თელავის მუნიციპალიტეტის გამგეობის საფინანსო-საბიუჯეტო სამსახურის დებულების დამტკიცების შესახებ

თელავის მუნიციპალიტეტის გამგეობის საფინანსო-საბიუჯეტო სამსახურის დებულების დამტკიცების შესახებ თელავის მუნიციპალიტეტის საკრებულოს დადგენილება  №13 2013 წლის 15 თებერვალი ქ. თელავი თელავის მუნიციპალიტეტის გამგეობის საფინანსო-საბიუჯეტო სამსახურის  დებულების დამტკიცების შესახებ „ადგილობრივი თვითმმართველობის შესახებ” საქართველოს ორგანული კანონის 22-ე მუხლის პირველი პუნქტის „თ” ქვეპუნქტის და  ”ნორმატიული აქტების შესახებ” საქართველოს კანონის 25-ე მუხლის პირველი პუნქტის „ბ” ქვეპუნქტის შესაბამისად, მუხლი 1🔗 დამტკიცდეს „თელავის მუნიციპალიტეტის გამგეობის საფინანსო-საბიუჯეტო სამსახურის” თანდართული დებულება. მუხლი 2🔗 ძალადაკარგულად გამოცხადდეს „თელავის მუნიციპალიტეტის გამგეობის საფინანსო-საბიუჯეტო სამსახურის დებულების დამტკიცების შესახებ” თელავის მუნიციპალიტეტის საკრებულოს 2012 წლის 30 იანვრის №6 დადგენილება. მუხლი 3🔗 დადგენილება  ძალაშია გამოქვეყნებისთანავე.თელავის მუნიციპალიტეტის საკრებულოს თავმჯდომარედიმიტრი ბოჭორიძე დანართი თელავის მუნიციპალიტეტის გამგეობის საფინანსო-საბიუჯეტო სამსახურის დ ე ბ უ ლ ე ბ ა მუხლი 1🔗. ზოგადი დებულებები 1.  თელავის მუნიციპალიტეტის გამგეობის საფინანსო-საბიუჯეტო სამსახური (შემდეგში - სამსახური) არის მუნიციპალიტეტის გამგეობის სტრუქტურული ერთეული, რომელიც უზრუნველყოფს მუნიციპალიტეტის ბიუჯეტის პროექტის მომზადებას, მუნიციპალიტეტის ბიუჯეტის შესრულების ორგანიზაციას, ბიუჯეტის შესრულების ანგარიშის მომზადებასა და კანონმდებლობით განსაზღვრულ სხვა უფლებამოსილებებს. 2. სამსახური საქმიანობას წარმართავს „ადგილობრივი თვითმმართველობის შესახებ” საქართველოს ორგანული კანონით, საქართველოს „საბიუჯეტო კოდექსით”, თელავის მუნიციპალიტეტის გამგეობის დებულებით, წინამდებარე დებულებით, სხვა საკანონმდებლო და კანონქვემდებარე ნორმატიული აქტებით. 3. სამსახური ანგარიშვალდებულია თელავის მუნიციპალიტეტის საკრებულოსა და მუნიციპალიტეტის გამგებლის წინაშე. 4. სამსახურის კომპეტენცია, უფლებამოსილება, სტრუქტურა და საქმიანობის წესი განისაზღვრება სამსახურის წინამდებარე დებულებით. მუხლი 2🔗. სამსახურის საქმიანობის ძირითადი ამოცანები და ფუნქციები 1. თელავის მუნიციპალიტეტის ბიუჯეტის პროექტის შემუშავების, შესრულების მიმდინარეობის და შესრულების ანგარიშის მოსამზადებელი სამუშაოების ორგანიზება; 2. თელავის მუნიციპალიტეტის ბიუჯეტის პროექტის შედგენასთან, ბიუჯეტის შესრულებასთან  დაკავშირებით მონაცემთა ბაზის ფორმირება და მონაცემთა ანალიზი; 3. მუნიციპალიტეტის