დაცული ტერიტორიების უძრავი ქონების სარგებლობაში გადაცემისას საწყისი სააუქციონო ფასის განსაზღვრისა და აუქციონის ჩატარების შესახებ დებულების დამტკიცების თაობაზე

დაცული ტერიტორიების უძრავი ქონების სარგებლობაში გადაცემისას საწყისი სააუქციონო ფასის განსაზღვრისა და აუქციონის ჩატარების შესახებ დებულების დამტკიცების თაობაზე საქართველოს მთავრობის დადგენილება №125 2013 წლის 22 მაისი    ქ. თბილისი დაცული ტერიტორიების უძრავი ქონების სარგებლობაში გადაცემისას საწყისი სააუქციონო ფასის განსაზღვრისა და აუქციონის ჩატარების შესახებ დებულების დამტკიცების თაობაზე მუხლი 1🔗 „დაცული ტერიტორიების სისტემის შესახებ“ საქართვე­ლოს კანონის 24-ე მუხლის მე-3 პუნქტის შესაბამისად, დამტკიცდეს თანდარ­თული დებულება „დაცული ტერიტორიების უძრავი ქონების სარგებლო­ბაში გადაცემისას საწყისი სააუქციონო ფასის განსაზღვრისა და აუქციო­ნის ჩატარების შესახებ“. მუხლი 2🔗 ძალადაკარგულად გამოცხადდეს  „დაცული ტერიტორიების უძრავი ქონების (გარდა დაცული ლანდშაფტისა და მრავალმხრივი გამო­ყენების ტერიტორიის მიწისა) სარგებლობაში გადაცემისას საწყისი სააუქ­ცი­ონო ფასის განსაზღვრისა და საჯარო აუქციონის ჩატარების შესახებ დე­ბუ­ლების დამტკიცების თაობაზე“ საქართველოს მთავრობის 2011 წლის 7 სექტემბრის №339 დადგენილება. მუხლი 3🔗 დადგენილება ამოქმედდეს გამოქვეყნებისთანავე.პრემიერ-მინისტრიბიძინა ივანიშვილი                     დაცული ტერიტორიების უძრავი ქონების სარგებლობაში გადაცემისას საწყისი სააუქციონო ფასის განსაზღვრისა და აუქციონის ჩატარების შესახებ დებულება მუხლი 1🔗. ზოგადი დებულებები 1.  დებულება „დაცული ტერიტორიების უძრავი ქონების სარგებ­ლო­ბაში გადაცემისას საწყისი სააუქციონო ფასის განსაზღვრისა და აუქ­ცი­ონის ჩატარების შესახებ“ (შემდგომში – დე­ბულება) შემუშავებულია „დაცული ტერიტორიების სისტემის შესახებ“ საქართველოს კანონის შე­სა­ბამისად და ადგენს დაცული ტერიტორი­ების უძრავი ქონების („დაცუ­ლი ტერიტორიების სისტემის შესა­ხებ“ საქართველოს კანონის მე-12 მუხლის 2​1, 2​2, 2​3 და 2​4 პუნქტებით გათვალისწინებული უძრავი ქონების) (შემდგომში – ქონება), გარდა და­ცუ­ლი ლანდშაფტისა და მრავალმხრივი გამოყენების ტერიტორიის მი­წისა, სარგებლობაში გადაცემისას საწყისი სააუქციონო ფასის გან­საზღ­ვრისა და აუქციონის ჩატარების პროცედუ­რებს. 2. ქონების საჯარო აუქციონის ფორმით სარგებლობაში გადაცემა ხორციელდება საქართველოს კანონმდებლობის შესაბამისად. 3. ქონების სარგებლობაში გადაცემის თაობაზე გადაწყვეტილებას იღებს საქართველოს გარემოსა და ბუნებრივი რესურსების დაცვის სამინისტროს საჯარო სამართ­ლის იურიდიული პირი – დაცული ტერი­ტორიების სააგენტო (შემდ­გომ­ში – სააგენტო), საქართველოს გარემოსა და ბუნებრივი რესურსების დაცვისა და საქართველოს ეკონომიკისა და მდგრადი განვითარების სამინისტროებთან შეთანხმე­ბით, ხოლო „და­ცული ტერიტორიების სისტემის შესახებ“ საქართ­ვე­ლოს კანონის მე-12 მუხლის 2​2 პუნქტით განსაზღვრულ შემთხვე­ვაში – აგრეთვე ადგილობ­რივი თვითმმართველობის ორგანოს წარდგი­ნე­ბის საფუძველზე. 