ხაშურის მუნიციპალიტეტის 2013 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ
მუნიციპალიტეტისა და თვითმმართველი ქალაქის საკრებულოს დადგენილება მოქმედი ადგილობრივი თვითმმართველობა
მიღების თარიღი 28.12.2012
გამომცემი ორგანო ხაშურის მუნიციპალიტეტი
ნომერი №53
სარეგისტრაციო კოდი 280120000.35.143.016135
გამოქვეყნების წყარო ვებგვერდი, 04/01/2013
კონსოლიდირებული ვერსიები
📄 ტექსტზე გადასვლა ↓
28.12.2012 მიღება
დამატებითი მეტამონაცემები (1)
| საკრებულოს თავმჯდომარე დავით ლომიძე | საკრებულოს თავმჯდომარე |
დოკუმენტის ტექსტი
ხაშურის მუნიციპალიტეტის 2013 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ
ხაშურის მუნიციპალიტეტის საკრებულოს
დადგენილება №53
2012 წლის 28 დეკემბერი
ქ. ხაშური
ხაშურის მუნიციპალიტეტის 2013 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ
,,ადგილობრივი თვითმმართველობის შესახებ” საქართველოს ორგანული კანონის მე-16 მუხლის და ,,ნორმატიული აქტების შესახებ“ საქართველოს კანონის 25-ე მუხლის პირველი პუნქტის ,,ბ“ ქვეპუნქტის შესაბამისად, ხაშურის მუნიციპალიტეტის საკრებულო ადგენს:
1.
დამტკიცდეს ,,ხაშურის მუნიციპალიტეტის 2013 წლის ადგილობრივი ბიუჯეტიდან სოციალური დახმარების გაცემის წესი“ (თან ერთვის).
2.
ამ დადგენილების ამოქმედების დღიდან ძალადაკარგულად გამოცხადდეს ,,ხაშურის მუნიციპალიტეტის 2012 წლის ადგილობრივი ბიუჯეტიდან სოციალური დახმარების გაცემის წესის შესახებ“ ხაშურის მუნიციპალიტეტის 2012 წლის 11 იანვრის №1 დადგენილება.
3.
ეს დადგენილება ამოქმედდეს გამოქვეყნებისთანავე.საკრებულოს თავმჯდომარედავით ლომიძე
დანართი
ხაშურის მუნიციპალიტეტის 2013 წლის ადგილობრივი ბიუჯეტიდან
სოციალური დახმარების გაცემის წესი
ეს წესი განსაზღვავს ხაშურის მუნიციპალიტეტის მოსახლეობისათვის ადგილობრივი ბიუჯეტიდან სოციალური დახმარების გაცემისა და მისი მიღების პირობებს, მიმღებთა (ბენეფიციართა) კატეგორიებს, მათ მიერ მუნიციპალიტეტში წარსადგენ დოკუმენტებს და დახმარების სახით გასაცემი თანხის ოდენობას.
მუხლი 1🔗.
ონკოლოგიური ავადმყოფების სოციალური დახმარება
1.
ამ მუხლით გათვალისწინებული დახმარება ვრცელდება მუნიციპალიტეტის ტერიტორიაზე მცხოვრებ:
ა)
ონკოლოგიური დაავადების მქონე ბავშვებზე;
ბ)
ონკოლოგიურ ავადმყოფებზე, რომელთა ოჯახების რეიტინგი სოციალურად დაუცველი ოჯახების მონაცემთა ერთიან ბაზაში 70 001 – 150 000 ქულის ფარგლებშია.
2.
დახმარების მისაღებად მაძიებელმა/წარმომადგენელმა მუნიციპალიტეტის საკრებულოს ან გამგეობას უნდა წარუდგინოს:
ა)
განცხადება საკრებულოს თავმჯდომარის ან გამგებლის სახელზე;
ბ)
მაძიებლის (ავადმყოფის) პირადობის (ბავშვის შემთხვევაში – დაბადების ) მოწმობის ასლი;
გ)
ცნობა ჯანმრთელობის მდგომარეობის შესახებ (ფორმა N IV-100/ა);
დ)
სამკურნალო დაწესებულების მიერ გაცემული ანგარიშ-ფაქტურა კალკულაციით;
ე)
ამონაწერი სოციალურად დაუცველი ოჯახების მონაცემთა ერთიანი ბაზიდან (მხოლოდ ამ მუხლის პირველი პუნქტის ,,ბ“ ქვეპუნქტის შემთხვევაში).
3.
ავადმყოფს დახმარება გაეწევა ერთჯერადად:
ა)
სტაციონარული მკურნალობის (მ.შ. ქიმიოთერაპიისა და სხივური თერაპიის ხარჯები) ღირებულების 50%-ის თანადაფინანსება, მაგრამ არა უმეტეს 500 ლარისა;
ბ)
ოპერაციული მკურნალობის თანადაფინანსება 50%-ით, მაგრამ არა უმეტეს 800 ლარისა.
მუხლი 2🔗.
მშობიარობის თანადაფინანსება
1.
ამ მუხლით გათვალისწინებული დახმარება (თანადაფინანსება) ვრცელდება მუნიციპალიტეტის ტერიტორიაზე მცხოვრებ მშობიარეებზე, რომელთა ოჯახების სარეიტინგო ქულა სოციალურად დაუცველი ოჯახების მონაცემთა ერთიან ბაზაში 70 000 – 100 000 ქულის ფარგლებშია.