საბიუჯეტო დაწესებულებებში აღრიცხვა-ანგარიშგების მდგომარეობის გაუმჯობესება და საბიუჯეტო სახსრების მოქმედი კანონმდებლობის დაცვით გამოყენებისათვის მეთოდოლოგიური დახმარების გაწევა; 4. მუნიციპალიტეტის ქონების ბუღალტრული აღრიცხვა შესაბამის მუნიციპალურ სამსახურთან ერთად; 5. მუნიციპალიტეტის ბიუჯეტის შესრულების პროცესში საქართველოს საბიუჯეტო კოდექსის შესაბამისად მუნიციპალიტეტის საკრებულოში წინადადებების წარდგენა ბიუჯეტში ცვლილებების შეტანის თაობაზე; 6. თელავის მუნიციპალიტეტის ბიუჯეტის პროექტის შედგენა, რისთვისაც: ა) ამუშავებს საჭირო ინფორმაციას და ამზადებს წინადადებებს ფინანსთა სამინისტროს მიერ გამოთანაბრებითი, მიზნობრივი და სპეციალური ტრანსფერის გამოსაანგარიშებლად; ბ) შეიმუშავებს ბიუჯეტის პროექტის მოსამზადებლად საჭირო ორგანიზაციულ ღონისძიებებს და უზრუნველყოფს მის შესრულებას; გ) საბიუჯეტო კოდექსის შესაბამისად, შეიმუშავებს საბიუჯეტო განაცხადის ფორმებს, დადგენილ ვადაში ამზადებს  საბიუჯეტო ცირკულარს დაწესებულებებზე დასაყვანად; დ) უზრუნველყოფს მხარჯავი დაწესებულებებიდან განაცხადის ფორმებისა და კანონმდებლობით დადგენილი შესაბამისი ინფორმაციის მიღება-დამუშავებას, მის განხილვას; ე) ახორციელებს შემოსულობების პროგნოზირებას საქართველოს ფინანსთა სამინისტროსთან, საგადასახო ინსპექციასთან და მუნიციპალიტეტის შესაბამის სამსახურებთან კოორდინაციით; ვ)  მოქმედი კანონმდებლობის საფუძველზე ადგენს ბიუჯეტის პროექტს; ზ) განიხილავს ბიუჯეტის პროექტის თაობაზე მუნიციპალიტეტში შემოსულ შენიშვნებსა და წინადადებებს, შეიმუშავებს შესაბამის დასკვნას; თ) საკრებულოს მიერ გამოთქმული შენიშვნების გათვალისწინებით, შეაქვს შესწორება ბიუჯეტის პროექტში;            ი) ამზადებს სარეზერვო ფონდის ფორმირების შესახებ წინადადებებს; კ) თელავის მუნიციპალიტეტის საკრებულოს მიერ დამტკიცებული წესის შესაბამისად, განიხილავს ბიუჯეტით გამოყოფილი ასიგნების გადანაწილების შესახებ მხარჯავი დაწესებულებების მომართვებს და შესაბამის წინადადებებს წარუდგენს მუნიციპალიტეტის გამგებელს. 7.  უზრუნველყოფს  თელავის მუნიციპალიტეტის ბიუჯეტის შესრულებას, რისთვისაც: ა) ადგენს დამტკიცებული ბიუჯეტის შემოსულობებისა და გადასახდელების განწერას თვეების ან  კვარტალების მიხედვით; ბ) ახორციელებს ბიუჯეტის შემოსულობების შესახებ ინფორმაციის შეგროვებასა და გაანალიზებას, შესაბამისი წინადადებების და რეკომენდაციების შემუშავებას; გ) ამზადებს წინადადებებს ადგილობრივი გადასახადების და მოსაკრებლების შემოღებისა და გაუქმების, მათი განაკვეთების განსაზღვრის შესახებ; დ) ახორციელებს ბიუჯეტის ხარჯვის მიზნობრიობის, ეკონომიკური