ქ. თბილისის კრწანისის რაიონის გამგეობის შრომის შინაგანაწესის დამტკიცების შესახებ

ქ. თბილისის კრწანისის რაიონის გამგეობის შრომის შინაგანაწესის დამტკიცების შესახებ ქ. თბილისის კრწანისის რაიონის გამგეობის ბრძანება №2 2013 წლის 12 აპრილი ქ. თბილისი ქ. თბილისის კრწანისის რაიონის გამგეობის შრომის შინაგანაწესის დამტკიცების შესახებ „საჯარო სამსახურის შესახებ“ საქართველოს კანონის 72-ე და 73-ე მუხლების, „საქართველოს დედაქალაქის – თბილისის შესახებ“ საქართველოს კანონის 30-ე მუხლის მე-4 პუნქტის „ზ“ ქვეპუნქტის, „ქ. თბილისის კრწანისის რაიონის გამგეობის დებულების დამტკიცების შესახებ“ ქ. თბილისის მერის 2013 წლის 28 თებერვლის № 5 ბრძანების მე-4 მუხლის 1-ლი პუნქტის „ი“ ქვეპუნქტის საფუძველზე ვბრძანებ: 1. დამტკიცდეს ქ. თბილისის კრწანისის რაიონის გამგეობის შრომის შინაგანაწესი დანართის თანახმად. 2. ეს ბრძანება ამოქმედდეს გამოქვეყნებისთანავე.ქ. თბილისის კრწანისის რაიონის გამგებლის დროებითი მოვალეობის შემსრულებელიხათუნა ბერძენიშვილი დანართი ქ. თბილისის კრწანისის რაიონის გამგეობის შრომის შინაგანაწესი თავი I ზოგადი დებულებები მუხლი 1🔗. შრომის შინაგანაწესის რეგულირების სფერო წინამდებარე შრომის შინაგანაწესი (შემდგომში – შინაგანაწესი) მოქმედი კანონმდებლობის საფუძველზე არეგულირებს ქ. თბილისის კრწანისის რაიონის გამგეობაში დასაქმებულ პირთა შრომით ურთიერთობებს. მუხლი 2🔗. შრომის შინაგანაწესის მიზანი შრომის შინაგანაწესის მიზნებია: ა) ქ. თბილისის კრწანისის რაიონის გამგეობაში დასაქმებულ პირთა შრომითი და მისი თანმდევი ურთიერთობის მოწესრიგება და კონტროლი; ბ) შრომის დისციპლინის დაცვის უზრუნველყოფა; გ) სამუშაო დროის რეგულირება და რაციონალური გამოყენება; დ) ქ. თბილისის კრწანისის რაიონის გამგეობის გამართული მუშაობის ხელშეწყობა. მუხლი 3🔗. შინაგანაწესის მოქმედების სფერო 1. შინაგანაწესის მოქმედება ვრცელდება ქ. თბილისის კრწანისის რაიონის გამგეობაში დასაქმებულ ნებისმიერ პირზე, მიუხედავად მისი თანამდებობრივი მდგომარეობისა. 2.  შინაგანაწესის მოთხოვნათა შესრულება სავალდებულოა ქ. თბილისის კრწანისის რაიონის გამგეობაში დასაქმებული ნებისმიერი პირისათვის და მათი დარღვევა იწვევს შესაბამის პასუხისმგებლობას.  თავი II შრომითი ურთიერთობანი მუხლი 4🔗. სამსახურში მიღება და სამსახურიდან გათავისუფლება სამსახურში დასაქმებულ პირთა თანამდებობაზე დანიშვნა და თანამდებობიდან გათავისუფლება ხორციელდება ქ. თბილისის კრწანისის რაიონის გამგებლის მიერ გამოცემული ინდივიდუალური ადმინისტრაციულ-სამართლებრივი აქტის საფუძველზე, მოქმედი კანონმდებლობით დადგენილი ნორმების შესაბამისად. მუხლი 5🔗. სამსახურში ქცევის ზოგადი წესები 1.    დასაქმებული პირი ვალდებულია დროულად გამოცხადდეს სამუშაო ადგილზე. 2. დასაქმებული პირი ვალდებულია სამსახურის საქმიანობასთან დაკავშირებულ ინფორმაციასთან მიმართებაში დაიცვას კონფიდენციალურობის პრინციპი. 3. ტექნიკური საშუალებების და სხვა ფასეულობების დასაქმებულ პირზე გადაცემა-დაბრუნება დასტურდება შესაბამისი აქტით და მოვლა-პატრონობაზე პასუხისმგებლობა ეკისრება მის მიმღებს. 4.   