2.
მშობიარეს ოპერაციულ მკურნალობაზე მიეცემა თანადაფინანსება ღირებულების 70%-ის ოდენობით, მაგრამ არაუმეტეს 500 ლარისა, ხოლო ფიზიოლოგიური მშობიარობისას – ღირებულების 70%-ის ოდენობით, მაგრამ არაუმეტეს 300 ლარისა.
3.
თანადაფინანსების მისაღებად, მაძიებელმა/წარმომადგენელმა მუნიციპალიტეტის საკრებულოსა ან გამგეობაში უნდა წარადგინოს წინამდებარე წესის პირველი მუხლის მე–2 პუნქტით გათვალისწინებული დოკუმენტაცია.
მუხლი 3🔗.
ქრონიკული დაავადებების მქონე ავადმყოფების უფასო მედიკამენტებით
უზრუნველყოფა
1.
უფასო მედიკამენტებით უზრუნვეყოფა ვრცელდება მუნიციპალიტეტის ტერიტორიაზე მცხოვრებ ქრონიკული დაავადების მქონე ავადმყოფებზე, რომელთა ოჯახების სარეიტინგო ქულა სოციალურად დაუცველი ოჯახების მონაცემთა ერთიან ბაზაში 0 – 100 000 ქულის ფარგლებშია.
2.
ექიმის დანიშნულებით გამოწერილი მედიკამენტების ღირებულება 100 ლარის ფარგლებში დაუფინანსდებათ:
ა)
ეპილეფსიით დაავადებულებს;
ბ)
პარკინსონიზმით დაავადებულებს;
გ)
ონკოლოგიურ ავადმყოფებს;
დ)
დაუნის სინდრომით დაავადებულებს.
3.
დანიშნული მედიკამენტების ღირებულების დასაფინანსებლად ამ მუხლის მე-2 პუნქტში მითითებულმა მაძიებელმა/წარმომადგენელმა მუნიციპალიტეტის საკრებულოსა ან გამგეობაში უნდა წარადგინოს წინამდებარე წესის პირველი მუხლის მე-2 პუნქტის ,,ა“, ,,ბ“, ,,გ“, და ,,ე“ ქვეპუნქტებით გათვალისწინებული დოკუმენტაცია, აგრეთვე, ექიმის დანიშნულების საფუძველზე ცნობა სააფთიაქო დაწესებულებიდან – მედიკამენტების ჩამონათვალის და ღირებულების, აგრეთვე, საბანკო ანგარიშის რეკვიზიტების შესახებ, რომელზედაც განხორციელდება გადარიცხვა.
მუხლი 4🔗.
ცერებრალური დამბლითა და სკოლიოზით დაავადებული პირების სოციალური დახმარება
1.
ამ მუხლით გათვალისწინებული სოციალური დახმარება გაეწევა მუნიციპალიტეტის ტერიტორიაზე მცხოვრებ ცერებრალური დამბლითა და სქოლიოზით დაავადებულ პირებს, რომელთა ოჯახების რეიტინგი სოციალურად დაუცველი ოჯახების მონაცემთა ერთიან ბაზაში 0–100 000 ქულის ფარგლებშია.
2.
ამ მუხლით გათვალისწინებულ ბენეფიციარებს დახმარება გაეწევათ ერთჯერადად, 100 ლარის ფარგლებში, მაძიებლის/წარმომადგენლის მიერ მუნიციპალიტეტის საკრებულოსა ან გამგეობაში წინამდებარე წესის მე-3 მუხლის მე-3 პუნქტით გათვალისწინებული დოკუმენტაციის წარმოდგენის საფუძველზე.
მუხლი 5🔗.
შეზღუდული შესაძლებლობის მქონე პირთა სოციალური დახმარება
1.
ბენეფიციარები: მუნიციპალიტეტის ტერიტორიაზე მცხოვრები, 0–100 000 სარეიტნგო ქულის მქონე:
ა)
შეზღუდული შესაძლებლობის მქონე I და II ჯგუფის უსინათლო პირები;
ბ)
შეზღუდული შესაძლებლობის მქონე პირები, რომლებიც დამოუკიდებლად
გადაადგილებას ვერ ახერხებენ (ინვალიდის ეტლით მოსარგებლე ან მწოლიარე).
2.
ამ მუხლით გათვალისწინებულ ბენეფიციარებს ერთჯერადად დაუფინანსდებათ ექიმის დანიშნულებით მისაღები მედიკამენტების ღირებულება 100 ლარის ფარგლებში.
3.
დაფინანსების მისაღებად მუნიციპალიტეტში წარდგენილი უნდა იქნეს:
ა)
მაძიებლის/წარმომადგენლის განცხადება საკრებულოს თავმჯდომარის ან გამგებლის სახელზე;
ბ)
მაძიებლის პირადობის/დაბადების მოწმობის ასლი;
გ)
ამონაწერი სოციალურად დაუცველი ოჯახების მონაცემთა ერთიანი ბაზიდან;
დ)
მაძიებლის უნარშეზღუდულობის ხარისხის თაობაზე საექსპერტო კომისიის ცნობის (კუპონის) ასლი;
ე)
ექიმის დანიშნულების საფუძველზე ცნობა აფთიაქიდან – დანიშნული მედიკამენტების ჩამონათვალის და ღირებულების, აგრეთვე, საბანკო ანგარიშის რეკვიზიტების შესახებ, რომელზეც განხორციელდება გადარიცხვა.
