ჩოხატაურის მუნიციპალიტეტის საკრებულოს 2011 წლის 11 იანვრის №14 დადგენილებაში – „ჩოხატაურის მუნიციპალიტეტის საკრებულოს წევრის უფლებამოსილების განხორციელებასთან დაკავშირებული ხარჯების ანაზღაურების წესის დამტკიცების შესახებ“ ცვლილების შეტანის თაობაზე

„მუხლი 2.

1. განისაზღვროს ჩოხატაურის მუნიციპალიტეტის საკრებულოს წევრის - თანამდებობის პირის ხარჯების ანაზღაურების ზღვრული მოცულობა თვეში 300 ლარის ოდენობით.

2. განისაზღვროს ჩოხატაურის მუნიციპალიტეტის საკრებულოს წევრის მიერ, ცალკეული დავალებების შესრულებასთან დაკავშირებით ხარჯების ანაზღაურების ზღვრული მოცულობა, თვეში 400 ლარის ოდენობით.“.

„მუხლი 3.

1. საკრებულოს  წევრისთვის – თანამდებობის პირისთვის, ხარჯების განსაზღვრა მოხდეს ზღვრული ოდენობის მოცულობიდან შემდეგი პირობების დაცვით:

ა) კომისიის სხდომაზე დასწრების, განსახილველ საკითხებში მოსაწილეობისა და ცალკეული დავალებების შესრულებისათვის ყოველთვიურად უფლებამოსილების განხორციელებისათვის უნაზღაურდება 150 (ას ორმოცდაათი) ლარის ოდენობით დანართი 2-ის მიხედვით, რომელიც ივსება შესაბამისი კომისიის თავმჯდომარის მიერ და წარედგინება საკრებულოს თავმჯდომარის მოადგილეს;

ბ) დარჩენილი 150 (ას ორმოცდაათი) ლარი მიეცემა საკრებულოს სხდომებზე დასწრების, განსახილველ საკითხებში მონაწილეობისა და ცალკეული დავალებების შესრულებისათვის ყოველთვიურად უფლებამოსილების განხორციელებისათვის. ანაზღაურება მოხდება დანართი 3-ის მიხედვით, რომელიც ივსება საკრებულოს თავმჯდომარის მოადგილის მიერ.

2. საკრებულოს წევრისთვის ხარჯების განსაზღვრა მოხდეს ზღვრული ოდენობის მოცულობიდან შემდეგი პირობების დაცვით:

ა) კომისიის სხდომაზე დასწრების, განსახილველ საკითხებში მოსაწილეობისა და ცალკეული დავალებების შესრულებისათვის ყოველთვიურად უფლებამოსილების განხორციელებისათვის უნაზღაურდება 200 (ორასი) ლარის ოდენობით, დანართი 2-ის მიხედვით, რომელიც ივსება შესაბამისი კომისიის თავმჯდომარის მიერ და წარედგინება საკრებულოს თავმჯდომარის მოადგილეს;

ბ) დარჩენილი 200 (ორასი) ლარი მიეცემა საკრებულოს სხდომებზე დასწრების, განსახილველ საკითხებში მონაწილეობისა და ცალკეული დავალებების შესრულებისათვის ყოველთვიურად უფლებამოსილების განხორციელებისათვის. ანაზღაურება მოხდება დანართი 3-ის მიხედვით, რომელიც ივსება საკრებულოს თავმჯდომარის მოადგილის მიერ.“.

„მუხლი 5.

საკრებულოს წევრს, კომისიის და საკრებულოს ყოველი სხდომის გაცდენისათვის, უფლებამოსილების განხორციელებასთან დაკავშირებული ხარჯებიდან დაექვითოს 20 (ოცი) ლარი.“