„წალენჯიხის მუნიციპალიტეტის გამგეობის ადმინისტრაციული სამსახურის დებულების დამტკიცების შესახებ” წალენჯიხის მუნიციპალიტეტის საკრებულოს 2010 წლის 29 ოქტომბრის N32 დადგენილებაში ცვლილების შეტანის თაობაზე

„მუხლი 5. საორგანიზაციო, საქმისწარმოებისა და კადრების განყოფილების ფუნქციები

საორგანიზაციო, საქმისწარმოებისა და კადრების განყოფილება დადგენილი წესით უზრუნველყოფს:                                                                                                                                                             

ა) ერთიან საქმისწარმოებას, სამსახურებრივი დოკუმენტების წარმოებას, შემოსული და ადგილზე შექმნილი დოკუმენტების აღრიცხვას;                                                                                              

ბ) გამგეობის სამუშაო თათბირების ოქმების შედგენას და დავალებების სათანადოდ გაფორმებას;                                                                                                                                                                        

გ) დოკუმენტების შესრულების მიმდინარეობის შესახებ ინფორმაციის მომზადებას;                                  

დ) საქმეთა მომზადებას არქივისათვის ჩასაბარებლად;                                                                                                

 ე) ადმინისტრაციული წარმოების წესებისა და პროცედურების დაცვას;                                                         

ვ) გამგებლის დავალებით, სტრუქტურული დანაყოფის მიერ მომზადებული და ვიზირებული პროექტების (დოკუმენტების) ხელმოსაწერად გადაცემას ხელმოწერის უფლებამოსილი პირისათვის და დოკუმენტების სწორად გაფორმებას;                                                                                           

 ზ) საკადრო პოლიტიკის ძირითად მიმართულებათა შემუშავებასა და განხორციელების კოორდინაციას;                                                                                                                                                       

თ) გამგეობის სტრუქტურულ ერთეულთა და ტერიტორიულ ორგანოთა ფუნქციურ და მართვის პროცედურების ანალიზს, შესაბამისი   რეკომენდაციების შემუშავებას;                                                      

 ი) გამგეობის სტრუქტურული ერთეულებისა და ტერიტორიული ორგანოების ხელშეწყობას საკადრო პოლიტიკის განხორციელებისა და ადამიანური რესურსების მართვის სფეროში;                   

 კ) ადგილობრივი თვითმმართველობის საჯარო მოსამსახურეთა სტაბილურობის, სამსახურებრივი გადაადგილების და დენადობის თაობაზე სტატისტიკური მონაცემების შედგენას, პერიოდულ ანალიზს და შეფასებას; მუნიციპალურ მოსამსახურეთა პროფესიული დონის ანალიზს;                                                                                                                                                  

 ლ) წალენჯიხის მუნიციპალიტეტის გამგეობის  მოსამსახურეთა პირადი საქმეების წარმოებას;                                            

მ) მოსამსახურეთა სამუშაოზე მიღების, სამსახურებრივი გადაადგილების, გადაყვანის, გათავისუფლების, უფლებამოსილებათა შეჩერების, შვებულებაში გასვლის და მივლინების დოკუმენტურ გაფორმებას;                                                                                                                            

ნ) შტატგარეშე და დამხმარე მოსამსახურეებთან შრომითი ხელშეკრულებების გაფორმებას; აღრიცხვასა და კონტროლს ხელშეკრულებით გათვალისწინებული პირობების დაცვაზე;                     

ო) მოსამსახურეთა შვებულებაში გასვლის გრაფიკის შედგენას;                                                                    

პ) მოსამსახურეთა დისციპლინური გადაცდომის შესახებ საკითხების განხილვას და დისციპლინური ზომის გამოყენების თაობაზე შესაბამისი წინადადებების მომზადებას;                                       

ჟ) კონტროლს მუნიციპალიტეტის მოსამსახურეთა მიერ კანონით დადგენილი დეკლარაციების წარდგენაზე;                                                                                                                                                                

რ) მუნიციპალიტეტის მოსამსახურეთა სამსახურებრივი მოწმობების გაფორმებას და აღრიცხვას;           

ს) გამგეობის სტრუქტურული ერთეულებისა და ტერიტორიული ორგანოების რეორგანიზაციის შესახებ შესაბამისი სამართლებრივი აქტის პროექტების მომზადებას, რეორგანიზების ჩატარების ორგანიზებას;                                                                                                                                                            

ტ) მუნიციპალიტეტში დაწესებული საპატიო წოდებების და ჯილდოების მინიჭებაზე საკითხების მომზადებას; მოსამსახურეთა წახალისების შესახებ წინადადებების მომზადებას;               

უ) საკონკურსო-საატესტაციო კომისიისთვის კონკურსისა და ატესტაციის ჩატარებისათვის საჭირო დოკუმენტაციის მომზადებას, საკონკურსო-საატესტაციო კომისიის სხდომის ოქმების წარმოებას და მიღებულ გადაწყვეტილებათა გაფორმებას;                                                                             

ფ) კვალიფიკაციის ასამაღლებელ მოსამსახურეთა სიის შედგენას; კონტროლს მოსამსახურეთა მიერ სწავლების (კვალიფიკაციის) ამაღლების კურსების გავლაზე;                                                           

 ქ) წინადადების შემუშავებას ადგილობრივი ბიუჯეტის პროექტში მოსამსახურეთა სწავლების და კვალიფიკაციის ამაღლების ხარჯებთან დაკავშირებით;                                                                                    

ღ) საინფორმაციო, პროტოკოლისა და საგარეო ურთიერთობის კოორდინაციას, მუნიციპალიტეტის ვებგვერდის ადმინისტრირებას. მუნიციპალიტეტის ოფიციალური ღონისძიებების დაგეგმვასა და ორგანიზებას;                                                                                                    

ყ) ახორციელებს თვითმმართველობის ორგანოების საქმიანობის მატერიალურ-ტექნიკურ უზრუნველყოფას;                                                                                                                                                     

შ)  მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“.