„მარტვილის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ“ მარტვილის მუნიციპალიტეტის საკრებულოს 2010 წლის 15 ნოემბრის №22 დადგენილებაში ცვლილების შეტანის შესახებ

                    „მუხლი 2. სამსახურის სტრუქტურა

                           2.  სამსახურის სტრუქტურული ქვედანაყოფია:

ა) კადრებისა და საქმის წარმოების განყოფილება;

ბ) ტერიტორიულ ორგანოებთან კოორდინაციის განყოფილება;

გ) მატერიალურ-ტექნიკური უზრუნველყოფის განყოფილება;“.

       „მუხლი 6. მატერიალურ-ტექნიკური უზრუნველყოფის განყოფილების ფუნქციები 

მატერიალურ-ტექნიკური უზრუნველყოფის განყოფილება დადგენილი წესით უზრუნველყოფს:

ა) საკრებულოსა და გამგეობის სამსახურების სარგებლობაში არსებული ქონების აღწერა-ინვენტარიზაციას;

ბ) საკრებულოსა და გამგეობის  სამსახურების სარგებლობაში არსებული ქონების მოვლა-პატრონობას;

გ) საინფორმაციო-საკომუნიკაციო სისტემის, კავშირგაბმულობის და სხვა ტექნიკური საშუალებების  გამართულ ფუნქციონირებას;

დ) საოფისე ავეჯის, კომპიუტერების და სხვა ტექნიკის მოვლა-პატრონობას, რემონტს და ტექნიკურ მომსახურებას;

ე) საკრებულოსა და გამგეობის  სამსახურების საოფისე მასალებით მომარაგებას;

ვ) საკრებულოს და გამგეობის სამსახურების ინვენტარის, ტექნიკისა და სხვა აღჭურვილობით სარგებლობის წესების დაცვას;

ზ) საკრებულოს და გამგეობის  სამსახურების  სარგებლობაში არსებული სატრანსპორტო საშუალებების მოვლა-პატრონობას, რემონტსა და ტექნიკურ მომსახურებას;

თ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“.