„საქართველოს შინაგან საქმეთა სამინისტროს საერთაშორისო ურთიერთობების მთავარი სამმართველოს დებულების დამტკიცების შესახებ“ საქართველოს შინაგან საქმეთა მინისტრის 2009 წლის 26 მარტის №407 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

ბრძანება №993

2011 წლის 9 დეკემბერი

ქ. თბილისი

„საქართველოს შინაგან საქმეთა სამინისტროს საერთაშორისო ურთიერთობების მთავარი სამმართველოს დებულების დამტკიცების შესახებ“ საქართველოს შინაგან საქმეთა მინისტრის 2009 წლის 26 მარტის №407 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე -20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“  საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის ,,ა“ და  „ნ“ ქვეპუნქტ ებ ის საფუძველზე, ვბრძანებ:

მუხლი 1. „საქართველოს შინაგან საქმეთა სამინისტროს საერთაშორისო ურთიერთობების მთავარი სამმართველოს დებულების დამტკიცების შესახებ“ საქართველოს შინაგან საქმეთა მინისტრის 2009 წლის 26 მარტის №407 ბრძანებით (სსმ III, 30.03.2009, №39, მუხ.445) დამტკიცებულ საქართველოს შინაგან საქმეთა სამინისტროს საერთაშორისო ურთიერთობების მთავარი სამმართველოს დებულებ ის:

1. მე-3 მუხლს:

ა) დაემატოს შემდეგი შინაარსის „ე¹)“ ქვეპუნქტი:

„ე¹) სამინისტროს კომპეტენციის ფარგლებში შემავალი საერთაშორისო ხელშეკრულებების იმპლემენტაციის შესახებ ინფორმაციისა და საერთაშორისო ორგანიზაციებისათვის წარსადგენი პერიოდული მოხსენებების მომზადება; ”

ბ) დაემატოს შემდეგი შინაარსის „ვ¹)“ ქვეპუნქტი:

„ვ¹) ჩრდილოატლანტიკური ხელშეკრულების ორგანიზაციის (ნატო) კლასიფიცირებული ინფორმაციის ქვერეგისტრის ფუნქციების განხორციელება; “;

გ) დაემატოს შემდეგი შინაარსის „მ¹)“ ქვეპუნქტი:

„მ¹) სამინისტროს საჭიროებების განსაზღვრა პროექტებში მათი შემდგომი ასახვის მიზნით; ”.

2. მე-7 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. საერთაშორისო ორგანიზაციებთან ურთიერთობის სამმართველოს ევროატლანტიკურ სტრუქტურებთან თანამშრომლობის განყოფილების ამოცანები განისაზღვრება ამ დებულების მე-3 მუხლის „ა“, „ვ“, „ვ¹“, „ზ“, „ი“, „კ“ და „პ“ ქვეპუნქტებით“;

ბ) მე-2 პუნქტი ჩამოყალიბდეს შემდეგი რედაქციით:

„2. საერთაშორისო ორგანიზაციებთან ურთიერთობის სამმართველოს პროექტების კოორდინაციისა და საერთაშორისო ორგანიზაციებთან ურთიერთობის განყოფილების ამოცანები განისაზღვრება ამ დებულების მე-3 მუხლის „ბ“, „გ“, „თ“, „მ“, „მ¹“ და „პ“ ქვეპუნქტებით”;

გ) მე-3 პუნქტი ჩამოყალიბდეს შემდეგი რედაქციით: 

„3. საერთაშორისო სამართლებრივი თანამშრომლობის განყოფილების ამოცანები განისაზღვრება ამ დებულების მე-3 მუხლის „დ“, „ე“, „ე¹“, „ლ“ და „პ“ ქვეპუნქტებით”.

მუხლი 2. ბრძანება ამოქმედდეს გამოქვეყნებისთანავე.

ი. მერაბიშვილი