,,ახმეტის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი განაკვეთების განსაზღვრის შესახებ“ ახმეტის მუნიციპალიტეტის საკრებულოს 2011 წლის 16 დეკემბრის №58 დადგენილებაში ცვლილების შეტანის თაობაზე

    ,,მუხლი 3.

     1. დასახლებული ტერიტორიის დასუფთავებისათვის მოსაკრებლის განაკვეთი განისაზღვროს:

     ა) ერთ მოსახლეზე _ 0,25 ლარით თვეში, მაგრამ ოთხ და მეტსულიან ოჯახებზე (წევრთა რაოდენობის მიუხედავად) არა უმეტეს 1,0 ლარისა;

    ბ) იურიდიული პირების, ორგანიზაციებისა და დაწესებულებებისათვის _ დადგენილების №2 დანართის მე-4 მუხლის შესაბამისად.

    2. სოციალურად დაუცველი პირების (ოჯახების) მიმართ, რომლებიც რეგისტრირებულნი არიან მონაცემთა ერთიან ბაზაში და იღებენ საარსებო შემწეობას, მოსაკრებლის ოდენობა შეადგენს ამ მუხლის პირველი პუნქტის ,,ა“ ქვეპუნქტით გათვალისწინებული ოდენობის 50 %-ს.”.