„თვითმმართველი ქალაქის – ქუთაისის მერიის სტრუქტურული ერთეულის – საზოგადოებრივი ჯანმრთელობის დაცვის სამსახურის დებულებისა და ბეჭდის ნიმუშის დამტკიცების შესახებ“ თვითმმართველი ქალაქის – ქუთაისის საკრებულოს 2013 წლის 12 ივნისის №203 დადგენილებაში ცვლილების შეტანის თაობაზე

„2. სამსახური თავის საქმიანობას წარმართავს საქართველოს კონსტიტუციის, „ადგილობ­რივი თვითმმართველობის შესახებ“ საქართველოს ორგანული კანონის, საქართველოს კანონებისა და მათგან გამომდინარე სხვა ნორმატიული აქტების, ასევე საქართველოს შრომის, ჯანმრთელობისა და სოციალური დაცვის სამინისტროს მიერ გამოცემული ნორმატიული აქტებისა და მითითებების, საკრებულოს, საკრებულოს თავმჯდომარისა  და მერის სამართლებრივი აქტების საფუძველზე, დადგენილი წესის შესაბამისად;“.

„7. სამსახურის დაფინანსების წყაროა თვითმმართველი ერთეულის ბიუჯეტი, სახელმწიფო ფედერალური პროფილაქტიკური პროგრამები;“.

2. დებულების მე-3 მუხლის მე-2, მე-8, მე-9, მე-15 და მე-17 პუნქტები შეიცვალოს და ჩამოყალიბდეს შემდეგი რედაქციით:

„2. თვითმმართველი ქალაქის – ქუთაისის მცხოვრებთათვის ჯანმრთელობისათვის უსაფრთხო გარემოს შექმნის ხელშეწყობა, ჯანმრთელობის რისკფაქტორების იდენტიფიცირება და ამის თაობაზე მოსახლეობისა და შესაბამისი უწყებების ინფორმირება;“.

„8. ადგილობრივი სამედიცინო პროგრამების შემუშავების უზრუნველყოფის ხელშეწყობა;“.

„9. მოსახლეობის ჯანმრთელობის მდგომარეობის, ავადობის სტრუქტურის დადგენა, ავადობის ანალიზი და პროგნოზირება ქალაქის ტერიტორიაზე მოქმედი სამედიცინო დაწესებულებებიდან მიღებული ინფორმაციების შესაბამისად ავადობის სტატისტიკის წარმოება;“

„15. პროფილაქტიკური აცრების ეროვნული კალენდრით განსაზღვრული იმუნო­პროფილ­­აქტიკისათვის სამინისტროს მიერ მოწოდებული მასალების მიღების, შენახვისა და განაწილების უზრუნველყოფა სამედიცინო მომსახურების მომწოდებლებისათვის;“.

„17. ქალაქის ტერიტორიაზე პირველადი ეპიდკვლევისათვის ხელშეწყობა;

ა) ქალაქის ტერიტორიაზე ანტირაბიული მომსახურების უზრუნველყოფის ზედამხედველობა;

ბ) ქალაქის ტერიტორიაზე მალარიაზე ზედამხედველობა;

გ) ქალაქის ტერიტორიაზე სეზონურ დაავადებებზე ზედამხედველობა;

დ) ქალაქის ტერიტორიაზე მოქმედ სამედიცინო დაწესებულებებში შიდა ჰოსპიტალურ ინფექციებზე ზედამხედველობა, კომპეტენციის ფარგლებში;

ე) არაგადამდებ დაავადებებზე ზედამხედველობა“.

3. დებულების მე-3 მუხლიდან ამოღებულ იქნეს მე-5, მე-6, მე-7, მე-10, მე-19 და მე-20 პუნქტები.

4. დებულების მე-4 მუხლის პირველი პუნქტის „ა“ და „ბ“ ქვეპუნქტები შეიცვალოს და ჩამოყალიბდეს შემდეგი რედაქციით:

„ა) რეალური მოთხოვნების გათვალისწინებით, მოამზადოს წინადადებები ქალაქში საზოგადოებრივი ჯანმრთელობის დაცვის სფეროს რეორგანიზაციისა და საქმიანობის ახალი ფორმების დანერგვის თაობაზე, კომპეტენციის ფარგლებში;

ბ) ითანამშრომლოს სამთავრობო, არასამთავრობო და საერთაშორისო ორგანიზაციებთან და დაწესებულებებთან საზოგადოებრივი ჯანმრთელობის დაცვის საკითხებთან დაკავშირებით“.

5. დებულების მე-4 მუხლის მე-2 პუნქტის „გ“ ქვეპუნქტი შეიცვალოს და ჩამოყალიბდეს შემდეგი რედაქციით:

„გ) ყოველთვიურად წარუდგინოს ანგარიში ქალაქ ქუთაისის მერს თავისი საქმიანობის შესახებ, ხოლო ყოველკვარტალურად წარმოადგინოს სრული ანალიზი საზოგადოებრივი ჯანმრთელობის დაცვის მიმართულებებით“.

6. დებულების მე-5 მუხლის მე-2 პუნქტის „ა“ ქვეპუნქტი შეიცვალოს და ჩამოყალიბდეს შემდეგი რედაქციით:

„ა) წარმართავს სამსახურის საქმიანობას და პასუხისმგებელია სამსახურის მიერ სამსახურისათვის დაკისრებული ფუნქციებისა და ამოცანების შესრულებაზე, ხელმძღვანელობს საქართველოს შრომის, ჯანმრთელობისა და სოციალური დაცვის სამინისტროს მითითებებითა და რეკომენდაციებით“.

7. დებულების მე-7 მუხლი შეიცვალოს და ჩამოყალიბდეს შემდეგი რედაქციით:

„მუხლი 7. სამსახურის ქონება

1. სამსახურის სარგებლობაში არსებული ქონება წარმოადგენს თვითმმართველი ქალაქის – ქუთაისის საკუთრებას.

2. სამსახურს დროებით სარგებლობაში შეიძლება გადაეცეს მატერიალური ქონება საქართველოს შრომის, ჯანმრთელობისა და სოციალური დაცვის სამინისტროდან ფედერალური პროგრამების ფარგლებში“.