ჩოხატაურის მუნიციპალიტეტის გამგეობის სახანძრო-სამაშველო სამსახურში პირადი შემადგენლობის სამსახურის გავლის წესის დამტკიცების შესახებ

ჩოხატაურის მუნიციპალიტეტის გამგეობის სახანძრო-სამაშველო სამსახურში პირადი შემადგენლობის სამსახურის გავლის წესის დამტკიცების შესახებ ჩოხატაურის მუნიციპალიტეტის საკრებულოს დადგენილება №28 2013 წლის 16 აგვისტო დ. ჩოხატაური ჩოხატაურის მუნიციპალიტეტის გამგეობის სახანძრო-სამაშველო სამსახურში პირადი შემადგენლობის სამსახურის გავლის წესის დამტკიცების შესახებ ადგილობრივი თვითმმართველობის შესახებ“ საქართველოს ორგანული კანონის 43-ე მუხლის მე-2 პუნქტისა და „სახანძრო უსაფრთხოების შესახებ“ - საქართველოს კანონის მე-12 მუხლის მე-2 პუნქტის შესაბამისად ჩოხატაურის მუნიციპალიტეტის საკრებულო ადგენს: მუხლი 1🔗 დამტკიცდეს ჩოხატაურის მუნიციპალიტეტის გამგეობის სახანძრო-სამაშველო სამსახურში პირადი შემადგენლობის სამსახურის გავლის წესი (დანართი თან ერთვის). მუხლი 2🔗 დადგენილება ამოქმედდეს 2013 წლის 01 იანვრიდან.მუნიციპალიტეტის საკრებულოს თავმჯდომარეანტონ ხუნდაძე დანართი ჩოხატაურის მუნიციპალიტეტის  გამგეობის სახანძრო-სამაშველო სამსახურში პირადი შემადგენლობის  სამსახურის გავლის წესი   აღნიშნული დოკუმენტი განსაზღვრავს და აწესრიგებს ჩოხატაურის მუნიციპალი­­ტეტის გამგეობის სახანძრო-სამაშველო სამსახურში მოსამსახურეების მიერ სამსახურის გავლის წესს, მათ უფლებებს და მოვალეობებს. თავი I საერთო მოთხოვნები მუხლი 1🔗. სახანძრო-სამაშველო სამსახურში  პირადი შემადგენლო­ბის სამსახურის გავლის სამართლებრივი საფუძვლები სახანძრო-სამაშველო სამსახურში პირადი შემადგენლობის სამსა­ხურის გავლის სამართლებრივი საფუძვლებია: საქართველოს კონსტი­ტუცია, საქართველოს ორგანუ­ლი კანონი „ადგილობრივი   თვითმმარ­თველობის შესახებ“, საქართველოს კანონები „სახანძრო უსაფრთხო­ე­ბის შესახებ“ და „საჯარო სამსახურის შესახებ“,  საქართველოს მთავრო­ბის  2010  წლის 4 ივნისის №153 დადგენილება „საგანგებო სიტუ­ა­ციების რეაგირების ძალების წესდების დამტკიცების შესახებ“ და სხვა საკანო­ნმდებლო და კანონქვემდებარე ნორმატიული აქტები. მუხლი 2🔗. სახანძრო-სამაშველო სამსახური სახანძრო-სამაშველო სამსახური (შემდგომში-სამსახური) წარ­მო­­ა­­დ­გენს მუნიციპალიტეტის გამგეობის სტრუქტურულ ერთეულს, რომელიც უზრუნველყოფს მუნიციპალიტეტის ტერიტორიის საზღვ­რებ­ში სახანძრო უსაფრთხოების, ხანძრების, ავარი­ების, სტიქიური უბედურების და სხვა საგანგებო სიტუაციების ლიკვი­დაციას, ხანძარსა­წინააღმდეგო ზედამხედველობის განხორციელებას, ასევე მონაწილეობს საქართველოს ტერიტორიაზე ხანძრების, ავარიების, კატასტროფების, სტიქიური უბედურებებისა და სხვა საგანგებო სიტუაციების სალიკვიდაციო სამუშაოებში და დაგეგმილ სახანძრო-ტაქტიკურ სწავლებებში. მუხლი 3🔗. მოსამსახურეების უფლებები და მოვალეობები . 