„ზოგადსაგანმანათლებლო დაწესებულების სახელმძღვანელოს გრიფის მინიჭების წესისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2011 წლის 25 თებერვლის №30/ნ ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
📥 უკუმითითებები — 1 დოკუმენტი
საქართველოს მინისტრის ბრძანება (1)
დოკუმენტის ტექსტი
საქართველოს განათლებისა და მეცნიერების მინისტრის
ბრძანება №1 88/ნ
2012 წლის 19 სექტემბერი
ქ. თბილისი
„ზოგადსაგანმანათლებლო დაწესებულების სახელმძღვანელოს გრიფის მინიჭების წესისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2011 წლის 25 თებერვლის №30/ნ ბრძანებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:
მუხლი 1. შეტანილ იქნეს ცვლილებ ა „ზოგადსაგანმანათლებლო დაწესებულების სახელმძღვანელოს გრიფის მინიჭების წესისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2011 წლის 25 თებერვლის №30/ნ ბრძანებაში და ბრძანებით დამტკიცებული „ზოგადსაგანმანათლებლო დაწესებულების სახელმძღვანელოს გრიფის მინიჭების წესის“ (დანართი№1) ( ვებგვერდი, 250211, 25.02.2011; სარეგისტრაციო კოდ ი : 430210000.22.022.016066 ) მე-9 მუხლის 51 პუნქტი ჩამოყალიბდეს შემდეგი რედაქციით:
„51. ცენტრი ან სამინისტროს სისტემაში შემავალი სუბიექტი უფლებამოსილია საჭიროების შემთხვევაში (მათ შორის, რომელიმე კონკრეტული საგნის სასკოლო სახელმძღვანელოს არარსებობის ან სახელმწიფო პროგრამის ფარგლებში), სახელმწიფოს ინტერესებიდან გამომდინარე, საქართველოს განათლებისა და მეცნიერების მინისტრის ბრძანებით შექმნას, მათ შორის, შემოსავლის მიღების მიზნით, სასკოლო სახელმძღვანელო, რომელიც წარედგინება შემთანხმებელ კომისიას გრიფის მისანიჭებლად. ასეთ სახელმძღვანელოებზე საავტორო – პირადი არაქონებრივი და ქონებრივი – უფლებები საქართველოს განათლებისა და მეცნიერების მინისტრის ბრძანებით ეკუთვნის სამინისტროს სისტემაში შემავალ ერთ-ერთ იურიდიულ პირს . შემთანხმებელი კომისია გადაწყვეტილებას ცალკეული სახელმძღვანელოსთვის/სერიისთვის გრიფის მინიჭების შესახებ იღებს ამ წესით დადგენილი გრიფირების ეტაპების გავლისა და საფასურის გადახდის გარეშე, რაც ფორმდება ცენტრის დირექტორის ინდივიდუალური ადმინისტრაციულ-სამართლებრივი აქტით.“.
მუხლი 2. ბრძანება ამოქმედდეს გამოქვეყნებისთანავე.
ხ. დეკანოიძე