სამსახურში თამბაქოს მოწევა აკრძალულია, გარდა ამისათვის სპეციალურად გამოყოფილი ადგილისა, სადაც უნდა განთავსდეს შესაბამისი აბრა. მუხლი 6🔗. დავის გადაწყვეტა ქ. თბილისის კრწანისის რაიონის გამგეობისა და დასაქმებულ პირს შორის სადავო საკითხები განიხილება საქართველოს შრომის კოდექსით დადგენილი წესით. თავი III სამუშაო, შესვენების და დასვენების დრო მუხლი 7🔗. სამუშაო დრო 1. ქ. თბილისის კრწანისის რაიონის გამგეობაში სამუშაო დრო განისაზღვრება ხუთდღიანი სამუშაო კვირით, ორშაბათიდან პარასკევის ჩათვლით. სამუშაო დროის ხანგრძლივობა კვირის განმავლობაში არის 40 (ორმოცი) საათი. 2.  სამუშაო დღე იწყება 10.00 სთ-ზე და სრულდება 19.00 სთ-ზე. 3.  შესვენების დაწყებისა და დამთავრების დრო განისაზღვრება 14.00 სთ-დან 15.00 სთ-მდე. 4.  ქ. თბილისის კრწანისის რაიონის გამგეობაში დასაქმებულ პირს უფლება აქვს შესვენების დროის განმავლობაში დატოვოს სამუშაო ადგილი. 5. ქ. თბილისის კრწანისის რაიონის გამგეობაში დასაქმებული პირები სარგებლობენ დასვენების დროით. 6. დასვენების დრო განისაზღვრება დასვენებისა და უქმე დღეებით. დასვენების დღეებია შაბათი და კვირა, უქმე დღეები განისაზღვრება საქართველოს შრომის კოდექსით. მუხლი 8🔗. სამსახურში გამოუცხადებლობა 1. დროებითი შრომისუუნარობის გამო სამსახურში გამოუცხადებლობისას დასაქმებულმა პირმა აღნიშნულის შესახებ შესაძლო მოკლე ვადებში უნდა აცნობოს უშუალო უფროსს. 2. დროებითი შრომისუუნარობის გამო სამსახურში გამოუცხადებლობისას დასაქმებულმა პირმა უნდა წარმოადგინოს სამედიცინო დაწესებულების მიერ გაცემული მოქმედი კანონმდებლობით დადგენილი დოკუმენტი. 3. თუ დასაქმებული პირი წარმოადგენს სამედიცინო დაწესებულების მიერ გაცემულ დოკუმენტს, გაცდენილი დღეები ჩაითვლება საპატიოდ და ანაზღაურდება. 4. თუ დასაქმებული პირი უშუალო უფროსთან შეთანხმების გარეშე არ გამოცხადდა სამსახურში ზედიზედ ორი დღე და არ წარმოადგინა სამედიცინო დაწესებულების მიერ გაცემული დოკუმენტი, გაცდენილი დღეები ჩაითვლება არასაპატიოდ და არ ანაზღაურდება. თავი IV შვებულება მუხლი 9🔗. შვებულების ხანგრძლივობა და მიცემის წესი 1.  ქ. თბილისის კრწანისის რაიონის გამგეობაში დასაქმებულ პირს უფლება აქვს ისარგებლოს ანაზღაურებადი შვებულებით წელიწადში 30 სამუშაო დღით. 2. შვებულებაში არ ითვლება დროებითი შრომისუუნარობის პერიოდი, შვებულება ორსულობის, მშობიარობისა და ბავშვის მოვლის გამო, შვებულება ახალშობილის შვილად აყვანის გამო და დამატებითი შვებულება ბავშვის მოვლის გამო. 3.  დასაქმებულ პირს შვებულების მოთხოვნის უფლება წარმოეშობა სამსახურში მუშაობიდან 11 თვის შემდეგ. ქ. თბილისის კრწანისის რაიონის გამგებელს (მისი არყოფნისას მისი მოვალეობის შემსრულებელს) უფლება აქვს აღნიშნული ვადის გასვლამდე, სამსახურში დასაქმებული პირის მოთხოვნის შემთხვევაში მისცეს მას შვებულება. 4.  დასაქმებულ პირს მუშაობის მეორე წლიდან ქ. თბილისის კრწანისის რაიონის გამგებელთან (მისი არყოფნისას მისი მოვალეობის შემსრულებელთან) შეთანხმებით, ანაზღაურებადი შვებულება შეიძლება მიეცეს ნებისმიერ დროს. 5. დასაქმებულ პირს უფლება აქვს, ქ. თბილისის კრწანისის რაიონის გამგებელთან (მისი არყოფნისას მისი მოვალეობის შემსრულებელთან) შეთანხმებით შვებულება გამოიყენოს ნაწილ-ნაწილ. თავი V მივლინება მუხლი 10🔗. მივლინების ცნება და სახეები 1.  მივლინებად ითვლება სამსახურის ინტერესებიდან გამომდინარე, ქ. თბილისის კრწანისის რაიონის გამგებლის (მოვალეობის შემსრულებლის) მიერ გამოცემული ინივიდულური ადმინისტრაციულ-სამართლებრივი აქტის საფუძველზე დასაქმებული პირის სამუშაო ადგილის დროებით შეცვლა. 