1. სამსახურში  მოსამსახურეები სარგებლობენ საქართველოს კანო­ნ­მდე­ბ­ლობით, შრომითი ხელშეკრულებით, ამ წესით განსაზღვრული  უფლებებით და მოვალეობებით; 2. სამსახურში მოსამსახურეებს სამსახურეობრივი მოვალეობის შესრუ­ლე­ბი­სას იცავს კანონი. მოსამსახურე ემორჩილება თავის  უშუალო და ზემდგომ უფროსს; 3. უკანონო  ბრძანების  ან  მითითების  შესრულება  მოსამსახურეს  არ ათავისუფლებს  პასუხისმგებლობისაგან,   აკრძალულია  სამსახურის კანონიერ  საქმიანობაში  ჩარევა,  გარდა  კანონით  გათვალისწინებული შემთხვევებისა; 4. სამსახურეობრივი მოვალეობის განხორციელებისას  მოსამ­სახურე სარგებლობს დადგენილი ფორმის ტანსაცმლით, რომელიც ეძლევა უფასოდ მოქმედი კანონმდებლობის შესაბამისად, ნორმის ფარგლებში; 5. მოსამსახურე სამსახურეობრივი მოვალეობის შესრულების დროს მართლსაწინააღმდეგო ქმედების ან სამსახურეობრივი მოვა­ლეობის არაჯეროვნად შესრულებისათვის პასუხს აგებს კანონის შესაბამისად; 6. სახანძრო-სამაშველო სამსახურის მოსამსახურეების სიცოცხლე და ჯანმრთელობა ექვემდებარება სავალდებულო დაზღვევას ადგი­ლობრი­ვი თვითმმართველობის ორგანოს საფინანსო  სახსრებიდან; 7. სამსახურის საქმიანობის ორგანიზებას, დაგეგმვას, მუშაობის  წესს, ფორმებს და მეთოდებს, მოსამსახურეთა ფუნქციონალურ მოვალეობებს განსაზღვრავს სამსახურის უფროსი, კანონმდებლობის შესაბამისად. მუხლი 4🔗. სამსახურის სტრუქტურა და მართვა . 1. დებულების შესაბამისად დგინდება შემდეგი თანამდებობები: ა) დებულების შესაბამისად დგინდება შემდეგი თანამდებობები: ბ) სამსახურის უფროსის მოადგილე - უმცროსი საჯარო თანამდებობა; გ) მთავარი სპეციალისტი - სახანძრო ზედამხედველობის ინსპექტორი - უმცროსი საჯარო თანამდებობა; დ) მთავარი სპეციალისტი - მორიგე ცვლის უფროსი - უმცროსი საჯარო თანამდებობა; ე) წამყვანი სპეციალისტი - ათეულის მეთაური - უმცროსი საჯარო თანამდებობა; ვ) სპეციალისტი - მეხანძრე - მაშველი - უმცროსი საჯარო თანამდებობა; ზ) სპეციალისტი - მძღოლი - უმცროსი საჯარო თანამდებობა; თ) სპეციალისტი - დისპეჩერი - უმცროსი საჯარო თანამდებობა. 2. სახანძრო - სამაშველო სამსახურს ხელმძღვანელობს სამსახურის უფროსი, რომელსაც თანამდებობაძე ნიშნავს და ათავისუფლებს მუნიციპალიტეტის გამგებელი. 