„ატრაქციონების უსაფრთხოების წესების“ დამტკიცების შესახებ” საქართველოს ეკონომიკური განვითარების მინისტრის 2007 წლის 14 მაისის №1-1/753 ბრძანებაში ცვლილების შეტანის თაობაზე

საქართველოს ეკონომიკისა და მდგრადი განვითარების მინისტრის

ბრძანება №1-1/1565

2012 წლის 25 ივლისი

ქ. თბილისი

„ატრაქციონების უსაფრთხოების წესების“ დამტკიცების შესახებ” საქართველოს ეკონომიკური განვითარების მინისტრის 2007 წლის 14 მაისის №1-1/753 ბრძანებაში ცვლილების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „ატრაქციონების უსაფრთხოების წესების” დამტკიცების შესახებ” საქართველოს ეკონომიკური განვითარების მინისტრის 2007 წლის 14 მაისის №1-1/753 ბრძანებით (სსმ III, 21.05.2007, №71, მუხ. 773) დამტკიცებულ წესებში შეტანილ იქნეს შემდეგი ცვლილება:

1. წესების მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. რთული საინჟინრო კონსტრუქციის ატრაქციონი – სანახაობრივ-გასართობად განკუთვნილი დროებით ან მუდმივად დამონტაჟებული 0,3 მ/წმ და მეტი სიჩქარის უწყვეტი (როდესაც მოძრავ გონდოლაში ჩასხდომისათვის საჭიროა მგზავრის თანმხვედრი მოძრაობა) ან 1,5 მ/წმ და მეტი სიჩქარის მქონე ელექტრულ-მექანიკური მოწყობილობა ან/და ნაგებობა ადამიანთა გადასაადგილებლად, რომელსაც გააჩნია 7 მ-ზე მეტი სიმაღლის ან 3,5 მ-ზე მეტი სიგრძის ფერმიანი კონსტრუქცია”.

2. წესების მე-2 მუხლს დაემატოს შემდეგი შინაარსის მე-11 და მე-12 პუნქტები:

„11. კარუსელი – წრეზე მბრუნავი ატრაქციონი, რომელსაც გააჩნია კონსულური ტიპის კონსტრუქციაზე დაკიდული ან მბრუნავ ბაქანზე განთავსებული დასაჯდომები.

12. კრონშტეინი – კონსოლური საყრდენი დეტალი, რომელიც განკუთვნილია ვერტიკალურ სიბრტყეზე მისამაგრებლად”.

3. წესებს დაემატოს შემდეგი შინაარსის თავი X:

„თავი X

არაარსებითი, არსებითი და კრიტიკული შეუსაბამობები:

    მუხლი 44. არსებითი შეუსაბამობების განსაზღვრა

1. წესების მე-6 მუხლის მე-3, მე-5 და მე-7 პუნქტებში, მე-7 მუხლის მე-2, მე-3, მე-4 და მე-5 პუნქტებში, მე-8 მუხლის მე-2, მე-4 და მე-15 პუნქტებში, მე-9 მუხლის მე-2 და მე-6 პუნქტებში, მე-10 მუხლის პირველ და მე-2 პუნქტებში, მე-11 მუხლის პირველ და მე-2 პუნქტებში, მე-13 მუხლის პირველ, მე-2, მე-3 და მე-4 პუნქტებში, მე-14 მუხლის პირველ და მე-2 პუნქტებში, მე-16 მუხლის პირველ, მე-2 და მე-3 პუნქტებში, 26-ე მუხლის მე-2 პუნქტში, მე-3 პუნქტის „ა” და „ბ” ქვეპუნქტებში, მე-4 და მე-13 პუნქტებში, 29-ე მუხლის მე-3 პუნქტში, 30-ე მუხლის პირველ, მე-2, მე-3, მე-4, მე-5, მე-6, მე-8 და მე-9 პუნქტებში, 32-ე მუხლის მე-5 და მე-8 პუნქტებში მითითებული მოთხოვნების დარღვევა განეკუთვნება I ხარისხის არსებით შეუსაბამობას.

2. წესების მე-6 მუხლის მე-2, მე-6, მე-8 და მე-9 პუნქტებში, მე-7 მუხლის პირველ და მე-6 პუნქტებში, მე-8 მუხლის პირველ, მე-3 და მე-4 პუნქტებში, მე-10 პუქტის „ა”, „ბ” და „გ” ქვეპუნქტებში, მე-11, მე-12, მე-13 და მე-14 პუნქტებში, მე-9 მუხლის პირველ, მე-3 და მე-4 პუნქტებში, მე-12 მუხლის პირველ, მე-2, მე-3 და მე-4 პუნქტებში, მე-20 მუხლის პირველ პუნქტში, 25-ე მუხლის პირველ და მე-2 პუნქტებში, მე-3 პუნქტის „ა”, „ბ”, „გ”, „დ” და „ე“ ქვეპუნქტებში, მე-4 პუნქტში, მე-5 პუნქტის „ა“ და „ბ“ ქვეპუნქტებში და მე-6 პუნქტში, 26-ე მუხლის პირველ, მე-5, მე-8, მე-9, მე-11, მე-12 და მე-14 პუნქტებში, 27-ე მუხლის მე-3, მე-4, მე-5 და მე-6 პუნქტებში, 29-ე მუხლის პირველ, მე-2, მე-4 და მე-5 პუნქტებში, 30-ე მუხლის მე-7 პუნქტში, 31-ე მუხლის პირველ, მე-2, მე-3 და მე-4 პუნქტებში, 32-ე მუხლის მე-2, მე-4 და მე-10 პუნქტებში მითითებული მოთხოვნების დარღვევა განეკუთვნება II ხარისხის არსებით შეუსაბამობას.

    მუხლი 45. კრიტიკული შეუსაბამობების განსაზღვრა

1. წესების მე-8 მუხლის მე-7 და მე-8 პუნქტებში და 26-ე მუხლის მე-10 პუნქტში მითითებული მოთხოვნების დარღვევა განეკუთვნება I ხარისხის კრიტიკულ შეუსაბამობას.

2. წესების მე-6 მუხლის პირველ, მე-4 და მე-10 პუნქტებში, 26-ე მუხლის მე-6 და მე-7 პუნქტებში, 27-ე მუხლის პირველ და მე-2 პუნქტებში, 32-ე მუხლის პირველ, მე-3, მე-6, მე-7 და მე-9 პუნქტებში მითითებული მოთხოვნების დარღვევა განეკუთვნება II ხარისხის კრიტიკულ შეუსაბამობას.

    მუხლი 46. არაარსებითი შეუსაბამობების განსაზღვრა

წესების 44-ე და 45-ე მუხლებში მოცემული შესაბამისი მუხლების გარდა, ყველა სხვა მუხლებში მითითებული მოთხოვნების დარღვევა განეკუთვნება არაარსებით შეუსაბამობას”.

მუხლი 2. ბრძანება ამოქმედდეს გამოქვეყნებისთანავე.

ვ. ქობალია