2 . მივლინების სახეებია: ა) ანაზღაურებადი მივლინება – მივლინება მუდმივი სამუშაო ადგილის ფარგლებს გარეთ სამსახურებრივი დავალების შესასრულებლად; ბ) აუნაზღაურებადი მივლინება – მივლინება იმავე დასახლებულ პუნქტში, სადაც მდებარეობს დასაქმებული პირის სამუშაო ადგილი. 3.  მივლინებაში ყოფნის პერიოდში სამსახურში დასაქმებულ პირს უნარჩუნდება დაკავებული თანამდებობა და ანაზღაურება. თავი VI შრომის ანაზღაურება მუხლი 11🔗. შრომის ანაზღაურების ოდენობა და გაცემის წესი 1. ქ. თბილისის კრწანისის რაიონის გამგეობის მოსამსახურეების შრომის ანაზღაურება განისაზღვრება თანამდებობრივი სარგოსაგან და სხვა დანამატებისაგან, რომელიც გათვალისწინებულია „საჯარო სამსახურის შესახებ“ საქართველოს კანონით. 2. ქ. თბილისის კრწანისის რაიონის გამგეობის მოსამსახურეთა თანამდებობრივი სარგოს განაკვეთებსა და თანამდებობათა (დასახელებას) ამტკიცებს ქალაქ თბილისის საკრებულო. 3. ხელფასი გაიცემა ყოველი თვის ბოლოს საბანკო მომსახურებით. თავი VII დისციპლინური პასუხისმგებლობა მუხლი 12🔗. დისციპლინური გადაცდომა 1.   დისციპლინურ გადაცდომას წარმოადგენს: ა) სამსახურეობრივ მოვალეობათა ბრალეული შეუსრულებლობა, არაჯეროვანი შესრულება ან მათდამი დაუდევარი დამოკიდებულება; ბ) საქართველოს კანონმდებლობის, ამ შინაგანაწესის, ქ. თბილისის კრწანისის რაიონის გამგებლის ბრძანებების, ხელმძღვანელობის მითითებების და სამუშაო ინსტრუქციების შეუსრულებლობა ან არაჯეროვანი შესრულება; გ) ქ. თბილისის კრწანისის რაიონის გამგეობისათვის ქონებრივი ზიანის მიყენება ან ასეთი ზიანის წარმოშობის საშიშროების ბრალეული შექმნა; დ) ზოგადი ზნეობრივი ნორმების დარღვევა, გამგეობაში დასაქმებული პირის ან სამსახურის დისკრედიტაციისაკენ მიმართული უღირსი საქციელი, განურჩევლად იმისა, სამსახურშია ჩადენილი თუ მის გარეთ. მუხლი 13🔗. დისციპლინური პასუხიმგებლობა და მისი ზომები 1. ქ. თბილისის კრწანისის რაიონის გამგებელმა დისციპლინური გადაცდომისათვის დასაქმებული პირის მიმართ შეიძლება გამოიყენოს შემდეგი პასუხისმგებლობის ზომები: ა) შენიშვნა; ბ) გაფრთხილება; გ) არა უმეტეს ათი სამუშაო დღის შრომის ანაზღაურების დაკავება; დ) დაბალი თანრიგის თანამდებობრივ სარგოზე გადაყვანა  –  არა უმეტეს ერთი წლისა; ე) სამსახურიდან გათავისუფლება. 2.  ერთი დისციპლინური გადაცდომისათვის შეიძლება გამოყენებულ იქნეს დისციპლინური პასუხისმგებლობის მხოლოდ ერთი ზომა. მუხლი 14🔗. დისციპლინური პასუხიმგებლობის გაქარწყლება და მოხსნა 1. დისციპლინური პასუხიმგებლობა გაქარწყლებულად  ჩაითვლება, თუ დასაქმებულ პირს, რომელსაც შეფარდებული აქვს დისციპლინური პასუხისმგებლობა, ექვსი თვის განმავლობაში არ შეეფარდება დისციპლინური პასუხისმგებლობის ახალი ზომა. 2. დისციპლინური პასუხისმგებლობის მოხსნის შესახებ გადაწყვეტილებას იღებს ქ. თბილისის კრწანისის რაიონის გამგებელი თავისი ინიციატივით, უშუალო უფროსის წინადადების ან იმ პირის განცხადების საფუძველზე, რომელსაც შეფარდებული ჰქონდა დისციპლინური პასუხიმგებლობა. თავი VIII დასკვნითი დებულებები მუხლი 15🔗. დასკვნითი დებულებები 1.  შინაგანაწესის შესრულება სავალდებულოა ქ. თბილისის კრწანისის რაიონის გამგეობაში დასაქმებული ყველა პირისათვის. 2. გამგეობის აპარატი ვალდებულია მიღებისას მოსამსახურეს გააცნოს შრომის შინაგანაწესი (ხელწერილის დადებით). 3. შინაგანაწესის დარღვევის შემთხვევაში მოსამსახურეს ეკისრება საქართველოს კანონმდებლობით გათვალისწინებული პასუხისმგებლობა.