3. სამსახურის უფროსი ვალდებულია: ა) გააკონტროლოს სამსახურის დანაყოფებში სამსახურის ორგანიზების შესრულება; ბ) დადგენილი წესის შესაბამისად, უხელმძღვანელოს სამსახურის დანაყოფებში ხანძრის ჩაქრობისა და საავარიო - სამაშველო სამუშაოების ჩატარების მართვასა და მორიგე ცვლის საქმიანობას; გ) განსაზღვროს ხანძრის ჩაქრობისა და საავარიო - სამაშველო სამუშაოების ჩატარების ორგანიზების წესი. მუხლი 5🔗. მოსამსახურეთა პროფესიული მომზადება . 1. სახანძრო-სამაშველო სამსახურის მაღალკვალიფიციური სპეცია­ლი­ს­ტე­ბით დაკომპლექტების მიზნით ხორციელდება მოსამსახურეთა მომზადება რომელშიც  შედის: ა) უმცროს მეთაურთა და რიგით შემადგენლობის მომზადება (მათ შორის ახლად მიღებული მეხანძრე-მაშველების და მძღოლების სპეცი­ალური დაწყებითი მომზადება); ბ) უფროს და საშუალო მეთაურთა სამსახურეობრივი მომზადება. 2. საქართველოს შინაგან საქმეთა სამინისტრო თავის კომპეტენ­ციის ფარგლებში ახორციელებს სახანძრო-სამაშველო ძალების სწავ­ლებას, მომზადებას და გადამზადებას. თავი II სამსახურში მოსამსახურეთა მიღება და მათი გადაადგილება მუხლი 6🔗. სახანძრო-სამაშველო სამსახურში მოსამსახურეთა მიღების წესი . 1. სახანძრო-სამაშველო სამსახურში სამუშაოდ მიიღებიან 18-დან  35-წლამდე ასაკის საქართველოს მოქალაქეები, რომლებმაც იციან სახე­ლ­მწიფო ენა, აქვთ ზოგადი განათლება, ფიზიკური მომზადება და ჯანმრთელობა აძლევთ საშუალებას შეასრულონ მათზე დაკისრებული მოვალეობანი. განსაკუთრებულ შემთხვევაში, შრომითი ხელ­შეკ­რულების საფუძველზე, მეხანძრე-მაშველის თანამდებობაზე შეიძლება მიღებული იქნას მოქალაქე, რომლის ასაკი აღემატება 35 წელს. 2. საქართველოს კანონმდებლობით, სავალდებულო სამხედრო სამსახურში გაწვევის  გადავადების მქონე პირთა სახანძრო-სამაშველო სამსახურში მიღების  საკითხი განიხილება მათ მიერ სამხედრო ძალე­ბში გასაწვევი ვადის ამოწურვის შემდეგ. 3. სამსახურში უფროსის და საშუალო მეთაურთა თანამდებობაზე მიიღებიან უმაღლესი და არანაკლებ საშუალო ტექნიკური განათლების მქონე მოქალაქეები, რომელთაც სახანძრო-სამაშველო დანაყოფში საერთო მუშაობის სტაჟი შეადგენს არანაკლებ სამ წელს. მძღოლთა თანამდებობაზე  მიიღებიან   მოქალაქეები  არანაკლები ზოგადი განა­თლე­ბისა  და  “B”; “C”; “D” კატეგორიის   მართვის მოწმობით. 4. სახანძრო-სამაშველო სამსახურის უფროსი თანამდებობაზე ინი­შნება დადგენილი წესით, მუნიციპალიტეტის გამგებლის ბრძანებით. სამსახურის პირადი შემადგენლობით დაკომპლექტება ხორცი­­ელდება მუნიციპალიტეტის გამგებლის ბრძანების საფუძველზე. მუხლი 7🔗. სამსახურში მიღების და გავლის წესი სახანძრო-სამაშვე­ლო სამსახურში არ მიიღება პირი თუ იგი: . 