მიზანშეწონილობის და ეფექტიანობის ანალიზს, შეიმუშავებს შესაბამის წინადადებებს და რეკომენდაციებს; ე)  საკრებულოს მიერ დამტკიცებული წესის შესაბამისად, გამგებლის მიერ გამოცემული ინდივიდუალურ-სამართლებრივი აქტის-ბრძანების საფუძველზე, ბიუჯეტის სარეზერვო ფონდიდან გაცემულ თანხებს ასახავს ბიუჯეტის შესაბამის მუხლებში; ვ)  საბიუჯეტო დაწესებულებებსა და ორგანიზაციებში ბუღალტრული აღრიცხვის შესახებ დადგენილების  შესაბამისად, აღრიცხავს მუნიციპალიტეტის ფულად სახსრებს და მატერიალურ ფასეულობებს; ზ) საქართველოს საბიუჯეტო კოდექსის შესაბამისად ადგენს მუნიციპალიტეტის ბიუჯეტის ყოველთვიურ, კვარტალურ და წლიურ ანგარიშებს და არსებული წესით წარუდგენს შესაბამის უწყებებს; თ) მუნიციპალიტეტის მიერ დაფუძნებულ საწარმოებს უწევს მეთოდოლოგიურ დახმარებას საბუღალტრო აღრიცხვა-ანგარიშგების გაუმჯობესების საკითხებში; ი) ახორციელებს მოქმედი კანონმდებლობით და მუნიციპალიტეტის სამართლებრივი აქტებით განსაზღვრულ სხვა ფუნქციებს. მუხლი 3🔗. სამსახურის უფლება-მოვალეობანი 1. სამსახურს მიკუთვნებული საკითხების შესასრულებლად მოითხოვოს და შეუფერხებლად მიიღოს საბიუჯეტო დაწესებულებებიდან, საკრებულოს მიერ დაფუძნებული ორგანიზაციებიდან და შესაბამისი სახელმწიფო ინსტანციებიდან მუნიციპალიტეტის ბიუჯეტის შედგენა-შესრულების პროცესთან დაკავშირებული მონაცემები, საჭიროების შემთხვევაში ცალკეული საკითხების განხილვისა და დამუშავებისათვის მოიწვიოს მათი წარმომადგენლები, სპეციალისტები და მოითხოვოს  საჭირო ინფორმაცია.  2. განიხილოს დაწესებულებებსა და ორგანიზაციებიდან, სხვადასხვა უწყებებიდან მიღებული წერილები, მოთხოვნები, მოქალაქეთა განცხადებები და საჩივრები, საკუთარი კომპეტენციის ფარგლებში მოამზადოს შესაბამისი მასალები, წინადადებები, დასკვნები და პასუხები მოქმედი კანონმდებლობის დაცვით. მუხლი   4🔗.     სამსახურის მართვა, ორგანიზება  1. სამსახურს ხელმძღვანელობს უფროსი, რომელსაც ,,საჯარო სამსახურის შესახებ’’ საქართველოს  კანონის შესაბამისად, თანამდებობაზე ნიშნავს და თანამდებობიდან ათავისუფლებს გამგებელი.  2.  სამსახურის  უფროსი: ა) წარმართავს სამსახურის საქმიანობას და პასუხისმგებელია გამგებლის წინაშე დაკისრებული უფლებებისა და მოვალეობების შესრულებაზე;  ბ)წარუდგენს გამგებელს წინადადებებს სამსახურის საკადრო საკითხებთან დაკავშირებით, მოსამსახურეთა წახალისებისა და მათთვის დისციპლინური პასუხისმგებლობის დაკისრების, მოსამსახურეთა სამსახურებრივი მივლინებების, კვალიფიკაციის ამაღლებისა და სწავლების შესახებ;  გ) პერიოდულად წარუდგენს გამგებელს სამსახურის მიერ მომზადებულ საკითხებს, წინადადებებს, დასკვნებსა