„სახელმწიფო დაცვის სპეციალური სამსახურის მოსამსახურის კონტრაქტის ნიმუშის დამტკიცების შესახებ“ საქართველოს სახელმწიფო დაცვის სპეციალური სამსახურის უფროსის 2007 წლის 14 ივნისის №483 ბრძანებაში ცვლილების შეტანის თაობაზე

საქართველოს სახელმწიფო დ აცვის სპეციალური სამსახურის უფროსის

ბრძანება №1135

2012 წლის 1 აგვისტო

ქ. თბილისი

„სახელმწიფო დაცვის სპეციალური სამსახურის მოსამსახურის კონტრაქტის ნიმუშის დამტკიცების შესახებ“ საქართველოს სახელმწიფო დაცვის სპეციალური სამსახურის უფროსის 2007 წლის 14 ივნისის №483 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტისა და „სახელმწიფო დაცვის სპეციალური სამსახურის შესახებ“ საქართველოს კანონის მე-7 მუხლის მე-2 პუნქტის „კ“ ქვეპუნქტის შესაბამისად , ვბრძანებ:

1. „სახელმწიფო დაცვის სპეციალური სამსახურის მოსამსახურის კონტრაქტის ნიმუშის დამტკიცების შესახებ“ საქართველოს სახელმწიფო დაცვის სპეციალური სამსახურის უფროსის 2007 წლის 14 ივნისის №483 ბრძანებაში (სსმ III, 18.06.2007 წ., №83, მუხ. 899) შეტანილ იქნეს შემდეგი ცვლილება:

ა)ბრძანების პირველი პუნქტის „ა” ქვეპუნქტით დამტკიცებული კონტრაქტის (დანართი №1) მე-13 მუხლში :

ა.ა)  პირველი პუნქტის „ბ” ქვეპუნქტი ჩამოყალიბდეს შემდეგი რედაქციით:

„ბ) დაეკისრება ფინანსური პასუხისმგებლობა, რომელიც მოიცავს პირგასამტეხლოს 700 (შვიდასი) ლარის ოდენობით, აგრეთვე სპეციალური ფორმის ტანსაცმლით უზრუნველყოფაზე, ჯანმრთელობის მდგომარეობის შემოწმებაზე, თეორიულ-პრაქტიკული სწავლების პერიოდში სპეციალურ მომზადებაზე და კვებით უზრუნველყოფაზე გაწეულ ხარჯებს”;

ა.ბ.) დამატებულ იქნეს მე-3 პუნქტი შემდეგი რედაქციით:

„3.   ამ მუხლის პირველი პუნქტის „ბ” ქვეპუნქტით გათვალისწინებული პირგასამტეხლო კონტრაქტორს არ დაეკისრება, თუ კონტრაქტი ვადამდე შეწყდება სპეციალური თეორიულ-პრაქტიკული სწავლების არადამაკმაყოფილებელი შედეგით გავლის საფუძველზე”;

ბ)    ბრძანების პირველი პუნქტის „ბ” ქვეპუნქტით დამტკიცებული კონტრაქტის (დანართი №2)მე-13 მუხლში:

ბ.ა)  პირველი პუნქტის „ბ” ქვეპუნქტი ჩამოყალიბდეს შემდეგი რედაქციით:

„ბ)   დაეკისრება ფინანსური პასუხისმგებლობა, რომელიც მოიცავს პირგასამტეხლოს, აგრეთვე სპეციალური ფორმის ტანსაცმლით უზრუნველყოფაზე, ჯანმრთელობის მდგომარეობის შემოწმებაზე, სპეციალურ მომზადებაზე და თეორიულ-პრაქტიკული სწავლების პერიოდში კვებით უზრუნველყოფაზე გაწეულ ხარჯებს”;

ბ. ბ) დამატებულ იქნეს მე-4 პუნქტი შემდეგი რედაქციით:

„4.   ამ მუხლის პირველი პუნქტის „ბ” ქვეპუნქტით გათვალისწინებული პირგასამტეხლო კონტრაქტორს არ დაეკისრება, თუ კონტრაქტი ვადამდე შეწყდება სპეციალური თეორიულ-პრაქტიკული სწავლების არადამაკმაყოფილებელი შედეგით გავლის საფუძველზე .”.

2. ეს ბრძანება ამოქმედდეს გამოქვეყნებისთანავე.

საქართველოს სახელმწიფო დაცვის

სპეციალური სამსახურის უფროსი

სახელმწიფო დაცვის გენერალ-მაიორი                    თ. ჯანაშია