,,ქ. თბილისის თვითმმართველი ერთეულის ქონების აუქციონის ფორმით პრივატიზების წესის დამტკიცების შესახებ“ ქ. თბილისის საკრებულოს 2010 წლის 27 აგვისტოს №9-63 გადაწყვეტილებაში ცვლილების შეტანის შესახებ

ქალაქ თბილისის საკრებულოს

გადაწყვეტილება № 13-63

2011 წლის 23 დეკემბერი

ქ. თბილისი

,,ქ. თბილისის თვითმმართველი ერთეულის ქონების  აუქციონის ფორმით პრივატიზების წესის დამტკიცების შესახებ“ ქ. თბილისის საკრებულოს 2010 წლის 27 აგვისტოს №9-63 გადაწყვეტილებაში ცვლილების შეტანის შესახებ

,,ნორმატიული აქტების შესახებ“ საქართველოს კანონის მე-20 მუხლის შესაბამისად, ქ. თბილისის საკრებულომ გადაწყვიტა:

1. ,,ქ. თბილისის თვითმმართველი ერთეულის ქონების აუქციონის ფორმით პრივატიზების წესის დამტკიცების შესახებ“ ქ. თბილისის საკრებულოს 2010 წლის 27 აგვისტოს №9-63 გადაწყვეტილებით (სსმ V, №21, 03.09.2010, მუხლი 578, გვ.9)  დამტკიცებულ წესში შეტანილ იქნეს შემდეგი ცვლილება:

ა) მე-2 მუხლის ,,ბ ” ქვეპუნქტი ჩამოყალიბდეს შემდეგი რედაქციით:

„ბ) აუქციონი (საჯარო აუქციონი, ელექტრონული აუქციონი, პირობებით გამოცხადებული აუქციონი, განმეორებითი ან ვადაგაგრძელებული აუქციონი) – ქ. თბილისის თვითმმართველი ერთეულის აუქციონზე გატანილი/საპრივატიზებო ქონების (უძრავი და მოძრავი ნივთები, აქციები, წილი, სარგებლობის უფლება და სხვ.) საჯარო რეალიზაცია, სადაც აუქციონატორი წარმოადგენს ოფერენტს, ხოლო აქცეპტანტი ხდება აუქციონის გამარჯვებული მონაწილე;“;

ბ)  მეორე მუხლის „გ“ქვეპუნქტი ჩამოყალიბდეს შემდეგი რედაქციით:

„გ) აუქციონატორი – ქ. თბილისის მთავრობის წარმომადგენელი (რწმუნებული პირი), – ქალაქ თბილისის მერიის საჯარო სამართლის იურიდიული პირი – ქონების მართვის სააგენტო, რომლის მეშვეობითაც ხორციელდება ქ. თბილისის მთავრობის მიერ განსაზღვრული საპრივატიზაციო ქონების დადგენილი ფასით და პირობებით აუქციონის გზით რეალიზაცია, აუქციონატორი აუქციონის შედეგების გაფორმებისას მოქმედებს, როგორც აუქციონზე გატანილი/საპრივატიზებო ქონების მესაკუთრე;“;

გ) მეორე მუხლის  „თ “ ქვეპუნქტი ჩამოყალიბდეს შემდეგი რედაქციით:

„თ) ლოტი – ქ. თბილისის მთავრობის მიერ განსაზღვრულ აუქციონზე გატანილი/საპრივატიზებო ქონება (უძრავ-მოძრავი ნივთები, აქციები, წილი, სარგებლობის უფლება და სხვ.). ერთ ლოტში შესაძლებელია გაერთიანდეს რამდენიმე  ობიექტი;“;

დ)  მეორე მუხლის „ი“ქვეპუნქტი ჩამოყალიბდეს შემდეგი რედაქციით:

„ი) საწყისი ფასი – ქ. თბილისის მთავრობის მიერ აუქციონზე გატანილ/საპრივატიზებო  ქონებაზე დადგენილი სააუქციონო კონკურენციის დასაწყები ფასი“.

2. გადაწყვეტილება ძალაშია გამოქვეყნებისთანავე.

საკრებულოს თავმჯდომარე                                                                       ზ.  სამადაშვილ ი