უმაღლესი საგანმანათლებლო დაწესებულების სტატუსის მოპოვების მიზნით საჯარო სამართლის იურიდიული პირის – საქართველოს სპორტის სახელმწიფო უნივერსიტეტის დაფუძნების შესახებ

უმაღლესი საგანმანათლებლო დაწესებულების სტატუსის მოპოვების მიზნით საჯარო სამართლის იურიდიული პირის – საქართველოს სპორტის სახელმწიფო უნივერსიტეტის დაფუძნების შესახებ საქართველოს მთავრობის დადგენილება №64 2013 წლის 28 მარტი ქ. თბილისი უმაღლესი საგანმანათლებლო დაწესებულების სტატუსის მოპოვების მიზნით საჯარო სამართლის იურიდიული პირის – საქართველოს ფიზიკური აღზრდისა და სპორტის სახელმწიფო უნივერსიტეტის დაფუძნების შესახებ მუხლი 1🔗 „უმაღლესი განათლების შესახებ“ საქართვე­ლოს კანონის მე-8 და  მე-11 მუხლების,  22-ე მუხლის მე-2 პუნქტისა და ,,საჯარო სამართლის იური­დიული პირის შე­სა­ხებ“ საქართველოს კანონის მე-5 მუხლის მე-2 პუნქტის „გ“ ქვეპუნქტის საფუძველზე, საქართველოში სასპორტო უმაღლესი განათლების ხელშეწყობისა და ამ მხრივ საქართველოს სახელმწიფო ფიზიკური აღზრდისა და სპორტის აკადემიის მდიდარი ტრადიციების გაგრძელების მიზნით: 1. უმაღლესი საგანმანათლებლო დაწესებულების სტატუ­სის მოპოვების მიზნით დაფუძნდეს  საქართველოს ფიზიკური აღზრდისა და სპორტის სახელ­მ­წი­­ფო უნივერსიტეტი (შემ­დგომში – დაწესებულება) საჯარო სამართლის იუ­რი­­დი­ულ პირად. 2. დაწესებულების  მიზნად განისაზღვროს „უმაღლესი განათლების შე­სა­­­ხებ“  საქარ­თველოს კანონით გათვალისწინებული აკადემიური უმაღლესი გა­ნა­­­თ­­­ლე­ბის განხორციელება. 3. საქართველოს სპორტისა და ახალგაზრდობის საქმეთა სამინისტრომ: ა) განახორციელოს დაწესებულების სახელმწიფო კონტროლი; ბ) უმაღლესი საგანმანათლებლო დაწესებულების სტატუსის მოპოვების შემთ­ხ­ვევაში, „უმაღლესი განათ­ლე­ბის შესახებ“ საქართველოს კანონის შესაბა­მი­სად უზრუნველყოს დაწესებულების წესდების  დამტკიცება და კანონმ­დე­ბლო­­ბით განსაზღვრულ სხვა ღონისძიებათა განხორციელება. 4. კანონმდებლობით დადგენილი წესით, სსიპ – სახელმწიფო ქონების ეროვნულმა სააგენტომ  უზრუნველყოს დაწესებულებისათვის უსასყიდლოდ, არ­სე­ბობის ვადით,  ქ. თბი­ლი­­სში, ქ. ჩოლოყაშვილის გამზ. №7-ში (ყოფილი ი. ჭავ­­ჭა­ვაძის გამზ. №49) მდე­ბარე უძრავი ქონების (01.14.07.008.086, 01.14.07.008.035, 01.14.07.008.036 და 01.14.07.008.037 საკადასტრო კოდებით რეგისტ­რი­რებული მიწის ნაკვეთები და მათზე განთავსებული შენობა–ნაგე­ბო­ბე­ბი) გადაცემა. 5. დაწესებულების წესდებით დადგენილი წესით რექტორის არჩევამდე, დაწესებულების რექტორის მოვალეობის შემსრულებლად დაინიშნოს ჯემალ ძაგანია (პ/ნ 01008004165). 