,,ახმეტის მუნიციპალიტეტის გამგეობის კულტურის, განათლების, სპორტის, სოციალურ და ახალგაზრდულ საკითხთა სამსახურის დებულების დამტკიცების შესახებ“ ახმეტის მუნიციპალიტეტის საკრებულოს 2011 წლის 30 ნოემბრის №50 დადგენილებაში ცვლილების შეტანის თაობაზე

ახმეტის მუნიციპალიტეტის საკრებულოს

დადგენილება №54

2012 წლის 31 მაისი

ქ. ახმეტა

,,ახმეტის მუნიციპალიტეტის გამგეობის კულტურის, განათლების, სპორტის, სოციალურ და ახალგაზრდულ საკითხთა სამსახურის დებულების დამტკიცების შესახებ“ ახმეტის მუნიციპალიტეტის საკრებულოს 2011 წლის 30 ნოემბრის №50 დადგენილებაში ცვლილების შეტანის თაობაზე

    ,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ახმეტის მუნიციპალიტეტის საკრებულო ადგენს:

    მუხლი 1.

      ახმეტის მუნიციპალიტეტის გამგეობის კულტურის, განათლების, სპორტის, სოციალურ და ახალგაზრდულ საკითხთა სამსახურის დებულების დამტკიცების შესახებ“ ახმეტის მუნიციპალიტეტის საკრებულოს 2011 წლის 30 ნოემბრის №50 დადგენილებაში (სსმ, ვებგვერდი, 07/12/2011, 010250040.35.162.016074) შეტანილ იქნეს ცვლილება და დადგენილებით დამტკიცებული დებულების მე-4 მუხლი ჩამოყალიბდეს შემდეგი რედაქციით:

,,მუხლი 4. სამსახურის ძირითადი ამოცანები და ფუნქციები

სამსახური დადგენილი წესით უზრუნველყოფს:

ა) კულტურის, განათლების, სპორტის, ჯანმრთელობის, სოციალური დაცვის, ახალგაზრდულ საკითხებში მუნიციპალური პროგრამების შემუშავებასა და განხორციელებას;

ბ) ადგილობრივი თვითმმართველობის ორგანოებისთვის საზოგადოებრივი ჯანდაცვის სფეროში დელეგირებულ უფლებამოსილებათა განხორციელებას;

გ) ჯანდაცვის მუნიციპალური ობიექტების მართვას;

დ) წინადადებების შემუშავებას კულტურის, განათლების, სპორტის, ჯანმრთელობისა და სოციალური დაცვის დაწესებულებების შექმნისა და რეორგანიზაციის საკითხებზე;

ე) სკოლამდელი სააღმზრდელო დაწესებულებების მართვას;

ვ) მუნიციპალური მუზეუმების, ბიბლიოთეკების და კულტურის სფეროს სხვა დაწესებულებების, აგრეთვე სპორტული დაწესებულებების მართვას;

ზ) ექსკურსიების, ინტელექტუალურ-შემეცნებითი, საქველმოქმედო და სოციალური ღონისძიებების მოწყობას;

თ) ახალგაზრდების დასვენებას პატრიოტულ და გამაჯანსაღებელ ბანაკებში;

ი) მუნიციპალური სტადიონების, სპორტული მოედნების, საცურაო აუზების, სპორტული კომპლექსების მართვას;

კ) საქართველოს მთავრობის 2012 წლის 14 მაისის №181 დადგენილების შესაბამისად, კულტურული მემკვიდრეობის დამცავი ზონების განსაზღვრის საკითხზე საქართველოს კულტურისა და ძეგლთა დაცვის სამინისტრო ს მიერ წარდგენილი პროექტის შესწავლას და მისი შეთანხმების თაობაზე დასკვნის მომზადებას;

ლ ) საქართველოს კანონმდებლობით, ახმეტის მუნიციპალიტეტის ორგანოებისა და თანამდებობის პირების სამართლებრივი აქტებით განსაზღვრული სხვა ფუნქციების განხორციელებას.“.

    მუხლი 2.

ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                ა. მაილაშვილი