„ადგილობრივი (ქონების) გადასახადების შემოღებისა და მისი განაკვეთების შესახებ“ აბაშის მუნიციპალიტეტის საკრებულოს 2012 წლის 22 მარტის №15 დადგენილებაში ცვლილებისა და დამატების შეტანის შესახებ
ჰკითხე AI-ს ამ კანონის შესახებ
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი
მუნიციპალიტეტისა და თვითმმართველი ქალაქის საკრებულოს დადგენილება (1)
დოკუმენტის ტექსტი
|
აბაშის მუნიციპალიტეტის საკრებულოს დადგენილება №27 |
|
2012 წლის 12 სექტემბერი ქ. აბაშა |
,,ადგილობრივი (ქონების) გადასახადების შემოღებისა და მისი განაკვეთების შესახებ“ აბაშის მუნიციპალიტეტის საკრებულოს 2012 წლის 22 მარტის №15 დადგენილებაში ცვლილებისა და დამატების შეტანის შესახებ
„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის ,,მ“ ქვეპუნქტის, საქართველოს საგადასახადო კოდექსის 206-ე მუხლის პირველი პუნქტის ,,ჰ1“ ,,ჰ2“ ქვეპუნქტებისა და „ნორმატიული აქტების შესახებ“ საქართველოს კანონის მე-20 მუხლის შესაბამისად, აბაშის მუნიციპალიტეტის საკრებულომ დაადგინა:
მუხლი 1
,,ადგილობრივი (ქონების) გადასახადების შემოღებისა და მისი განაკვეთების შესახებ“ აბაშის მუნიციპალიტეტის საკრებულოს 2012 წლის 22 მარტის №15 დადგენილებაში (საქართველოს საკანონმდებლო მაცნე, 29.03.2012. სარეგისტრაციო კოდი 200130000.35.110.016084) შეტანილ იქნეს ცვლილება და დამატება კერძოდ, ადგილობრივი (ქონების) გადასახადების განაკვეთების დანართ №1-ს დაემატოს მე-7 მუხლი შემდეგი რედაქციით:
,,მუხლი 7. საქართველოს საგადასახადო კოდექსის 206-ე მუხლის პირველი პუნქტის ,,ჰ1“ და ,,ჰ2“ ქვეპუნქტებიდან გამომდინარე, შესაბამისი დასაბეგრი ობიექტების მიხედვით, ქონების გადასახადისგან სრულად გათავისუფლდეს:
ა) საცხოვრებელ სახლზე მიმაგრებული მიწის ნაკვეთები;
ბ) ავტოფარეხებზე მიმაგრებული მიწის ნაკვეთები;
გ) მრავალბინიან სახლში მცხოვრები ფიზიკური პირის თანასაკუთრებაში არსებული ფართობის პროპორციულად განსაზღვრული დაბეგვრის ობიექტი (მიწის ფართობი).“.
მუხლი 2
მიღებული დადგენილება გადაეგზავნოს აბაშის მუნიციპალიტეტის გამგეობას.
მუხლი 3
აქტის მოქმედება გავრცელდეს 2012 წლის 1 იანვრიდან წარმოშობილ ურთიერთობებზე.
მუხლი 4
დადგენილება ამოქმედდეს გამოქვეყნებისთანავე.
|