1. ნასამართლევია განზრახ ჩადენილი დანაშაულისათვის და მოხ­სნი­­ლი არა აქვს  ნასამართლობა; 2. იმყოფება წინასწარ გამოძიების ქვეშ ან პატიმრობაში; 3. სასამართლოს გადაწყვეტილებით ცნობილია ქმედუუნაროდ ან შეზღუდული ქმედითუნარიანობის მქონედ; 4. სასამართლოს მიერ ჩამორთმეული აქვს შესაბამისი თანამ­დე­ბო­ბის დაკავების უფლება; 5. სამედიცინო დასკვნის თანახმად მისი ჯანმრთელობა არ აკმა­ყო­ფილებს მოცემული თანამდებობის დასაკავებლად აუცილებელ მოთხოვნებს; 6. თუ დაკავებული თანამდებობა უშუალო სამსახურეობრივი ზე­დამხედველობით უკავშირდება მშობელს, მეუღლეს, დას, ძმას, შვილს ან მეუღლის დას, ძმას, მშობელს; 7. ალკოჰოლიზმით, ნარკომანიით, ტოქსიკომანიით და სხვა ქრო­ნიკული სნეულებით დაავადებული. მუხლი 8🔗. მოსამსახურეთა თანამდებობრივი გადაადგილება . 1. მოსამსახურეთა თანამდებობრივი გადაადგილება ხდება: ა) ზემდგომ თანამდებობაზე, სამსახურეობრივი დაწინაურებით და დასაწინაურებელ მოსამსახურესთან შეთანხმების საფუძველზე; ბ) თანაბარ თანამდებობაზე, მოსამსახურის თანხმობით სხვა ვაკან­ტურ თანამდებობათა აუცილებელი დაკომპლექტების ან მეთაურთა შემა­დ­გენლობის პირადი  თვისებების ცოდნის, მომზადების და გამოც­დი­ლების მიზანმიმართული გამოყენებისათვის; გ) დაბალ თანამდებობაზე, შტატების შემცირებისას, ჯანმრთე­ლო­ბის მდგომარეობის გაუარესების გამო, სამედიცინო კომისიის დასკვნის შესაბამისად, პირადი თხოვნით, დადებული სასჯელის საფუძველზე; დ) სასწავლებელში ჩარიცხვის ან სასწავლებლის დამთავრების შემდეგ თანამდებობაზე დანიშვნის დროს. 2. თანამდებობრივი გადაადგილება უნდა მოხდეს მოსამსახურის ძირითადი ან მონათესავე სპეციალობის გამოცდილების გათვა­ლისწი­ნებით, პირის სხვა სპეციალობით დანიშვნას როგორც წესი უნდა უძღ­ვოდეს მისი შესაბამისი გადამზადება. თავი III სამსახურეობრივი  დისციპლინა მუხლი 9🔗. სამსახურეობრივი დისციპლინა სამსახურეობრივი დისციპლინა ნიშნავს მოსამსახურის მიერ საქართველოს კანონმდებლობის, სამსახურის პირობების, აგრეთვე უფ­ლე­ბამოსილი თანამდებობის პირების ბრძანებების, უშუალო და ზემდ­გომი უფროსის მითითებების, მასზედ დაკისრებული მოვალეობებისა და უფლებამოსილების შესრულებას. მუხლი 10🔗. სამსახურის უფროსის მოვალეობა სამსახურეობრივი დისციპლინის განმტკიცების საქმეში 1. სამსახურის უფროსი პასუხისმგებელია მის ხელქვეითი მოსამ­სახურეების სამსახურეობრივი დისციპლინის მდგომარეობაზე, იგი ვალდებულია: . ა) შექმნას შრომის, დასვენების, სამსახურის ტარების, კვალი­ფი­კაციის ამაღლებისათვის საჭირო პირობები; ბ) ჩაუნერგოს მოსამსახურეებს სამსახურეობრივი მოვალეობის შესრულების პასუხისმგებლობის გრძნობა; გ) უზრუნველყოს საჯაროობა და ობიექტურობა სამსახურეობრივი საქმიანობის შეფასებაში; დ) პატივი სცეს სამსახურს და მოსამსახურის პირად ღირსებას. მუხლი 11🔗. წახალისება . 