„საქართველოს სახელმწიფო დაცვის სპეციალური სამსახურის თანამშრომელთა ეთიკის კოდექსის დამტკიცების შესახებ” საქართველოს სახელმწიფო დაცვის სპეციალური სამსახურის უფროსის 2011 წლის 29 მარტის №320 ბრძანებაში ცვლილების შეტანის თაობაზე

საქართველოს სახელმწიფო დაცვის სპეციალური სამსახურის უფროსის

2012 წლის 14 ნოემბერი

ქ. თბილისი

  „გ) თანამდებობის შესაბამისი პასუხისმგებლობისა და სამართლიანობის, ობიექტურობისა და მიუკერძოებლობის პრინციპების განმტკიცება თანამშრომელთა საქმიანობაში.”;

  „1. თანამშრომელი ვალდებულია საზოგადოების წევრებთან და სხვა მოსამსახურეებთან ურთიერთობაში იყოს ტაქტიანი და თავაზიანი. თავისი აზრი, მოთხოვნები, შენიშვნები და წინადადებები გამოთქვას კორექტული და ზრდილობიანი ფორმით.

  2. თანამშრომელი უნდა იყოს მომთხოვნი საკუთარი თავის მიმართ, პროფესიული მოვალეობის შესრულებისას გამოიჩინოს პრინციპულობა და კეთილსინდისიერება, იმავდროულად არ დაუშვას მედიდურობის და ამპარტავნული დამოკიდებულების გამოხატვა. მოსამსახურე ვალდებულია მიღებული დავალებების მიმართ გამოიჩინოს მაქსიმალური ყურადღება და მობილიზებულობა, სპეციალური მითითებების გარეშე დაიცვას ის სამართლებრივი აქტები, რომლებიც მის სამსახურებრივ მოვალეობას უკავშირდება; დროულად და სრულფასოვნად შეასრულოს დავალებები; შესაძლო არასწორი ინტერპრეტაციის თავიდან აცილების მიზნით, ხელმძღვანელ პირებთან დააზუსტოს მიღებული დავალების შინაარსი.”;

  „5. თანამშრომელი მოწოდებული უნდა იყოს პროფესიული კვალიფიკაციის ასამაღლებლად და საქმიანი ინიციატივების გამოსავლენად.

  6. თანამშრომლები უნდა იცავდნენ კოლეგიალობის, სუბორდინაციის პირინციპებს, შეხვედრისას თავაზიანად ესალმებოდნენ ერთმანეთს, უზიარებდნენ  სამუშაო გამოცდილებას, ტაქტიანად  მიუთითებდნენ კოლეგებს შეცდომასა თუ ხარვეზზე; დაუშვებელია მათი მხრიდან კოლეგების მიმართ ცინიკური ან სხვა სახის შეურაცხმყოფელი დამოკიდებულების გამოვლენა; შესაბამისი თანამშრომლის შესახებ და მისი ნების საწინააღმდეგოდ ისეთი ინფორმაციის გახმაურება, რომელიც სამსახურის ინტერესებთან არ არის დაკავშირებული; მოსამსახურეები უნდა იცავდნენ ჯანსაღი სამუშაო გარემოს შექმნისათვის აუცილებელ სხვა ზნეობრივ პრინციპებსა და ნორმებს.”;

  „1.  თანამშრომლის მიერ კოდექსის მოთხოვნების დარღვევა გამოიწვევს დისციპლინურ პასუხისმგებლობას. კოდექსის დარღვევით განხორციელებული ქმედება ჩაითვლება ბათილად და ვერ წარმოშობს სამართლებრივი მნიშვნელობის შედეგებს.”.