სსიპ ვანის მუნიციპალიტეტის სოფელ ტობანიერის საჯარო სკოლის რეორგანიზაციის და „ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში ცვლილების შეტანის შესახებ

,,ნორმატიული აქტების შესახებ“ საქართველოს კანონის მე-20 მუხლის  მე-4 პუნქტის, ,,ზოგადი განათლების შესახებ” საქართველოს კანონის 26-ე მუხლის პირველი პუნქტის ,,ნ’’ ქვეპუნქტის, 34-ე მუხლის, ,,საქართველოს განათლებისა და მეცნიერების სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №37 დადგენილებით დამტკიცებული ,,საქართველოს განათლებისა და მეცნიერების სამინისტროს დებულების’’ მე-2 მუხლის მე-2 პუნქტის ,,თ’’ ქვეპუნქტის საფუძველზე, ვბრძანებ:

განხორციელდეს საჯარო სამართლის იურიდიული პირის - ვანის მუნიციპალიტეტის სოფელ ტობანიერის საჯარო სკოლის რეორგანიზაცია და მის ბაზაზე ზოგადსაგანმანათლებლო დაწესებულების სტატუსის მოპოვების მიზნით 2013 წლის 3 იანვრამდე დაფუძნდეს სსიპ ვანის მუნიციპალიტეტის სოფელ ტობანიერის საჯარო სკოლა და სსიპ ვანის მუნიციპალიტეტის სოფელ მიქელეფონის საჯარო სკოლა; 

სსიპ ვანის მუნიციპალიტეტის სოფელ ტობანიერის საჯარო სკოლის  უფლებამონაცვლედ განისაზღვროს სსიპ - ვანის მუნიციპალიტეტის სოფელ ტობანიერის საჯარო სკოლა;

 ,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ’’ საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანების (სსმ III, 26.09.2005, №112, მუხ. 1233 სარეგისტრაციო კოდი 040.030.000.22.022.007.724) მე-2 დანართით გათვალისწინებული საქართველოს განათლებისა და მეცნიერების სამინისტროს ტერიტორიულ ორგანოს – ქალაქ ვანის საგანმანათლებლო რესურსცენტრს დაქვემდებარებული საჯარო სკოლების თავს დაემატოს 30-ე გრაფა და ჩამოყალიბდეს შემდეგი რედაქციით: 

 საქართველოს განათლებისა და მეცნიერების სამინისტრომ  უზრუნველყოს ამ ბრძანების შესრულების მიზნით კანონმდებლობით დადგენილი ღონისძიებების გატარება;

ეს ბრძანება, გარდა   მე-3   პუნქტისა,  ამოქმედდეს  გამოქვეყნებისთანავე;

ბრძანების მე-3  პუნქტი ამოქმედდეს 2013 წლის 3 იანვრიდან.