„ყურძნის ღვინოების წარმოების ზოგადი წესებისა და რეგლამენტების შესახებ დებულების“, „ტექნოლოგიური პროცესების აღრიცხვის წესის შესახებ დებულების“, „მევენახეობა-მებაღეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის შესახებ დებულების“ დამტკიცების შესახებ“ საქართველოს სოფლის მეურნეობისა და სურსათის მინისტრის 2003 წლის 6 მარტის №2-51 ბრძანებაში ცვლილების შეტანის თაობაზე

საქართველოს სოფლის მეურნეობის მინისტრის

ბრძანება №2- 148

2012 წლის 15 აგვისტო

ქ. თბილისი

„ყურძნის ღვინოების წარმოების ზოგადი წესებისა და რეგლამენტების შესახებ დებულების“, „ტექნოლოგიური პროცესების აღრიცხვის წესის შესახებ დებულების“, „მევენახეობა-მებაღეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის შესახებ დებულების“ დამტკიცების შესახებ“ საქართველოს სოფლის მეურნეობის ა და სურსათის მინისტრის 2003 წლის 6 მარტის №2-51 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „ყურძნის ღვინოების წარმოების ზოგადი წესებისა და რეგლამენტების შესახებ დებულების“, „ტექნოლოგიური პროცესების აღრიცხვის წესის შესახებ დებულების“, „მევენახეობა-მებაღეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის შესახებ დებულების“ დამტკიცების შესახებ“ საქართველოს სოფლის მეურნეობისა და სურსათის მინისტრის 2003 წლის 6 მარტის №2-51 ბრძანებ აში (სსმ,19, 12/03/2003) შეტანილ იქნეს ცვლილება და ბრძანების:

1. პირველი პუნქტით დამტკიცებული „ყურძნის ღვინოების წარმოების ზოგადი წესებისა და რეგლამენტების შესახებ“ დებულების:                                                                                          

ა) მე-2 მუხლის მე-2 პუნქტის „გ“ ქვეპუნქტი, ჩამოყალიბდეს შემდეგი რედაქციით:                        

„გ) ფაქტობრივი მოცულობითი სპირტშემცველობა, შაქრიანობა და მჟავიანობა კონკრეტული დასახელების ღვინისათვის უნდა განისაზღვროს ტექნოლოგიური ინსტრუქციით, რომელიც მტკიცდება უშუალოდ მეწარმე სუბიექტის მიერ და თანხმდება „საჯარო სამართლის იურიდიული პირ თან – ღვინის ეროვნულ სააგენტოსთან (შემდგომში – სააგენტო)“ .

ბ) მე-4 მუხლის:                                                                                                                           

ბ.ა) მე-2 პუნქტი ჩამოყალიბდეს შემდეგი რედაქციით:                                                           

„2. მეწარმე-სუბიექტი ადგილწარმოშობის დასახელების ღვინოების წარმოების მიზნით, ვალდებულია სააგენტოში წარადგინოს შეტყობინება აღნიშნულის თაობაზე,„მევენახეობა-მეღვინეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის“ შესაბამისად.“

ბ.ბ) მე-5 პუნქტი ჩამოყალიბდეს შემდეგი რედაქციით:                                                                       

„5. დასაშვებია სპეციფიკურ ზონებში წარმოებული ადგილწარმოშობის დასახელების ღვინოების ან ღვინომასალების გადაცემა ერთი მეწარმე სუბიექტის მიერ მეორესათვის შემდგომი დამუშავების ან/და ჩამოსხმის მიზნით. ორივე მხარე სააგენტოში წარადგენს ინფორმაციას გადაცემის შესახებ.“

2. მე-3 პუნქტით დამტკიცებული „მევენახეობა-მებაღეობის დარგში სასაქონლო პროდუქციის წარმოებასთან და რეალიზაციასთან დაკავშირებული საქმიანობის სავალდებულო შეტყობინების წესის შესახებ“ დებულების:                                                                      

ა) პირველი მუხლის მე-2 პუნქტი ჩამოყალიბდეს შემდეგი რედაქციით:                   

„2 . წინამდებარე დებულება განსაზღვრავს საჯარო სამართლის იურიდიული პირის – ღვინის ეროვნული სააგენტოს (შემდგომში –  სააგენტო) მიერ მევენახეობა-მეღვინეობის დარგში სასაქონლო პროდუქციის წარმოებასთან და რეალიზაციასთან დაკავშირებული ინფორმაციის (შემდგომში – ინფორმაცია) მოპოვების მეთოდიკას და ორგანიზაციულ პრინციპებს“.

ბ) მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. ფიზიკური და იურიდიული პირები, რომლებიც საქართველოს ტერიტორიაზე ახორციელებენ ამ მუხლის პირველ პუნქტში აღნიშნულ საქმიანობას ვალდებულნი არიან წინამდებარე დებულებით დადგენილ ვადებში და ფორმით, წარუდგინონ სააგენტოს შეტყობინება თავისი საქმიანობის შესახებ“.

გ) მე-4 მუხლი ჩამოყალიბდეს შემდეგი რედაქციით:                                                              

„მუხლი 4. სააგენტოს უფლებამოსილება და ვალდებულება                                        

1. სააგენტო უფლებამოსილია;                                                                                                               

ა) საქართველოს ტერიტორიაზე მოქმედ ყველა მეწარმე-სუბიექტს მოსთხოვოს ინფორმაციის წარმოდგენა დადგენილ ვადებში განსაზღვრული მოცულობითა და ფორმით;                      

ბ) წარმოდგენილ მონაცემებში ლოგიკური უზუსტობის შემთხვევაში მოქმედი კანონმდებლობის შესაბამისად შეამოწმოს პირველადი მონაცემების უტყუარობა.                          

2. სააგენტო ვალდებულია დაიცვას ცალკეული საწარმოების მონაცემთა კონფიდენციალობა და საჯარო მიზნებისათვის გამოიყენოს მხოლოდ ჯამური მონაცემები“.       

დ) მე-6 მუხლის პირველი პუნქტი ჩამოყალიბდეს შემდეგი რედაქციით:                             

„1. მეწარმე სუბიექტი, რომელსაც განზრახული აქვს ახალი სამრეწველო ვენახის გაშენება, ვალდებულია სააგენტოში წარადგინოს შეტყობინება „სამრეწველო ვენახის გაშენების განზრახვის შესახებ“ წელიწადში 2-ჯერ, არა უგვიანეს 15 იანვრისა და 15 ოქტომბრისა. შეტყობინებაში უნდა აისახოს ვენახის გაშენების ადგილი, ფართი და ვაზის ჯიში.“

მუხლი 2. ბრძანება ამოქმედდეს გამოქვეყნებისთანავე.

ზ.გოროზია