4.  „დაცული ტერიტორიების სისტემის შესახებ“ საქართველოს კა­ნო­ნის მე-12 მუხლის 2​1 და 2​3 პუნქტებით განსაზღვრული ქონების აუქ­ცი­ონის ფორმით სარგებლობაში გადაცემის მიზანია, სარგებ­ლობის უფლება მიანიჭოს აუქციონში მონაწილე იმ პირს, რომელიც ვაჭრობის პროცესში სააგენტოს ყველაზე მაღალ ფასს შეს­თავაზებს, ხოლო თუ აუქციონი გამოცხადდება პირობებით – სარგებლობის უფლება მიანიჭოს აუქციონში მონაწილე იმ პირს, რომელიც აიღებს ვალდებულებას, დააკ­მაყოფილოს გამოცხადე­ბუ­ლი პირობები და ვაჭრობის პროცესში სააგენ­ტოს ყველაზე მაღალ ფასს შესთავაზებს. 5.  „დაცული ტერიტორიების სისტემის შესახებ“ საქართველოს კა­ნონის მე-12 მუხლის 2​4 პუნქტით განსაზღვრულ შემთხვევაში ქონების აუქციონის ფორმით სარგებლობაში გადაცემის მიზანია, სარ­გებ­ლობის უფლება მიანიჭოს აუქციონში მონაწილე იმ პირს, რომელიც ვაჭრობის პროცესში სააგენტოს შესთავაზებს „დაცული ტე­რი­ტორიების სისტემის შესახებ“ საქართველოს კანონის მე-12 მუხ­ლის 2​4 პუნქტით განსაზღვ­რული ქონების სარგებლობით განხორ­ციე­ლებუ­ლი ყოველწლიური ბრუ­ნ­ვიდან (შემდგომში – ყოველწლიური ბრუნვა) ყველაზე მაღალ საპროცენ­ტო განაკვეთს, ხოლო თუ აუქციონი გამოცხადდება პირობებით – სარ­გებ­ლობის უფლება მიანი­ჭოს აუქციონში მონაწილე იმ პირს, რომელიც აი­ღებს ვალდე­ბულებას, დააკმაყოფილოს გამოცხადებული პირობები და ვაჭ­რობის პრო­ცესში სააგენტოს შესთავაზებს ყოველწლიური ბრუნვიდან ყვე­ლაზე მაღალ საპროცენტო განაკვეთს. 6.  ქონების აუქციონის ფორმით სარგებლობაში გადაცემა შეიძლება განხორციელდეს ვადით და სასყიდლით. ქონების სარგებ­ლობაში გადა­ცე­მის საფასური განისაზღვრება ამ დებულებით. ქონების სარგებლობაში გადაცემის საწყის საფასურს განსაზღვრავს სააგენტო. 7. აუქციონის ჩატარებამდე ინფორმაცია აუქცი­ონში მონაწილეთა შე­სახებ (მათ შორის, აუქციონში მონაწილე­თა რაოდენობის შესახებ) კონ­ფი­დენციალურია. 8. სააგენტო ქონების სარგებლობაში გადაცემის შესახებ ინფორმა­ციას 30 კალენდარული დღის ვადაში წარუდგენს საქართველოს ეკო­ნომიკისა და მდგრადი განვითარების სამინისტროს. 9. „დაცული ტერიტორიების სისტემის შესახებ“ საქართველოს კა­ნონის მე-12 მუხლის 2​2 პუნქტით განსაზღვრულ შემთხვევებში ქონების  გადაცემა ხდება აუქციონის გარეშე. მუხლი 2🔗. ქონების სარგებლობაში გადაცემის საფასურის განსაზღვრის წესი 1. „დაცული ტერიტორიების სისტემის შესახებ“ საქართველოს კანო­ნის მე-12 მუხლის 2​4 პუნქტით განსაზღვრულ შემთხვევებში  ქონე­ბის სარგებლობაში გადაცემის საწყისი სააუქციონო ფასი შეადგენს ყო­ველწლიური ბრუნვის 10%-ს, ამასთან, ქონების სარგებლობაში მიმღე­ბის ყოველწლიური სარგებლობის საზღაური არ უნდა იყოს გადაცემის მო­მენ­ტი­სათვის დამოუკიდებელი აუდიტორის (ექსპერტი) შესაბამისი დას­კ­ვ­ნით განსაზღვრული ქონების ღირებულების 1.5%-ზე ნაკლები. 