ავტოტრანსპორტიდან გარემოს დაბინძურების შემცირების საკითხების შემსწავლელი უწყებათშორისი კომისიის შექმნის შესახებ

ავტოტრანსპორტიდან გარემოს დაბინძურების შემცირების საკითხების შემსწავლელი უწყებათშორისი კომისიის შექმნის შესახებ საქართველოს მთავრობის დადგენილება №99 2013 წლის 26 აპრილი    ქ. თბილისი ავტოტრანსპორტიდან გარემოს დაბინძურების შემცირების საკითხების შემსწავლელი უწყებათშორისი კომისიის შექმნის შესახებ მუხლი 1🔗 „საქარ­თველოს მთავრობის სტრუქტურის, უფლება­მო­სი­ლებისა და საქ­მი­ანობის წესის შესახებ“ საქართველოს კანონის მე-6 მუ­ხ­ლის პირველი პუნქტის შესაბამისად და 29-ე მუხლის პირველი პუნქტის საფუძველზე, შეიქმნას ავტოტრანსპორტიდან გარემოს დაბინძურების შემცირების საკითხების შემსწავლელი უწყებათშორისი კომისია (შემდგომში – კომისია) შემდეგი შემადგენლობით: ნინო შარაშიძე – საქართველოს გარემოს დაცვის მინისტრის პირველი მოადგილე, კომისიის თავმჯდომარე; ქეთევან კორძახია – საქართველოს გარემოს დაცვის სამინისტროს გარემოს ინტეგრირებული მართვის დეპარტამენტის ატმოსფერული ჰაერის დაცვის სამმართველოს უფროსი; ნოე მეგრელიშვილი – საქართველოს გარემოს დაცვის სამინისტროს გარემოს ინტეგრირებული მართვის დეპარტამენტის ატმოსფერული ჰაერის დაცვის სამმართველოს უფროსი სპეციალისტი; გოგიტა გვენეტაძე – საქართველოს ეკონომიკისა და მდგრადი განვითარების სამინისტროს ტრანსპორტის პოლიტიკის დეპარტამენტის უფროსის მოადგილე; მამუკა ბარათაშვილი   –    საქართველოს ფინანსთა სამინისტროს საგადასახადო პოლიტიკის დეპარტამენტის უფროსი; ნინო მიქანაძე  – სსიპ ‑ საქართველოს სტანდარტებისა და მეტროლოგიის ეროვნული სააგენტო მეტროლოგიის ინსტიტუტის დირექტორი; მადონა ჯორბენაძე  –  სსიპ ‑ აკრედიტაციის ერთიანი ეროვნული ორგანო - აკრედიტაციის ცენტრის წამყვანი შემფასებელი; თეიმურაზ მელქაძე   –  საქართველოს შინაგან საქმეთა სამინისტროს სამოქალაქო უსაფრთხოების სამმართველოს დაგეგმვის განყოფილების უფროსი; ვასილ წაქაძე  –    საქართველოს სტატისტიკის ეროვნული სამსახურის სოფლის მეურნეობისა და გარემოს სტატისტიკის სამმართველოს უფროსის მოვალეობის შემსრულებელი; კახაბერ გვანცელაძე  –  საქართველოს რეგიონული განვითარებისა და ინფრასტრუქტურის სამინისტროს ადმინისტრაციული დეპარტამენტის უფროსი; ლუიზა ბუბაშვილი  –  სახელმწიფო საქვეუწყებო დაწესებულება - საქართველოს საავტომობილო გზების დეპარტამენტის გარემოს დაცვის განყოფილების უფროსი სპეციალისტი; ზურაბ კიკალია   –  საქართველოს შემოსავლების სამსახურის საბაჟო დეპარტამენტის სანიტარული, ფიტოსანიტარული და არასატარიფო ღონისძიებების სამმართველოს უფროსი; ლელა სტურუა    –  საქართველოს შრომის, ჯანმრთელობისა და სოციალური დაცვის სამინისტროს სსიპ ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის არაგადამდებ დაავადებათა დეპარტამენტის უფროსი; ხათუნა კეკელაშვილი  –   სსიპ ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის ქრონიკული დაავადებების, ტრავმატიზმის, დედათა და ბავშვთა ჯანმრთელობის სამმართველოს უფროსი; ირაკლი ჯიბლაძე –  ქ. თბილისის მერიის ტრანსპორტის საქალაქო სამსახურის უფროსის მოადგილე; შალვა ოგბაიძე    –  ა(ა)იპ „საქართველოს საავტომობილო ფედერაციის“ პრეზიდენტი; მიხეილ ხმალაძე   –  სსიპ „სახმელეთო ტრანსპორტის სააგენტოს“ დირექტორი. მუხლი 2🔗 კომისიამ საქართველოს მთავრობას ორი თვის ვადაში წარუდგინოს „საქართველოში სატრანსპორტო საშუალებებიდან გარემოს დაბინძურების შემცირების ხელშემწყობი ღონისძიებების შესახებ“ სახელმწიფო პროგრამა. მუხლი 3🔗 დამტკიცდეს ავტოტრანსპორტიდან გარემოს დაბინძურების შემცირების საკითხების შემსწავლელი უწყებათშორისი