მუხლი 6🔗.
დედ-მამით ობოლი ბავშვების/მოზარდების დახმარება
1.
მუნიციპალიტეტის ტერიტორიაზე მცხოვრებ 18 წლამდე ასაკის დედ–მამით ობოლ ბავშვებს/მოზარდებს დახმარება გაეწევათ:
ა)
სტაციონარული მკურნალობისათვის – 300 ლარის ოდენობით, 300 ლარს ზემოთ –50% – ის ოდენობით, მაგრამ არაუმეტეს 500 ლარისა;
ბ)
ბავშვთა საერთაშორისო დღესთან – 1 ივნისთან დაკავშირებით – თითოეულ ბავშვს/მოზარდს 200 ლარის ოდენობით (გადაირიცხება ბავშვის/მოზარდის მეურვის პირად საბანკო ანგარიშზე);
2.
დედ–მამით ობოლი ბავშვის/მოზარდის მეურვემ მუნიციპალიტეტში უნდა წარადგინოს:
ა)
განცხადება საკრებულოს თავმჯდომარის ან გამგებლის სახელზე;
ბ)
პირადობი მოწმობის ასლი;
გ)
ცნობა სოციალური მომსახურების სააგენტოს განყოფილებიდან – ბავშვის/მოზარდის მეურვის ვინაობის შესახებ;
დ)
ცნობა ბავშვის/მოზარდის ჯანმრთელობის მდგომარეობის შესახებ (ფორმა NIV-100/ა- მხოლოდ ამ მუხლის პირველი პუნქტის ,,ა“ ქვეპუნქტის შემთხვევაში);
ე)
სამედიცინო დაწესებულების მიერ გაცემული ანგარიშ-ფაქტურა ხარჯთაღრიცხვით – ბავშვის/მოზარდის მკურნალობის ღირებულებისა და საბანკო რეკვიზიტების შესახებ, რომელზეც განხორციელდება გადარიცხვა (მხოლოდ ამ მუხლის პირველი პუნქტის ,,ა“ ქვეპუნქტის შემთხვევაში);
ვ)
ბავშვის/მოზარდის დაბადების მოწმობის ასლი.
მუხლი 7🔗.
ენდოკრინოლოგიური დაავადებებით დაავადებულ ბავშვთა დახმარება
1.
ამ მუხლით გათვალისწინებული დახმარება ვრცელდება ენდოკრინოლოგიური დაავადების მქონე ბავშვებზე, რომელთა ოჯახების სარეიტინგო ქულა სოციალურად დაუცველი ოჯახების მონაცემთა ერთიან ბაზაში 0 – 100 000 ქულის ფარგლებშია.
2.
დახმარება გაიცემა ერთჯერადად, სამედიცინო მომსახურების ღირებულების 50%-ის ოდენობით, მაგრამ არაუმეტეს 500 ლარისა.
3.
მუნიციპალიტეტში წარსადგენი დოკუმენტებია:
ა)
მაძიებლის/წარმომადგენლის განცხადება საკრებულოს თავმჯდომარის ან გამგებლის სახელზე;
ბ)
მაძიებლის პირადობის (ან დაბადების) მოწმობის ასლი;
გ)
ცნობა ჯანმრთელობის მდგომარეობის შესახებ (ფორმა №IV-100/ა);
დ)
სამედიცინო დაწესებულების ანგარიშფაქტურა კალკულაციით – პაციენტის გამოკვლევის და/ან მკურნალობის ღირებულების, აგრეთვე, საბანკო ანგარიშის რეკვიზიტების შესახებ, რომელზეც განხორციელდება გადარიცხვა.
მუხლი 8🔗.
რევმატიული ავადმყოფების სოციალური დახმარება
1.
ამ მუხლით გათვალისწინებული დახმარება ვრცელდება მუნიციპალიტეტის ტერიტორიაზე მცხოვრებ რევმატიული დაავადებების (რეაქტიული ართრიტის მწვავე ფორმა; რევმატოიდული პოლიართრიტის ქრონიკული ფორმის გამწვავება; ჰემორაგიული ვასკულიტი; სისტემური წითელი მგლურა) მქონე ავადმყოფებზე, რომელთა ოჯახების სარეიტინგო ქულა სოციალურად დაუცველი ოჯახების მონაცემთა ერთიან ბაზაში 70 000-100 000 ქულის ფარგლებშია.
2.
დახმარების მისაღებად მაძიებელმა/წარმომადგენელმა მუნიციპალიტეტში უნდა წარადგინოს:
ა)
განცხადება საკრებულოს თავმჯდომარის ან გამგებლის სახელზე;
ბ)
მაძიებლის (ავადმყოფის) პირადობის მოწმობის ასლი;
გ)
ცნობა ჯანმრთელობის მდგომარეობის შესახებ (ფორმა №IV-100/ა);
დ)
სამკურნალო დაწესებულების მიერ გაცემული ანგარიშ-ფაქტურა ხარჯთაღრიცხვით - სამედიცინო მომსახურების ღირებულებისა და საბანკო რეკვიზიტების შესახებ, რომელზეც უნდა განხორციელდეს გადარიცხვა;
ე)
ამონაწერი სოციალურად დაუცველი ოჯახების მონაცემთა ერთიანი ბაზიდან;
3.