და რეკომენდაციებს; დ) ანაწილებს ფუნქციებს სამსახურის მოსამსახურეებს შორის და აძლევს მათ სათანადო მითითებებსა და რეკომენდაციებს;  ე) ზედამხედველობას უწევს სამსახურის მოსამსახურეების მიერ მათზე დაკისრებული სამსახურებრივი მოვალეობების შესრულებას;  ვ)    გამგებელს აბარებს სამსახურის მუშაობის ანგარიშს; ზ)   ასრულებს გამგებლის მიერ დაკისრებულ სხვა დავალებებს. 3.სამსახურის უფროსის არყოფნისას, უფროსის მიერ უფლებამოსილების განხორციელების შეუძლებლობის შემთხვევაში, ან თანამდებობიდან მისი გადადგომისას, მოვალეობის შემსრულებელს ნიშნავს გამგებელი. მუხლი   5🔗.    სამსახურის განყოფილების უფროსი 1.  სამსახურის განყოფილების უფროსს, „საჯარო სამსახურის შესახებ“ საქართველოს  კანონის შესაბამისად, თანამდებობაზე ნიშნავს და ათავისუფლებს გამგებელი. 2.  განყოფილების უფროსი ზედამხედველობას უწევს განყოფილების   მოსამსახურეების  მიერ მათზე დაკისრებული სამსახურებრივი მოვალეობების შესრულებას. 3.    ანგარიშვალდებულია გამგებლისა და სამსახურის უფროსის წინაშე. 4. ასრულებს გამგებლისა და სამსახურის უფროსის მიერ დაკისრებულ სხვა დავალებებს. მუხლი 6🔗. სამსახურის განყოფილების მოსამსახურე 1. სამსახურის განყოფილების მოსამსახურეს, „საჯარო სამსახურის შესახებ“ საქართველოს ორგანული კანონის შესაბამისად, თანამდებობაზე ნიშნავს და ანთავისუფლებს გამგებელი. 2. პასუხისმგებელია გამგებლის, სამსახურის უფროსისა და განყოფილების უფროსის წინაშე დაკისრებული ვალდებულებების შესრულებაზე.  3.  უზრუნველყოფს გამგებლის, სამსახურის უფროსისა და განყოფილების უფროსის, აგრეთვე თვითმმართველობის სამართლებრივი აქტებით დაკისრებული ვალდებულებების შესრულებას. მუხლი 7🔗. სამსახურის სტრუქტურა 1.  სამსახურის სტრუქტურული ერთეულებია: ა)  საბიუჯეტო საგეგმო განყოფილება; ბ)  ადგილობრივი ფინანსების მართვისა და ხაზინის განყოფილება; გ)  ბუღალტრული აღრიცხვის განყოფილება; დ)  მატერიალურ-ტექნიკური მომსახურების განყოფილება; მუხლი 8🔗. სამსახურის საბიუჯეტო-საგეგმო განყოფილების ფუნქციები 1.  სამსახურის საბიუჯეტო დაგეგმვის განყოფილება: ა) შეიმუშავებს ბიუჯეტის პროექტის მოსამზადებლად საჭირო ორგანიზაციულ ღონისძიებებს და უზრუნველყოფს მის შესრულებას; ბ)  მუნიციპალიტეტის ბიუჯეტის შემოსულობებსა და გადასახდელებთან დაკავშირებით, ახორციელებს მონაცემთა ბაზის ფორმირებას, ანალიზს და შესაბამისი წინადადებების მომზადებას; გ) საქართველოს საბიუჯეტო კოდექსის შესაბამისად, მხარჯავი დაწესებულებებისათვის ამზადებს საბიუჯეტო განაცხადის ფორმებს, წერილებს, მითითებებსა და ბიუჯეტის შედგენასთან დაკავშირებულ სხვა მასალებს; დ) სამსახურის