განჩინება გადახდისუუნარობის შესახებ შპს ,,აგრო გრუპი“-ს განცხადების წარმოებაში მიღების შესახებ

გ ა ნ ჩ ი ნ ე ბ ა

საქართველოს სახელით

  გადახდისუუნარობის შესახებ განცხადების  წარმოებაში მიღების თაობაზე

2011 წლი ს 10 დეკემბერი                              

ქ.თბილისი

 

თბილისის საქალაქო სასამართლოს სამოქალაქო საქმეთა კოლეგია

  მოსამართლე ლაშა ქოჩიაშვილი

  განმცხადებელი – შ.პ.ს. ,,აგრო გრუპი“

  წარმომადგენელი – ლევან ვადაქარია

  მოთხოვნა – შპს ,,აგრო გრუპის“ მიმართ გაკოტრების საქმის წარმოების დაწყება

   ზეპირი მოსმენის გარეშე განიხილა შპს ,,აგრო გრუპის“ განცხადება გაკოტრების საქმის წარმოების დაწყების შესახებ,

გ ა მ ო ა რ კ ვ ი ა:

  შპს ,,აგრო გრუპის“ დირექტორმა ლევან ვადაქარიამ განცხადებით მომართა თბილისის საქალაქო სასამართლოს სამოქალაქო საქმეთა კოლეგიას შ.პ.ს. ,,აგრო გრუპი“-ს მიმართ გაკოტრების საქმის წარმოების დაწყების შესახებ.

   სასამართლომ განიხილა წარმოდგენილი განცხადება და თანდართული დოკუმენტები,მიაჩნია, რომ განცხადება აკმაყოფილებს ,,გადახდისუუნარობის საქმის წარმოების შესახებ „საქართველოს კანონით დადგენილ მოთხოვნებს, რის გამოც განცხადება მიღებულ უნდა იქნ ე ს წარმოებაში.

   სასამართლომ იხელმძღვანელა ,,გადახდისუუნარობის საქმის წარმოების შესახებ“ საქართველოს კანონის მე-7, მე-14, მე-19, 21-ე, 25-ე, 26-ე და 29-ე მუხლებით,

დ ა ა დ გ ი ნ ა :

1. შპს ,,აგრო გრუპის“ განცხადება გაკოტრების საქმის წარმოების დაწყების შესახებ მიღებულ იქნას სასამართლო წარმოებაში.

2. მეურვედ დაინიშნოს საჯარო სამართლის იურიდიული პირი – აღსრულების ეროვნული ბიურო.

3. აეკრძალოს მოვალეს ნებისმიერი გარიგების დადება ან/და დადებული გარიგების შეწყვეტა მეურვის თანხმობის გარეშე, ხოლო მეურვესთან შეუთანხმებლობის შემთხვევაში – სასამართლოს თანხმობის გარეშე.

4. განემარტოს მეურვეს, რომ იგი ვალდებულია განიხილოს და შეაფასოს მოვალის კრედიტორული და დებიტორული დავალიანებები, მოამზადოს მოხსენება მოვალის გადახდისუუნარობის შესახებ და წარუდგინოს იგი სასამართლოს. შეინახოს სამეურვეო ქონება და დაიცვას იგი დაზიანებისა და განადგურებისაგან. დაადგინოს ყველა კრედიტორი და დაუყოვნებლივ შეატყობინოს მათ გადახდისუუნარობის საქმის წარმოების დაწყების შესახებ. თავისი უფლებამოსილების განხორციელების უზრუნველსაყოფად დადოს ხელშეკრულებები და ისარგებლოს მესამე პირების მომსახურებით.

5. განემარტოს შპს ,,აგრო გრუპის“ დირექტორს, რომ იგი ვალდებულია განცხადების წარმოებაში მიღებიდან 30 დღის განმავლობაში წარუდგინოს მეურვეს ინფორმაცია მოვალის ქონების, ვალდებულებების, ფინანსური მდგომარეობისა და საქმიანობის, ასევე განცხადების წარმოებაში მიღების მომენტისათვის სასამართლოში მიმდინარე დავების შესახებ. ამ ინფორმაციის წარუდგენლობა,ინფორმაციის განზრახ დაგვიანებით ან გაყალბებული სახით წარდგენა, გამოიწვევს სისხლისსამართლებრივ პასუხისმგებლობას.

6. შეჩერდეს შპს ,,აგრო გრუპის“ მიმართ იძულებითი აღსრულება.

7.განემარტოთ კრედი ტ ორებს, რომ ისინი უფლებამოსილი არიან განჩინების გამოქვეყნებიდან 30 დღის განმავლობაში წარუდგინონ სასამართლოს თავიანთი მოთხოვნები მათი წარმოშობის დამადასტურებელ მტკიცებულებებთან ერთად.

8. კრედიტორთა კრება მოწვეულ იქნას 2012 წლის 23 იანვარს 15:00 საათზე თბილისის საქალაქო სასამართლოს სამოქალაქო საქმეთა კოლეგიის №24 სხდომის დარბაზში (მისამართი: ქ.თბილისი, დ.აღმაშენებლის ხეივანი მე-12 კმ, №6).

9. განჩინება გამოქვეყნდეს ,,საქართველოს საკანონმდებლო მაცნეს“ ვებგვერდზე, განჩინების გამოქვეყნება დაევალოს მეურვეს. განჩინება ასევე გამოქვეყნდეს თბილისის საქალაქო სასამართლოს ვებგვერდზე და სასამართლო დაფაზე.

10. განჩინებაზე შეიძლება კერძო საჩივრის შეტანა თბილისის საქალაქო სასამართლოს სამოქალაქო საქმეთა კოლეგიაში(ქ.თბილისი, დ.აღმაშენებლის ხეივანი მე-12 კმ, №6) განჩინების მხარეებისათვის გადაცემიდან 5 დღის ვადაში.

მოსამართლე                     ლ. ქოჩიაშვილი