ბენეფიციარს დახმარება გაეწევა ერთჯერადად, სტაციონარული მკურნალობის ღირებულების 50%-ით თანადაფინანსების სახით, მაგრამ არაუმეტეს 800 ლარისა.
მუხლი 9🔗.
ფენილკეტონურიით დაავადებული პირების დახმარება
1.
ამ მუხლით გათვალისწინებული დახმარება ვრცელდება მუნიციპალიტეტის ტერიტორიაზე მცხოვრებ პირებზე და ითვალისწინებს ფენილკეტონურიით დაავადებულთათვის აუცილებელი ცილაგამოცლილი კვების პროდუქტების (ფქვილი, ბრინჯი, მაკარონი და ა.შ.) ღირებულების თანადაფინანსებას- არაუმეტეს 500 ლარის ოდენობით.
2.
მუნიციპალიტეტში წარსადგენი დოკუმენტებია:
ა)
მაძიებლის/წარმომადგენლის განცხადება საკრებულოს თავმჯდომარის ან გამგებლის სახელზე;
ბ)
მაძიებლის პირადობის/დაბადების მოწმობის ასლი;
გ)
ცნობა ჯანმრთელობის მდგომარეობის შესახებ (ფორმა NIV-100/ა);
დ)
რესპუბლიკური (ცენტრალური) საავადმყოფოს გენეტიკური ცენტრის დანიშნულება-რეკომენდაცია საჭირო ცილაგამოცლილი კვების პროდუქტების ასორტიმენტის შესახებ.
ე)
სპეციალიზებული მიმწოდებელი ორგანიზაციის ცნობა – დანიშნული ცილაგამოცლილი კვების პროდუქტების ღირებულებისა და ამ ორგანიზაციის საბანკო რეკვიზიტების შესახებ.
მუხლი 10🔗.
ზოგიერთი კატეგორიის მოსახლეობის სოციალური დახმარება
1.
ამ მუხლით გათვალისწინებული სოციალური დახმარების მიმღებები არიან:
ა)
სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახის წევრები, რომელთა ოჯახის სოციალურ-ეკონომიკური მდგომარეობის მაჩვენებელი 70 000 ქულას არ აღემატება, მაგრამ მათი სადაზღვევო პოლისი გააქტიურებული არ არის, ან/და სამედიცინო მომსახურების ხარჯები არ იფარება დაზღვევით;
ბ)
სოციალურად დაუცველი ოჯახების (70 000-150 000 სარეიტინგო ქულა) წევრები, რომელთაც გაეწიათ გადაუდებელი სტაციონარული მომსახურება;
გ)
სოციალურად მოწყვლადი მოსახლეობა – პირი, რომლის მიერ მოთხოვნილი დახმარების ოდენობა არ აღემატება 900 ლარს.
2.
ამ მუხლით გათვალისწინებული დახმარების გაცემის შესაძლებლობას, მიზანშეწონილებას და მოცულობას (არაუმეტეს 2000 ლარისა) განსაზღვრავს მუნიციპალიტეტის საკრებულოს მიერ შექმნილი სპეციალური კომისია, რომლსაც განცხადებასთან ერთად უნდა წარედგინოს:
ა)
მაძიებლის/წარმომადგენლის პირადობის დამადასტურებელი დოკუმენტის ასლი;
ბ)
ცნობა ჯანმრთელობის მდგომარეობის შესახებ (ფორმა NIV-100/ა);
გ)
სამედიცინო მომსახურების ხარჯების ანგარიშფაქტურა კალკულაციით;
დ)
სოციალურ კატეგორიას (დევნილი, შშმ პირი, ვეტერანი, პენსიონერი და სხვ.) მიკუთვნების დამადასტურებელი მოწმობის ასლები (ასეთის არსებობის შემთხვევაში);
ე)
ამონაწერი სოციალურად დაუცველი ოჯახების მონაცემთა ერთიანი ბაზიდან (ასეთის არსებობის შემთხვევაში);
ვ)
მაძიებლის ოჯახის სოციალურ-ეკონომიკური მდგომარეობის თაობაზე შესაბამის დასახლებაში მუნიციპალიტეტის წარმომადგენლის წერილობითი ინფორმაცია (იმ შემთხვევაში, თუ მაძიებლის ოჯახი არ ირიცხება სოციალურად დაუცველი ოჯახების მონაცემთა ერთიან ბაზაში).
3.
კომისია დასკვნის შემუშავებისას მხედველობაში იღებს პირის შემოსავლებსა და ქონებრივ მდგომარეობასთან დაკავშირებულ ინფორმაციას.
მუხლი 11🔗.
ხელმოკლე სტუდენტების დახმარება
1.