2. „დაცული ტერიტორიების სისტემის შესახებ“ საქართველოს კა­ნონის მე-12 მუხლის 2​1 და 2​3 პუნქტებით განსაზღვრულ შემთხვე­ვებში უძრავი ქონების სარგებლობაში გადაცემის საწყისი საფასური, ხოლო 2​2 პუნ­ქტით განსაზღვრულ შემთხვე­ვაში სარგებლობის საფასური განი­სა­ზღვ­რება დამოუკიდებელი აუდიტორის (ექსპერტი) შესაბამისი დასკვ­ნის საფუძ­ველზე. მუხლი 3🔗. აუქციონის ორგანიზება 1. აუქციონი იმართება საჯარო ან ელექტრონული ფორმით. 2. საჯარო აუქციონის ორგანიზებას ახორციელებს სააგენტო. საა­გენტო უფლებამოსილია ელექტრონული ფორმით აუქციონი  ჩაატაროს საჯარო სამართლის იურიდიული პირის – საქართველოს ფინანსთა სა­მინისტროს მომსახურების სააგენტოს მეშვეობით. 3. სააგენტო აუქციონის ჩატარების თარიღამდე არანაკლებ 10 და არაუმეტეს 20 კალენდარული დღით ადრე უზრუნველყოფს საჯარო აუქცი­ონის ფორმით სარგებლობაში გადასაცემი ქონების შესახებ ინფორმაციის გა­მო­ქვეყნებას გაზეთ „24 საათში“ და ინფორმაციის ატვირთვას სააგენ­ტოს ვებგვერდზე (www.apa.gov.ge), ხოლო ელექტრონული აუქციონის ჩატარების შემთხვევაში ასევე ვებგვერდზე  www.eauction.ge. 4. სააგენტო უფლებამოსილია გადაავადოს აუქციონის ჩატარება, რომლის შესახებაც ინფორმაცია ქვეყნდება საინფორმაციო საშუალე­ბებ­ში. 5. თუ აუქციონის ჩატარების ვადა ემთხვევა დასვენების ან უქმე დღეს, მაშინ აუქციონი ჩატარდება მომდევნო სამუშაო დღეს იმავე დროს. 6.  თუ სააგენტომ გადაავადა აუქციონის ჩატარება ან მის ჩატარე­ბამდე გააუქმა აუქციონის ფორმით ქონების სარგებლობით გადაცემის თაობაზე მიღებული გადაწყვეტილება, აუქციონის მონაწილეს გადახ­დილი ბე უკან უბრუნდება. 7. თუ „დაცული ტერიტორიების სისტემის შესახებ“ საქართველოს კანონის მე-12 მუხლის 2​1 და 2​3 პუნქტებით განსაზღვრულ შემთხვე­ვებში არ მოხდა აუქციონის ფორმით გამოტანილი ქონების სარგებლო­ბით გადაცემა, ამ ქონების შეცვლილი საწყისი საფასურით ან/და პირო­ბებით აუქციონის ფორმით ქონების სარგებლობაში გადაცემის შესახებ გადა­წყვეტილება განიხილება როგორც განმეორებითი აუქციონი. გან­მეო­რე­ბით აუქციონზე ქონების სარგებლობაში გადაცემის საწყისი საფასური შეიძლება შემცირდეს 10%-ით, ხოლო თუ ქონება ამ საფასურად გამო­ტანის შემდეგაც არ გაიცა სარგებლობაში, საფასური შეიძლება კიდევ შემ­ცირდეს. 8.  გამოსაქვეყნებელი ინფორმაცია უნდა შეიცავდეს შემდეგ მონა­ცემებს: ა) სარგებლობაში გადამცემი ორგანოს დასახელებას; ბ) სარგებლობაში გადასაცემი ქონების დასახელებას; გ) აუქციონის დაწყების და დასრულების დროს; დ) ქონების სარგებლობის საწყის საფასურს, ელექტრონული უპი­რობო და გამოუხმობადი საბანკო გარანტიის (შემდგომში – უპირობო და გამოუხმობადი საბანკო გარანტია)/ბეს თანხის ოდენობას, რომელიც შე­ადგენს  სარგებლობაში  გადასაცემი  ქონების  საწყისი სა­ფასურის 30%-ს; ე) „დაცული ტერიტორიების სისტემის შესახებ“ საქართველოს კა­ნონის მე-12 მუხლის 2​4 პუნქტით განსაზღვრულ შემთხვევებში უპირო­ბო და გამოუხმობადი საბანკო გარანტიის/ბეს თანხის ოდენობას, რომე­ლიც  განისა­ზღვრება ქონების საბალანსო ღირებულების 0.2%-ით; ვ) სარგებლობაში გადაცემის პირობებს (ასეთის არსებობის შემთ­ხვევაში); ზ) ბიჯის სიდიდეს; თ) სააგენტოს საკონტაქტო ტელეფონს; ი) სარგებლობაში გადაცემის ვადას; კ) ყველა სხვა ინფორმაციას, რომელსაც სარგებლობაში გადამცემი ორგანო ჩათვლის მიზანშეწონილად. 