შპს „სასტუმრო ანაკლიის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ

შპს „სასტუმრო ანაკლიის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ საქართველოს მთავრობის დადგენილება №122 2013 წლის 17 მაისი ქ. თბილისი შპს „სასტუმრო ანაკლიის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ მუხლი 1🔗 „სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ა.თ“ ქვეპუნქტის საფუძველზე დამტ­კიც­დეს თანდართული შპს „სასატუმრო ანაკლიის“ სახსრებით საქონ­ლი­სა და მომსახურების შესყიდვების სპეციალური წესი. მუხლი 2🔗 დადგენილება ამოქმედდეს 2013 წლის 20 მაისიდან. მუხლი 3🔗 დადგენილება ძალაშია ამოქმედებიდან 2 წლის განმავლო­ბაში. პრემიერ-მინისტრიბიძინა ივანიშვილი შპს „სასტუმრო ანაკლიის“ სახსრებით საქონლისა და მომსახურების შესყიდვების სპეციალური წესი მუხლი 1🔗. ზოგადი დებულებები 1. შპს „სასტუმრო ანაკლიის“ სახსრებით საქონლისა და მომსახურების შესყიდვების სპეციალური წესი (შემდგომში ‑ წესი) შემუშავებულია „სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ა.თ“ ქვეპუნქტის შესაბამისად და ადგენს შპს „სას­ტუმრო ანაკლიის“ სახსრებით საქონლისა და მომსახურების შესყიდვების სპეციალურ წესს. ამ წესის მიზანია განსახორციელებელი მომსახურებისა და საქონლის შესყიდვების პროცედურების გამარტივება, კომპანიის მიზნების შეუფერხებლად განხორციელების უზრუნველყოფა.  2. შპს „სასატუმრო ანაკლიის“ მიერ სამუშაოების შესყიდვაზე ვრცელ­დე­ბა საქართველოს კანონი „სახელმწიფო შესყიდვების შესახებ“ და სა­ხელ­­მწიფო შესყიდვების სააგენტოს თავმჯდომარის 2011 წლის 7 აპ­რი­ლის №9 ბრძანება „გამარტივებული შესყიდვის, გამარტივებული ელექტ­რო­ნული ტენდერისა და ელექტრონული ტენდერის ჩატარების წესის და­მ­ტკიცების შესახებ“.  3. შესყიდვის განხორციელებისას შეიძლება გამოყენებულ იქნეს მსოფლიო ბანკის, გაერთიანებული ერების ორგანიზაციის, ევროპის რეკონსტრუქციისა და განვითარების ბანკის, აზიის განვითარების ბანკის, სხვა დონორი (დამფინანსებელი) ორგანიზაციებისა და ქვეყნების მიერ განსაზღვრული შესყიდვის პროცედურები, თუ შესყიდვის განხორცი­ელებასთან დაკავშირებული სამართალურთიერთობის მონაწილე რომე­ლიმე ზემოაღნიშნული სუბიექტია. იმ შემთხვევაში, თუ სუბიექტები არ არიან შესყიდვის განხორციელებასთან დაკავშირებული სამართალურ­თი­ერთობის მონაწილენი, მათი, აგრეთვე სხვა სუბიექტების შესყიდვის პროცედურები შესაძლებელია გამოყენებულ იქნეს მხოლოდ საქართვე­ლოს მთავრობის განკარგულების საფუძველზე.  4. საქონლისა და მომსახურების შესყიდვების შესახებ გადაწყვეტილება მიიღება ამ წესის შესაბამისად. 5. წესი არ მოქმედებს იმ შესყიდვებზე, რომლებზეც არ ვრცელდება „სახელმწიფო შესყიდვების შესახებ“ საქართველოს კანონის მოთხოვნე­ბი/მოქმედება. მუხლი 2🔗. ტერმინთა განმარტება ამ წესში გამოყენებულ ტერმინებს აქვს შემდეგი მნიშვნელობა: ა) შესყიდვა ‑ შპს „სასტუმრო ანაკლიის“ მიერ ამ წესის დანართით განსაზღვრული საქონლისა და მომსახურების შესყიდვა; ბ) შემსყიდველი ორგანიზაცია ‑ შპს „სასტუმრო ანაკლია“; გ) შესყიდვის ობიექტი ‑ შესასყიდი საქონელი ან/და მომსახურება; დ) შესყიდვის ერთგვაროვანი ობიექტი ‑ იდენტური, ასევე არაიდენ­ტური, მაგრამ მსგავსი კომპონენტების, ტექნიკური მაჩვენებლების (მახა­სია­თებლების) ან/და ფუნქციების მქონე შესყიდვის ობიექტები. შესყიდ­ვის ობიექტების ერთგვაროვნება დგინდება „შესყიდვის ობიექტების იდენტიფიცირებისა და ერთგვაროვნების დადგენის წესის დამტკიცების შესახებ“ სსიპ ‑ სახელმწიფო შესყიდვების სააგენტოს თავმჯდომარის 2010 წლის 20 სექტემბრის №7 ბრძანებით; ე) საქონელი ‑ ნებისმიერი სახისა და აღწერილობის ქონება (გარდა უძრავი ქონებისა) როგორც მყარ, ისე თხევად ან აირად მდგომარეობაში, აგრეთვე საქონლის მიწოდების თანმდევი მომსახურება, თუ ამ მომსა­ხურების ღირებულება არ აღემატება საქონლის ღირებულებას; ვ) მომსახურება ‑ შესყიდვის ნებისმიერი ობიექტი, საქონლისა და სამუ­შაოს გარდა. ამასთან, ამ წესის მიზნებისათვის ტერმინი ‑ მომსახუ­რება მოიცავს იჯარას, ქირავნობასა და ლიზინგს; ზ) გამარტივებული შესყიდვა ‑ საქონლისა და მომსახურების