ვეტერანთა საქმეების დეპარტამენტი) მიერ წარმოებულ საინფორმაციო ბაზაში.“.
მუხლი 2. დადგენილება ამოქმედდეს 2011 წლის 21 ნოემბრიდან.
პრემიერ-მინისტრი ნ. გილაური