9. ქონების სარგებლობაში მიღების მსურველ პირს უფლება აქვს, მი­იღოს ქონების შესახებ სააგენტოს ხელთ არსებული, კანონმდებ­ლო­ბით დაშვებული ნებისმიერი ინფორმაცია. 10. ინფორმაციის გამოქვეყნების შემდეგ ყველა დაინტერესებულ ფიზიკურ და იურიდიულ პირს უფლება აქვს, წინასწარ გაეცნოს სარ­გებ­ლობის უფლებით გადასაცემ  ქონებას. მუხლი 4🔗. კომისიის შექმნისა და საქმიანობის წესი 1. საჯარო აუქციონის ორგანიზების მიზნით სააგენტოს თავმჯ­დო­მარის ბრძანებით იქმნება მუდმივმოქმედი კომისია, რომლის შემად­გენ­ლობაში შედიან კომისიის თავმჯდომარე, კომისიის თავმჯდომარის მოადგილე, აუქციონატორი, რეგისტრატორი, კომისიის მდივანი და სხვა წევრები. კომისია დამოუკიდებელია თავისი უფლებამოსილების გან­ხორ­ციელებისას. ის სააგენტოს სახელით ადგენს საჯარო აუქციონში გა­მარჯვების დამადასტურებელ ოქმს. 2. კომისია შედგება სააგენტოს წარმომადგენლებისაგან. 3. კომისიის საქმიანობას ხელმძღვანელობს თავმჯდომარე, ხო­ლო მისი არყოფნის შემთხვევაში – თავმჯდომარის მოადგილე ან, კომი­სიის თავ­მჯდომარის გადაწყვეტილებით, კომისიის ერთ-ერთი წევრი. 4. კომისია უფლებამოსილია, თუ სხდომას ესწრება კომისიის წევრ­თა ნახევარზე მეტი და გადაწყვეტილებას იღებს ხმათა უმრავლე­სობით. ხმების თანაბარი გაყოფის შემთხვევაში გადამწყვეტია კომისიის თავმჯ­დომარის ხმა. 5. კომისიის გადაწყვეტილება ფორმდება ოქმით, რომელსაც ხელს აწე­რენ კომისიის თავმჯდომარე და დამსწრე წევრები. მუხლი 5🔗. საჯარო აუქციონში მონაწილეობის პირობები 1. საჯარო აუქციონში მონაწილეობისათვის განაცხადების მიღება მთავ­რდება დადგენილ დღესა და საათს. დადგენილი ვადის გასვლის შემ­დეგ შემოსული განაცხადი არ მიიღება. 2. საჯარო აუქციონი ტარდება დადგენილ დღესა და საათს, სა­ჯარო აუქციონში მონაწილეობისათვის განაცხადების მიღება მიმდინა­რეობს საჯარო აუქციონის ჩატარების დღის ჩათვლით და სააგენტოს მიერ და­დ­გენილ საათამდე. 3. საჯარო აუქციონში მონაწილეობის მიღების მსურველი პირი საჯარო აუქციონის რეგისტრატორს წარუდგენს: ა) განაცხადს, რომელიც შეიცავს ინფორმაციას მონაწილეობის მი­ღების მსურველი პირის შესახებ, ქონების დასახელებას, ლოტის ნო­მერს, იმ ქონების საწყის საფასურს, რომლის სარგებლობაში მიღება სურს მონა­წილეს. პირობებით გამოცხადებული საჯარო აუქციონის შემ­თხვევაში განაცხადში უნდა აისახოს მონაწილეობის მიღების მსურ­ვე­ლი პირის თან­ხმობა პირობების შესრულებაზე; ბ) ბეს გადახდის დამადასტურებელ დოკუმენტს (ბეს გადახდას უთანაბრდება ასევე მონაწილის საბანკო ანგარიშზე არსებული თანხის გაყინვა, რომელიც სააგენტოს გადაერიცხება მონაწილის საჯარო აუქ­ციონში გამარჯვებისთანავე ან ამ დებულების მე-5 მუხლის მე-8 პუნქ­ტით დადგენილი წესისა და პირობების დარღვევისას) ან უპირობო და გა­მოუხმობადი საბანკო გარანტიის წარდგენის დამადასტურებელ დო­კუმენტს; გ) პირადობის