შეს­ყიდ­ვის საშუალება, როდესაც დასაშვებია მიმწოდებლის პირდაპირი (გამარ­ტი­ვებული) შერჩევა; თ) პირობათა გამოკითხვა ‑ საქონლისა და მომსახურების შესყიდვის გამარტივებული საშულება; ი) გამარტივებული ელექტრონული ტენდერი ‑ „სახელმწიფო შესყიდ­ვების შესახებ“ საქართველოს კანონით გათვალისწინებული შესყიდვის საშუალება; კ) ელექტრონული ტენდერი ‑ „სახელმწიფო შესყიდვების შესახებ“ საქართველოს კანონით გათვალისწინებული შესყიდვის საშუალება; ლ) პრეტენდენტი ‑ შესყიდვის მონაწილე პირი, რომელიც წარადგენს პირობათა გამოკითხვის წინადადებას; მ) მიმწოდებელი ‑ პირი, რომელიც შპს „სასტუმრო ანაკლიას“ აწვდის საქონელს ან/და უწევს მომსახურებას ამ წესის შესაბამისად;  ნ) გადაუდებელი აუცილებლობა ‑ ვითარება, რომელიც რეალურ საფ­რთხეს უქმნის შემსყიდველი ორგანიზაციის ფუნქციონირებას და რომე­ლიც არ შეიძლებოდა ყოფილიყო წინასწარ განსაზღვრული ან/და რომ­ლის დადგომა არ არის გამოწვეული შემსყიდველი ორგანიზაციის ქმე­დებით ან რომელმაც შეიძლება მნიშვნელოვანი ზიანი მიაყენოს შემსყი­დველი ორგანიზაციის ქონებას;  ო) კომისია ‑ შპს „სასტუმრო ანაკლიის“ ხელმძღვანელის ბრძანებით შექმნილი კომისია, რომელიც იღებს ამ წესით გათვალისწინებულ გადა­წყვეტილებებს. მუხლი 3🔗. შპს „სასტუმრო ანაკლიის“ უფლება-მოვალეობები 1. შპს „სასტუმრო ანაკლია“ უფლებამოსილია: ა) ამ წესის შესაბამისად შეარჩიოს პრეტენდენტები; ბ) ამ წესის დაცვით შეარჩიოს მიმწოდებელი; გ) ხელშეკრულების დადებამდე ნებისმიერ დროს შეაჩეროს ან შეწყვიტოს შესყიდვის პროცედურა, თუ აღნიშნული შესყიდვა შპს „სას­ტუმ­რო ანაკლიისათვის“ წამგებიანი აღმოჩნდება; დ) განახორციელოს მიმწოდებლის მიერ ხელშეკრულების პირო­ბების შესრულების კონტროლი და ზედამხედველობა; ე) შეაჩეროს ან შეწყვიტოს ხელშეკრულების მოქმედება საქართვე­ლოს კანონმდებლობით გათვალისწინებული შემთხვევების არსებობისას. 2. შპს „სასტუმრო ანაკლია“ ვალდებულია განახორციელოს შესყიდ­ვის პროცედურები კომპანიის შესყიდვებისათვის გამოყოფილი თანხის ფარგლებში, ამ წესით დადგენილი პირობების დაცვით. მუხლი 4🔗. ინტერესთა კონფლიქტის თავიდან აცილების პირობები და წესები 1. ინტერესთა კონფლიქტის თავიდან აცილების პირობები ეხება შეს­ყიდვის განხორციელებასთან დაკავშირებულ ისეთ საქმიანობას, როგო­რიცაა საკვალიფიკაციო მონაცემებისა და პირობათა გამოკითხვის წინა­და­დე­ბის განხილვა, შერჩევა და შეფასება. 2. ამ მუხლის პირველი პუნქტით განსაზღვრული საქმიანობის გან­მახორციელებელ პირს ექნება ინტერესთა კონფლიქტი პრეტენდენ­ტთან ან მიმწოდებელთან, თუ მათ შორის არსებობს საქართველოს საგადასა­ხადო კოდექსის მე-19 მუხლით გათვალისწინებული ურთიერ­თობები. 3. დაუშვებელია, პრეტენდენტმა ან მიმწოდებელმა ამ მუხლის პირ­ველი პუნქტით განსაზღვრული საქმიანობის განმახორციელებელ პირზე პირდაპირ ან არაპირდაპირ მოახდინოს ზეგავლენა მისთვის ხელსაყრე­ლი გადაწყვეტილების მიღების მიზნით. 4. მას შემდეგ, რაც ამ მუხლის პირველი პუნქტით განსაზღვრული საქმიანობის განმახორციელებელი პირისთვის ცნობილი გახდება პრე­ტენ­დენტის ან მიმწოდებლის ვინაობა, იგი ვალდებულია წერილობით დაადასტუროს, რომ ამ შესყიდვის განხორციელებაში მისი მონაწილეობა არ იწვევს ინტერესთა კონფლიქტს. 5. თუ ამ მუხლის პირველი პუნქტით განსაზღვრული საქმიანობის განმახორციელებელ პირს წარმოეშობა ინტერესთა კონფლიქტი, მან დაუ­ყოვ­ნებლივ უნდა განაცხადოს აღნიშნულის თაობაზე და უნდა შეწყვი­ტოს მონაწილეობა ამ შესყიდვის განხორციელებაში. მუხლი 5🔗. შესყიდვების დაგეგმვა 1. შპს „სასტუმრო ანაკლია“ შესყიდვებს ახორციელებს წინასწარ განსაზღვრული წლიური გეგმის შესაბამისად, რომელსაც ამტკიცებს შპს „სასტუმრო ანაკლიის“ დირექტორი. 2. შემსყიდველი ორგანიზაციის გადაწყვეტილებით, ერთი საბიუ­ჯე­ტო (საფინანსო) წლის განმავლობაში შესყიდვის ერთგვაროვანი ობიექ­ტების შესყიდვა შესაძლებელია განხორციელდეს ეტაპობრივად. მუხლი 6🔗. შესყიდვის საშუალებები და მათი განსაზღვრის წესი 1. შესყიდვის საშუალებებია: ა) გამარტივებული შესყიდვა;  ბ) პირობათა გამოკითხვა; გ) გამარტივებული ელექტრონული ტენდერი; დ) ელექტრონული ტენდერი. 