„საქართველოს შინაგან საქმეთა სამინისტროს საპატრულო პოლიციის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2006 წლის 16 მაისის №634 ბრძანებაში ცვლილების შეტანის თაობაზე

საქართველოს შინაგან საქმეთა მინისტრის

2013 წლის 24 აპრილი

ქ. თბილისი

„მუხლი 10

1. დეპარტამენტის სტრუქტურული ერთეულებია:

ა) სისტემური მართვის სამმართველო:

ა.ა) საერთაშორისო ურთიერთობების განყოფილება;

ა.ბ) იურიდიული სამსახური:

ა.ბ.ა) სამართლებრივი უზრუნველყოფის განყოფილება;

ა.ბ.ბ) ადმინისტრაციული საქმისწარმოების განყოფილება;

ა.გ) საგზაო მოძრაობის უსაფრთხოებისა და ანალიზის სამსახური:

ა.გ.ა) საგზაო მოძრაობის უსაფრთხოების განყოფილება;

ა.გ.ბ) ანალიზის განყოფილება;

ბ) სამორიგეო-საინფორმაციო სამმართველო:

ბ.ა) შეიარაღების განყოფილება;

გ) საერთო განყოფილება (კანცელარია):

გ.ა) საქმისწარმოების ორგანიზების ქვეგანყოფილება (კანცელარია);

დ) კადრების სამმართველო:

დ.ა) დაკომპლექტებისა და ზონალური მუშაობის განყოფილება;

დ.ბ) საკადრო უზრუნველყოფის განყოფილება;

ე) საფინანსო-სამეურნეო უზრუნველყოფის სამმართველო:

ე.ა) ფინანსური რესურსების მართვის განყოფილება:

ე.ა.ა) ფინანსური რესურსების მართვისა და დაგეგმარების ქვეგანყოფილება;

ე.ა.ბ) შესყიდვების ორგანიზების ქვეგანყოფილება;

ე.ბ) საბუღალტრო აღრიცხვა-ანგარიშგების განყოფილება;

ე.გ) სამეურნეო უზრუნველყოფის განყოფილება:

ე.გ.ა) მომარაგების ქვეგანყოფილება;

ე.გ.ბ) საწყობის ქვეგანყოფილება;

ე.დ) ტრანსპორტის, კავშირგაბმულობისა და კომპიუტერული მომსახურების         

განყოფილება:

ე.დ.ა) კავშირგაბმულობისა და კომპიუტერული მომსახურების

ქვეგანყოფილება;

 ე.ე) შენობათა და მატერიალურ ფასეულობათა ექსპლუატაციის განყოფილება;

ვ) ქ. თბილისის მთავარი სამმართველო;

ზ) მცხეთა-მთიანეთის სამმართველო;

თ) ქვემო ქართლის სამმართველო;

ი) შიდა ქართლისა და სამცხე-ჯავახეთის მთავარი სამმართველო;

კ) კახეთის სამმართველო;

ლ) იმერეთის მთავარი სამმართველო;

მ) სამეგრელოსა და ზემო სვანეთის სამმართველო;

ნ) აჭარის მთავარი სამმართველო.

2. დეპარტამენტისა და მის სისტემაში შემავალი ტერიტორიული დანაყოფების სამოქმედო ტერიტორია განისაზღვრება საქართველოს შინაგან საქმეთა მინისტრის ბრძანებით.”.

„მუხლი 11¹

1. სისტემური მართვის სამმართველო:

ა) ახორციელებს  დეპარტამენტის სამართლებრივ უზრუნველყოფას;

ბ) განიხილავს მოქალაქეთა განცხადებებს და ახორციელებს ადმინისტრაციულ საქმისწარმოებას;

გ) უზრუნველყოფს დეპარტამენტის საერთაშორისო ურთიერთობების რეგულაციას;

დ) ახორციელებს საგზაო ზედამხედველობისა და მოძრაობის ორგანიზების უზრუნველყოფას;

ე) უზრუნველყოფს ქვეყნის ტერიტორიაზე მომხდარ ადმინისტრაციული სამართალდარღვევის შემთხვევათა სახელმწიფო სტატისტიკური აღრიცხვიანობის წარმოებას.

