განჩინება შპს „სპა“-ს კრედიტორთა კრების მოწვევის შესახებ

გ ა ნ ჩ ი ნ ე ბ ა

საქართველოს სახელით

კრედიტორთა კრების მოწვევის შესახებ

2012წლის 3 თებერვალი                                              

 ქ.თბილისი

თბილისის საქალაქო სასამართლო ს სამოქალაქო საქმეთა კოლეგიის მოსამართლებესიკ სისვაძე მ ზეპირი მოსმენის გარეშე განიხილა შპს „სპას“ (ს/კ 201950175) კრედიტორთა კრების მოწვევის საკითხი და

გ ა მ ო ა რ კ ვ ი ა:

2012 წლის პირველ თებერვალს თბილისის საქალაქო სასამართლოს სამოქალაქო საქმეთა კოლეგიას განცხადებით მიმართა შპს „სპას“ უზრუნველყოფილმა და ამასთან კრედიტორთა ხმების საერთო რაოდენობის 99%-ის მქონე კრედიტორმა სსიპ შემოსავლების სამსახურმა და სასამართლოს წარედგინა მასსა და შპს „სპას“ გაკოტრების მმართველ ლევან იორამაშვილს შორის 2012 წლის 30 იანვარს დადებული ხელშეკრულება ვალდებულებების სანაცვლოდ ქონების ნატურით გადაცემის თაობაზე და ი მა ვე დღეს შედგენილი მიღება-ჩაბარების აქტი, რომელიც ადასტურებს სსიპ შემოსავლების სამსახურისათვის სამეურვეო ქონების ნატურით მიღება-გადაცემის ფაქტს.

„გადახდისუუნარობის საქმის წარმოების შესახებ” საქართველოს კანონის 42-ე მუხლი განმარტავს იმ სავალდებულო პროცედურის არსს, რომლის განხორციელებითაც სრულდება გაკოტრების საქმის წარმოება. ამ მუხლის მე-2 პუნქტის თანახმად, სამეურვეო ქონების რეალიზაციის შემდეგ გაკოტრების მმართველი ადგენს მოვალის გაკოტრების ანგარიშს და ის გასაცნობად წარედგინება კრედიტორებსა და სასამართლოს. იგივე მუხლის მე-3 პუნქტის თანახმად, გაკოტრების მმართველის და კრედიტორთა მიერ სასამართლოსათვის მიწოდებული ინფორმაციის ანალიზის საფუძველზე სასამართლო იღებს გადაწყვეტილებას (განჩინებას) გაკოტრების საქმის წარმოების დასრულებისა და სამეწარმეო რეესტრში მოვალის რეგისტრაციის გაუქმების თაობაზე. თუ გავითვალისწინებთ კანონის იმ დანაწესსაც, რომელიც ადგენს სამეურვეო ქონების ნატურით გადაცემის გზით კრედიტორთა მოთხოვნების დაკმაყოფილებას (იხ.„გადახდისუუნარობის საქმის წარმოების შესახებ” საქართველოს კანონის 38-ე მუხლის მე-12 პუნქტი), ცხადი ხდება, რომ გაკოტრების საქმის წარმოების დასრულების ერთ-ერთი საფუძველია კრედიტორთა მხრიდან სამეურვეო ქონების ნატურით მიღება. შესაბამისად, გაკოტრების მმართველი ამ შემთხვევაშიც ვალდებულია სასამართლოს და კრედიტორების წინაშე წარსდგეს გაკოტრების ანგარიშით და მისი ანალიზის შედეგად გამოვლენილ სათანადო საფუძველთა არსებობის შემთხვევაში შესაძლებელია დღის წესრიგში დადგეს სასამართლოს მხრიდან გაკოტრების საქმის წარმოების დასრულების თაობაზე გადაწყვეტილების მიღება. ყოველივეს გათვალისწინებით სასამართლო მიიჩნევს, რომ მოვალის გაკოტრების ანგარიშის განხილვის თაობაზე მოწვეული უნდა იქნ ე ს კრედიტორთა კრება.

სასამართლომ იხელმძღვანელა „გადახდისუუნარობის საქმეთა წარმოების შესახებ” საქართველოს კანონის მე-7, მე-8, 25-ე, 27-ე მუხლებით, საქართველოს სამოქალაქო საპროცესო კოდექსის 284-285-ე მუხლებით და

დ ა ა დ გ ი ნ ა :

1. მოწვეულ იქნ ე ს შპს „სპას“ (ს/კ 201950175) კრედიტორთა კრება შემდეგი დღის წესრიგით: შპს „სპას“ გაკოტრების მმართველის ლევან იორამაშვილის მიერ შედგენილი გაკოტრების ანგარიშის გაცნობა და ანალიზი.

2. კრედიტორთა კრების ჩატარების დროდ და ადგილად განისაზღვროს 2012 წლის 17 თებერვალი, 16 (თექვსმეტი) საათი და 30 (ოცდაათი) წუთი, თბილისის საქალაქო სასამართლო მდებარე მისამართზე – ქ. თბილისში, დავით აღმაშენებელის ხეივნის მე-12 კილომეტრი №6, სასამართლო სხდომის დარბაზი №22.

3. შპს „სპას“ გაკოტრების მმართველს ლევან იორამაშვილს დაევალოს კრედიტორებისათვის და მოვალისათვის კრედიტორთა კრების მოწვევის თაობაზე შეტყობინებათა დაგზავნა, მასვე დაევალოს განჩინების „საქართველოს საკანონმდებლო მაცნეს“ ვებგვერდზე გამოქვეყნება. ხსენებულ ვებგვერდეზე განჩინება უნდა გა მ ოქვეყნდეს არა უგვიანეს 2012 წლის 10 თებერვლისა. განჩინება გამოქვეყნდეს სასამართლო დაფაზეც.

4. გადახდისუუნარობის (გაკოტრების) საქმის წარმოების პროცესის მხარეებს განჩინებაზე შეუძლიათ კერძო საჩივრის შეტანა განჩინების გაცნობიდან ან გადაცემიდან 5 (ხუთი) დღის ვადაში.

მოსამართლე                                              ბ. სისვაძე