2. შესყიდვა ხორციელდება პირობათა გამოკითხვის საშუალებით, თუ ამ მუხლით სხვა რამ არ არის გათვალისწინებული. 3. შესყიდვა შეიძლება განხორციელდეს გამარტივებული შესყიდვის საშუალებით, შემდეგი პირობებიდან ერთ-ერთის არსებობისას: ა) შესყიდვის ერთგვაროვანი ობიექტის სავარაუდო ღირებულება ერთი საბიუჯეტო წლის განმავლობაში არ აღემატება 100 000 ლარს; ბ) საქონლის მიწოდება ან მომსახურების გაწევა არის მხოლოდ ერთი პირის ექსკლუზიური უფლება; გ) მიმწოდებლისაგან შესყიდული ობიექტის ხარისხის გაუარესების თავიდან აცილების ან/და მისი შემდგომი ექსპლუატაციის უზრუნველ­ყოფის მიზნით აუცილებელია შესყიდვა იმავე მიმწოდებლისაგან, გარდა იმ შემთხვევებისა, როდესაც განსახორციელებელი შესყიდვის ობიექტის სავარაუდო ღირებულება აღემატება თავდაპირველი მიწოდების ღირე­ბუ­ლებას; დ) ხორციელდება ერთი ან ერთზე მეტი ავტოსატრანსპორტო სა­შუალების, კომპიუტერული ტექნიკის ან ნებისმიერი სიმძლავრისა და ტიპის ელექტროგენერატორის ახალი, იმავე ან გაუმჯობესებული პარა­მეტრების მქონე ერთი ან ერთზე მეტი ავტოსატრანსპორტო საშუალებით, კომპიუტერული ტექნიკით ან/და ნებისმიერი სიმძლავრისა და ტიპის ელექტროგენერატორით ჩანაცვლება; ასეთ შემთხვევაში ახალი ავტოსატ­რანსპორტო საშუალების, კომპიუტერული ტექნიკის ან/და ნების­მიერი სიმძლავრისა და ტიპის ელექტროგენერატორის ღირებუ­ლების ნაწილი ანაზღაურდება ჩასანაცვლებელი ავტოსატრანსპორტო საშუალების, კომ­პი­უტერული ტექნიკის ან/და ნებისმიერი სიმძლავრისა და ტიპის ელექ­ტროგენერატორის მიმწოდებლისათვის დაბრუნებით ან სხვა ფიზიკური ან იურიდიული პირისათვის გადაცემით, რომელიც ახდენს მსგავსი პრო­დუქციის (საქონლის) რეალიზაციას; ე) საქონლის ან მომსახურების შესყიდვა ხორციელდება კომპანიის პარტნიორისაგან ან კომპანიის პარტნიორის მიერ მართვის უფლებით გა­დაცემული წილის მფლობელისაგან; ვ) ხორციელდება წარმომადგენლობით ხარჯებთან დაკავშირებუ­ლი შესყიდვა. ამ წესის თავისებურებათა გათვალისწინებით წარმომად­გენ­ლობითი ხარჯები განისაზღვრება საქართველოს საგადასახადო კო­დექ­სის მიხედვით; ზ) შესყიდვა ხორციელდება საქართველოს ნორმატიული აქტით დად­გენილი გადასახდელების გადახდის გზით; თ) ხორციელდება საქართველოს მთავრობის დადგენილებით გან­საზ­ღვრული წლოვანების ან/და პირობების მქონე გარანტიის ავტოსატ­რანსპორტო საშუალების ტექნიკური მომსახურების ან/და ასეთი მომსა­ხურებისათვის საჭირო სათადარიგო ნაწილების ან/და საცხებ-საპოხი მა­სალების სახელმწიფო შესყიდვა; ი) არსებობს ამ წესის მე-2 მუხლის „ნ“ ქვეპუნქტით განსაზღვრული გადაუდებელი აუცილებლობა, რის შესახებაც გადაწყვეტილებას იღებს შემსყიდველი ორგანიზაციის დირექტორი ან კომისია. 4. შესყიდვის ობიექტის ამ მუხლის მე-3 პუნქტის „ბ“‑„თ“ ქვეპუნქ­ტე­ბის შესაბამისად შესყიდვის განხორციელებისას მისი ღირებულება არ უჯამდება ამ შესყიდვის ერთგვაროვანი ობიექტების სავარაუდო ღირე­ბულებას. 5. პირობათა გამოკითხვის პროცედურებს ახორციელებს კომისია. 6. შემსყიდველი ორგანიზაციის გადაწყვეტილებით, შესაძლებელია საქონლისა და მომსახურების შესყიდვები ელექტრონული ტენდერისა და გამარტივებული ელექტრონული ტენდერის მეშვეობით, „სახელმწიფო შესყიდვების შესახებ“ საქართველოს კანონის შესაბამისად. მუხლი 7🔗. კომისიის შექმნისა და საქმიანობის წესი 1. პირობათა გამოკითხვას ატარებს კომისია, რომელსაც ბრძანებით ქმნის შპს „სასტუმრო ანაკლიის“ ხელმძღვანელი არანაკლებ 3 წევრის შე­მადგენლობით. 2. კომისიის წევრებად ინიშნებიან შპს „სასტუმრო ანაკლიის“ თანამ­შ­რომლები. 3. კომისიას თავმჯდომარეობს შპს „სასტუმრო ანაკლიის“ ხელმძღვა­ნე­ლი ან მის მიერ დანიშნული პირი. 4. კომისიის გადაწყვეტილების საფუძველზე კომისიაში ექსპერტებად და კონსულტანტებად შეიძლება მოწვეულ იქნენ შესაბამისი დარგის სპეციალისტები. 