„მასწავლებელთა სერტიფიცირების დებულებისა და მასწავლებლის სერტიფიკატის ნიმუშის დამტკიცების შესახებ“ საქართველოს განათლებისა და მეცნიერების მინისტრის 2009 წლის 4 დეკემბრის №1101 ბრძანებაში ცვლილების შეტანის თაობაზე

საქართველოს განათლებისა და მეცნიერების მინისტრის

ბრძანება №66/ნ

2012 წლის 21 მარტი

ქ. თბილისი

,,მასწავლებელთა სერტიფიცირების დებულებისა და მასწავლებლის სერტიფიკატის ნიმუშის დამტკიცების შესახებ“ საქართველოს განათლებისა და მეცნიერების მინისტრის 2009 წლის 4 დეკემბრის №1101 ბრძანებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

მუხლი 1. „მასწავლებელთა სერტიფიცირების დებულებისა და მასწავლებლის სერტიფიკატის ნიმუშის დამტკიცების შესახებ“ საქართველოს განათლებისა და მეცნიერების მინისტრის 2009 წლის 4 დეკემბრის №1101 ბრძანებით (სსმ III, 04.12.2009, №149, მუხ. 1764 , სახელმწიფო სარეგისტრაციო კოდი 430.210.000.22.022.013.878) დამტკიცებულ „მასწავლებელთა სერტიფიცირების დებულებაში“ შეტანილ იქნეს ცვლილება და:

1. მე-11 მუხლის მე-6 პუნქტს დაემატოს შემდეგი შინაარსის ,,ზ“ და ,,თ“ ქვეპუნქტები:

,,ზ) ბუნებისმეტყველება;

 თ) ფიზიკური, შრომითი და ესთეტიკური აღზრდის საგნები:

თ .ა) სახვითი და გამოყენებითი ხელოვნება;

თ .ბ) მუსიკა;

თ .გ) ფიზიკური აღზრდა და სპორტი .“.

2. 30-ე მუხლს დაემატოს შემდეგი შინაარსის მე-4 პუნქტი:

,,4. 2012 წელს ფიზიკური, შრომითი და ესთეტიკური აღზრდის საგნებ ში სასერტიფიკაციო გამოცდის ჩატარების თარიღი გამოცხადდება 2012 წლის სექტემბერში.“.

მუხლი 2. ამ ბრძანების ძალაში შესვლამდე სსიპ – მასწავლებელთა პროფესიული განათლების განვითარების ეროვნული ცენტრისა და სსიპ – გამოცდების ეროვნული ცენტრის მიერ 2012 წლის სასერტიფიკაციო გამოცდების მოსამზადებლად გატარებული შესაბამისი ღონისძიებები, ჩაითვალოს ამ ბრძანების შესაბამისად განხორციელებულად.

მუხლი 3. ბრძანება ამოქმედდეს გამოქვეყნებისთანავე.

დ. შაშკინი