ამ მუხლით გათვალისწინებული დახმარება ვრცელდება მუნიციპალიტეტის ტერიტორიაზე მცხოვრებ:
ა)
უმაღლესი სასწავლებლების ხელმოკლე სტუდენტებზე, რომლებიც არიან:
ა.ა)
საქართველოს დამოუკიდებლობისა და ტერიტორიული მთლიანობისათვის ბრძოლებში დაღუპულთა შვილები;
ა.ბ)
სოციალურად დაუცველი ოჯახებიდან, რომელთა რეიტინგი სოციალურად დაუცველი ოჯახების მონაცემთა ერთიან ბაზაში 0 – 100 000 ქულის ფარგლებშია;
ბ)
კოლეჯის/პროფესიული საგანმანათლებლო დაწესებულების ხელმოკლე სტუდენტებზე/მოსწავლეებზე, რომელთა ოჯახების რეიტინგი სოციალურად დაუცველი ოჯახების მონაცემთა ერთიან ბაზაში 0-100 000 ქულის ფარგლებშია.
2.
ამ მუხლის პირველ პუნქტის „ა“ ქვეპუნქტში მითითებულ სტუდენტებს დახმარება გაეწევათ უმაღლეს სასწავლებლებში სწავლების საფასურის თანადაფინანსების სახით, არა უმეტეს 800 ლარის ოდენობით, ხოლო ამავე მუხლის პირველი პუნქტის „ბ“ ქვეპუნქტში მითითებულ სტუდენტებს/მოსწავლეებს – კოლეჯში/პროფესიულ საგანმანათლებლო დაწესებულებაში სწავლის საფასურის თანადაფინანსების სახით, არა უმეტეს 400 ლარის ოდენობით.
3.
თანადაფინანსების მისაღებად მაძიებელმა/წარმომადგენელმა განცხადებით უნდა მიმართოს მუნიციპალიტეტის საკრებულოს თავმჯდომარეს ან გამგებელს და თან დაურთოს:
ა)
ამ მუხლის პირველ პუნქტში მითითებული სტატუსის დამადასტურებელი დოკუმენტები;
ბ)
სტუდბილეთის ასლი ან ცნობა უმაღლეს სასწავლებელში/კოლეჯში/პროფესიულ საგანმანათლებლო დაწესებულებაში ჩარიცხვის/სწავლის შესახებ;
გ)
უმაღლესი სასწავლებლის/კოლეჯის/პროფესიული საგანმანათლებლო დაწესებულების ანგარიში (ცნობა) – სტუდენტის/მოსწავლის სწავლის საფასურისა და სასწავლებლის საბანკო რეკვიზიტების შესახებ.
მუხლი 12🔗.
მიცვალებულთა სარიტუალო მომსახურება
1.
მუნიციპალიტეტის ბიუჯეტიდან ანაზღაურდება შემდეგი სახის სარიტულო მომსახურება:
ა)
ვეტერანის მოწმობის მიხედვით მუნიციპალიტეტში რეგისტრირებულ (კოდი-958) გარდაცვლილ მეორე მსოფლიო ომის მონაწილეთა ( კოდი – 100) სარიტუალო მომსახურება;
ბ)
ვეტერანის მოწმობის მიხედვით მუნიციპალიტეტში რეგისტრირებულ საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედების გარდაცვლილ ვეტერანთა (კოდი –300) სარიტუალო მომსახურება;
გ)
ვეტერანის მოწმობის მიხედვით მუნიციპალიტეტში რეგისტრირებულ სხვა სახელმწიფოთა ტერიტორიაზე საბრძოლო მოქმედებების გარდაცვლილ მონაწილეთა (კოდი 200) სარიტუალო მომსახურება;
დ)
დევნილის მოწმობის მიხედვით მუნიციპალიტეტში რეგისტრირებულ გარდაცვლილ დევნილთა სარიტუალო მომსახურება;
ე)
უპატრონო მიცვალებულთა სარიტუალო მომსახურება.
2.
მუნიციპალიტეტში წარსადგენია შემდეგი დოკუმენტაცია:
ა)
დაკრძალვის ხარჯების მიმღები პირის განცხადება საკრებულოს თავმჯდომარის ან გამგებლის სახელზე;
ბ)
განმცხადებლის პირადობის მოწმობის ასლი;
გ)
გარდაცვლილი ვეტერანის/დევნილის მოწმობის ასლი;
დ)
ინფორმაცია ტერიტორიული ორგანოდან გარდაცვლილის უპატრონობის შესახებ (ამ წესის მე-12 მუხლის პირველი პუნქტის ,,ე” ქვეპუნქტის შემთხვევაში);
ე)
განმცხადებლის საბანკო ანგარიშის რეკვიზიტები;
ვ)
ცნობა შესაბამისი ორგანოდან პირის გარდაცვალების შესახებ.
3.
სარიტუალო მომსახურების თანხა გაიცემა 250 ლარის ოდენობით.
მუხლი 13🔗.
ომის ვეტერანთა და მათი ოჯახების სოციალური დახმარება
1.
მუნიციპალიტეტის ბიუჯეტიდან სოციალური დახმარება გაეწევა ქვემოთ ჩამოთვლილი კატეგორიის ომის ვეტერანებს ან მათ ოჯახებს:
ა)
საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედების ინვალიდებს;
ბ)
საქართველოს ტერიტორიული მთლიანობის, თავისუფლებისა და დამოუკიდებლობისათვის ბრძოლაში დაღუპულთა ოჯახებს;
გ)
მეორე მსოფლო ომის მონაწილეებს.