კომპეტენციის ფარგლებში ახორციელებს მხარჯავი დაწესებულებებიდან, ორგანიზაციებიდან და უწყებებიდან შესაბამისი ინფორმაციების, მასალების მიღება-დამუშავებას; ე) ახორციელებს საჭირო ინფორმაციის შეკრებასა და დამუშავებას ფინანსთა სამინისტროს მიერ გამოთანაბრებითი და მიზნობრივი ტრანსფერების გასაანგარიშებლად; ვ) ახორციელებს მუნიციპალური პროგრამების და პროექტების ფინანსურ ანალიზს; ზ) წარმოდგენილი მასალების საფუძველზე, ადგენს თელავის მუნიციპალიტეტის ბიუჯეტის პროექტს, ბიუჯეტის პროექტს წარუდგენს სამსახურის ხელმძღვანელებს; თ) შეიმუშავებს დასკვნებსა და რეკომენდაციებს ბიუჯეტის პროექტის თაობაზე გამოთქმული შენიშვნების და წინადადებების საფუძველზე; ი) საკრებულოს საფინანსო-საბიუჯეტო კომისიის შენიშვნების გათვალისწინებით, შეაქვს შესწორება მუნიციპალიტეტის ბიუჯეტის პროექტში; კ) ახორციელებს ბიუჯეტის შემოსულობების და გადასახდელების განწერას თვეების ან კვარტალების მიხედვით; ლ) არსებული წესის შესაბამისად ამზადებს დადგენილების პროექტს მუნიციპალიტეტის ბიუჯეტში ცვლილებების შეტანის თაობაზე; მ) ამზადებს წინადადებებს ბიუჯეტის სარეზერვო ფონდის ფორმირების შესახებ; ნ) განიხილავს ბიუჯეტით გამოყოფილი ასიგნების გადანაწილების შესახებ მხარჯავი დაწესებულებების მომართვებს და შესაბამის წინადადებებს წარუდგენს მუნიციპალიტეტის გამგებელს; ო) კანონმდებლობით დადგენილ ვადაში აწარმოებს თელავის მუნიციპალიტეტის ბიუჯეტის კვარტალური და წლიური შესრულების ანალიზს, ამზადებს ინფორმაციას, მათ შორის ბიუჯეტის სარეზერვო ფონდიდან თანხების ხარჯვის შესახებ; პ) ახორციელებს მოქმედი კანონმდებლობით და მუნიციპალიტეტის სამართლებრივი აქტებით განსაზღვრულ სხვა ფუნქციებს. მუხლი 9🔗.  ადგილობრივი ფინანსების მართვისა და ხაზინის განყოფილების ფუნქციები 1.  ადგილობრივი ფინანსების მართვის და ხაზინის განყოფილება ახორციელებს: ა) სახელმწიფო ხაზინიდან საგადასახადო და არასაგადასახადო შემოსავლების შესახებ ინფორმაციის მიღებას და დამუშავებას, აწესებს კონტროლს საგადასახადო და არასაგადასახადო შემოსულობების ფაქტობრივი შესრულების მიმდინარეობაზე; ბ) საბიუჯეტო ვალდებულებების და დამოწმებების მიღებას, უზრუნველყოფს გამგეობის ხელმძღვანელობაზე წარსადგენად ვალდებულებების ყოველდღიური რეესტრის მომზადებას; გ) თელავის მუნიციპალიტეტის ბიუჯეტის ხარჯვითი ნაწილის აღსრულების, ვალდებულებების დამოწმების შესაბამისად გადახდას დადგენილი წესის მიხედვით; დ) ბიუჯეტის შემოსავლების და გადასახდელების ყოველდღიურ აღრიცხვას, ზედმეტად ან შეცდომით გადახდილი თანხების დადგენილი წესით დაბრუნებას; ე) ბიუჯეტის გადასახადების აღრიცხვას საბიუჯეტო კლასიფიკაციის