5. კომისია გადაწყვეტილებებს იღებს კომისიის წევრთა სიითი შემად­გენლობის უმრავლესობით. კომისიის წევრს, რომელიც არ ეთანხმება კო­მისიის გადაწყვეტილებას, უფლება აქვს, წერილობით წარადგინოს თავი­სი აზრი, რომელიც უნდა დაერთოს კომისიის გადაწყვეტილებას. ხმათა თანაბრად განაწილების შემთხვევაში გადამწყვეტია კომისიის თავმჯდო­მარის ხმა. 6. კომისიის სხდომის შესახებ დგება ოქმი, რომელსაც ხელს აწერენ სხდომაზე დამსწრე კომისიის წევრები და კომისიის თავმჯდომარე. მუხლი 8🔗. განცხადება პირობათა გამოკითხვის ჩატარების შესახებ 1. პირობათა გამოკითხვის ჩატარებისას კომისია შპს „სასტუმრო ანაკ­ლიის“ სახელით პირობათა გამოკითხვის დოკუმენტაციას (შემდგომში ‑ დოკუმენტაცია) უგზავნის მის მიერ შერჩეულ არანაკლებ სამ პირს. თუ ვერ მოხერხდა სამი პირის შერჩევა, ასეთ შემთხვევაში პირობათა გამო­კითხვის შესახებ განცხადებას აქვეყნებს გაზეთ „24 საათში“ და/ან სხვა მასობრივი ინფორმაციის საშუალებებში. 2. პირობათა გამოკითხვის ჩატარების შესახებ განცხადებაში მითითე­ბული უნდა იყოს: ა) შპს „სასტუმრო ანაკლიის“ რეკვიზიტები; ბ) შესასყიდი საქონლისა და მომსახურების სახეობა, რაოდენობა, ხა­რისხი და სავარაუდო ღირებულება. იმ შემთხვევაში, თუ შესყიდვის ობი­ექტის (ნავთობპროდუქცია და სხვა მსგავსი საქონელი) ღირებულება თა­ვისი სპეციფიკის გამო დამოკიდებულია საერთაშორისო სასაქონლო ბირ­ჟაზე არსებულ ცვალებად ფასებზე, შესაძლებელია, შესყიდვის ობიექ­ტის სავარაუდო ღირებულების დადგენისას შპს „სასტუმრო ანაკლიამ“ გაით­ვალისწინოს შემსყიდველის მიერ განსაზღვრული მომენ­ტისათვის კონ­კრე­ტულ საერთაშორისო სასაქონლო ბირჟაზე არსებული მაჩვენებელი. ასეთ შემთხვევაში შესყიდვის ობიექტის სავარაუდო ღირებულების დასა­დგენად გამოიყენება კანონქვემდებარე ნორმატიული აქტით გათვალის­წინებული წესი, მიწოდების ადგილი და ფორმა, შესრუ­ლების ადგილი, აგრეთვე სხვა მონაცემები, რომელთა მითითებას შპს „სასტუმრო ანაკ­ლია“ საჭიროდ მიიჩნევს შესყიდვის ობიექტის აღწერის მიზნით; გ) შესასყიდი საქონლის მიწოდებისა და მომსახურების გაწევის სასურ­ველი ან სავალდებულო ვადები; დ) პირობათა გამოკითხვის შესახებ წინადადებების წარდგენის ვადა, ადგილი და ენა; ე) საკვალიფიკაციო მონაცემების დამადასტურებელი დოკუმენტები, ასეთის მოთხოვნის შემთხვევაში; ვ) დოკუმენტაციის გატანის წესი, ვადა და ადგილი. 3. პირობათა გამოკითხვის ჩატარების შესახებ განცხადებას ამტკიცებს კომისია. 4. კომისიას უფლება აქვს, შეცვალოს პირობათა გამოკითხვის ჩატა­რების შესახებ განცხადებაში მითითებული ინფორმაცია. ეს ცვლილებები უნდა გამოქვეყნდეს იმავე საინფორმაციო საშუალებებში, რომლებშიც გამოქვეყნდა განცხადება პირობათა გამოკითხვის ჩატარების შესახებ, ასევე მიეწოდოთ ინფორმაცია წერილობითი სახით იმ პრეტენდენტებს, რომელთაც დაეგზავნათ ან რომლებმაც გაიტანეს დოკუმენტაცია. 5. პირობათა გამოკითხვის ჩატარების შესახებ განცხადებაში შეტანილი ცვლილებები უნდა გამოქვეყნდეს, ასევე მიეწოდოთ ინფორმაცია წერი­ლო­ბითი სახით იმ პრეტენდენტებს, რომელთაც დაეგზავნათ ან რომლებ­მაც გაიტანეს დოკუმენტაცია გონივრულ ვადებში, შესყიდვის ობიექტის სპეციფიკიდან გამომდინარე. მუხლი 9🔗. საკვალიფიკაციო მონაცემები შესყიდვის მონაწილეობის მსურველთათვის საკვალიფიკაციო მონაცე­მების შესახებ მოთხოვნებს ყოველ კონკრეტულ შემთხვევაში განსაზღ­ვრავს კომისია. მუხლი 10🔗. პირობათა გამოკითხვის დოკუმენტაცია 1. კომისია დოკუმენტაციას ამტკიცებს პირობათა გამოკითხვის ჩატა­რების შესახებ განცხადების გაგზავნამდე ან მის გამოქვეყნებამდე. 2. დოკუმენტაცია უნდა შეიცავდეს: ა) განაცხადს პირობათა გამოკითხვის პროცედურაში მონაწილეო­ბისა­თვის; ბ) ინფორმაციას ტექნიკური შესაბამისობის შესახებ (შესყიდვის ობიექ­ტის დასახელება, შესყიდვის ობიექტის აღწერილობა); გ) ინფორმაციას ფასებისა და მიწოდების გრაფიკის შესახებ; დ) პირობათა გამოკითხვის წინადადებას; ე) შეფასების კრიტერიუმებს. მუხლი 11🔗. პრეტენდენტთა პირობათა გამოკითხვის წინადადების წარდგენისა და განხილვის წესი 1. პირობათა გამოკითხვის წინადადების (შემდგომში ‑ წინადადება) წარ­დგენა შესაძლებელია დახურული კონვერტით. შეთავაზებული წინა­დადებების შერჩევა ხდება პრეტენდენტთა თანდასწრებით. 2. პრეტენდენტებს უფლება აქვთ, კონვერტების გახსნამდე ნებისმიერ დროს წერილობით გამოითხოვონ ან შეცვალონ წინადადება. 3. შესული წინადადებების შერჩევა ხდება იმავე დღეს, წინადადების მი­ღების დამთავრებისთანავე, ხოლო გამარჯვებული გამოვლინდება შე­რ­ჩევის დასრულებიდან 2 დღის ვადაში. 