დამადასტურებელი დოკუმენტის ასლს (ფიზიკური პირის შემთხვევაში); დ) სანოტარო წესით დამოწმებულ მინდობილობას ან დაწესე­ბუ­ლების მიერ გაცემულ სათანადო მინდობილობას, თუ მონაწილე მოქმე­დებს სხვა პირის სახელით; ე) სადამფუძნებლო დოკუმენტაციის ასლებს (სააგენტოს მიერ მოთ­ხოვ­ნის შემთხვევაში) და განაცხადის შეტანის მომენტისათვის მოქ­მედ ამონაწერს მეწარმეთა და არასამეწარმეო (არაკომერციული) იური­დიული პირების რეესტრიდან (იურიდიული პირის შემთხ­ვე­ვაში); ვ)  მონაწილის ბილეთის ფასის გადახდის დამადასტურებელ დო­კუმენტს; ზ) სააგენტოს მიერ მოთხოვნის შემთხვევაში სხვა დამატებით დო­კუმენტაციას. 4. პირმა, რომელსაც სურს მონაწილეობა მიიღოს სხვადასხვა ლო­ტებად გამოტანილი ქონების სარგებლობის უფლების მიღების მიზნით მოწყობილ საჯარო აუქციონში, თითოეული ლოტისათვის ცალ-ცალკე უნდა წარადგინოს უპირობო და გამოუხმობადი საბანკო გარანტია/ბე. 5. პირი, რომელსაც სურს მონაწილეობა მიიღოს სხვადასხვა ლო­ტებად გამოტანილი ქონების სარგებლობის უფლებით მიღების მიზნით მოწყობილ საჯარო აუქციონში, ვალდებულია მონაწილის ბი­ლეთის ფასი გადაიხადოს თითოეული ლოტისათვის ცალ-ცალკე. 6. თუ ყველა წარდგენილი დოკუმენტი აკმაყოფილებს მოთხოვ­ნებს, რეგისტრატორი აკეთებს შესაბამის ჩანაწერს პირის შესახებ „სა­ჯარო აუქ­ცი­ონის მონაწილეთა რეგისტრაციის ჟურნალში“, იტოვებს წარდგენილ დო­კუმენტაციას და პირს გადასცემს საჯარო აუქციონში მონაწილის ბილეთს. მონაწილის ბილეთით პირი ღებულობს საჯარო აუქციონში მონაწილის სტატუსს. 7. პირს უფლება აქვს,  საბანკო გარან­ტიის/ბეს დაუკავებლად უარი განაცხადოს საჯარო აუქციონში მონა­წილეობაზე მხოლოდ განაცხა­დე­ბის მიღების პერიოდში. 8. განაცხადის წარმდგენ პირს შეიძლება უარი ეთქვას საჯარო აუქ­ციონში მონაწილეობაზე, თუ: ა) განაცხადის წარმდგენი პირი, მოქმედი კანონმდებლობის შესა­ბამისად, არ შეიძლება ცნობილ იქნეს ქონების სარგებლობის უფლებით მიმღებ პირად; ბ) დარღვეულია ამ დებულებით და მოქმედი კანონმდებლობით გათვალისწინებული მოთხოვნები. მუხლი 6🔗. საჯარო აუქციონის ჩატარების წესი 1. საჯარო აუქციონში მონაწილე საჯარო აუქციონის დაწყებამდე შედის დარბაზში, სადაც ტარდება საჯარო აუქციონი, საჯარო აუქცი­ო­ნის რეგისტრატორს წარუდგენს საჯარო აუქციონში მონაწილის ბი­ლეთს და იღებს სპეციალურ დაფას, რომლის ნომერიც შეესაბამება მის ბილეთზე აღნიშნულ ნომერს. 2. აუქციონატორი ადარებს გაცემული ნომრიანი დაფების რაოდე­ნობას რეგისტრირებული განაცხადების რაოდენობასთან, რითაც აზუს­ტებს საჯარო აუქციონში მონაწილეთა რაოდენობას. 3. საჯარო აუქციონს ატარებს აუქციონატორი. 4. თითოეულ ლოტზე ვაჭრობის დაწყებისას აუქციონატორი აც­ხა­დებს ქონების დასახელებას, მის საწყის საფასურს, ბიჯს (ბიჯის სი­დი­დეს ყოველი კონკრეტული სახელმწიფო ქონებისათვის განსაზღვ­რავს სააგენ­ტო). 5. საჯარო აუქციონზე ვაჭრობის დასაწყისად ითვლება საწყისი სა­ფა­სურის გამოცხადების მომენტი. ვაჭრობის მიმდინარეობის დროს და­უშ­ვებელია მონაწილეთა დარბაზში გადაადგილება. 