2.
დახმარება გაიცემა ერთჯერადად, 100 ლარის ოდენობით;
3.
ამ მუხლით გათვალისწინებულ ბენეფიციართა კონტინგენტსა და მათ საბანკო (საპენსიო) ანგარშების რეკვიზიტებს აზუსტებს მუნიციპალიტეტის გამგეობის ჯანმრთელობისა და სოციალური დაცვის სამსახური.
4.
ამ მუხლის პირველი პუნქტის ,,ა“ და ,,ბ“ ქვეპუნქტებით განსაზღვრულ ბენეფიციარებს დახმარება მიეცემათ საქართველოს დამოუკიდებლობის დღეს – 26 მაისს, ხოლო ,,გ“ ქვეპუნქტით განსაზღვრულ ბენეფიციარებს – ფაშიზმზე გამარჯვების დღეს – 9 მაისს.
მუხლი 14🔗.
ხანძრის შედეგად უსახლკაროდ დარჩენილი ოჯახების დახმარება
1.
ამ მუხლით დახმარება გაეწევათ მუნიციპალიტეტის ტერიტორიაზე შედეგად უსახლკაროდ დარჩენილ ოჯახებს, აგრეთვე იმ ოჯახებს, რომელთა საცხოვრებელი სახლის ძირითად კონსტრუქციულ ელემენტებს ხანძარმა არსებითი ზიანი მიაყენა.
2.
ხანძრის შედეგად უსახლკაროდ დარჩენილ ოჯახს გაეწევა ერთჯერადი დახმარება 1000 ლარის ოდენობით, ხოლო ოჯახს, რომლის საცხოვრებელი სახლის/ბინის ძირითად კონსტრუქციულ ელემენტებს ხანძარმა არსებითი ზიანი მიაყენა, 500 ლარის ოდენობით.
3.
დაზარალებული ოჯახის წარმომადგენელმა მუნიციპალიტეტში უნდა წარადგინოს:
ა)
განცხადება საკრებულოს თავმჯდომარის ან გამგებლის სახელზე;
ბ)
პირადობის მოწმობის ასლი;
გ)
ცნობა სახანძრო დაცვის სამსახურიდან – ხანძრის ფაქტისა და მისი კატეგორიის შესახებ;
დ)
საბანკო დაწესებულებაში გახსნილი პირადი ანგარიშის რეკვიზიტები.
მუხლი 15🔗.
ასი და მეტი წლის უხუცესთა დახმარება
1.
ამ მუხლით გათვალისწინებული ერთჯერადი დახმარება მიეცემათ მუნიციპალიტეტის ტერიტორიაზე მცხოვრებ უხუცესებს, რომელთაც შეუსრულდათ ასი და მეტი წელი.
2.
უხუცესებს ფულადი დახმარება მიეცემათ წელიწადში 100 ლარის ოდენობით და გაეწევათ მედიკამეტოზური უზრუნველყოფა 100 ლარის ფარგლებში.
3.
დახმარება გაიცემა მუნიციპალიტეტში შესაბამისი ტერიტორიული ორგანოს წარდგინების ან მაძიებლის/წარმომადგენლის განცხადების საფუძველზე, რასაც თან დაერთვის მაძიებლის პირადობის მოწმობის ასლი და საბანკო დაწესებულებაში მისი პირადი ანგარიშის ან საპენსიო ანგარიშის რეკვიზიტები.
4.
მედიკამენტოზური უზრუნველყოფის შემთხვევაში განცხადებას უნდა დაერთოს აფთიაქის ცნობა (ანგარიში) – ექიმის დანიშნულების საფუძველზე გასაცემი მედიკამენტების ჩამონათვალის, მისი ღირებულებისა და საბანკო რეკვიზიტების შესახებ, რომელზეც განხორციელდება გადარიცხვა.
მუხლი 16🔗.
უმწეო მდგომარეობაში მყოფ მოქალაქეთა უფასო სასადილოთი მომსახურება
1.
უმწეო მდგომარეობაში მყოფ მოქალაქეთა უფასო სასადილოთი მომსახურება ითვალისწინებს ხაშურის მუნიციპალიტეტის ტერიტორიაზე მცხოვრები მძიმე სოციალურ-ეკონომიკური მდგომარეობის მქონე 170 პირის დღეში ერთჯერ (გარდა კვირადღისა) სამკომპონენტიანი სადილით უფასო კვებას.
2.
უმწეო მდგომარეობაში მყოფ მოქალაქეთა უფასო სასადილოს მომხმარებელთა კონტინგენტი განისაზღვრება ხაშურის მუნიციპალიტეტის საკრებულოს 2011 წლის 25 მარტის №29 დადგენილებით დამტკიცებულ ,,უფასო სასადილოს ბენეფიციართა შერჩევის წესის“ საფუძველზე.
3.
უფასო სასადილოთი მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონით დადგენილი წესით; ამასთან, შესყიდვის პირობებით ერთი ბენეფიციარის კვება/დღის ღირებულება, რაც კვების, კომუნალურ და სხვა ხარჯებს მოიცავს, განისაზღვრება 1,68 ლარის ოდენობით.
