საჯარო სამართლის იურიდიული პირის – კურორტ ბეშუმის ლიკვიდაციის შესახებ

საჯარო სამართლის იურიდიული პირის – კურორტ ბეშუმის ლიკვიდაციის შესახებ აჭარის ავტონომიური რესპუბლიკის მთავრობის დადგენილება №45 2012 წლის 31 დეკემბერი ქ. ბათუმი საჯარო სამართლის იურიდიული პირის – კურორტ ბეშუმის ლიკვიდაციის შესახებ საქართველოს ზოგადი ადმინისტრაციული კოდექსის 61-ე მუხლისა და „საჯარო სამართლის იურიდიული პირის შესახებ“ საქართველოს კანონის მე-16 და მე-17 მუხლების შესაბამისად: 1. ლიკვიდირებულ იქნეს საჯარო სამართლის იურიდიული პირი – კურორტი ბეშუმი (შემდგომში - კურორტი ბეშუმი). 2. აჭარის ავტონომიური რესპუბლიკის ფინანსთა და ეკონომიკის სამინიტრომ (გ. თავართქილაძე), როგორც კურორტ ბეშუმის სახელმწიფო კონტროლის განმახორციე­ლებელმა ორგანომ, უზრუნველყოს კურორტ ბეშუმის ლიკვიდატორების დანიშვნა. 3. ლიკვიდატორებმა 2013 წლის 31 იანვრისათვის: ა) უზრუნველყონ კურორტ ბეშუმის ბალანსზე რიცხული მატერიალური ფასეულობების ინვენტარიზაცია, დებიტორულ-კრედიტორული დავალიანებების სრუ­ლი აღრიცხვა, სალიკვიდაციო ბალანსის შედგენა საქართველოს კანონმდებლობით დად­გე­ნილი წესით და მაკონტრო­ლებელი ორგანოსათვის წარდგენა; ბ) განახორციელონ კურორტ ბეშუმის თანამშრომლებთან შრომითი ურთიერ­თობის შეწყვეტა, საქართველოს შრომის კოდექსის შესაბამისად.  4. ძალადაკარგულად გამოცხადდეს „საჯარო სამართლის იურიდიული პირის – კურორტ ბეშუმის დაფუძნებისა და მისი დებულების დამტკიცების შესახებ“ აჭარის ავტონომიური რესპუბლიკის მთავრობის 2005 წლის 13 სექტემბრის №97 დადგენილება (გაზეთი „აჭარა“ №180 (22.442), 23.09.05., გვ. 5). 5. ამ დადგენილების პირველი და მე-4 პუნქტები ამოქმედდეს 2013 წლის 31 იანვრიდან. 6. ეს დადგენილება, გარდა პირველი და მე-4 პუნქტებისა, ამოქმედდეს გამოქვეყნებისთანავე.აჭარის ავტონომიური რესპუბლიკის მთავრობის თავმჯდომარეარჩილ ხაბაძე