„ხულოს მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ ხულოს მუნიციპალიტეტის საკრებულოს 2010 წლის 24 სექტემბრის №23 დადგენილებაში ცვლილების შეტანის შესახებ

ხულო ს მუნიციპალიტეტის საკრებულოს

დადგენილება №03

2012 წ ლის 27 იანვარი

დაბა ხულო

„ხულო ს მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ ხულოს მუნიციპალიტეტის საკრებულოს 2010 წლის 24 სექტემბრის №23 დადგენილებაში ცვლილების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის შესაბამისად, ხულოს მუნიციპალიტეტის საკრებულომ დაადგინა:

მუხლი 1. „ხულო ს მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ ხულოს მუნიციპალიტეტის საკრებულოს 2010 წლის 24 სექტემბრის №23 დადგენილებაში (სსმ,№39, 18.10.2010.) შეტანილ იქნეს შემდეგი ცვლილება:

1. დადგენილებით დამტკიცებული დანართის მე-4 მუხლს დაემატოს შემდეგი შინაარსის „გ“ ქვეპუნქტი:

„გ) ახალგაზრდულ საქმეთა განყოფილება.“

2. დადგენილებით დამტკიცებული დანართის მე-3 თავს დაემატოს შემდეგი შინაარსის 7¹  მუხლი:

    „მუხლი 7¹. ახალგაზრდულ საქმეთა განყოფილება

ახალგაზრდულ საქმეთა განყოფილების მიზნებია:

ა) ახალგაზრდა თაობის განათლებისა და განვითარების ხელშეწყობა;

ბ) ახალგაზრდებისათვის ხელშეწყობა მათი ეროვნული და ზოგადსაკაცობრიო ღირებულებების მატარებელი თავისუფალი პიროვნების ჩამოყალიბების საქმეში;

გ) სამოქალაქო საზოგადოების მშენებლობის საქმეში ახალგაზრდა თაობის მონაწილეობის ხელშეწყობა;

დ) ახალ გ აზრდების ინფორმირებულობა მიმდინარე პროცესების შესახებ, მათთვის შესაბამისი ტექნიკური პირობების შექმნა, რათა მათ ისარგებლონ კომუნიკაციის თანამედროვე ტექნოლოგიებით და მონაწილეობა მიიღონ სხვადასხვა ღონისძიებების განხორციელებაში;

ე) ახალგაზრდებისათვის თავისუფალი დროის მიზანმიმართულად დაგეგმვისა და გამოყენების ხელშეწყობა;

ვ) შესაბამისი საგრანტო პროგრამების შემუშავება და ურთიერთობის დამყარება სხვადასხვა საერთაშორისო თუ ადგილობრივ დონორ ორგანიზაციებთან;

ზ) ახალგაზრდების სამოქალაქო ცნობადობის ამაღლებ ის ხელშეწყობა.“.

მუხლი 2. დადგენილება ამოქმედდეს გამოქვეყნებისთანავე.

საკრებულოს თავმჯდომარე                   ნ. თავართქილაძე