მუხლი 17🔗.
მრავალშვილიანი (ოთხი და მეტი შვილი) დედების (ოჯახების) დახმარება
1.
ეს მუხლი ითვალისწინებს მუნიციპალიტეტის ტერიტორიაზე მცხოვრები მრავალშვილიანი (ოთხი და მეტი შვილი) დედების ერთჯერად ფინანსურ დახმარებას. 2013 წელს დაბადებულ მეოთხე შვილზე დედას მიეცემა 400 ლარი; მე-5 შვილზე – 500 ლარი; მე-6, მე-7 და ა.შ. შვილზე – 600 ლარი.
2.
მაძიებელმა/წარმომადგენელმა მუნიციპალიტეტის საკრებულოსა ან გამგეობაში შეტანილ განცხადებას უნდა დაურთოს:
ა)
პირადობის მოწმობის ასლი;
ბ)
ყველა შვილის დაბადების მოწმობის ასლი;
გ)
საბანკო დაწესებულებაში გახსნილი პირადი ანგარიშის რეკვიზიტები.
მუხლი 18🔗.
შეზღუდული შესაძლებლობის მქონე მოსწავლეთა სოციალური
მომსახურება
შეზღუდული შესაძლებლობის მქონე მოსწავლეთა სოციალური მომსახურება ხორციელდება ხაშურის მუნიციპალიტეტის საკრებულოს განკარგულებით დამტკიცებული მუნიციპალური პროგრამის სფუძველზე, რომლის მიზანია შშმ მოსწავლეთა უწყვეტი აღზრდისა და სწავლების ხელშეწყობა მათი სოციალურ-საყოფაცხოვრებო და შრომითი ადაპტაციის უზრუნვესაყოფად.
მუხლი 19🔗.
საომარი მოქმედებების შედეგად დევნილთა ყოფა–ცხოვრების პირობების მოწესრიგებისა და მათი სოციალური დაცვის სხვა ღონისძიებები
ეს მუხლი ითვალისწინებს მუნიციპალიტეტში მცხოვრებ დევნილთა ყოფა-ცხოვრების პირობების მოწესრიგების ღონისძიებებს, მათ შორის საქართველოს მთავრობის 2010 წლის 14 დეკემბრის №1602 განკარგულების შესაბამისად დევნილთა დასახლებებში გარე გარე განათებაზე, წყლის ტუმბოებსა და საკანალიზაციო გამწმენდი ნაგებობების ფუნქციონირებაზე მოხმარებული ელექტროენერგიის ხარჯების დაფინანსებას.
მუხლი 20🔗.
მუნიციპალიტეტის სახელოვნებო სკოლებსა და სკოლამდელი აღზრდის დაწესებულებებში სოციალურად დაუცველი და დევნილი მოსწავლეებისა და აღსაზრდელების უფასო მომსახურება
ამ მუხლით გათვალისწინებული უფასო მომსახურება ხორციელდება ხაშურის მუნიციპალიტეტის საკრებულოს განკარგულებით დამტკიცებული მუნიციპალური პროგრამის საფუძველზე, რომლის მიზანია დევნილისა და სოციალურად დაუცველი სტატუსის მქონე მოსწავლეებისა და სკოლამდელი ასაკის ბავშვებისათვის შესაბამისად მუსიკალური განათლებისა და სკოლამდელი აღზრდის დააწესებულებათა მომსახურების ხელმისაწვდომობის გაზრდა მათთვის – დაწესებული გადასახდელების ადგილობრივი ბიუჯეტიდან დაფარვის გზით.
მუხლი 21🔗.
დევნილი და სოციალურად დაუცველი ოჯახების სადღესასწაულო დახმარება
1.
ამ მუხლით გათვალისწინებული დახმარება ითვალისწინებს მუნიციპალიტეტის ტერიტორიაზე მცხოვრებ/რეგისტრირებულ სოციალურად დაუცველ და იძულებით გადაადგილებული დევნილი ოჯახებისათვის სადღესასწაულო დღეებში „შობა უფლისა“, „აღდგომა ქრისტესი“ და სხვა) კვების პროდუქტების პაკეტების გადაცემას.
2.
ამ მუხლის პირველი პუნქტით განსაზღვრული დახმარება გაეწევათ:
ა)
სოციალურად დაუცველ ოჯახებს, რომელთა რეიტინგი სოციალურად დაუცველი ოჯახების ერთან ბაზაში 0-20 000 ქულის ფარგლებშია;
ბ)
კომპაქტურად მცხოვრებ იძულებით გადაადგილებულ დევნილ ოჯახებს.
3.
ამ მუხლის მე-2 პუნქტში მითითებულ კონტინგენტს – თითოეულ კონკრეტულ შემთხვევაში აზუსტებს და პერსონალურ სიებს ადგენს გამგეობის ჯანმრთელობისა და სოციალური დაცვის სამსახური, ხოლო გასაცემი პროდუქტების პაკეტის მოცულობას განსაზღვრავს, მისი შესყიდვისა და გაცემის ორგანიზებას ახდენს გამგეობის საფინანსო-საბიუჯეტო სამსახური ჯანმრთელობისა და სოციალური დაცვის სამსახურთან ერთად.