6. საჯარო აუქციონში მონაწილე, რომელსაც სურს, დაიწყოს ვაჭ­რობა საწყისი საფასურიდან, სწევს თავის დაფას (რაც ნიშნავს საწყის საფასურზე ბიჯის დამატებას), აუქციონატორი აფიქსირებს მას და სთხოვს საჯარო აუქციონში მონაწილეებს, გააგრძელონ ვაჭრობა, სანამ რომელიმე მონაწილე არ დაასახელებს ყველაზე მაღალ საფასურს. საფა­სუ­რის სამჯერ გამოცხადების და აუქციონატორის მიერ ჩაქუჩის დარ­ტყმის შემდეგ უკანასკნელი მონაწილე, რომელმაც აუქციონატორს შესთა­ვაზა ყველაზე მაღალი საფასური, ითვლება გამარჯვებულად. 7. საჯარო აუქციონის დამთავრების შემდეგ სააგენტო უფლებამო­სი­ლია გასცეს გამარჯვების დადასტურება. 8. თუ საჯარო აუქციონი არ შედგება იმ მიზეზით, რომ საჯარო აუქციონის მონაწილეები არ გამოცხადდნენ აუქციონზე ან მონაწილე­ებმა, რომლებიც ესწრებოდნენ საჯარო აუქციონს, არ მიიღეს მონაწი­ლეობა სააუქციონო ვაჭრობაში, შედგება ოქმი არშემდგარი საჯარო აუქციონის შესახებ და აუქციონის მონაწილეების მიერ წარდგენილი უპირობო და გამოუხმობადი საბანკო გარანტიის/ბეს თანხა სრულად ირიცხება სახელ­მწიფო ბიუჯეტში, ხოლო თუ მონაწილის/მონაწილეე­ბის გამოუცხადებ­ლობის მიუხედავად აუქციონი შედგება, მაშინ იმ მონაწილეებს, რომ­ლებიც არ გამოცხადდნენ აუქციონზე, უბრუნდებათ სა­ბანკო გარან­ტია­/ბე. 9. საჯარო აუქციონის შედეგები უქმდება, გამარჯვებულ პირს ერთ­მევა გამარჯვებულის სტატუსი და გამარჯვებულის მიერ წარდ­გენილი უპირობო და გამოუხმობადი საბანკო გარანტიის/ბეს თანხა სრულად ირიცხება სახელმწიფო ბიუჯეტში, თუ: ა) აუქციონში გამარჯვებულმა სარგებლობის ხელშეკრულების ხე­ლის მოწერაზე უარი განაცხადა; ბ) თუ აუქციონის მონაწილემ დაარღვია ამ დებულებით განსაზღ­ვრული აუქციონში მონაწილეობის წესი ან/და პირობები. 10. სააუქციონო კომისია საჯარო აუქციონის ჩატარებიდან 7 კა­ლენ­დარული დღის ვადაში ამზადებს მოხსენებით ბარათს, რომლის საფუძ­ველზეც საჯარო აუქციონში მონაწილე პირებს, რომლებმაც ვერ გაიმარ­ჯვეს, უბრუნდებათ მათ მიერ გადახდილი ბე. მოხსენებით ბა­რათს ხელს აწერენ სააუქციონო კომისიის თავმჯდომარე და კომისიის მდივანი. მუხლი 7🔗. ელექტრონულ აუქციონში მონაწილეობის პირობები 1. ელექტრონული აუქციონი ტარდება სააგენტოს მიერ განსაზ­ღვრულ ვადაში, რომლის განმავლობაშიც დაინტერესებულ პირებს, რომ­ლებიც გაივლიან რეგისტრაციას ელექტრონულად, საშუალება ეძლევათ, გააკეთონ სასურველ ფასზე შეთავაზება საწყის საფასურზე ბიჯის დამა­ტებით. 2. ელექტრონულ აუქციონში მონაწილეობის მისაღებად სავალდე­ბულოა: ა) შესაბამის ელექტრონულ ვებგვერდზე დარეგისტრირება (რეგის­ტრირ­დებიან ფიზიკური და იურიდიული პირები); ბ) რეგისტრაციის დროს ინტერნეტაუქციონის წესების გაცნობა და მასზე თანხმობის გაცხადება; გ) ფიზიკური პირის დარეგისტრირება სახელით, გვარითა და პი­რადი ნომრით; დ) იურიდიული პირის დარეგისტრირება სახელწო­დებითა და მეწარმეთა და არასამეწარმეო (არაკომერციული) იურიდიუ­ლი პირების რეესტრის მიხედვით საიდენტიფიკაციო ნომრით ან შესაბა­მისი ქვეყნის იურიდიული პირის მარეგისტრირებელი ორგანოს შესაბა­მისი კოდით; ე) ინტერნეტბანკინგის საშუალებით, ასევე საბანკო დაწესებულების მეშვეობით  ბეს თანხის გადახდა. 