2. სისტემური მართვის სამმართველოში შემავალი დანაყოფების კომპეტენციაა:

ა) საერთაშორისო ურთიერთობების განყოფილება:

ა.ა) კომპეტენციის ფარგლებში უზრუნველყოფს საპატრულო პოლიციის საერთაშორისო საქმიანობის ორგანიზებას;

ა.ბ) კომპეტენციის ფარგლებში ორგანიზებას უწევს ორმხრივი და მრავალმხრივი თანამშრომლობის ჩამოყალიბებასა და გაღრმავებას საერთაშორისო ორგანიზაციებისა და საზღვარგარეთის შესაბამის უწყებებთან;

ა.გ) საპატრულო პოლიციის სახელით მონაწილეობს საერთაშორისო კონფერენციებში, სემინარებსა და სამუშაო შეხვედრებში;

ა.დ) არალეგალური მიგრაციისა და სხვა ტრანსსასაზღვრო დანაშაულის წინააღმდეგ ბრძოლაში აქტიურად თანამშრომლობს საქართველოს სახელმწიფო საზღვრის დაცვის სუბიექტებსა და საზღვარგარეთის შესაბამის უწყებებთან;      

ა.ე) საქართველოს საზღვრის სამართლებრივი რეჟიმის დაცვისა და სამიგრაციო კონტროლის განხორციელების მიზნით, მოქმედი კანონმდებლობის შესაბამისად, ვიზის სახელმწიფო საზღვარზე გაცემის შემთხვევაში უზრუნველყოფს უცხო ქვეყნის მოქალაქეთა საქართველოში მოწვევის საკითხების განხილვას;

ა.ვ) უზრუნველყოფს უნებართვოდ მცხოვრებ პირთა რეადმისიის შესახებ საქართველოს მიერ  გაფორმებული შეთანხმებების განხორციელების მიზნით შესაბამისი ღონისძიებების გატარებას;

ბ) იურიდიული სამსახური:

ბ.ა) ახორციელებს  დეპარტამენტის სამართლებრივ უზრუნველყოფას;

ბ.ბ) განიხილავს მოქალაქეთა განცხადებებს და ახორციელებს ადმინისტრაციულ საქმისწარმოებას;

ბ.გ) სამართლებრივი უზრუნველყოფის განყოფილება:

ბ.გ.ა) თავისი კომპეტენციის ფარგლებში შეიმუშავებს წინადადებებსა და პროექტებს ნორმატიულ აქტებში ცვლილებებისა და დამატებების შეტანის მიზნით;

ბ.გ.ბ) დეპარტამენტის კომპეტენციის ფარგლებში, მონაწილეობს საერთაშორისო ხელშეკრულებებისა და შეთანხმებების პროექტების შემუშავებაში;

ბ.გ.გ) განიხილავს შესათანხმებლად შემოსული საკანონმდებლო და სხვა ნორმატიული აქტების პროექტებს და ამზადებს სათანადო დასკვნებს;

ბ.გ.დ) განიხილავს დეპარტამენტის სხვადასხვა სამსახურებისა და სტრუქტურული ერთეულების მიერ მომზადებული ინდივიდუალურ-სამართლებრივი აქტების პროექტებს;

ბ.გ.ე) მინიჭებული რწმუნებულების საფუძველზე წარმოადგენს დეპარტამენტის ინტერესებს სასამართლოში;

ბ.გ.ვ) ახორციელებს შესაბამისი ღონისძიებების გატარებას დეპარტამენტის სამართლებრივი უზრუნველყოფის განხორციელების მიზნით;

ბ.დ) ადმინისტრაციული საქმისწარმოების განყოფილება:

ბ.დ.ა) განიხილავს მოქალაქეთა განცხადებებს და არსებული კანონმდებლობის შესაბამისად უზრუნველყოფს მათ შესრულებას;

ბ.დ.ბ) ახორციელებს ადმინისტრაციული წარმოების წესით ადმინისტრაციული საჩივრების განხილვის მომზადებასა და წარმართვას (ადმინისტრაციული წარმოების უზრუნველყოფა);

გ) საგზაო მოძრაობის უსაფრთხოებისა და ანალიზის სამსახური:

გ.ა) ახორციელებს საგზაო ზედამხედველობისა და მოძრაობის ორგანიზების უზრუნველყოფას;

გ.ბ) უზრუნველყოფს ქვეყნის ტერიტორიაზე მომხდარ ადმინისტრაციული სამართალდარღვევის შემთხვევათა სახელმწიფო სტატისტიკური აღრიცხვიანობის წარმოებას;

გ.გ) საგზაო მოძრაობის უსაფრთხოების განყოფილება:

გ.გ.ა) აანალიზებს საავტომობილო გზებსა და ქუჩებში მომხდარ ადმინისტრაციული სამართალდარღვევის შემთხვევებს, მათი გამომწვევი მიზეზების ლიკვიდაციისთვის იკვლევს საგზაო მოძრაობის პირობებს, არსებული წესით შეიმუშავებს ტრანსპორტის მოძრაობის ორგანიზაციის გასაუმჯობესებლად გამიზნულ ღონისძიებებს;