კო­მისიის თანდართული დებულება. მუხლი 4🔗 დადგენილება ამოქმედდეს გამოქვეყნებისთანავე. პრემიერ-მინისტრიბიძინა ივანიშვილი ავტოტრანსპორტიდან გარემოს დაბინძურების შემცირების საკითხების შემსწავლელი უწყებათშორისი კო­მისიის დებულება მუხლი 1🔗. ზოგადი დებულებები 1. ავტოტრანსპორტიდან გარემოს დაბინძურების შემცირების საკითხების შემსწავლელი უწყებათშორისი კო­მისია (შემდგომში - კომისია) იქმნება „საქართველოში  სატრანსპორტო  საშუალებებიდან  გარემოს  დაბინძურების შემცირების ხელშემწყობი ღონისძიებების შესახებ“ სახელმწიფო პროგრამის (შემდგომში - პროგრამა) განსაზღვრულ დროში შემუშავების მიზნით. 2. კომისია თავისი საქმიანობისას ხელმძღვანელობს საქართველოს  კონსტიტუციით, საქართველოს კანონმდებლობით და ამ დებულებით. მუხლი 2🔗. კომისიის ძირითადი ამოცანები კომისიის ძირითადი ამოცანებია: ა) პროგრამის შემუშავების პროცესში ავტოტრანსპორტიდან ატმოსფე– რული ჰაერის დაბინძურების გამომწვევი ფაქტორების გათვალისწინება და გარემოს დაბინძურების შემცირების ხელშემწყობი ღონისძიებების  შემუშავება; ბ) პროგრამის შემუშავების მიზნით სამუშაო ჯგუფების და მათი სამუშაო განრიგის განსაზღვრა, რომლებიც შეიმუშავებენ თითოეული ღონისძიების განხორციელების გეგმას; გ) პროგრამით გათვალისწინებული ღონისძიებების კონკრეტული შემსრულებლებისა და შესრულების ვადების განსაზღვრა; დ) შესწავლილი საკითხებისა და მათი ანალიზის საფუძველზე,  შე­ს­აბამისი დასკვნებისა და რეკომენდაციების შემუშავება და უფლება­მო­სი­ლი ორგანოებისთვის წარდგენა; ე) საჭიროების შემთხვევაში წინადადებათა მომზადება შესაბა­მი­სი ორგანოების მიერ ავტოტრანსპორტიდან გარემოს დაბინძურების შემცირების კანონ­მდე­ბ­ლობით დადგენილი წესით გადასინჯვის მიზნით. მუხლი 3🔗. კომისიის უფლებამოსილებანი კომისია უფლებამოსილია: ა) ავტოტრანსპორტიდან გარემოს დაბინძურების შემცირების ხელ­შემწყობი ღონისძიებების შემუშავების პროცესში შესაბამისი უწყებებიდან მოითხოვოს ყველა საჭირო ინ­ფორმაცია და დოკუმენტაცია; ბ) კომისიის საქმიანობის მიზნებიდან გამომდინარე, საკითხის სრულ­ყოფილად შესწავლისა და გამოკვლევის  მიზნით მოაწყოს სამუშაო შე­ხ­ვედრები შესაბამის დაინტერესებულ პირებთან და უწყებებთან; გ) შესწავლილი საკითხებისა და ანალიზის საფუძველზე, შე­იმ­უშ­ა­ოს დასკვნები, წინადადებები, რეკომენდაციები და წარადგინოს განსახილველად საქ­არ­თვ­ელოს შესაბამის უწყებებში და მთავრობის სხდომაზე; დ) საჭიროების შემთხვევაში სათათბირო ხმის უფლებით სხდო­მა­ზე მოიწვიოს სამინისტროების, უწყებების და ორგანიზაციების დაინ­ტე­რ­ე­სებული და პასუხისმგებელი პირები, აგრეთვე დამოუკიდებელი ექს­პ­ერ­ტები და სხვა პირები. მუხლი 4🔗. კომისიის თავმჯდომარე კომისიის თავმჯდომარე: ა) ხელმძღვანელობს კომისიის საქმიანობას; ბ) იწვევს და წარმართავს კომისიის სხდომებს. მუხლი 5🔗. კომისიის სხდომის ჩატარების წესი 1. კომისიის სხდომა იმართება პერიოდულად, კომისიის თავმჯდ­ო­მ­არის გადაწყვეტილებით ან ერთ-ერთი წევრის მოთხოვნის საფ­უძ­ველ­ზე. 2. კომისიის სხდომას ხელმძღვანელობს თავმჯდომარე, ხოლო მი­სი არყოფნის შემთხვევაში, მისი დავალების შესაბამისად - კომისიის ერთ-ერთი წევრი. 3. სხდომა უფლებამოსილია მიიღოს გადაწყვეტილება, თუ მას ეს­წ­რ­ება კომისიის წევრთა ნახევარზე მეტი. 4. კომისიის სხდომაზე გადაწყვეტილება მიიღება დამსწრეთა უბ­რა­ლო უმრავლესობით. ხმათა თანაბრად გაყოფის შემთხვევაში გადამ­წყ­ვ­ე­ტია კომისიის თავმჯდომარის ხმა.  მუხლი 6🔗. დებულებაში ცვლილებებისა და/ან დამატებების შეტანის წესი კომისიის დებულებაში ცვლილებებისა და/ან დამატებების შეტანა ხდება მოქმედი კანონმდებლობით დადგენილი წესის შესაბამისად.