„საჯარო სამართლის იურიდიული პირის - მასწავლებელთა პროფესიული განვითარების ეროვნული ცენტრის“ დებულების დამტკიცების შესახებ“ საქართველოს განათლებისა და მეცნიერების მინისტრის 2006 წლის 20 ივლისის №714 ბრძანებაში ცვლილებების შეტანის თაობაზე

საქართველოს განათლებისა და მეცნიერების მინისტრის

2013 წლის 8 ნოემბერი

ქ. თბილისი

1. პირველი მუხლის პირველი პუნქტი  ჩამოყალიბდეს შემდეგი რედაქციით:

„1. მასწავლებელთა პროფესიული განვითარების ეროვნული ცენტრი (შემდგომში – ცენტრი) არის საჯარო სამართლის იურიდიული პირი, რომელიც წარმოადგენს სახელმწიფო მმართველობის ორგანოებისაგან განცალკევებულ ორგანიზაციას, რომელიც სახელმწიფოს კონტროლით დამოუკიდებლად ახორციელებს ამ დებულებით გათვალისწინებულ საქმიანობას.“.

2. მე-2 მუხლის:

ა) პირველ პუნქტს დაემატოს შემდეგი შინაარსის „დ“ და „ე“  ქვეპუნქტები:

„დ) საქართველოს განათლებისა და მეცნიერების სამინისტროს სისტემაში (შემდგომში - სამინისტრო) დასაქმებულ პირთა პროფესიული განვითარება;

ე) იმ პირთა პროფესიულ განვითარებაზე ზრუნვა, რომლებიც დაინტერესებულნი არიან ცენტრის მიერ განხორციელებული პროგრამებით.“;

ბ) მე-2 პუნქტის:

ბ.ა) ,,თ“ ქვეპუნქტი ჩამოყალიბდეს შემდეგი რედაქციით:

,,თ) მასწავლებლის პროფესიულ საქმიანობასთან დაკავ­ში­რებით ჩატარებული კვლევების საფუძველზე სამინის­ტრო­სათვის რეკომენდა­ციების მომზადება;“;

ბ.ბ) ,,თ¹“ ქვეპუნქტის შემდეგ დაემატოს შემდეგი შინაარსის „თ²“ ქვეპუნქტი:

„თ²) სამინისტროს, სამინისტროს მმართველობის სფეროში შემავალი იურიდიული პირებისა და ტერიტორიული ორგანოების - საგანმანათლებლო რესურსცენტრების   მიმართვის საფუძველზე, სამიზნე ჯგუფების კვლევის განხორციელება და პროფესიული განვითარების გეგმის მომზადება;“;

გ) მე-3 პუნქტის:

გ.ა)  „ზ¹“ და „ზ²“ ქვეპუნქტები ჩამოყალიბდეს შემდეგი რედაქციით:

„ზ¹) უზრუნველყოფს სამინისტროს სისტემაში დასაქმებულ პირთა პროფესიული მომზადებისათვის/გადამზადებისათვის აუცილებელი ღონისძიებების განხორციელებას;

ზ²)  უზრუნველყოფს იმ პირთა პროფესიული მომზადებისათვის/გადამზადებისათვის აუცილებელი ღონისძიებების განხორციელებას, რომლებიც დაინტერესებულნი არიან ცენტრის მიერ განხორციელებული პროგრამებით;“;

გ.ბ) ,,ზ²“ ქვეპუნქტის შემდეგ დაემატოს შემდეგი შინაარსის ,,ზ³“ ქვეპუნქტი:

„ზ³) ახორციელებს საჯარო სკოლის სამეურვეო საბჭოს წევრების მომზადებას/გადამზადებას;“;

გ.გ) ,,პ“ ქვეპუნქტი ჩამოყალიბდეს შემდეგი რედაქციით:

,,პ) საჯარო სამართლის იურიდიული პირის – შეფასებისა და გამოცდების ეროვნული ცენტრის მონაწილეობით შეიმუშავებს მასწავლებელთა სერტიფიცირების დებულების პროექტს და დასამტკიცებლად წარუდგენს სამინისტროს;“.