გ.გ.ბ) საავტომობილო გზებისა და ქუჩების, საგზაო ნაგებობათა, რკინიგზის გადასასვლელების, საქალაქო ელექტროტრანსპორტის ქსელების, საინჟინრო კომუნიკაციების მშენებლობის, რეკონსტრუქციის, აუცილებლობის შემთხვევაში კაპიტალური შეკეთების პროექტებს უთანხმებს შესაბამის სამსახურებს;

გ.გ.გ) მონაწილეობს საავტომობილო გზებისა და ქუჩების, საგზაო ნაგებობათა, რკინიგზის გადასასვლელების, საქალაქო ელექტროტრანსპორტის ქსელების, საინჟინრო კომუნიკაციების მშენებლობის, რეკონსტრუქციის ან კაპიტალური შეკეთების შემდეგ ექსპლუატაციაში მიმღები კომისიების მუშაობაში;

გ.გ.დ) საავტომობილო გზებსა და ქუჩებში, საგზაო ნაგებობებზე, რკინიგზის გადასასვლელების ნებისმიერი სამუშაოების შესრულებისას ახორციელებს ზედამხედველობას საგზაო მოძრაობის უსაფრთხოების ნორმატიული აქტების მოთხოვნათა დაცვისათვის;

გ.გ.ე) ითანხმებს სახიფათო, მსხვილგაბარიტიანი და მძიმეწონიანი ტვირთის გადატანას და გასცემს შესაბამის რეკომენდაციებს;

გ.გ.ვ) მონაწილეობს საგზაო მოძრაობის ორგანიზაციის ტექნიკურ საშუალებათა პროექტების შემუშავებასა და საგზაო მოძრაობის ორგანიზაციის პროგრესული მეთოდების დანერგვაში;

გ.დ) ანალიზის განყოფილება:

გ.დ.ა) ახორციელებს სააღრიცხვო-ანალიტიკური საქმიანობის შესწავლისა და შეფასების მიზნით ადგილობრივი (რეგიონალური) დანაყოფების მიერ ამ კუთხით გაწეული საქმიანობის შემოწმებას და ადგილზე პრაქტიკული დახმარების ორგანიზებას;

გ.დ.ბ) ახორციელებს ქვეყნის საავტომობილო გზებზე გამოვლენილი საგზაო მოძრაობის წესების დარღვევათა აღრიცხვას და ანალიზს, ადმინისტრაციული პრაქტიკისა და კანონმდებლობის სრულყოფისათვის წინადადებების მომზადებას;

გ.დ.გ) ახორციელებს სამინისტროს საინფორმაციო-ანალიტიკურ დეპარტამენტში ადგილობრივი (რეგიონალური) დანაყოფების მიერ გამოვლენილი და განხილული ადმინისტრაციული სამართალდარღვევების შესახებ შესაბამისი შეტყობინებების გადაგზავნის კონტროლს;

გ.დ.დ) ახორციელებს დეპარტამენტის ადგილობრივი (რეგიონალური) დანაყოფების მიერ წარმოდგენილი მოხსენებითი ბარათების საფუძველზე  საანგარიშო პერიოდში დანაშაულისა და სამართალდარღვევათა წინააღმდეგ ბრძოლის კუთხით გაწეული საქმიანობის შედეგების დაჯამებას, ანალიზსა და სათანადო ინფორმაციის შედგენას;

გ.დ.ე) უზრუნველყოფს დეპარტამენტის ადგილობრივი (რეგიონალური) დანაყოფების მიერ გაწეული საქმიანობის ამსახველი ინფორმაციის მომზადებას და განხილვის ორგანიზებას;

გ.დ.ვ) უზრუნველყოფს ქვეყნის ტერიტორიაზე მომხდარ საგზაო-სატრანსპორტო შემთხვევათა სახელმწიფო სტატისტიკური აღრიცხვიანობის წარმოებას;

გ.დ.ზ) უზრუნველყოფს საგზაო-სატრანსპორტო შემთხვევათა სააღრიცხვო ბარათების დამუშავებას და აღრიცხვის ორგანიზებას, მათ სრულყოფილ შევსებასა და ადგილებიდან დროული გამოგზავნისათვის კონტროლის დაწესებას; 

გ.დ.თ) ახორციელებს ქვეყანაში სამართალდარღვევათა, ასევე საგზაო-სატრანსპორტო შემთხვევათა შესახებ შექმნილი ოპერატიული ვითარებისა და ანალიზის საფუძველზე წინადადებების  შემუშავებას მათი აღმოფხვრის მიზნით.”.