„ზოგადსაგანმანათლებლო დაწესებულებებში ვაუჩერის გაცემისა და გადატანის წესის დამტკიცების შესახებ“ საქართველოს განათლებისა და მეცნიერების მინისტრისა და საქართველოს ფინანსთა მინისტრის 2012 წლის 30-31 აგვისტოს №168/ნ-№373 ერთობლივ ბრძანებაში ცვლილების შეტანის თაობაზე

საქართველოს განათლებისა და მეცნიერების მინისტრის და საქართველოს ფინანსთა მინისტრის ერთობლივი

2013 წლის 7 ოქტომბერი

ქ. თბილისი

1. მე-3 მუხლის:

ა) მე-2 პუნქტის ,,ა“ ქვეპუნქტი ჩამოყალიბდეს შემდეგი რედაქციით:

,,ა) ინფორმაციას მოსწავლეთა საინფორმაციო სისტემაში არსებულ მონაცემებზე დაყრდნობით ელექტრონული ფორმის შესაბამისად, რაც მოიცავს ზოგადსაგანმანათლებლო დაწესებულების:

ა.ა) სრულ დასახლებას;

ა.ბ) საიდენტიფიკაციო კოდს;

 ა.გ) საბანკო რეკვიზიტებს;

ა.დ) მაღალმთიან რეგიონში/სოფელში/დაბაში მდებარეობაზე მითითებას (ასეთის არსებობის შემთხვევაში);

ა.ე) მოსწავლეთა სრულ რაოდენობას;

ა.ვ) თითოეულ კლასში მოსწავლეთა რაოდენობას;

 ა.ზ) სექტორს (რომელზეც ირიცხება მოსწავლე).”;

ბ) მე-3 პუნქტი ჩამოყალიბდეს შემდეგი რედაქციით:

,,3. ამ მუხლის მე-2 პუნქტით გათვალისწინებულ ინფორმაციას საინფორმაციო სისტემა სამინისტროს წარუდგენს წლის განმავლობაში სამჯერ, შემდეგი ვადების დაცვით:

ა) ყოველი წლის 1 ოქტომბრამდე – 20 სექტემბრის მდგომარეობით;

ბ) ყოველი წლის 1 თებერვლამდე – 25 იანვრის მდგომარეობით;

გ) ყოველი წლის 1 ივნისამდე −  20 მაისის მდგომარეობით.“;

გ) მე-4 პუნქტი ამოღებულ იქნეს.

2. მე-6 მუხლის მე-3 პუნქტი ჩამოყალიბდეს შემდეგი რედაქციით:

,,3. საინფორმაციო სისტემა ვალდებულია რესურსცენტრიდან ინფორმაციის მიღებიდან 5 დღის ვადაში სამინისტროს წარუდგინოს ამ მუხლის პირველი პუნქტით გათვალისწინებული ინფორმაცია, ასევე ინფორმაცია ახალდაფუძნებული საჯარო სკოლის მაღალმთიან რეგიონში/სოფელში/დაბაში მდებარეობის შესახებ (ასეთის არსებობის შემთხვევაში).“.