„საქართველოს უზენაესი სასამართლოს შესახებ“ საქართველოს ორგანულ კანონში ცვლილებებისა და დამატებების შეტანის თაობაზე

საქართველოს ორგანული კანონი

„საქართველოს უზენაესი სასამართლოს შესახებ“ საქართველოს ორგანულ კანონში ცვლილებებისა და დამატებების შეტანის თაობაზე

საქართველოს პარლამენტი ადგენს:

I. „საქართველოს უზენაესი სასამართლოს შესახებ“ საქართველოს ორგანულ კანონში (საქართველოს საკანონმდებლო მაცნე, №14(21), 1999 წელი, მუხ. 62) შეტანილ იქნეს შემდეგი ცვლილებები და დამატებები:

1. მე-7 მუხლის პირველი პუნქტიდან ამოღებულ იქნეს „ე“ ქვეპუნქტი და „ვ“ ქვეპუნქტი ჩაითვალოს „ე“ ქვეპუნქტად.

2. მე-9 მუხლის პირველი და მე-2 პუნქტებიდან ამოღებულ იქნეს სიტყვები „გარდა საზედამხედველო პალატისა“ და პირველ პუნქტს ბოლოში დაემატოს შემდეგი წინადადება: „იგი კანონით დადგენილი წესით ახდენს განაჩენის და სხვა სასამართლო გადაწყვეტილების გადასინჯვას ახლად აღმოჩენილ და ახლად გამოვლენილ გარემოებათა გამო.“.

3. მე-10 მუხლი ამოღებულ იქნეს.

4. 36-ე მუხლიდან ამოღებულ იქნეს სიტყვები „მოქმედი მოსამართლის ხელფასის ცვლილების შესაბამისად“.

5. 39-ე მუხლს დაემატოს შემდეგი შინაარსის მე-3 პუნქტი:

„3. უზენაესი სასამართლოს მსაჯული საქმის სასამართლო განხილვაში მონაწილეობს განსაკუთრებული ჩაცმულობით, რომელიც დადგენილი და დამტკიცებულია უზენაესი სასამართლოს მოსამართლისათვის.“.

II. ეს კანონი ამოქმედდეს გამოქვეყნებისთანავე.

საქართველოს პრეზიდენტი

ედუარდ შევარდნაძე

თბილისი,

2001 წლის 16 მარტი.

№813-IIს