3. თუ მონაწილე ელექტრონულ აუქციონში ვერ გაიმარჯვებს, მას ბე უკან უბრუნდება. 4. ბე უკან დაბრუნებას არ ექვემდებარება, თუ: ა) მონაწილე არ მიიღებს მონაწილეობას ვაჭრობაში; ბ) აუქციონში გამარჯვებულმა სარგებლობის ხელშეკრულების ხე­ლის მოწერაზე უარი განაცხადა. 5. მონაწილეს შეიძლება უარი ეთქვას ელექტრონულ ინტერნეტ­აუქ­ციონში მონაწილეობაზე, თუ: ა) განაცხადის წარმდგენი პირი, მოქმედი კანონმდებლობის შესა­ბამისად, არ შეიძლება ცნობილ იქნეს ქონების სარგებლობის უფლებით მიმღებ პირად; ბ) დარღვეულია ამ დებულებით და მოქმედი კანონმდებლობით გათ­ვალისწინებული მოთხოვნები. მუხლი 8🔗. ელექტრონული აუქციონის ჩატარების წესი 1. სააგენტო უფლებამოსილია, რომ  ელექტრონული აუქციონი   ჩაა­ტა­როს, საჯარო სამართლის იურიდიული პირის – საქართველოს ფი­ნან­ს­თა სამინისტროს მომსახურების სააგენტოს მეშვეობით. 2. აუქციონში მონაწილე ელექტრონულ აუქციონში რეგისტრირ­დება შესაბამის ვებგვერდზე ამ დებულების მე-7 მუხლის მე-2 პუნქტის შესაბამისად, რის შედეგადაც მას ენიჭება აუქციონში მონაწილის სტა­ტუსი. 3. ელექტრონულ აუქციონში ვაჭრობის დროს ფასის მატება ჩანს ონ­ლაინრეჟიმში. 4. ელექტრონულ აუქციონზე ვაჭრობის დასაწყისად ითვლება საწ­ყი­სი ფასის გამოცხადების მომენტი. 5. აუქციონში მონაწილე, რომელსაც სურს საწყისი ფასიდან დაიწ­ყოს ვაჭრობა, ონლაინ რეჟიმში ამატებს ფასს (რაც ნიშნავს საწყის ფასზე ბიჯის დამატებას), რომელიც ასევე ფიქსირდება ონლაინ რეჟიმში. ვაჭ­რობა გრძელდება მანამ, სანამ რომელიმე არ დაასახელებს ყველაზე მა­ღალ ფასს. აუქციონში გამარჯვებულად დასახელდება მონაწილე, რომე­ლიც ონლაინ რეჟიმში დასრულების მომენტისათვის შესთავაზებს ყვე­ლაზე მაღალ ფასს. 6. თუ აუქციონის დასრულებამდე (მითითებული უნდა იყოს აუქ­ციონის დასრულების ზუსტი დრო) ბოლო 5 წუთის განმავლობაში შე­თავაზებული იქნება ახალი ფასი, მაშინ ფასის შეთავაზების დრო გაგრ­ძელდება დასრულების მითითებული მომენტიდან 2 წუთით. თუ ამ დრო­ის განმავლობაში შეთავაზებული იქნება ახალი ფასი,  დრო კიდევ გაგრძელდება 2 წუთით მანამ, სანამ არ დაფიქსირდება საბოლოო თანხა. მაგრამ თუ დამატებული 2 წუთის განმავლობაში ახალი ფასი არ იქნება შეთავაზებული, აუქციონში გამარჯვებულად გამოცხადდება საბოლოო თანხის შემთავაზებელი პირი. 7. აუქციონის გამარჯვებულს და დამარცხებულს ელექტრონული გზით გაეგზავნებათ ინფორმაცია აუქციონის შედეგების შესახებ, რაც ჩაითვლება ოფიციალურ შეტყობინებად. მუხლი 9🔗. გარიგებათა გაფორმების წესი 1. საჯარო აუქციონში გამარჯვების ოქმის გაცემიდან ან ელექ­ტრონული გზით აუქციონის შედეგების შესახებ ინფორმაციის მიღე­ბიდან 15 კალენ­დარული დღის განმავლობაში მხარეთა (სააგენტოსა და აუქციონში გამარჯვებულს) შორის ფორმდება შესაბამისი ხელშეკრუ­ლება სახელმწიფო ქონების სარგებლობის უფლებით გადაცემის შესახებ. 