საგარეჯოს მუნიციპალიტეტის გამგეობის სოციალური სამსახურის დებულების დამტკიცების შესახებ საგარეჯოს მუნიციპალიტეტის საკრებულოს 2010 წლის 26 ნოემბრის №22 დადგენილებაში ცვლილებების შეტანის თაობაზე
ჰკითხე AI-ს ამ კანონის შესახებ
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი
მუნიციპალიტეტისა და თვითმმართველი ქალაქის საკრებულოს დადგენილება (1)
დოკუმენტის ტექსტი
|
საგარეჯოს მუნიციპალიტეტის საკრებულოს დადგენილება №9 |
|
2013 წლის 12 მარტი ქ. საგარეჯო |
„საგარეჯოს მუნიციპალიტეტის გამგეობის სოციალური სამსახურის დებულების დამტკიცების შესახებ" საგარეჯოს მუნიციპალიტეტის საკრებულოს 2010 წლის 26 ნოემბრის №22 დადგენილებაში ცვლილებების შეტანის თაობაზე
თანახმად „ნორმატიული აქტების შესახებ“ საქართველოს კანონის მე-20 მუხლისა, საგარეჯოს მუნიციპალიტეტის საკრებულო ადგენს:
მუხლი 1
„საგარეჯოს მუნიციპალიტეტის გამგეობის სოციალური სამსახურის დებულების დამტკიცების შესახებ" საგარეჯოს მუნიციპალიტეტის საკრებულოს 2010 წლის 26 ნოემბრის №22 დადგენილებაში შეტანილ იქნეს შემდეგი ცვლილებები:
1.
დებულების პირველი მუხლის 1-ლი პუნქტი ჩამოყალიბდეს შემდეგი რედაქციით:
„მუნიციპალიტეტის სოციალური სამსახური (ტექსტში შემდგომ - სამსახური) არის მუნიციპალიტეტის გამგეობის სტრუქტურული ერთეული, რომელიც უზრუნველყოფს ჯანმრთელობის, სოციალური დაცვის, დასაქმების, შრომის, დევნილთა და იძულებით გადაადგილებულ პირთა მომსახურების, განათლების, კულტურის, ძეგლთა დაცვის, ტურიზმის, სპორტისა და ახალგაზრდობის საქმეთა მუნიციპალური პროგრამების შემუშავებასა და განხორციელებას.".
2.
დებულების მე-3 მუხლი ჩამოყალიბდეს შემდეგი რედაქციით:
" სამსახური დადგენილი წესით უზრუნველყოფს:
ა)
ჯანმრთელობის, სოციალური დაცვის, დასაქმების, შრომის, დევნილთა და იძულებით გადაადგილებულ პირთა მომსახურების მუნიციპალური პროგრამების შემუშავებასა და განხორციელებას;
ბ)
უმუშევართა რეგისტრაციას, მათი პროფესიული გადამზადებისა და სოციალური რეაბილიტაციის ხელშეწყობას;
გ)
სოციალური დაცვისა და დასაქმების პროგრამების შემუშავებას;
დ)
წინადადებების შემუშავებას ჯანმრთელობისა და სოციალური დაცვის დაწესებულებათა შექმნისა და რეორგანიზაციის საკითხებზე;
ე)
განათლების, კულტურისა და სპორტის მუნიციპალური პროგრამების შემუშავებასა და განხორციელებას;
ვ)
სკოლამდელი სააღმზრდელო დაწესებულებების საქმიანობის ხელშეწყობას;
ზ)
მუნიციპალური მუზეუმების, თეატრების, ბიბლიოთეკების და კულტურის სხვა დაწესებულებების მართვას;
თ)
მუნიციპალური სპორტული დაწესებულებების საქმიანობის ხელშეწყობას;
ი)
წინადადებების შემუშავებას კულტურის, განათლებისა და სპორტის დაწესებულებების შექმნისა და რეორგანიზაციის საკითხებზე;
კ)
ტურიზმის განვითარებისათვის მაქსიმალურ ხელშეწყობას;
ლ)
ახალგაზრდული საკითხების შესწავლა და შესაბამისი ღონისძიებების განხორციელებას;
მ)
მუნიციპალიტეტის ტერიტორიაზე არსებული კულტურული მემკვიდრეობითი ძეგლების შესწავლა და დაცვითი ღონისძიებების განხორციელებისათვის წინადადებების მომზადებას;
ნ)
მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.
მუხლი 2
დადგენილება ამოქმედდეს გამოქვეყნებისთანავე.
|