1. სამსახურეობრივი მოვალეობის სანიმუშოდ შესრულებისა და მიღწეული წარმატებისათვის სამსახურის მოხელეებისათვის გათვა­ლისწინებულია შემდეგი სახის წახალისება: ა) მადლობის გამოცხადება; ბ) ერთდროული ფულადი ჯილდო; გ) ფასიანი საჩუქარი; დ) თანამდებობრივი სარგოს თანრიგის ამაღლება. 2. დასაშვებია ერთდროულად გამოყენებული იქნას წახალისების რამდენიმე ფორმა. 3. სამსახურებრივი მოვალეობის შესრულების დროს გამოჩენილი ვაჟკაცობისა და გამბედაობისათვის მოსამსახურე შეიძლება წარდგე­ნილი იქნას სახელმწიფო ჯილდოზე. მუხლი 12🔗. დისციპლინარული სასჯელი . 1. თანამდებობის პირს, რომელსაც აქვს მოსამსახურის თანამ­დებობაზე დანიშვნის უფლება, უფლებამოსილია დისციპლინარული გადაცდომისათვის მოსამსახურის მიმართ გამოიყენოს დისციპ­ლი­ნარული სასჯელის შემდეგი ფორმები: ა) შენიშვნა; ბ) გაფრთხილება; გ) უფრო დაბალი  თანრიგის თანამდებობრივი სარგოზე გადაყვანა, არაუმეტეს ერთი წლის ვადით; დ) სამსახურიდან  გათავისუფლება. 2. ერთი დისციპლინარული გადაცდომისათვის შეიძლება გამოყე­ნებული იქნას  დისციპლინარული სასჯელის მხოლოდ ერთი ზომა. მუხლი 13🔗. წახალისების და დისციპლინარული სასჯელის გამოყე­ნების წესი . 1. სამსახურის მოსამსახურეები რომლებიც სამსახურეობრივად არ არიან ერთმანეთთან დაქვემდებარებულნი, შეიძლება იყვნენ უფროსები ან უმცროსები. უფროსობა განისაზღვრება თანამდებობების მიხედვით. 2. უფროსი, რომელიც სათანადო განკარგულებით დროებით ასრულებს მოვალეობას, სარგებლობს დროებით დაკავებული თანამდებობის პირის უფლებამოსილებით. 3. წახალისების და დისციპლინარული სასჯელის გამოყენების თაობა­­ზე უშუალო უფროსი აღძრავს შუამდგომლობას მუნიცი­პა­ლიტეტის გამგებლის წინაშე. 4. წახალისება და სასჯელი როგორც წესი ცხადდება შესაბამისი ბრძანებით. მადლობა, შენიშვნა, საყვედური შეიძლება  გამოცხადდეს ზეპირადაც. წერილობით გამოცხადებული სასჯელი არ შეიძლება მოეხსნას ზეპირად. 5. დასჯა და წახალისება მოსამსახურეებს ეცნობა პირადად, მწყო­ბრის წინ ან თათბირზე. სასჯელის დადებამდე მოსამსახურეებს უნდა ჩამოერთვას წერილობითი ახსნა-განმარტება. 6. დასჯის და წახალისების ფორმის გამოყენება აღინიშნება პირად საქმეში შეტანით. 7. დისციპლინარული სასჯელი ითვლება მოხსნილად თუ სასჯელის დადებიდან ერთი წლის განმავლობაში მას არ დაედო ახალი სასჯელი. სიტყვიერი სასჯელი მოხსნილად ითვლება ერთი თვის ვადის გავლის შემდეგ. ვადაზე ადრე სასჯელის მოხსნა ხდება პირის წახა­ლი­სე­ბის სახით, მისი უშუალო ან ზემდგომი უფროსის მიერ. მუხლი 14🔗. სამსახურის უფროსის უფლება და მოვალეობა სასჯელის დადებისას . 