,,საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის №249 დადგენილებაში ცვლილების შეტანის თაობაზე

1. მე-4 მუხლის:

ა) მე-3 პუნქტის „ვ“ ქვეპუნქტის შემდეგ დაემატოს ,,ვ¹“ ქვეპუნქტი შემდეგი რედაქციით:

,,ვ¹) ეკონომიკური დეპარტამენტი;“;

ბ) მე-3 პუნქტის ,,ი“ ქვეპუნქტი ჩამოყალიბდეს შემდეგი რედაქციით:

,,ი) მასმედიასთან და საზოგადოებასთან ურთიერთობის დეპარტამენტი;“.

2. მე-17 მუხლი ჩამოყალიბდეს შემდეგი რედაქციით:

 ,,მუხლი 17. ადმინისტრაციული დეპარტამენტი

ადმინისტრაციული დეპარტამენტის ძირითადი ამოცანები და კომპეტენციაა:

ა) სახელმწიფო შესყიდვების ორგანიზება;

ბ) სამინისტროს ცენტრალური აპარატის მატერიალურ‑ტექნიკური უზრუნველყოფა;

გ) სამინისტროს საქმისწარმოების ორგანიზება;

დ) თავისი კომპეტენციის ფარგლებში, დანიშვნა-გათავისუფლების, გადაყვანის, შვებულების, მივლინების, წახალისებისა და დისციპლინური პასუხისმგებლობის დაკისრების შესახებ სამართლებრივი აქტების პროექტების მომზადება, სამინისტროს მოსამსახურეთა პირადი საქმეების შედგენა, საკადრო საკითხებთან დაკავშირებული სხვა ღონისძიებების (მათ შორის, წარდგინებების მომზადების) უზრუნველყოფა;

ე) სამინისტროს ცენტრალურ აპარატში სტაჟირებასთან დაკავ­შირე­ბულ ღონისძიებათა უზრუნველყოფა;

ვ) სახელმწიფო ჯილდოებზე წარდგენის ორგანიზაციულ-ტექნიკური უზრუნველყოფა;“.

3. მე-17 მუხლის შემდეგ დაემატოს 17¹ მუხლი შემდეგი რედაქციით:

„მუხლი 17¹. ეკონომიკური დეპარტამენტი

ეკონომიკური დეპარტამენტის ძირითადი ამოცანები და კომპეტენციაა:

ა) სამინისტროს სისტემის ეკონომიკური და ფინანსური საქმიანობის კოორდინაცია და მართვა;

ბ) შრომის, ჯანმრთელობისა და სოციალური დაცვის სახელმწიფო პროგრამებისათვის დანახარჯებისა და რესურსების პროგნოზირება და ხარჯვის მიმდინარეობის ანალიზი;

გ) სამინისტროს წლიური და საშუალოვადიანი ბიუჯეტების პროექტების მომზადება, ერთიანი ბიუჯეტის შემუშავება და მისი აღსრულების კოორდინაცია;

დ) საფინანსო-ეკონომიკური და საბუღალტრო საქმიანობის წარმართვა თანამედროვე სტანდარტების შესაბამისად და ხარჯთა ნუსხის შედგენა;

ე) სამინისტროსათვის საჭირო საბუღალტრო აღრიცხვა, სამინისტროს სისტემაში შემავალი ერთეულების ფინანსური ანგარიშგების შემოწმება და ბალანსის შედგენა.“.

4. 18⁶ მუხლი ჩამოყალიბდეს შემდეგი რედაქციით:

,,მუხლი 18⁶. მასმედიასთან და საზოგადოებასთან ურთიერთობის დეპარტამენტი

მასმედიასთან და საზოგადოებასთან ურთიერთობის დეპარტამენტის ძირითადი ამოცანები და კომპეტენციაა:

ა) მასობრივი ინფორმაციის საშუალებებთან, აგრეთვე სამთავრობო და არასამთავრობო ორგანიზაციებსა და დაწესებულებებთან სამინისტროს შესაბამისი თანამდებობის პირების მიერ ოფიციალური კომენტარისა და ინტერვიუს მიცემის კოორდინაცია;

ბ) სამინისტროს ვებგვერდზე განსათავსებელი ინფორმაციის მომზადება და განთავსების მიზანშეწონილობის განსაზღვრა, ვებგვერდის განვითარებისათვის წინადადებების მომზადება;

გ) საზოგადოებასთან ურთიერთობის, მოქალაქეთა მიღებისა და ცხელი ხაზის ფუნქციონირების უზრუნველყოფა;

დ) საჯარო ინფორმაციის გაცემის უზრუნველყოფა.“.

დადგენილება ამოქმედდეს 2013 წლის 1 აპრილიდან.