„საჯარო სამართლის იურიდიული პირის – საქართველოს სოფლის მეურნეობის სამინისტროს ლაბორატორიის დებულების დამტკიცების შესახებ“ საქართველოს სოფლის მეურნეობის მინისტრის 2006 წლის 12 ივნისის №2-96 ბრძანებაში ცვლილების შეტანის შესახებ

საქართველოს სოფლის მეურნეობის მინისტრის

2013 წლის 14 იანვარი

ქ. თბილისი

„მუხლი 2. საქმიანობის სფერო

ლაბორატორიის საქმიანობის სფეროში შედის:

ა) ცხოველთა (მ.შ. ფრინველი, თევზი, ფუტკარი) დაავადებების ლაბორატორიული დიაგნოსტიკა;

ბ) ცხოველთა გადამდები სნეულებების აღმძვრელების ლაბორატორიული დიაგნოსტიკა;

გ) ცხოველური და მცენარეული წარმოშობის საკვები პროდუქტებისა და ნედლეულის, ცხოველთა საკვებისა და ნედლეულის, უალკოჰოლო სასმელებისა და  სასმელი წყლის ექსპერტიზა, ხარისხისა და საკვებად ვარგისიანობის განსაზღვრა;

დ) მცენარეთა საკარანტინო და სხვა საშიში მავნე ორგანიზმების დიაგნოსტიკა;

ე) ცხოველებისთვის საშიში დაავადებების გაჩენის რისკის შეფასება კომპეტენციის ფარგლებში;

ვ) დაავადების კერის სალიკვიდაციო და საკარანტინო ღონისძიებებში მონაწილეობის მიღება კომპეტენციის ფარგლებში;

ზ) ახალი სადიაგნოსტიკო მეთოდების, ლაბორატორიული დანადგარ-მოწყობილობებისა და სადიაგნოსტიკო საშუალებების აპრობაციის და დანერგვის ხელშეწყობა.“

„დ) დონორებთან ურთიერთობისა და ინფორმაციული ტექნოლოგიების განყოფილება, რომლის ძირითადი ფუნქციებია ლაბორატორიაში კომპიუტერული ქსელისა და კომპიუტერული პროგრამების უსაფრთხოების დაცვა და ადმინისტრირება, დონორ ორგანიზაციებთან ურთიერთობის ხელშეწყობა, თანამშრომელთათვის ტრეინინგებისა და კონფერენციებში მონაწილეობის ორგანიზება, საერთაშორისო ორგანიზაციებთან  კომუნიკაციის უზრუნველყოფა;

ე) პათმასალების მიმღები, პათანატომიური და პარაზიტოლოგიის განყოფილება, რომლის ძირითადი ფუნქციებია ლაბორატორიაში შემოსული სინჯების (პათმასალების) მიღება, რეგისტრაცია, პირველადი დამუშავება (პათანატომია) და შესაბამის განყოფილებისთვის გადაცემა, მიკოლოგიური და პარაზიტოლოგიური კვლევების ჩატარება, ლაბორატორიული გამოკვლევის შედეგების გაცემა,  ლაბორატორიის  საჭიროებისათვის სინჯების (პათმასალის) მოძიება-აღება, დადებითი შედეგის დადგომის  შემთხვევაში შესაბამისი სტრუქტურების ინფორმირება;

ვ) საკვები პროდუქტების ექსპერტიზის განყოფილება, რომლის ძირითადი ფუნქციებია ცხოველური და მცენარეული წარმოშობის საკვები პროდუქტებისა და ნედლეულის, ცხოველთა საკვებისა და ნედლეულის, უალკოჰოლო სასმელებისა და სასმელი წყლის ექსპერტიზა, ხარისხისა და საკვებად ვარგისიანობის დადგენა მიკრობიოლოგიური, ქიმიო-ტოქსიკოლოგიური და რადიოლოგიური კვლევების მეთოდებით;“

„ი) ბაქტერიოლოგიის  განყოფილება, რომლის ძირითადი ფუნქციაა ცხოველთა საშიშ და განსაკუთრებით საშიშ დაავადებებზე ბაქტერიოლოგიური კვლევების ჩატარება;“

„ი¹)  ვირუსოლოგიისა და მოლეკულური ბიოლოგიის განყოფილება, რომლის ძირითადი ფუნქციაა ცხოველთა საშიშ და განსაკუთრებით საშიშ დაავადებებზე ვირუსოლოგიური, მოლეკულურ-ბიოლოგიური და სეროლოგიური კვლევების ჩატარება;“.

„3. ლაბორატორიის ტერიტორიული ორგანოები არიან:

„ა) ქუთაისი და ახალციხის ზონალური დიაგნოსტიკური ლაბორატორიები, რომელთა შემადგენლობაში შედის:

ა.ა) მიკრობიოლოგიისა და სეროლოგიის განყოფილება, რომლის ძირითადი ფუნქციებია  ცხოველთა საშიშ და განსაკუთრებით საშიშ დაავადებებზე  ბაქტერიოლოგიური,  მოლეკულურ-ბიოლოგიური და სეროლოგიური კვლევების ჩატარება;

ა.ბ) პათმასალების მიმღები და პათანატომიური განყოფილება, რომლის ძირითადი ფუნქციებია ლაბორატორიაში შემოსული სინჯების (პათმასალების) მიღება, რეგისტრაცია, პირველადი დამუშავება (პათანატომია) და გამოკვლევა ან/და შესაბამის განყოფილებისთვის გადაცემა,  ლაბორატორიული გამოკვლევის შედეგების გაცემა, ლაბორატორიის  საჭიროებისათვის სინჯების (პათმასალის) მოძიება-აღება, დადებითი შედეგის დადგომის  შემთხვევაში შესაბამისი სტრუქტურების ინფორმირება;

ბ) გურჯაანის, დუშეთის, მარნეულის, გორის, ზუგდიდის, ოზურგეთის, ამბროლაურის და ბათუმის საველე სადგურები, რომელთა ძირითადი ფუნქციებია სადგურში შემოსული სინჯების (პათმასალების) მიღება, რეგისტრაცია, პირველადი დამუშავება და ლაბორატორიული გამოკვლევა, ხოლო საჭიროების შემთხვევაში ზონალურ-დიაგნოსტიკურ  ლაბორატორიებში გადაგზავნა, ლაბორატორიული გამოკვლევის შედეგების გაცემა, ლაბორატორიის საჭიროებისათვის სინჯების (პათმასალის) მოძიება-აღება, საშიში დაავადების აღმოჩენის შემთხვევაში შესაბამისი სტრუქტურების ინფორმირება.“

„4. ლაბორატორიის დირექტორს ჰყავს მოადგილე, რომელსაც საქართველოს სოფლის მეურნეობის მინისტრთან შეთანხმებით თანამდებობაზე ნიშნავს და თანამდებობიდან ათავისუფლებს ლაბორატორიის დირექტორი.“

„4¹. ლაბორატორიის დირექტორის არყოფნისას ან მის მიერ უფლებამოსილების შესრულების შეუძლებლობის შემთხვევაში, ლაბორატორიის დირექტორის მოვალეობებს ასრულებს ლაბორატორიის დირექტორის მოადგილე.“