4. კომისია პრეტენდენტის დისკვალიფიკაციას ახდენს იმ შემთხვევაში, თუ: ა) პრეტენდენტის მიერ არ არის წარდგენილი ყველა საჭირო დოკუ­მენტი (თანმხლები დოკუმენტების ჩათვლით) ან/და ინფორმაცია, საჭი­როების შემთხვევაში ‑ ნიმუში; ბ) შესყიდვის პროცედურების დროს ადგილი ექნება პრეტენდენტის არაკეთილსინდისიერ ქმედებას; გ) შესყიდვის პროცედურების მონაწილე პირის მიერ წარდგენილი მონაცემები ან/და მათი დამადასტურებელი დოკუმენტები ყალბი აღმოჩ­ნდება. 5. შემსყიდველი იტოვებს უფლებას, წარდგენილ დოკუმენტაციაში რაიმე სახის ეჭვის გამოვლენის შემთხვევაში მოსთხოვოს პრეტენდენტს აღნიშნული დოკუმენტის ხელახალი წარდგენა. 6. წინადადების შერჩევის დროს უნდა შემოწმდეს, არის თუ არა მასში დაშვებული მექანიკური შეცდომები. შეცდომების გამოვლენის შემთხვე­ვაში კომისიამ ამ წინადადების წარმდგენ პრეტენდენტს უნდა შესთავა­ზოს შეცდომის გამოსწორება. 7. კომისია ვალდებულია ზეპირ ვაჭრობაზე მოიწვიოს ის პრეტენდენ­ტები, რომლებიც შერჩევის პროცედურების დასრულების შემდეგ დაიშ­ვებიან შეფასებაზე. ამასთან, ზეპირი ვაჭრობის დროს დასაშვებია მხო­ლოდ წინადადებით წარდგენილი ფასის შეცვლა. 8. წინადადებები შეფასდება დოკუმენტაციაში მითითებული კრიტე­რიუ­მებისა და ამ კრიტერიუმების პრიორიტეტულობის გათვალის­წი­ნე­ბით. 9. წინადადების შეფასებისას შეიძლება გამოყენებულ იქნეს შემდეგი კრიტერიუმები: ა) წინადადების ღირებულება; ბ) საქონლის მიწოდებისა და მომსახურების გაწევის ვადები; გ) საქონლისა და მომსახურების ხარისხობრივი პარამეტრები და ფუნ­ქციონალური მახასიათებლები; დ) ანგარიშსწორების ფორმები და პირობები. 10. შეფასებისას გამოყენებულ თითოეულ კრიტერიუმს უნდა გააჩნდეს ციფრობრივად გამოსახული ხვედრითი წონა ჯამურ შეფასებაში (პრიო­რიტეტულობის მაჩვენებელი), რომელიც უნდა გამოიხატოს კოეფიციენ­ტის სახით, ამასთან, ყველა კრიტერიუმის პრიორიტეტულობის კოე­ფი­ციენტების ჯამი უნდა უდრიდეს ერთ მთელს. მათ შორის ფასთა გამო­კითხვის კოეფიციენტი გათვალისწინებული იქნება არანაკლებ 0.4-ით. 11. კომისიის თითოეული წევრი წერილობითი ფორმით აფასებს ყო­ვე­ლი პრეტენდენტის წინადადებას ცალ-ცალკე, ყოველი კრიტერიუმის მი­ხედვით, ათქულიანი სისტემით. თითოეული კრიტერიუმის მიხედვით პრეტენდენტისათვის მინიჭებული ქულა მრავლდება ამ კრიტერიუმის პრიორიტეტულობის კოეფიციენტზე, ხოლო მიღებული ნამრავლის და­ჯა­მებით გამოითვლება თითოეული პრეტენდენტის წინადადების ჯამუ­რი შეფასება. კომისიის წევრის ერთ-ერთი პრეტენდენტისათვის მინიჭე­ბუ­ლი ყველაზე მაღალი ჯამური შეფასება ჩაითვლება ამ პრეტენდენ­ტისათვის მიცემულ ერთ ხმად. 12. პრეტენდენტი გამარჯვებულად ჩაითვლება, თუ მას კომისიის წევ­რთა სიითი შემადგენლობის უმრავლესობის დასკვნით მიენიჭება უპირა­ტესობა. ხმათა თანაბრად განაწილების შემთხვევაში გადამწყვეტია კომი­სიის თავმჯდომარის დასკვნა. 13. კომისიის გადაწყვეტილება პირობათა გამოკითხვის პროცედურაში გამარჯვებული პრეტენდენტის შესახებ ფორმდება კომისიის სხდომის ოქ­მით, რომელსაც თან ერთვის კომისიის წევრთა დასკვნები. ოქმში აგრე­თვე მოკლედ უნდა იყოს აღწერილი პრეტენდენტების მიერ წარდგენილი წინადადებები. მუხლი 12🔗. პირობათა გამოკითხვისას ზეპირი ვაჭრობის ჩატარების წესი და პირობები 1. ზეპირი ვაჭრობა გაიმართება შემსყიდველი ორგანიზაციის მიერ დო­კუმენტაციაში მითითებულ ადგილზე. 2. შემსყიდველი ორგანიზაცია ვალდებულია შერჩევის პროცედურის დასრულებისთანავე დაადგინოს დოკუმენტაციაში მითითებულ დღეს ზეპირი ვაჭრობის დაწყების კონკრეტული დრო და ამის შესახებ დაუყოვ­ნებლივ წერილობით აცნობოს შეფასებაზე დაშვებულ პრეტენდენტებს. 3. კომისია ვალდებულია ზეპირ ვაჭრობაზე მოიწვიოს ის პრეტენდენ­ტები, რომლებიც შერჩევის პროცედურების დასრულების შემდეგ დაიშ­ვე­ბიან შეფასებაზე. 4. ზეპირ ვაჭრობაზე გამოუცხადებლობა ან/და ზეპირ ვაჭრობაში მონა­წილეობაზე უარი არ გამოიწვევს პრეტენდენტის დისკვალიფიკაციას. 