1. თუ მოხელე უფროსის აზრით იმსახურებს წახალისებას ან დასჯას და ეს არ შედის მის კომპეტენციაში, მაშინ იგი ზემდგომი ხელმძღვანელის წინაშე წარადგენს შესაბამის შუამდგომლობას. 2. უფროსი რომელიც გადაამეტებს თავის უფლებას სასჯელის დადებისას, პასუხს აგებს დისციპლინარული წესით. თავი IV სამსახურის გავლის პირობები მუხლი 15🔗. სამუშაო დროის ხანგრძლივობა . 1. სახანძრო-სამაშველო სამსახურის მოსამსახურეებისათვის დად­გე­ნილია 40 საათიანი სამუშაო კვირა და ზოგიერთი კატეგორიის მოხე­ლისათვის არანორმირებული სამუშაო დრო. 2. ცვლებში მომუშავე მოხელეებისათვის დგინდება ერთიანი ხან­გრძლივობის სამუშაო დრო (მუშაობის დაწყებისა და დამთავრების დრო) ცვლების განრიგის მიხედვით. მუხლი 16🔗. მოსამსახურეთა შვებულება მოსამსახურეთა შვებულებასთან დაკავშირებული ყველა საკითხი რეგულირდება საქართველოს კანონის „საჯარო სამსახურის შესახებ“ მოთხოვნათა შესაბამისად. თავი V სამსახურიდან გათავისუფლება და საპენსიო უზრუველყოფა მუხლი 17🔗. სამსახურიდან გათავისუფლების საფუძვლები მოსამსახურის სამსახურიდან დათხოვნა ხორციელდება საქართვე­ლოს კანონის „საჯარო სამსახურის შესახებ“ მოთხოვნათა შესაბამისად. მუხლი 18🔗. სამსახურში ყოფნის ზღვრული ასაკი სახანძრო-სამაშველო სამსახურის მოსამსახურეთა ზღვრული ასაკი განისაზღვრება საქართველოში მოქმედი კანონმდებლობის შესაბამისად. თავი VI მოსამსახურეთა  ფულადი ანაზღაურება, შეღავათები და გარანტიები მუხლი 19🔗. მოსამსახურეთა ფულადი ანაზღაურება . 1. სამსახურში მოსამსახურეები იღებენ ხელფასს, რომელიც შეიცავს თანამდებობრივ დადგენილ განაკვეთს, დანამატს სამსახურის რთული, დაძაბული და სპეციალური რეჟიმის პირობებისათვის, ანაზ­ღა­ურებას ზეგანაკვეთური მუშაობისათვის, ასევე კანონმდებ­ლობით გათვალისწინებულ სხვა კომპენსაციებს. 2. სამსახურეობრივი მოვალეობის შესრულების დროს მოსამ­სახუ­რეთათვის მიყენებული ზარალი ანაზღაურდება სრული მოცულობით, ადგილობრივი ბიუჯეტიდან. 3. ნებისმიერი ფულადი ანაზღაურება მოსამსახურეთათვის ხორც­იე­ლდება კანონმდებლობის შესაბამისად. მუხლი 20🔗. შეღავათები და გარანტიები 1. მოსამსახურის სიკვდილის ან დასახიჩრების შემთხვევაში საკო­მპენსაციო თანხით ანაზღაურება  ხორციელდება საქართველოში მოქმე­დი კანონმდებლობის შესაბამისად. 2. მოსამსახურე რომელიც სამსახურეობრივ საქმიანობაში იყენებს პირად სატრანსპორტო საშუალებას, მისი შენახვის და  საწვავი-საპოხი მასალების ხარჯების დადგენა და ანაზღაურება წარმოებს არსებული კანონმდებლობის შესაბამისად. თავი VII . მუხლი 21🔗. ცვლილებები და დამატებები წინამდებარე წესდებაში ცვლილებებისა და დამატებების შეტანა ხდება საკრებულოს დადგენილებით, მოქმედი კანონმდებ­ლობის შესაბამისად.