„საქართველოს საბიუჯეტო სისტემის შესახებ“ საქართველოს კანონში დამატებების შეტანის თაობაზე

საქართველოს კანონი

„საქართველოს საბიუჯეტო სისტემის შესახებ“ საქართველოს კანონში დამატებების შეტანის თაობაზე

               მუხლი 1. „საქართველოს საბიუჯეტო სისტემის შესახებ“ საქართველოს კანონში (საქართველოს საკანონმდებლო მაცნე, №12, 21.05.2003, მუხ. 62) შეტანილ იქნეს შემდეგი დამატებები:

1. მე-12 მუხლს დაემატოს შემდეგი შინაარსის მე-4 პუნქტი:

„4. საქართველოს სახელმწიფო ბიუჯეტის დამტკიცებული ასიგნებების მთლიანი ოდენობა არ უნდა აღემატებოდეს შესაბამისი წლის მთლიანი შიდა პროდუქტის საპროგნოზო მაჩვენებლის 25%-ს.“.

2. კანონს დაემატოს შემდეგი შინაარსის 51⁴ მუხლი:

     „მუხლი 51⁴. საქართველოს სახელმწიფო ბიუჯეტის დამტკიცებული ასიგნებები მთლიან შიდა პროდუქტთან მიმართებით

საქართველოს სახელმწიფო ბიუჯეტის დამტკიცებული ასიგნებების მთლიანი ოდენობა 2009 წელს არ უნდა აღემატებოდეს მთლიანი შიდა პროდუქტის საპროგნოზო მაჩვენებლის 29%-ს, ხოლო 2010 წელს – 27,5%-ს.“.

    მუხლი 2. ეს კანონი ამოქმედდეს 2009 წლის 1 იანვრიდან.

 

საქართველოს პრეზიდენტი                          

მ. სააკაშვილი

თბილისი,

2008 წლის 15 ივლისი.

№202–რს