აჭარის ავტონომიური რესპუბლიკის განათლების, კულტურისა და სპორტის სამინისტროს ტერიტორიული ორგანოს – რესურსცენტრის უფროსის თანამდებობისათვის წაყენებული დამატებითი საკვალიფიკაციო მოთხოვნების დამტკიცების შესახებ

აჭარის ავტონომიური რესპუბლიკის განათლების, კულტურისა და სპორტის სამინისტროს ტერიტორიული ორგანოს – რესურსცენტრის უფროსის თანამდებობისათვის წაყენებული დამატებითი საკვალიფიკაციო მოთხოვნების დამტკიცების შესახებ  აჭარის ავტონომიური რესპუბლიკის განათლების, კულტურისა და სპორტის მინისტრის ბრძანება №46 2013 წლის 1 მარტი ქ. ბათუმი აჭარის ავტონომიური რესპუბლიკის განათლების, კულტურისა და სპორტის სამინისტროს ტერიტორიული ორგანოს - რესურსცენტრის უფროსის თანამდებობისათვის წაყენებული დამატებითი საკვალიფიკაციო მოთხოვნების დამტკიცების შესახებ    „საჯარო სამსახურის შესახებ“ საქართველოს კანონის მე-19 მუხლის, ,,აჭარის ავტონომიური რესპუბლიკის ნორმატიული აქტების შესახებ’’ აჭარის ავტონომიური რესპუბლიკის კანონის მე-12, 35-ე მუხლების, ,,აჭარის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ’’ აჭარის ავტონომიური რესპუბლიკის კანონის 25-ე მუხლის,  აჭარის ავტონომიური რესპუბლიკის განათლების, კულტურისა და სპორტის სამინისტროს დებულების მე-3 მუხლის მე-3 პუნქტის ,,ი’’ ქვეპუნქტის შესაბამისად, ვბრძანებ: 1. დამტკიცდეს აჭარის ავტონომიური რესპუბლიკის განათლების, კულტურისა და სპორტის სამინისტროს ტერიტორიული ორგანოს  – რესურსცენტრის უფროსის თანამდებობისათვის წაყენებული დამატებითი საკვალიფიკაციო მოთხოვნები: ა) უმაღლესი განათლება; ბ) განათლების სისტემაში მუშაობის გამოცდილება - არანაკლებ 2 წელი; გ) სახელმწიფო ენის სრულყოფილი ცოდნა; დ) ასაკი: 21 წლიდან - 65 წლამდე; ე) კომპიუტერული პროგრამების (Windows office: Ms.Word, Ms. Excel, Ms. PowerPoint, Internet ) სრულყოფილი ცოდნა; ვ) კომუნიკაბელურობა, მოლაპარაკებების წარმართვის გამოცდილება, კონფლიქტების მართვისა და გუნდური მუშაობის უნარი; ზ) საქმიანი ურთიერთობების წარმოების უნარ-ჩვევები, საკუთარი შეხედულებების დასაბუთებისა და დაცვის უნარი; თ) ნორმატიული აქტების ცოდნა: თ.ა) საქართველოს კონსტიტუცია; თ.ბ) საქართველოს ორგანული კანონი ,,საქართველოს შრომის კოდექსი’’; თ.გ) საქართველოს ზოგადი ადმინისტრაციული კოდექსი; თ.დ) ,,საჯარო სამსახურის შესახებ’’ საქართველოს კანონი; თ.ე) ,,ზოგადი განათლების შესახებ’’ საქართველოს კანონი; თ.ვ) ,,საჯარო სამსახურში ინტერესთა შეუთავსებლობისა და კორუფციის შესახებ’’ საქართველოს კანონი; თ.ზ) ,,სახელმწიფო შესყიდვების შესახებ’’ საქართველოს კანონი; თ.თ) ,,პროფესიული განათლების შესახებ’’ საქართველოს კანონი; თ.ი) ,,ეროვნული სასწავლო გეგმის დამტკიცების შესახებ’’ საქართველოს განათლებისა და მეცნიერების  მინისტრის 2011 წლის 11 მარტის №36/ნ ბრძანება. 2. აჭარის ავტონომიური რესპუბლიკის განათლების, კულტურისა და სპორტის სამინისტროს ტერიტორიული ორგანოს – რესურსცენტრის უფროსის ვაკანტური თანამდებობის დასაკავებლად სასურველია: ა) უცხო (ინგლისური, რუსული) ენ(ებ)ის ცოდნა; ბ) ზოგადსაგანმანათლებლო დაწესებულებაში მუშაობის გამოცდილება; გ) ადამიანური რესურსების/გუნდის მართვის გამოცდილება. 3. ძალადაკარგულად გამოცხადდეს ,,აჭარის ავტონომიური რესპუბლიკის განათლების, კულტურისა და სპორტის სამინისტროს ტერიტორიული ორგანოს - რესურსცენტრის უფროსის თანამდებობისათვის წაყენებული დამატებითი საკვალიფიკაციო მოთხოვნების დამტკიცების შესახებ’’ აჭარის ავტონომიური რესპუბლიკის განათლების, კულტურისა და სპორტის მინისტრის 2006 წლის 30 მაისის №243 ბრძანება. 4. ბრძანება ამოქმედდეს გამოქვეყნებისთანავე.მინისტრიგიორგი თავამაიშვილი