5. ზეპირი ვაჭრობის გამართვის დროს კომისია წარუდგენს ზეპირი ვაჭრობის მონაწილე პრეტენდენტებს მათ მიერ წინადადებებით წარდგე­ნილ ფასებს ან/და ერთეულის ფასებს (მათი არსებობის შემთხვევაში) (შემდგომში ‑ ფასი). აღნიშნული ინფორმაციის მიღების შემდეგ თითოე­ულ მონაწილე პრეტენდენტს უფლება აქვს, სამჯერ მოახდინოს წინადა­დების ფასის ცვლა კლებადობის პრინციპის დაცვით. 6. ზეპირი ვაჭრობის მონაწილე პრეტენდენტების მიერ წინადადების ფასის ცვლა ხორციელდება რიგითობით. წინადადების ფასის ცვლას იწყებს შეფასებაზე დაშვებული უმაღლესი წინადადების ფასის მქონე და რიგითობის პრინციპით აგრძელებს ყოველი წინაზე უფრო დაბალი ფასის წარმდგენი. 7. ზეპირი ვაჭრობა დასრულებულად ითვლება ყოველი მონაწილის მი­ერ თავისი ფასის სამჯერ შეცვლის ან/და საბოლოო ფასის დაფიქსირების მომენტში. ზეპირი ვაჭრობის პროცედურა უნდა დასრულდეს მისი ჩატა­რების დღეს. 8. ზეპირი ვაჭრობის მსვლელობა, მათ შორის, თითოეული მონაწილე პრეტენდენტის წინადადების ფასი და ყოველ ჯერზე შეცვლილი დაფიქ­სირებული ფასი, უნდა აისახოს შესაბამის ოქმში, რომელსაც ხელს აწერს კომისიის ყველა წევრი და მონაწილე პრეტენდენტები. ზეპირი ვაჭრობის მონაწილე პრეტენდენტების მიერ ოქმის ხელმოწერაზე უარის თქმა მიიჩ­ნევა, როგორც უარი მის მიერ ზეპირ ვაჭრობაზე დაფიქსირებულ ყველა შეცვლილ ფასზე და ძალაში დარჩება მისი წინადადების პირვანდელი ფასი. 9. ზეპირ ვაჭრობაზე საბოლოო ფასების დაფიქსირების შემდეგ შეფა­სება ხორციელდება ამ წესის შესაბამისად. მუხლი 13🔗. გამარჯვებულ პრეტენდენტთან ხელშეკრულების დადება 1. ამ წესის შესაბამისად გამარჯვებული პრეტენდენტის წინადადებით განსაზღვრული პირობების საფუძველზე გამარჯვებულ პრეტენდენტსა და შპს „სასტუმრო ანაკლიას“ შორის იდება ხელშეკრულება. 2. გამარჯვებული პრეტენდენტის დისკვალიფიკაციის ან მის მიერ ხელ­შეკრულების დადებაზე უარის თქმის შემთხვევაში კომისია მიმარ­თავს პირობათა გამოკითხვის პროცედურის მონაწილე დანარჩენ პრეტენ­დენტებს წინადადებათა ხელახალ განხილვაში მონაწილეობის თაობაზე. თუ არც ერთმა პრეტენდენტმა არ გამოთქვა თანხმობა წინადადებათა ხე­ლ­ახალ განხილვაში მონაწილეობის მიღებაზე, ტარდება ახალი პირობათა გამოკითხვა. თუ წინადადებათა ხელახალ განხილვაში მონაწილეობაზე თანხმობა გამოთქვა ერთმა ან რამდენიმე პრეტენდენტმა, ხდება მათი წინადადებების ხელახალი განხილვა. მუხლი 14🔗. ჩაშლილი პირობათა გამოკითხვა 1. პირობათა გამოკითხვა ითვლება ჩაშლილად, თუ: ა) დადგენილ ვადებში არ იქნა წარდგენილი არც ერთი პირის საკვალი­ფიკაციო მონაცემები და/ან წინადადება; ბ) არც ერთი პირის მიერ წარდგენილი საკვალიფიკაციო მონაცემები ან/და წინადადება არ შეესაბამებოდა შპს „სასტუმრო ანაკლიის“ მოთხოვ­ნებს; გ) წარდგენილი წინადადების ფასებიდან არც ერთი არ შეესაბამება შპს „სასტუმრო ანაკლიის“ ფინანსურ შესაძლებლობებს. 2. ამ მუხლის პირველი პუნქტით გათვალისწინებულ შემთხვევებში ტარ­დება ხელახალი პირობათა გამოკითხვა ან, კომისიის გადაწყვე­ტილე­ბით, აუცილებლობის შემთხვევაში, სახელმწიფო შესყიდვა ხორციელ­დე­ბა გამარტივებული შესყიდვის საშუალებით. მუხლი 15🔗. ხელახალი პირობათა გამოკითხვა 1. პირობათა გამოკითხვის ჩაშლილად გამოცხადების შემდეგ კომისიას შეაქვს საჭირო ცვლილებები ახალ დოკუმენტაციაში და ატარებს ხელახ­ალ პირობათა გამოკითხვას. 2. ამ მუხლის პირველი პუნქტით გათვალისწინებულ შემთხვევაში შპს „სასტუმრო ანაკლიის“ ხელმძღვანელს უფლება აქვს, შეცვალოს კომისი­ის შემადგენლობა. მუხლი 16🔗. შესყიდვის შესახებ გარიგების (ხელშეკრულების) გა­ფორმების წესი 1. შესყიდვის შესახებ ხელშეკრულება იდება წერილობითი ფორმით და უნდა შეიცავდეს შემდეგ ინფორმაციას: ა) მხარეთა ზუსტ დასახელებასა და რეკვიზიტებს; ბ) ხელშეკრულების ობიექტის დასახელებას, კლასიფიკატორის შე­საბამისი კლასის, ჯგუფის ან დანაყოფის კოდს, ტექნიკურ პარა­მეტ­რებს, ძირითად მახასიათებლებს, რაოდენობას, ერთეულის და მთლი­ან ღირე­ბულებას (ფასდათმობების, გადასახადების, ტრანსპორტირების, დაზ­ღ­ვევისა და სხვა ფაქტორების გათვალისწინებით); გ) ხელშეკრულებით გათვალისწინებულ თანხას ‑ ხელშეკრულების ღირებულებას; დ) საქონლის მიწოდების, მომსახურების გაწევის ვადასა და ად­გილს; ე) ხელშეკრულების შესრულების გარანტიის ან დაზღვევის პირო­ბებს (გამოყენების შემთხვევაში); ვ) საქონლის, მომსახურების მიღება-ჩაბარების წესს; ზ) ანგარიშსწორების ფორმას, გრაფიკსა და ადგილს; თ) ხელშეკრულების შესრულების კონტროლის პირობებს; ი) ხელშეკრულების მოქმედების კონკრეტულ ვადას; კ) ხელშეკრულების დადების სამართლებრივ საფუძველს. 