„სახელმწიფო რეესტრის შესახებ“ საქართველოს კანონში ცვლილებების შეტანის თაობაზე

 

საქართველოს კანონი

„სახელმწიფო რეესტრის შესახებ“ საქართველოს კანონში ცვლილებების შეტანის თაობაზე

               მუხლი 1. „სახელმწიფო რეესტრის შესახებ“ საქართველოს კანონში (საქართველოს საკანონმდებლო მაცნე, №14, 16.06.2004, მუხ. 50) შეტანილ იქნეს შემდეგი ცვლილებები:

1. მე-10 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სახელმწიფო რეესტრს, გარდა ამ კანონის მე-2 მუხლის პირველი პუნქტის „ბ“ ქვეპუნქტით გათვალისწინებული რეესტრისა, აწარმოებს საქართველოს იუსტიციის სამინისტრო (შემდგომში – სამინისტრო) შესაბამისი სტრუქტურული ქვედანაყოფის და მმართველობის სფეროში შემავალი საჯარო სამართლის იურიდიული პირის მეშვეობით.“;

ბ) მე-2 პუნქტის „ბ“ ქვეპუნქტი და მე-3 პუნქტი ამოღებულ იქნეს.

2. მე-11 მუხლის „ა“ ქვეპუნქტი ჩამოყალიბდეს შემდეგი რედაქციით:

„ა) ეროვნული სააგენტოს უფლებამოსილებათა განხორციელების ანალიტიკურ, ტექნიკურ და ორგანიზაციულ მხარდაჭერას;“.

3. მე-13 მუხლი და მე-15 მუხლის მე-6 პუნქტის „ა“ ქვეპუნქტი ამოღებულ იქნეს.

    მუხლი 2.  ეს კანონი ამოქმედდეს 2009 წლის 5 იანვრიდან.

 

საქართველოს პრეზიდენტი მ. სააკაშვილი

თბილისი,

2008 წლის 16 დეკემბერი.

№710–IIს