6. მართვის ორგანოების არჩევამდე დაწესებულების რექტორის მოვა­ლეობის შემსრულებელი: ა) დაწესებულების უმაღლესი თანამდებობის პირია, რომელიც წარ­მარ­თა­ვს დაწესებულების საქმიანობას, ამზა­დებს მას ავტორიზაციის გასა­ვლელად, წარ­მოადგენს დაწესებულებას სხვა ფიზიკურ და იურიდიულ პირებთან ურთიერ­თობაში და მოქმედებს დაწესებულების სახელით; ბ) ხელს უწყობს უმაღლესი განათლების ევროპულ სი­ვრ­ცეში ინტე­გრა­ციას, სასწავლო გეგმებისა და პროგრამების შექმნას, უმაღლეს საგან­მანათლებლო დაწესებულებებს შო­რის თანამშრომლობას, მობილობასა და ინტე­გრირებულ სწავლებას; გ) ხელმძღვანელობს დაწესებულების ადმინისტრაციას; დ) საქართველოს სპორტისა და ახალგაზრდობის საქმეთა მინისტრს და­სა­მტ­კიცებლად წარუდგენს დაწესებულების წესდების პროექტს; ე) საქართველოს კანონმდებლობით დადგენილი წესით ამ­­ტკიცებს და­წე­სე­­ბულების საშტატო ნუსხას; ვ) საქართველოს კანონმდებლობით დადგენილი წესით სამ­­სახურში იღე­ბს და ათავისუფლებს  აკადემიური, ადმინისტრაციული და დამხმარე თანა­მდე­­ბობე­ბის პირებს; ზ) საქართველოს კანონმდებლობით დადგენილი წესით ამტკიცებს აკა­დე­მიური, ადმინისტრაციული და დამხმარე პერსონალის სამსახურში მიღე­ბის ერთიან წესს, აგრეთვე საქართველოს სპორტისა და ახალგაზრდობის საქმეთა მინისტრს დასამტკი­ცებლად წარუდგენს შრომის ანაზღაურების ოდენობასა და პირობებს; თ) განსაზღვრავს პროფესორის პედაგოგიური დატ­ვირთ­ვის ზღვრულ ოდენობას; ი) შეიმუშავებს და საქართველოს სპორტისა და ახალგაზრდობის საქმეთა მინი­სტრს დასამტკი­ცებ­ლად წარუდგენს დაწესებულების ბიუჯეტს; კ) საქართველოს კანონმდებლობით დადგენილი წესით განკარგავს დაწე­სებულების ფინანსებსა და ქონებას; ლ) უფლებამოსილია, საქართველოს კანონმდებლობით დადგენილი წე­სით, დაწესებულების სახელით, დაწესებუ­ლე­ბის ბიუჯეტის შესაბამისად დადოს გარიგებები; მ) სასწავლო წლის დასაწყისში ამტკიცებს კოეფიციენ­ტებს ერთიანი ეროვ­ნული გამოცდებისათვის, აგრეთვე, მისა­ღებ სტუდენტთა რაოდენობას; ნ) ამტკიცებს სასწავლო და სამეცნიერო-კვლევითი მუ­შა­ობის შეფასების წესს; ო) ნიშნავს  დაწესებულების ბიბლიოთეკის  ხელმძღვა­ნელს; პ) ამტკიცებს  საგანმანათლებლო საქმიანობის ძირითად მიმართუ­ლე­ბებს; ჟ) „უმაღლესი განათლების შესახებ“ საქართველოს კა­ნონის შესაბამისად ად­გენს საგანმანათლებლო პროგრამების საფასურის ოდენობის ჩამონათვალს; რ) ამტკიცებს საგანმანათლებლო პროგრამებს; ს) თავისი კომპეტენციის ფარგლებში გამოსცემს ინდი­ვი­დუალურ ადმი­ნისტრაციულ-სამართლებრივ აქტებს; ტ) პასუხისმგებელია უმაღლესი განათლების სფეროში მოქმედი ნორმა­ტი­­ული აქტების შესრულებისათვის; უ) პასუხისმგებელია დაწესებულების ფინანსური და ეკონომიკური საქ­მი­­ან­ო­ბის კანონიერებისა და ეფექტიანო­ბისა­თვის; ფ) უფლებამოსილია საკუთარი კომპეტენციის ფარგლებ­ში შექმნას კომი­სი­ები და საბჭოები სათათბირო უფლებით და განსაზღვროს მათი უფლება-მოვალეობანი და საქმიანობის წესი; ქ) ამტკიცებს სტუდენტური თვითმმართველობის პირველი არჩევნების ჩა­­ტა­რების დებულებას და უზრუნველყოფს სტუდენტური თვითმმართვე­ლობის პირველი არჩევნების ჩატარებას, გარდა, კანონმდებლობით გათვა­ლისწინებული შემთხვევებისა; ღ) ახორციელებს საქართველოს კანონმდებლობით მინი­ჭე­ბულ სხვა უფ­ლე­ბ­ა­მოსილებებს. მუხლი 2🔗 დადგენილება ამოქმედდეს გამოქვეყნებისთანავე. პრემიერ-მინისტრიბიძინა ივანიშვილი