2. წინასწარი ანგარიშსწორების შემთხვევაში, მიმწოდებელი ვალდებუ­ლია წარუდგინოს შემსყიდველ ორგანიზაციას წინასწარ გადასახდელი თანხის ოდენობის გარანტია ხელშეკრულებით გათვალისწინებული პი­რობებით, გარდა ამ მუხლის მე-6 პუნქტით განსაზღვრული შესყიდ­ვისა და საქართველოს კანონმდებლობით გათვალისწინებული სხვა შემთ­ხ­ვევებისა. 3. ხელშეკრულების შესრულების გარანტიის ან დაზღვევის მოთხოვნა სავალდებულოა, თუ ხელშეკრულების საერთო ღირებულება შეადგენს ან აღემატება 50 000 ლარს. 4. ამ მუხლის მე-3 პუნქტში გათვალისწინებულ შემთხვევაში ხელშეკ­რულების შესრულების გარანტია ან დაზღვევა შეიძლება მოთხოვნილ იქნეს ხელშეკრულების ღირებულების 1%-დან 10%-მდე ოდენობით. 5. შემსყიდველი ორგანიზაცია უფლებამოსილია ხელშეკრულებაში გა­ით­ვალისწინოს დამატებითი პირობები. 6. ხელშეკრულების დადება არ არის სავალდებულო: ა) ინტერნეტით გამოწერის გზით გამარტივებული შესყიდვის სა­შუა­ლებით განხორციელებული სახელმწიფო შესყიდვისას; ბ) წარმომადგენლობით ხარჯებთან დაკავშირებული შესყიდვის განხორციელებისას; გ) საქართველოს ნორმატიული აქტით დადგენილი გადასახდელე­ბის გადახდის გზით განხორციელებული შესყიდვისას;  დ) თუ ერთგვაროვანი შესყიდვის ობიექტის სავარაუდო ღირებუ­ლე­ბა ერთი საბიუჯეტო წლის განმავლობაში არ აღემატება 5 000 ლარს. 7. ამ მუხლის მე-6 პუნქტით გათვალისწინებულ შემთხვევებში ხელ­შეკრულება შესაძლებელია ჩანაცვლდეს შესყიდვის დამადასტურებელი დოკუმენტით, რომელიც უნდა შეიცავდეს შემდეგ ინფორმაციას: ა) შესყიდვის ობიექტის დასახელებას; ბ) შესყიდვის ობიექტის ღირებულებას; გ) შესყიდვის ობიექტის ღირებულების გადახდის დადასტურებას; დ) მიმწოდებლის დასახელებასა და საიდენტიფიკაციო ნომერს. 8. ინტერნეტით გამოწერის გზით გამარტივებული შესყიდვის საშუა­ლე­ბით განსახორციელებელი შესყიდვის შემთხვევაში, ამ მუხლის მე-7 პუნქტის „გ“ ქვეპუნქტით გათვალისწინებული დოკუმენტი შესაძლებე­ლია ჩანაცვლდეს ინტერნეტის საშუალებით გადახდის დამადასტურე­ბელი დოკუმენტით. 9. ხელშეკრულების პირობების შეცვლა დაუშვებელია, თუ ამ ცვლილე­ბის შედეგად იზრდება ხელშეკრულების ჯამური ღირებულება ან უარეს­დება ხელშეკრულების პირობები შემსყიდველი ორგანიზაციისათვის, გარდა საქართველოს სამოქალაქო კოდექსის 398-ე მუხლით დადგენილი შემთხვევებისა. 10. საქართველოს სამოქალაქო კოდექსის 398-ე მუხლით გათვალისწი­ნებული პირობების დადგომის შემთხვევაში დაუშვებელია თავდაპირ­ვე­ლად დადებული ხელშეკრულების ჯამური ღირებულების 10%-ზე მეტი ოდენობით გაზრდა. მუხლი 17🔗. ანგარიშის წარდგენა  შპს „სასტუმრო ანაკლიის“ მიერ განხორციელებული საქონლისა და მო­მ­სახურების შესყიდვებზე ინფორმაცია წარედგინება საჯარო სამართლის იურიდიულ პირს ‑ კონკურენციისა და სახელმწიფო შესყიდვების სააგენ­ტოს კანონმდებლობით დადგენილი წესის შესაბამისად. მუხლი 18🔗. ცვლილებებისა და დამატებების შეტანის წესი ამ წესში ცვლილებებისა და დამატებების შეტანა ხდება საქართველოს მთავრობის დადგენილებით. დანართი შპს „სასტუმრო ანაკლიის~ საქმიანობის სპეციფიკასთან დაკავშირებული საქონლისა და მომსახურების ჩამონათვალი № საქონლის დასახელება 1 სასურსათო საქონელი 2 სოფლის მეურნეობისა და ბაღჩეული პროდუქტები 3 ფერმერული, ნანადირევი და თევზის პროდუქტები 4 ცხოველური პროდუქტები, ხორცი და ხორცის პროდუქტები 5 დამუშავებული და შენახული თევზი, ზღვის პროდუქტები 6 ხილი, ბოსტნეული და მონათესავე პროდუქტები 7 სხვადასხვა საკვები პროდუქტები 8 რძის პროდუქტები 9 უალკოჰოლო სასმელები 10 ალკოჰოლური სასმელები 11 თამბაქოს ნაწარმი 12 საკანცელარიო საქონელი 13 რესტორნის, ბარის და სამზარეულოს ჭურჭელი და სხვადასხვა ინვენტარი 14 სამუშაო ტანსაცმელი, უნიფორმები, სპეცტანსაცმელი და აქსესუარები 15 თეთრეული და სხვადასხვა აქსესუარები 16 