„სარეგისტრაციო მოსაკრებლების შესახებ“ საქართველოს კანონში ცვლილების შეტანის თაობაზე

საქართველოს კანონი

„სარეგისტრაციო მოსაკრებლების შესახებ“ საქართველოს კანონში ცვლილების შეტანის თაობაზე

              მუხლი 1.„სარეგისტრაციო მოსაკრებლების შესახებ“ საქართველოს კანონის (საქართველოს საკანონმდებლო მაცნე, №9, 26.04.2002, მუხ.43) მე-7 მუხლის მე-5 პუნქტი ჩამოყალიბდეს შემდეგი რედაქციით:

„5. საქართველოს სოფლის მეურნეობის სამინისტროს შესაბამისი სამსახური ახორციელებს შემდეგი სახის რეგისტრაციას:

ა) პესტიციდების ახალი პრეპარატული სახის რეგისტრაცია – 600 ლარი;

ბ) პესტიციდების ახალი პრეპარატული სახის რეგისტრაცია ექსპერტიზის საფუძველზე – 350 ლარი;

გ) რეგისტრირებული პესტიციდების გამოყენების სფეროს გაფართოების მიზნით სასოფლო-სამეურნეო კულტურათა ჯგუფების რეგისტრაცია – 450 ლარი;

დ) პესტიციდების შემოკლებული ვადით (დროებითი) რეგისტრაცია – 500 ლარი;

ე) პესტიციდების ხელახალი რეგისტრაცია – 300 ლარი;

ვ) აგროქიმიკატების რეგისტრაცია, ხელახალი რეგისტრაცია – 150 ლარი.“.

    მუხლი 2. ეს კანონი ამოქმედდეს გამოქვეყნებიდან მე-15 დღეს.

 

საქართველოს პრეზიდენტი მ. სააკაშვილი

თბილისი,

2008 წლის 7 მარტი.

№5799–რს