მუხლი 22🔗.
სოციალური დახმარების გაცემის წესი
1.
დახმარების თანხა გამოიყოფა მუნიციპალიტეტის საკრებულოს თავმჯდომარის ბრძანებით:
ა)
ამ წესის პირველი, მე-2, მე-3, მე-4, მე-5, მე-6, მე-7, მე-8, მე-9, მე-11, მე-12, მე-13, მე-15, მე-17 მუხლებით გათვალისწინებულ შემთხვევებში – მუნიციპალიტეტის გამგეობის ჯანმრთელობისა და სოციალური დაცვის სამსახურისა და შესაბამისი ტერიტორიული ორგანოს დასკვნის საფუძველზე.
ბ)
ამ წესის მე-10 მუხლის შემთხვევაში – მუნიციპალიტეტის საკრებულოს განკარგულებით შექმნილი სპეციალური კომისიის გადაწყვეტილების საფუძველზე;
გ)
ამ წესის მე-14 მუხლით გათვალისწინებული დახმარების შემთხვევაში:
გ.ა)
ფართომასშტაბიანი სტიქიისას – სტიქიით მიყენებული ზარალის დამდგენი მუნიციპალური კომისიის დასკვნის საფუძველზე;
გ.ბ)
ლოკალური შემთხვევებისას – მუნიციპალიტეტის გამგეობის ეკონომიკური განვითარებისა და ინფრასტრუქტურის სამსახურის, სახანძარო დაცვის სამსახურისა და შესაბამისი ტერიტორიული ორგანოს ერთობლივი დასკვნის საფუძველზე;
დ)
ამ წესის 21-ე მუხლით გათვალისწინებულ შემთხვევაში – მუნიციპალიტეტის გამგეობის ჯანმრთელობისა და სოციალური დაცვისა და საფინანსო-საბიუჯეტო სამსახურების ერთობლივი დასკვნის საფუძველზე.
2.
დახმარების თანხა გაიცემა უნაღდო ანგარიშსწორების ფორმით – ამ წესის პირველი და მე-2 მუხლებით, აგრეთვე, მე-6 მუხლის პირველი პუნქტის ,,ა“ ქვეპუნქტით, მე-7, მე-8 მუხლებით, მე-10 მუხლის პირველი პუნქტის „ა“ და „ბ“ ქვეპუნქტებით გათვალისწინებული დახმარების შემთხვევებში – შესაბამისი სამკურნალო დაწესებულების, ამ წესის მე-3, მე-4, მე-5 მუხლებით გათვალისწინებული დახმარების შემთხვევაში – სააფთიაქო დაწესებულების, ამ წესის მე-9 მუხლით გათვალისწინებული დახმარების შემთხვევაში – მომწოდებელი ორგანიზაციის ან ბენეფიციარის, ამ წესის მე-11 მუხლით გათვალისწინებული დახმარების შემთხვევაში – უმაღლესი სასწავლებლის/კოლეჯის/პროფესიული საგანმანათლებლო დაწესებულების, ხოლო ამ წესის მე-6 მუხლის პირველი პუნქტის ,,ბ“ ქვეპუნქტის, აგრეთვე, მე-12, მე-13, მე-14, მე-15 და მე-17 მუხლებით გათვალისწინებული დახმარების შემთხვევაში - ბენეფიციარის პირად საბანკო ანგარიშზე მისი გადარიცხვის გზით.
3.
ამ წესის მე-16, მე-19 და 21-ე მუხლებით ანგარიშსწორების პროცედურა განისაზღვრება მომსახურების მიმწოდებელ სუბიექტებთან დადებული ხელშეკრულებებით.
4.
ამ წესის მე-18 და მე-20 მუხლებით გათვალისწინებული სუბსიდიების გაცემის საფუძველია შესაბამისი პროგრამების განმახორციელებელი სუბიექტების მიერ წარმოდგენილი კვარტალური განაცხადები.
5.
დანართის პირველი და მე-2 მუხლებით, მე-6 მუხლის პირველი პუნქტის ,,ა“ ქვეპუნქტით, მე-7, მე-8 და მე-10 მუხლებით გათვალისწინებული მაძიებლების/წარმომადგენლების მიერ საჭირო სამედიცინო მომსახურების ღირებულების წინასწარი ანგარიშის (კალკულაცია) წარმოდგენის შემთხვევაში, საკმარისი საფუძვლების არსებობისას, მუნიციპალიტეტი გასცემს ადმინისტრაციულ დაპირებას (საგარანტიო წერილი) შესაბამისი მუხლით გათვალისწინებული დახმარების თანხის გაცემის შესახებ, რაც განხორციელდება მომსახურების გაწევის კვალობაზე წარმოდგენილი ანგარიშ-ფაქტურის საფუძველზე.
მუხლი 23🔗.
სოციალური დახმარების ფინანსური უზრუნველყოფა
წინამდებარე წესითა და შესაბამისი მუნიციპალური პროგრამებით გათვალისწინებული სოციალური დახმარება ფინანსდება ხაშურის მუნიციპალიტეტის 2013 წლის ადგილობრივი ბიუჯეტიდან და მისი მთლიანი მოცულობა 420 000 ლარით განისაზღვრება.