მიხედვით; ვ) თელავის მუნიციპალიტეტის დაფინანსებაზე მყოფი მხარჯავი დაწესებულებებიდან საბიუჯეტო სახსრების ანგარიშების მიღებას, შემოწმებას და ანალიზს; ზ) დადგენილ ვადაში ბიუჯეტის შესრულების ყოველთვიური, კვარტალური და წლიური ანგარიშების მომზადებას და საქართველოს ფინანსთა სამინისტროს მიერ დამტკიცებული ფორმების მიხედვით დადგენილ ვადებში სამინისტროსათვის წარდგენას; თ) მუნიციპალიტეტის ბიუჯეტიდან გაწეული ხარჯების მიზნობრიობას და ეფექტიანობის შეფასებას, შესაბამისი დასკვნებისა და რეკომენდაციების შემუშავებას; ი) მოქმედი კანონმდებლობით და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას. მუხლი 10🔗. ბუღალტრული აღრიცხვის განყოფილების ფუნქციები: ა) საბიუჯეტო  ორგანიზაციებსა და დაწესებულებებში საბუღალტრო აღრიცხვის წესის შესაბამისად, თელავის მუნიციპალიტეტის სამსახურების და მმართველობითი აპარატის შენახვის ხარჯების ყოველდღიური ოპერატიული აღრიცხვა; ბ) თელავის მუნიციპალიტეტის სამსახურების და მმართველობითი აპარატის მუშაკთა ხელფასების, პრემიების და სხვა გასაცემი თანხების დარიცხვა, უწყისების შედგენა და გასაცემი თანხების ბანკში დროული გადარიცხვა; გ) საშემოსავლო გადასახადების ანგარიშების შედგენა და დადგენილ ვადაში საგადასახადო ინსპექციაში წარდგენა; დ) მოქმედი დებულების შესაბამისად, მუნიციპალიტეტის პერიოდული და წლიური საბუღალტრო ანგარიშის (ბალანსის) შედგენა და შესაბამის უწყებებში წარდგენა; ე) საბუღალტრო აღრიცხვა-ანგარიშგების და მათთვის ბიუჯეტით გამოყოფილი სახსრების ხარჯვის თაობაზე მხარჯავი დაწესებულებებისათვის მეთოდოლოგიური დახმარება; ვ) საბუღალტრო დოკუმენტების, აღრიცხვის რეგისტრების, ხარჯთაღრიცხვების, მათი გაანგარიშებების და სხვა საბუთების შენახვაზე კონტროლი და დადგენილი წესით მათი არქივში ჩაბარება; ზ) მოქმედი კანონმდებლობით და მუნიციპალიტეტის სამართლებრივი აქტებით განსაზღვრული სხვა ფუნქციები. მუხლი 11🔗. მატერიალურ-ტექნიკური შესყიდვის და აღრიცხვის განყოფილების ფუნქციები: ა) მატერიალურ ფასეულობათა ინვენტარიზაციის განსაზღვრულ ვადაში ჩატარება, შედეგების გამოვლენა და ინვენტარიზაციის შედეგების ბუღალტრულ ანგარიშგებებში ასახვა; ბ) თელავის მუნიციპალიტეტის მიერ შესყიდვებზე გაფორმებული ხელშეკრულებების საფუძველზე სამსახურის მატერიალურ-ტექნიკურ უზრუნველყოფა; გ) მოქმედი კანონმდებლობით და მუნიციპალიტეტის სამართლებრივი აქტებით  განსაზღვრული სხვა ფუნქციები. მუხლი 12🔗.  დებულებაში ცვლილებების და დამატებების შეტანის წესი 1. დებულებაში ცვლილებების და დამატებების შეტანა ხორციელდება თელავის მუნიციპალიტეტის საკრებულოს მიერ, კანონით დადგენილი წესით.