2. ქონების აუქციონის ფორმით სარგებლობის უფლებით გადაცემის შემთხვევაში გამარჯვებულ პირს შეტანილი ბე ეთვლება ხელშეკრუ­ლებით გათვალისწინებული საფასურის ოდენობაში. 3. მხარეთა შორის დადებულ ხელშეკრულებაში შეტანილი უნდა იქნეს შემდეგი მონაცემები: ა) გადაცემული ქონების დასახელება; ბ) ცნობები აღნიშნული ქონების გადამცემისა და მიმღები სუბი­ექტის შესახებ; გ) ქონების სარგებლობისათვის დადგენილი საფასურის რაოდე­ნობა; დ) მხარეთა ურთიერთვალდებულებები ქონების შემდგომი გამო­ყენების შესახებ; ე) აუქციონის საფუძველზე გადასაცემი ქონების გადა­ცემის პირო­ბები და ვადები; ვ) სხვა მონაცემები, გამოცხადებული აუქციონისა და გასაფორ­მებე­ლი ხელშეკრულების სპეციფიკის გათვალისწინებით. 4. გამარჯვებულის მიერ ხელშეკრულების ხელმოწერაზე უარის თქმის შემთხვევაში მას ერთმევა გამარჯვებულის სტატუსი და მის მიერ წარდგენილი უპირობო და გამოუხმობადი საბანკო გარანტიის/ბეს თანხა სრულად ირიცხება სახელმწიფო ბიუჯეტში. 5. ხელშეკრულების გაფორმებასთან დაკავშირებულ ხარჯებს და­ფარავს ქონების სარგებლობის უფლებით მიმღები.   მუხლი 10🔗. ქონების სარგებლობის  უფლებით  მიმღების პასუხისმგებლობა 1. ქონების სარგებლობის უფლებით მიმღები ვალდებულია აუქ­ციონის ფორმით სარგებლობაში მიღებული ქონების შემდგო­მი გამოყე­ნებისას დაიცვას ხელშეკრულებით ნაკისრი ვალდებულებები და აუქცი­ონის ფორმით ქონების სარგებლობის უფლებით გამ­ცემის მოთხოვნის­თანავე წარუდგინოს ინფორმაცია ხელშეკრულე­ბის მოთხოვნების შეს­რულების თაობაზე. 2. აუქციონში გამარჯვებული პირი ხელშეკრულების გა­ფორმების შემდეგ ვალდებულია სარგებლობის უფლებით მიღებული უძრავი ნივ­თის სარგებლობის უფლება დაარეგისტრიროს საჯარო რე­ეს­ტრში. 3. ხელშეკრულების მოქმედების პერიოდში ქონების სარგებლობის უფლებით მიმღებს არა აქვს უფლება, გადაცემული ქონება განკარგოს, გასცეს სარგებლობის უფლებით ან სხვაგვარად დატვირთოს. ამასთან, იგი პასუხისმგებელია მიღებული ქონების მოვლა-პატრონობისათვის. 4. ხელშეკრულებით გათვალისწინებული პირობების დაუცველო­ბის შემთხვევაში ქონების სარგებლობის უფლებით მიმღები იღებს გა­ფრთხილებას წერილობითი ფორმით, რომელშიც მიეთითება დარღვე­ვის გამოსწორების ვადა და ეკისრება შესაბამისი პირგასამტეხლო. პირგასამ­ტეხლოს ოდენობა განისაზღვრება სააუქციონო ან/და სახელ­შეკრულებო პირობებიდან გამომდინარე შემდეგი წესით: ა) სარგებლობის საფასურით გათვალისწინებული თანხის გადა­უხ­დე­ლობის შემთხვევაში ‑ მისი 0,1 პროცენტი დარღვევის დღიდან ყოველ ვადაგადაცილებულ დღეზე; ბ) საინვესტიციო ვალდებულებათა შეუსრულებლობის (ასეთის არ­სებობისას) შემთხვევაში ‑ დარჩენილი განსახორციელებელი ინვეს­ტი­ციის 0,1 პროცენტი დარღვევის დღიდან ყოველ ვადაგადაცილებულ დღეზე; გ) ქონების სარგებლობის უფლებით მიმღების მიერ სხვა სააუქ­ცი­ონო ან/და სახელშეკრულებო პირობების შეუსრულებლობისათვის პირ­გა­სამტეხლოს ოდენობა განისაზღვრება ხელშეკრულებით. მუხლი 11🔗. გარიგებათა ბათილად ცნობა აუქციონის შედეგებთან დაკავშირებულ სადავო და ბა­თილად ცნო­ბის საკითხებს განიხილავს სასამართლო.