სამკაულები, საათები და სხვა საიუველირო ნაწარმი 17 სამეურნეო საქონელი 18 სპეციალური აღჭურვილობა 19 სამუშაო იარაღები და ხელსაწყოები 20 ავტომანქანები სხვადასხვა გამავლობის 21 ავტომანქანის ნაწილები 22 საწვავი 23 ელექტროგამათბობლები 24 მაცივრები 25 ტელევიზორები 26 ტელეფონის აპარატები (მათ შორის უკაბელო ტელეფონის აპარატები) 27 კონდიციონერები 28 ვენტილატორები 29 კომპიუტერული ტექნიკა და აქსესუარები 30 საოფისე ავეჯი 31 გაზეთები, სამეცნიერო ჟურნალები, პერიოდიკა და ჟურნალები 32 ინტერნეტმოდემები 33 წარმომადგენლობითი ხარჯები 34 ორგანიზაციის ბეჭდები 35 სახანძრო უსაფრთხოების სტენდები (კომპლექტი) 36 ავტომანქანების ზეთები, ფილტრები 37 სატელიტური ანტენები 38 ავტომანქანის რეცხვის ტალონები 39 სამშენებლო მასალები 40 ფოტოაპარატები და ვიდეოკამერები 41 დროშა 42 აბრები, ფირნიშები და ბანერები 43 ქვითრები და ბლანკები 44 ავეჯი 45 რაციები 46 ქიმიური ხსნარები და სარეცხის ფხვნილები 47 სხვადასხვა ჭურჭელი-რეზერვუარები 48 განათების სისტემები 49 სასწორები 50 ელექტრომოწყობილობები და ელექტროაპარატურა 51 თხილის ნაჭუჭი 52 სამედიცინო ხარჯები (ფარმაცევტული პროდუქტი - პირველადი დახმარების საგნები) 53 სამედიცინო მომსახურება 54 საღებავები და პიგმენტები 55 ელექტროენერგიის გამანაწილებელი და საკონტროლო აპარატურა 56 იზოლირებული მავთული და კაბელი 57 აკუმულატორები, პირველადი ელემენტები და პირველადი ბატარეები 58 გასანათებელი მოწყობილობები და ელექტონათურები 59 სატელეკომუნიკაციო მოწყობილობები და მარაგები 60 მუსიკალური ინსტრუმენტები და ნაწილები 61 სპორტული საქონელი და მოწყობილობები 62 თამაშები და სათამაშოები, ატრაქციონები 63 სხვადასხვა ტუმბო ძრავები 64 დეკორაციული მცენარეები 65 ეზოს მცენარეები 66 ფეერვერკები 67 ბასეინის მოწყობილობები, „შეზლონგები“, საცურაო კამერები, ლეიბები და სხვა 68 პარფიუმერული ნივთები და პირადი ჰიგიენის პროდუქტები № მომსახურების დასახელება 1 კომპიუტერული მომსახურება 2 კარტრიჯების აღდგენა-დამუხტვა 3 პროგრამული უზრუნველყოფა 4 განცხადებების და ინფორმაციის გამოქვეყნება 5 რადიო და სატელევიზიო მომსახურებები 6 საინფორმაციო მომსახურება 7 ინტერნეტსაიტის დამზადება 8 ინტერნეტმომსახურება 9 თანამშრომელთა კვალიფიკაციის ამაღლება 10 საპროექტო მომსახურება 11 სანოტარო მომსახურება 12 აუდიტორული მომსახურება 13 იურიდიული მომსახურება 14 საკონსულტაციო მომსახურება 15 სადეზინფექციო მომსახურება 16 უძრავი ქონების რეგისტრაცია 17 დასაქმებულთა დაზღვევა 18 ავტომანქანების დაზღვევა 19 კავშირგაბმულობა 20 საფოსტო და საკურიერო მომსახურება 21 დასუფთავება 22 სატელეკომუნიკაციო მომსახურება 23 დაცვის მომსახურება 24 სარეკლამო მომსახურება (მათ შორის, ბეჭდვა) 25 დიზაინი 26 სამეურნეო რემონტი 27 თარგმანი 28 ბეჭდვა 29 სასტუმროს მომსახურება 30 რესტორნის მომსახურება 31 ბანკეტის მუსიკალური გაფორმება 32 გასართობი ღონისძიებების მომსახურებები 33 საავტომობილო ტრანსპორტის მომსახურება 34 ყავის აპარატებით მომსახურება 35 სწრაფი ჩარიცხვის აპარატებით მომსახურება 36 თხევადი აირით მომსახურება 37 ელექტრონული გასაღებები და პლასტიკური ბარათები 38 სასტუმროს ავეჯისა და ინვენტარის მიმდინარე საექსპლუატაციო ხარჯი 39 ლიფტების ტექნიკური მომსახურება 40 საკასო აპარატის ტექნიკური მომსახურება 41 სამოგზაურო სააგენტოების, ტუროპერატორებისა და ტურისტების დახმარების მომსახურება 42 ლიზინგი 43 წყლის განაწილება და მასთან დაკავშირებული მომსახურებები 44 ელექტროენერგიის განაწილება და მასთან დაკავშირებული მომსახურებები 45 საბანკო და საინვესტიცო მომსახურებები 46 სახაზინო მომსახურებები 47 არქიტექტურული და მასთან დაკავშირებული მომსახურებები 48 საინჟინრო მომსახურებები 49 მშენებლობასთან დაკავშირებული მომსახურებები 50 უსაფრთხოების სისტემების დაყენება 51 მიწის აზომვითი სამუშაოები 52 საკანალიზაციო სისტემების ტექნიკური მომსახურება 53 კონდიციონერების სისტემის მომსახურება 54 ტექნიკური საშუალებების შეკეთების მომსახურებები 55 კონსტრუქციული სამუშაოების მომსახურებები 56 სკვერის, ბაღის, ეზოს მოწყობის მომსახურებები